Class 12 Political Science: Security in the Contemporary World|Bodo Medium|आथिखाल मुगायाव रैखाथि|आयदा 5– In this post, we are presenting the most important questions and answers for Class 12 आयदा 5| Bodo Medium|आथिखाल मुगायाव रैखाथि. This material is designed to help students prepare effectively for their exams.
Class 12 Political Science: Security in the Contemporary World|Bodo Medium|आथिखाल मुगायाव रैखाथि|आयदा 5
जोबोद गुसुं सोंथिनि फिननाय: गासै नम्बर-1
1)बबे इउनाइटेद नेशन्स एजेन्सिआ परमाणु बिरोंदामिननि रैखाथि गोनां आरो गोजोनै बाहायनायखौ नोजोर होयो?
फिननाय: International Atomic Fuel Agency जों ।
2) सुबुं रैखाथिनि थाखाय जायखिजाया मोनसे खैफोदनि मुंखौ लिर?
फिननाय: मुलुगनां गोरिब।
3) मुलुगनां खैफोदनि मोनसे बिदिन्थि हो।
फिननाय:उदखारि।
4) उदखारि आफादफोरा हादोरसानि रैखाथिनि थाखाय खैफोद लाबोयो नामा?
फिननाय: लाबोयो।
5)बबे बोसोराव जिब-हाथियारफोरनि जौगानाया जादोंमोन?
फिननाय:इं 1972 मायथाइयाव ।
6) जिबारि हाथियारफोरखौ सिनायथि होनायाव मोनबैसे हादोरफोरा बाहागो लादोंमोन ?
फिननाय:155 हादोरफोर।
7)1990 मायथाइनिफ्राय 1995 मायथाइसिम गं 70 हादोरफोरा मोनबैसे दावहायाव बाहागो लादोंमोन ?
फिननाय:गासै मोन 93 दावहायाव बाहागो लादोंमोन।
8) सा आरो खोलायारि हादोरफोरनि गेजेराव सोरनि आयआ बांसिन ?
फिननाय:साहा।
9) जोनोम होबथानायनि गेजेरजों साफ्रोमबो सुबुंनि आयखौ बांहोनो हागोन नामा ?
फिननाय: हायो।
10) आथिखालनि मुलुगनि जायखिजाया मोनसे जिउसानि मुंखौ लिर ?
फिननाय:एबा’ला भाइरास।
11)BWC नि आबुं महरा मा ?
फिननाय:BWC नि आबुं महरा जाबाय-Biological Weapons Convention ।
12) सुबुं रैखाथिनि ओंथिया मा?
फिननाय: सुबुं रैखाथिया सरासनस्रायै रायजो राजानो रैखाथि होनायखौ फोरमायो।
13) उदखारिया मा?
फिननाय:उदखारि हानजाया मोनसे थांखिखौ मोनफुंनो थाखाय नाजावजानाय मोनसे हिंसायारि आदब।
14) दोरोङारि रैखाथिनि मोनसे बाहागोखौ मुंख’।
फिननाय: गोहोनि समानथाय।
15)CWC नि आबुं महरा मा?
फिननाय: Chemical Weapons Conventions (रासायनिक हाथियार गोरोबथाफोर)।
16) IDPS नि आबुं महरा मा?
फिननाय: IDPS नि आबुं महरा जाबाय-
Internally Displaced Persons (सिङारि महरै जायगा सोलायनाय सुबुंफोर)।
17) बबे बोसोराव रासायनिक हाथियारफोरा जादोंमोन?
फिननाय: इं 1992 मायथाइयाव।
18)बेलिस्टिक एन्टि मिसाइल गोरोबथाया माब्ला सागान होजादोंमोन ?
फिननाय: इं 1972 मायथाइयाव।
19) रौनिया गोरोबथानि थांखिया मा ?
