Class 12 Bodo Medium| Chapter 13|Bodo MIL| बेसे गोजोन, बेसे गोजों: Bodo Tutor is your trusted partner for AHSEC Class 12 Bodo MIL solutions in the Bodo medium. In this article, we provide comprehensive solutions for Class 12 Bodo Medium| Chapter 13|Bodo MIL| बेसे गोजोन, बेसे गोजों designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Bodo MIL Chapter 13 Solutions, HS Class 12 Bodo MIL Question-Answers, or resources for Bodo Medium studies, this guide caters to all your needs.
Explore top-quality solutions for Bodo MIL Chapter 13, expertly crafted to support your learning and preparation. Trust Bodo Tutor for the best Class 12 Bodo MIL resources and make your exam preparation more effective!
Class 12 Bodo Medium| Chapter 13|Bodo MIL| बेसे गोजोन, बेसे गोजों
खन्थाइ आयदा (Poem Section)
गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बर 1)
क) बेसे गोजोन बेसे गोजों खन्थाइनि खन्थाइगिरिया सोर?
फिन: नीलेश्वर ब्रह्म।
ख) खन्थाइगिरि नीलेश्वर ब्रह्मवा माला जोनोम मोनो?
फिन: नीलेश्वर ब्रह्मवा 1927 मायथाइयाव कक्राझार जिलानि गयबारि गामियाव जोनोम मोनो।
ग) नीलेश्वर ब्रह्मखौ बांसिनै मा मह’रै सिनायो?
फिन: सासे देंखोगिरि महरै।
घ) नीलेश्वर ब्रह्मवा बबेयाव मेथायनि सोलोंथाय लाहैदोंमोन?
फिन: भाटखाण्डे मिउजिक कलेजाव ।
ङ) बिथांनि मेथाइफोराव मानि गुण मोननो हायो?
फिनः खन्थाइनि गुण।
च) नीलेश्वर ब्रह्मनि मेथाइ आरो खन्थाइ मोननैनिबो गुण थानाय बिजाबनि मुङा मा?
फिन: बालाबगानै बर ‘नि खन्थाइ।
छ) खन्थाइयाव खन्थाइगिरिया नों होननानै सोरखौ बुदों?
फिन: जोनोमगिरि अनसुलि बिमाखौ।
ज) खन्धाइगिरिया सोरनि महरखौ बावनो हालिया होनना बुदों?
फिन: बिमानि हायना महरखौ।
झ) खन्थाइगिरिया खाराव माराव अख्रां सायाव मा नागिर बायो?
फिनः अनसुलि बिमाखौ।
ञ) सोरनि मावनायाव आख’-फाख’ खालामहैगोन होननानै खन्थाइयाव खन्थाइगिरिया बुंदों?
फिन: बिमानि हाबा मावनायाव।
ट) “दाउलजों” नि ओथिया मा?
फिन: लामाजों।
गाहायनि सोंलुफोरखौ सुंदवै फिन हो (मोनफ्रोमनिवो नम्बरा 2)
क) नीलेश्वर ब्रह्मवा माब्ला बबेयाव जोनोम जादोंमोन आरो माब्ला रुंसारि जायो?
फिन: नीलेश्वर ब्रह्मवा इं 1927 मायथायाव कक्राझार जिलानि गयबारि गामियाव जोनोम मोनो आरो 1986 मायथायाव रुंसारि जायो ।
ख) नीलेश्वर ब्रह्मनो मा बिमुं होनाय जादोंमोन?
फिन: नीलेश्वर ब्रह्मवा उन्दैनिफ्रायनो मेथाइ रोजाबनो मोजां मोनोमोन बिथाङानो बर ‘फोरनि गेजेराव गिबि गिबिये बर मेथाइखो रेडिअनि गेजेरजों फोसावदोंमोन। बेफोरबायदि माखासे खामानि मावनायनि थाखायनो बिधांनो ‘जोहोलाउ’ बिमुं होनाय जादोंमोन।
(ग) खन्थाइगिरिया सोरनि महरखौ बावनो हालिया आरो माखौ सोलिनो हालिया होननाने बुंदों?
फिनः खन्थाइगिरिया गावनि अनसुलि बिमाजों नायफैजानो एबा सायजानो लुबैदों।
(घ) खन्थाइगिरिया सोरनि महरखौ बावनो हालिया हालिया होननाने बुंदों?