फिननाय:रौनिया गोरोबथानि थांखिया हादोरफोरनि गेजेराव रौनिया हेफाजाब आरो रौनिया गोहोखौ बांहोनाय, जायनि गेजेरजों रैखाथिनि बेलायाव थानाय खैफोदफोरखौ होबथानो हायो।
गुसुं सोंथिनि फिननाय : गासै नम्बर-2
1) हायुं बारलांग्रा आरो रिफिउजिफोरनि गेजेराव मोननै फारागथिखौ लिर।
फिननाय: हायुं बारलांग्रा आरो रिफिउजिफोरनि गेजेराव थानाय मोननै फारागथिया जाबाय-
- हायुं बारलांग्राफोरा मोनसे मोजां जिउ मोननायनि मिजिंजों गावसोरनि ओनसोलखौ नागारना गुबुन ओनसोलाव थाङो। गुबुन फारसेथिं, मिथिंगायारि खैफोद एबा अनागारिनि जाहोनाव रिफुजिफोरा गावसोरनि ओनसोलफोरखौ नागारना गुबुन ओनसोलाव थांनो गोनां जायो।
- हायुं बारलांग्राफोरा हादोर गेजेरारि आयेन बायदियै आस्रय होनो थाखाय सोमोन्दो गोनां हादोरजों बाध्य नङा। बेराफारसेथिं,रिफिउजिफोरखौ सरासनस्रायै गुबुन रायजोफोरा आस्रय होयो।
2) दोरोङारि आरो दोरोङारि नङि रैखाथिनि गेजेरनि फारागथिखौ लिर।
फिननाय:दोरोङारि आरो दोरोङारि नङि रैखाथिनि गेजेरनि फारागथिखौ गाहायाव होनाय जाबाय-
रोरोङारि रैखाथिनि सानदांथिया दावहा, रौनिया, गोहोनि समानथाय, गाग्लोबनायनि सिगिनाय बायदि बायदिजों सोमोन्दो गोनां। गुबुन फारसेथिं, दोरोङारि नङै रैखाथिनि सानदांथिया सुबुं माहारिनि थांना थानायजों सोमोन्दो गोनां।
दोरोङारि रैखाथिनि सानदांथिनि खाबुआ गुसेब। गुबुन फारसेथिं, दोरोङारि नङै रैखाथिनि सानदांथिनि खाबुआ गुवार।
3) सुबुं माहारिजों मोगा-मोगि जानांनाय मोननै खैफोदफोरनि मुं हो।
फिननाय: सुबुं माहारिजों मोगा-मोगि जानांनाय मोननै खैफोदफोरनि मुंआ जाबाय-
- उदखारि।
- महामारी एबा सिनायमोनै बेरामफोर।
4) सासे सिंनिफ्राय बोखारजानाय सुबुंनि ओंथिया मा?
फिननाय:जाय सुबुंफोरा मिथिंगायारि खैफोद, अनागारि खालामनाय, गिनाय एबा गुबुन जाहोनफोरनि थाखाय गावसोरनि हादोरनि सिङाव गुबुन हादोरफोराव खारलाङो, बिसोरखौ सिंनिफ्राय बोखारजानाय सबुंफोर बुंनाय जायो।
5) रिफिउजि बुंनायनि ओंथिया मा?
फिननाय: मिथिंगायारि खैफोदनि थाखाय, दावहा एबा राजखान्थियारि अनागारि खालामनायनि थाखाय जाय सुबुंफोरा गुबुन हादोरफोराव खारलाङो बिसोरखौ रिफुउजि बुंनाय जायो।
6) गुबुन हादोराव थांनाय मानसि (Migration) नि ओंथिया मा? माइग्रेसननि थाखाय थानाय आफादनि मुंखौ लिर?