फिन: अनसुलि बिमानि हायना महरखौ बावनो हालिया आरो बिनि रेसुमै गारांखौ खोनायाब्ला सोलिनो हालिया होननानै बुंदों।
(ङ) थाद’ थाद’ खोनासंनानै, बिजिर बायनानै खन्थाइगिरिया मा नायगिरो?
फिन:थाद’ थाद’ खोनासंनानै बिजिर बायनानै खन्थाइगिरिया अख्रां सायाव बिरबायना गाबनाय दावफोरनि गारांखौनो बिमानि राव होनना नागिरबायो।
(च) खन्थाइयाव खन्थाइगिरिया सोरखौ मा नायफैनो खावलायदों?
फिनः खन्थाइगिरिया गावनि अनसुलि बिमाखौ जेरावखि थायाथों मानो दावमा दावसा बार जानानै गावखो नायफैनो खावलायदों।
(छ) सम फैब्ला खन्थाइगिरिया बबाव थांनो होनना बुंदों?
फिनः सम फैब्ला खन्थाइगिरिया थैनायनि उनाव गावनि बिमाजों सोरगोफुरियाव थाहैफानो होनना बुंदों।
(ज) खन्थाइयाव बाहायनाय देरा सोदोबनि सोदोबथिया मा?
फिन: खन्थाइयाव बाहायनाय ‘देरा’ सोदोबनि सोदोबथिया ‘सोरगो ।’
(झ) “थांगोन आं नोंनि देरायाव” होननानै सोर सोरनि देरायाव थांनायनि खोथा बुंदों?
फिनः खन्थाइगिरिया गावनि थैनाय बिमाजों गंसे न’आवनो थाहैनायनि खोथाया बेयाव बेरखादों।
(ञ) खन्थाइयाव खन्थाइगिरिया सम जाब्ला बबेयाव लांनायनि बुंदों?
फिनः खन्थाइयाव खन्थाइगिरिया सम जाब्ला थैनाय बिमाजों लोगोसे सोरगोआव लांनायनि बाथ्रा बुंदों।
ट) निलेस्वर ब्रह्मनि बिमा बिफानि मुङा मा?
फिन: निलेस्वर ब्रह्मनि बिमा बिफानि मुङा फारियै गोनोस्रि ब्रह्म आरो दल राम ब्रह्म ।
गाहायनि सोलुफोरखौ फिन हो (मोनफ्रोमनिबो नम्बरा 3)
क) खन्थाइयाव खन्थाइगिरिया माखौ “बेसे गोजोन, बेसे गोजों” होननानै बुंदों?
फिनः खन्थाइयाव खन्थाइगिरिया अनसुलि बिमानि महरखौनो बेसेबा गोजोन आरो गोजों होनना बुंदों मानोना अनसुलि बिमानि हायना गोनां महर मुस्रिया रावजोंबो रुजुजाया जायनि जाउनाव गावनि बिमाया थैनानै थानायनि उनावबो खन्थाइगिरिनि गोसो मेगननि सिगाङाव बिमानि महरा साया माया नुहां- नुवाहां नुजाफैयो आरो सैनाय बिमानि फोरोंलांनाय बोसोनफोरा बेसेबा गोजोन आरो बेसेबा मिलौदो देंखो बादि रिखांफैबाय थायो।
खन्थाइगिरिया गावनि बिमानि रैसुमै बुंलांनाय राव-फावखौ अरायबो गोसोखांबाय थादों आरो खाराव माराव जानानै अख्रां साजों दावफोरनि गाबनायखौबो गावनि अनसुलि बिमानि गारां होननानै थाद’ थाद’ खोनासंदों।
(ख) खन्थाइयाव खन्थाइगिरिया मिथिंगानि बिखायाव बिमाखौ माबादि मोन्दांदों?
फिन: बे बहुम बिखाया मिथिंगानि बायदिमैया नुथायजों समायफ्लेथारनाय । बेसे गोजोन बेसे गोजों खन्थाइयाव खन्थाइगिरिया मिथिंगानि दावमा दावसानि गाबनाय गारांखौ खोनानानै थाद’ थाद’ खोनासंदों दुख-दाहा गोनां मोदै रथ रथ’ गाबनाय फिसानि महरखौ दावमा दावसा बार जानानै नायफैनो थाखाय खन्थाइगिरिया अनसुलि बिमाखौ खुथार खुथारै हांख्राइदों।
(ग) बिमानि महरखौ खन्थाइगिरिया मानो बावनो हायाखै?
फिनः खन्थाइगिरिया बिमानि हायनागोनां महर मुस्रिखौ नुवाबोला, रेसुमै गारांखौ खोनायाब्ला गोजोन थारलिया होनना फोरमायदों। मानोना समायना महर मुस्रिजों हायना सारफावनो हानाय बिमानि महरखौ साया माया नुहां-नुवाहां नुयो होनना बुंदों। बेबादिनो मिलौदो देंखो, दावनि गाबनायाव थाद’ थाद’ खोनासङो, अख्रां सायाव नायथिं बायो नाथाय नुनो मोना । खन्थाइगिरिया हांखुरै नुजाफैनो थाखाय खावलायो नाथाय नुजाया। बेफोर जाहोननि थाखायनो खन्थाइगिरिया बिमाखौ बावनो हायाखै आरो बावनो हानायबो नङा होननानै फोरमायदों।
(घ) खन्थाइयाव खन्थाइगिरिया बिमाखौ मा नायफैनो खावलायदों?
फिनः खन्थाइगिरिया गावनि अनसुलि बिमाखौ जेरावखि थायाथों मानो दावमा दावसा बार जानानै गावखौ नायफैनो खावलायदों।
(ङ) सोरनि मावनायाव मानो आख फाख खालाम हैनायनि बाथ्रा खन्थायाव बुंदों?
फिनः खन्थाइगिरिया गावनि अनसुलि बिमाखौ गावनि जिउनिखुइबो बांसिन मोजां मोनो बेखायनो बियो बिमाया जेरावखि थायाथोंमानो गावजों दावमा दावसा आरो बार जानानै नुजाफैनो खावलायदों। गावनि दुख-दाहा फोरनि समाव गोसोखौ बुरखायनो लिंहरदों । खन्थाइगिरिया उन्दै समाव जैरेबादि बिमाजों अख्रा हाबा मावफायोमोन थैनानै थांनाय उनावबो गावनि बिमाजों सोरगोआव थांफानानै बेबादिनो बिनि मावनायाव आख फाख खालामनो गोसो जादों आरो गंसे नवावनो ज’ थाहैनो लुबैदों होनना फोरमायदों।
(च) मा महराव खन्थाइगिरिया सोरनि देरायाव थांगोन होननानै बुंदों?
फिनः खन्थाइगिरिया गावनि अनसुलि बिमाया थैनानै थांनायनि उनाव बिमानि समायना महर आरो गोदै बोसोनफोरखौ गोसोखांनानै गावबो सानसे समाव थैनानै थांबला बार जो जानानै सोरगोनि गंसे न’आवनो गावनि बिमाजों गोरोबना थाहैगोन होनना बंदों।
(छ) खन्थाइयाव बाहाय जानाय, ‘साथा-माथा’, ‘दावल’, आरो ‘देरा’ बे मोनथाम सोदोबनि ओंथिखो लिर।
फिन: खन्थाइयाव बाहायनाय साया मायानि ओंथिया नुफा- माफा, दावलनि थिया-लामा आरो देरानि ओंथिया न’ एबा सोरगोखौनो होनना बुंदों।
(ज) ‘थांगोन आं नोंनि देरायाव होननायनि गेजेरजों सुबुं जिवनि मा इसारा मोननो हायो ?
फिन: मानसिया अराय थैसुला मानोना मानसिनाव जोनोमजों लोगोसे थैनायाबो फैखायो । बे बाथ्राखौनो मखनाय खन्थाइ सिरिनि गेजेरजों फोरमायनो नाजादों जायनि थाखाय खन्थाइगिरियाबो गावनि बिमाजों लोगोसे सोरगोआव थैना थांखांनाय उनाव सानसेब्लाबो बार जोमै जानानै न’ गंसेयावनो गोरोबनाथाहैनो लुबैनायखौ फोरमायदों। अदेबानि बेवहाय सुबुं जिउनि थैनाय उजिनायनि इसाराखौनो मोननो हायो।
(झ) खन्थाइगिरिनि गांनाय बिखाया मानि नेरसोन?