फिननाय:जेब्ला मानसिफ्रा मोनसे जायगाखौ नागारना अरायनि थाखाय गुबुन जायगायाव थाङो, अब्ला बेखौ गुबुन हादोराव थांनाय मानसि होनना बुंनाय जायो।
माइग्रेसननि थाखाय आफादनि मुङा International Organisation for Migration एबा हायुं बारलांनायनि थाखाय हादोर गेजेरारि आफाद।
7)सिकिउरिटि बुंनायनि ओंथिया मा?
फिननाय:रैखाथिया सरासनस्रायै सिगिनाय एबा खैफोदफोरखौ होबथानो थाखाय लाजानाय रैखाथिफोरखौ फोरमायो। बिदिन्थि बायदियै, मोनसे हादोरनिफ्राय दावहानि सिगिनायफोरखौ हेंथा होनाय।
8) रैखाथिनि मोननै बाहागोआ मा मा?
फिननाय: रैखाथिनि मोननै बाहागोआ जादों-
- दोरोङारि रैखाथि ।
- दोरोङारि नङै रैखाथि।
9) दोरोङारि रैखाथिनि मोननै बिथिङा मा मा?
फिननाय:दोरोङारि रैखाथिनि मोननै बिथिङा जादों-
- बायजोआरि रैखाथि ।
- इसिङारि रैखाथि ।
10) मुलुगनां निखावरिनि ओंथिया मा?
फिननाय:मुलुगनां निखावरिआ सरासनस्रायै मोनजायै, आरजिनायनि राहानि आंखाल आरो गाहाय थाखोनि जिउ खुंनायनि थासारिखौनो फोरमायो।जेब्ला बुहुमनि सुबुंफोरनि गेजेराव साख्रि एबा आयनि आंखाल जायो, अब्ला निखावरिआ बिसोरनि जिउआव फैयो होनना सानना लानाय जायो।
11) मोननै सावस्रि महामारिनि मुं लिर?
फिननाय:मोननै सावस्रि महामारिनि मुंआ जाबाय:
- HIV-AIDS
- Bird Flu
12) सिगिनायनि मोननै गोदान फुंखाफोरनि बिदिन्थि हो।
फिननाय:सिगिनायनि मोननै गोदान फुंखाफोरनि बिदिन्थिआ जाबाय –
- ग्लबेल वार्मिं ।
- हादोर गेजेरारि उदखारि।
13) भारतनि रैखाथि मावखान्थिनि मोननै बिदिन्थि हो।
फिननाय:भारतनि रैखाथि मावखान्थिनि मोननै बिदिन्थिआ जाबाय-
- रौनिया हानजानि गोहोखौ बांहोनाय ।
- इसिङारि रैखाथि ।
गासै नम्बर-4
1) बायजोआरि गाग्लोबनायनि खैफोदखौ होबथानो थाखाय दोरोङारि रैखाथि सानथौनि गुदिमुवा मोन 4 आ मा मा?
फिननाय: बायजोआरि गाग्लोबनायनि खैफोदखौ होबथानो थाखाय दोरोङारि रैखाथि सानथौनि गुदिमुवा मोन 4 आ जाबाय-
- होबथानाय: बेनि गेजेरजों दावहानि सिगिनाय एबा दावहानि जाथावनाखौ होबथानाय जायो जाहाथे दावहाया जाया।
- रैखाथि: बायजोआरि गाग्लोबनायनि खैफोदखौ होबथानो थाखाय रैखाथि होनाय जायो।
- गोहोनि समानथाय: बबेबा मोनसे गोहोगोरा हादोरनिफ्राय फैनाय खैफोदखौ होबथानायनि थांखिजों गुबुन-गुबुन हादोरफोरनि गेजेराव गोहोनि समानथाय लाखिनो नाजानाय जायो।
- लोगोआरि हान्जाफोर दानाय:गावसोरनि हायुंआरि मुलामफाफोरखौ बायजोआरि खैफोदफोरनिफ्राय रैखाथि होनो थाखाय गुबुन गुबुन हादोरफोरा लोगोआरि हानजाफोर दायो।