फिन: खन्थाइगिरिनि ‘गांनाय बिखाया’ गोसोनि गोजोन लुबैनाय आंखालनि नेरसोन । मानोना खन्थाइगिरिया अनसुलि बिमाखौ गोमाजानायाव जोबोर दुखु आरो आंखाल मोनदोंमोन। बबेखानि बिमानि महर मुस्रि आरो मेलौदो गाराङासो खन्थाइगिरिनि गांनाय गोसोखो गोजोन आरो गोजों खालामनो हायो होनना फोरमायदों।
गाहायनि सोंनायफोरनि फिन हो (मोनफ्रोमनिबो नम्बरा 4)
(क) मेथाइगिरि आरो खन्थाइगिरि महरै नीलेश्वर ब्रह्मनि सुंद’ सिनायथि हो।
फिन: नीलेश्वर ब्रह्मवा इं 1927 मायथायाव कक्राझार जिलानि सिङाव थानाय गयबारि गामियाव जोनोम मोनो बिनि बिफानि मुङा रुंसारि दल ‘राम ब्रह्म आरो बिमानि मुङा रुंसारि गोनोसि ब्रह्म।
नीलेश्वर ब्रह्मवा उन्दैनिफ्रायनो मेथाइ रोजाबनो मोजां मोनोमोन बेनिखायनो बिथांखौ खन्थाइगिरि बुङाब्लाबो मेथाइगिरि होननानै बुङोब्लासो बांसिन साबद्रायनाय मोनो। बिथाङा 1946 मायथायाव मेट्रिक आनजादखौ उथ्रिनानै कलिकाता आरो उनाव लक्ष्नौवाव थानाय भाटखाण्डे संगीत बिद्यालयाव मेथाइनि सोलोंथाइ लाहैदोंमोन बिथाङानो बर फोरनि गेजेराव गिबि गिबियै बर’ मेथाइखौ रेडिअनि गेजेरजों फोसावजेनदोंमोन।
नीलेश्वर ब्रह्मवा गुबैयै मेथाइ लिरगिरि आरो मेथाइ खनगिरिबो बिथांनि गोबां मेथायावनो खन्थाइनि गुन मोननो हायो। बिथांनि बिजाबनि मुङा जादों ‘बालाबगानै बर ‘नि खन्थाइ । बेबादिनो बर’ थुनलाइ आरो हारिमु सिबिसुला आगोमा सुबुंनि जिउवा इं 1986 मायथायाव गावनि जोनोम जायगायावनो 59 बोसोर बैसोआव रुंसारि जायो।
(ख) ‘बेसे गोजोन, बेसे गोजों, खन्थाइनि गुबै बाथ्राखौ सुंदयै लिर।
फिन: नीलेश्वर ब्रह्मनि “बेसे गोजोन बेसे गोजों” खन्थाइयाव गावनि बिमानि हायना महर आरो गोदै रावखौ गोसोखांबाय थानाय बाथ्राया बेरखादों। बे खन्थायाव खन्थाइगिरिया जेब्लाबो बिमाखौ गोसो खांनानै खाराव माराव नागिरबायनाय बाथ्रायाबो रोखा जादों मानोना बिमाया थैनानै थांनायनि उनावबो बिनि बिमानि महरा साया माया जाखांफैबाय थायो होनना फोरमायदों। बेनिखायनो खन्थाइगिरिया खाराव माराव जानानै अख्रां सायाव बिरलांनाय दावफोरनि गाबनायखौ थाद’ थाद’ खोनासङो आरो दुखुनि मोदैजों रथ’ रथ’ गाबनाय फिसानि महरखौ दाउमा दाउसा बार जानानै नायफैनो थाखाय खुथार खुथारै खावलायदों।
जोबथारनायाव खन्थाइगिरिया अनसुलि बिमाखौ जेरावखिजाया थायाथों मानो गोजोनै थानो हाथों होनना मिजिथिदों आरो सम जाब्ला गावबो बार जोमै जानानै सोरगोआव थानानै बिमाजों गोरोबना थाहैनो हास्थायदों।
(ग) मेथाइ आरो खन्थाइनि सोमान्दै सुंद फोरमायथि हो।
फिन : बहुमनि थुनलाइफोरनि सोरजिनि गुदि खलबानो जादों मेथाइ एबा खन्थाइ। लिरना महर मोननायनि सिगां मानसिफोरनि खुगा खुगा बाइदि ओंथिगोनां मेथाइफोरा बेरखांदोमोन नाथाय लिरनाय महराव खन्थाइ सोरजिनायनि सिंगां बाइदि ओंथि गोनां खुगा मेथाइफोरा सुजु जादोंमोनब्लाबो मेथायानो खन्थाइ एबा खन्थाइयानो मेथाइ बुजाया। मानोना मेथायफोराव देंखो एबा खबामनि सायाव गोनांथि होयो, सोदोबनि ओंथिनि सायाव नङा। नाथाय खन्थाइफोराव सोदोबनि ओंथिनि सायाव गोनांथि होयो, देंखो एबा खबामनि सायाव नङा।
(घ) ‘बेसे गोजोन, बेसे गोजों खन्थाइखौ दोंसे दाहा खन्थाइ महरै सावराय।
फिन: बे खन्थाइया दोंसे दाहा खन्थाइनि नेरसोन मानोना बेवहाय गावनि जोनोम गिरि बिमाया खन्थाइगिरिखौ अबथिरा नागार लांनायाव आसखान्दा जादों आरो गोसोआव दुख-दाहा मोननांगौ जादों जायनि थाखाय खन्थाइगिरिया अख्रां सायाव बिरबायनानै गाबनाय दावफोरनि गारांखोनो बिमान गारां साननानै थाद’ थाद’ खोनासंदों खन्थाइगिरिया गावनि अनसुलि बिमाखौ जेरावखि थायाथों मानो दावमा दावसा बार जानानै नुजाफैनो खावलायदों। गावनि अनसुलि बिमाखौ मोननो खन्थाइगिरिया खाराव माराव हांखुरै नागिरदों खन्थाइगिरिया दुखु मोननानै मोदै रथ’ रथ’ गाबबाय थानाय गोसोखो बुरखायनो आरो गोजोन होनो दावमा दावसा बार जानानैब्लाबो नुजाफै होनना हांख्रायदों खन्थाइगिरिया गावनि बिमाखौ मोगथाङाव मोनफुंनो हायैखायनो सम जाब्ला थैनायनि उनाव गावनि बिमाजों सोरगोआव गंसे नवावनो थाहैफानो लुबैनाय बाथ्राखौ फोरमायदों।
(ङ) खन्थाइयाव खन्थाइगिरिनि दाहाया सोरनि थाखाय मानो जादों होनना बुदों?
फिनः खन्थाइयाव खन्थाइगिरिनि दाहाया गावनि बिमा थैना थांनायनि थाखाय जादों। मानोना खन्थाइगिरिया गावनि अनसुलि बिमाखौ गावनि जिउनिखुइबो बांसिन मोजां मोनोमोन जायनि थाखाय बिमाया थैनानै थांनायनि उनावबो बिमानि महरा साया माया नुहांनुवाहां नुजाफैयो होनना फोरमायदों। बबेखानि खन्थाइगिरिया गावनि अनसुलि बिमानि महर मुस्रिखौ बे मुलुगाव रावजोंबो रुजुजायै बेसेबा समायना- रमायना गोजोन आरो गोजों होननानै बाखनायदों। बेखायनो बिमाया जेरावखि थायामानो गावजों दावमा-दावसा आरो बार जानानै नुजाफैनो खावलायदों गावनि दुखु दाहा खैफोदनि समाव गोसोखौ बुरखायनो लेंहरदों।
गाहायनि सोंनाफोरनि फिननायखौ गुवारै हो (मोनफ्रोमनिबो नम्बरा 5)
(क) ‘बेसे गोजोन बेसे गोजों खन्थाइनि सार बाहागोखौ लिर।
फिनः खोमसियाव गोग्लैसोनानै थानाय बर ‘फोरखौ सोरांनि लामा दिन्थिनानै बोखांबोनो नाजानायफोरनि मादाव नीलेश्वर ब्रह्मवाबो सासेमोन बेसे गोजोन बेसे गोजों खन्थाइयख बिथांनि राफोद आखाइनि सोरजि ।
खन्थाइयाव खन्थाइगिरिया गावनि जोनोमगिरि बिमानि गोरबोनिफ्राय जोनोम लानानै बिमाया गावखौ गेदेर गोलाव जास्लाबेयावनो नागारनानै थांनायनि थाखाय आस ‘खान्दा जादों थैनानै थांनायनि उनाव बिमानि समायना महर, माखासे बोसोनफोरखौ खन्थाइगिरिया बावनानै थाङाखै बियो जोबोरै गोजों आरो गोजोन । जाखांयोबोल’ बिनि अनसुलि गोसो, बिनि रावजोंबो रुजुजाथावै महर मुस्रिया साया माया नुहां- नुवाहां।
अख्रां सायाव बिरबायनानै गाबनाय दावफोरनि गारांखौनो बिमानि गारां साननानै थाद’ थाद’ खोनासंदों खन्थाइगिरिया। बुहुम बिखानि अखोराङाव दावमा दावसानि गारांखौ बिमानिबादि मोनैयाव खन्थाइगिरिया गावनि अनसुलि बिमाखौ जेरावखि थायाथों मानो दावमा दावसा बार जानानै नुजाफैनो खावलायदों। गावनि अनसुलि बिमाखौ मोननो खन्थाइगिरिया खाराव माराव हांखुरै नागिरदों खन्थाइगिरिया दुखु मोननानै मोदै रथ’ रथ’
गाबबाय थाना गोसोखौ बुरखायनो आरो गोजोन होनो दावमा दावसा बार जानानैब्लाबो नुजा होनना हांख्रायदों।
खन्थाइगिरिनि बिमाया जेरावखि जाया थायाथों मानो अरायसम आलो गोजोनै थाजानो लुबैदों। बे बुहुम बिखायाव जोनोम मोननाय जिब-जिराद, दावमा दाउसा, एम्फौ-एनला बायदि मैया गासैबो मानसि दुमसिफोरा अबंलाउरि आनान गसाइनि अननायजों सोरजि जाखानाय सुबुं माहारिया बिनि थिनहरनायाव बे बुहुमाव साननैसोनि थाखाय रंजा-बाजा खालामफैयो। अबं गसाइया गोसो जाब्लोनो गावनि आखायजों सोरजिनाय बे बुहुम बिखानि गासैबो सोरजिखोनो लाना थांफिनो सोरजिगिरि अबं गसाइजो सोरजिजानाय जों सुबुं माहारिया गसाइनि बिथोन बादियै सानसेब्लाबोदि थैगोन बिखौ खन्थाइगिरिया मिथिखादों। मिथिखानानैनो बिथाङा सैनायनि उनावबो गावनि जोनोमगिरि बिमाजों थाहैफानो हास्थायदों सोरगोफुरियाव।
(ख) ‘बेसे गोजोन बेसे गोजों होननानै खन्थाइगिरिया मा खोथा बुंदों लिर।
फिनः खन्थाइयाव खन्थाइगिरिया अनसुलि बिमानि महरखौनो बेसेबा गोजोन आरो गोजों होनना बुंदों। मानोना अनसुलि बिमानि हायना गोनां महर मुस्रिया रावजोंबो रुजुजाया जायनि जाउनाव गावनि बिमाया थैनानै थांनायनि उनावबो खन्थाइगिरिनि गोसो मेगननि सिगाङाव बिमानि महरा साया माया नुहां- नुवाहां नुजाफैयो आरो थैनाय बिमानि फोरोंलांनाय बोसोनफोरा बेसेबा गोजोन आरो बेसेबा मिलौदोदेंखो बादि रिखांफैबाय थायो।
खन्थाइगिरिया गावनि बिमानि रैसुमै बुंलांनाय राव-फावखौ अरायबो गोसोखांबाय थादों आरो खाराव माराव जानानै अख्रां साजों दावफोरनि गाबनायखौबो गावनि अनसुलि बिमानि गारां होननानै थाद’ थाद’ खोनासंदों।
(ग) गुदि खोथाजों सोमोन्दो लाखिना बेखेवना लिर।
(i) “बेसे गोजोन बेसे गोजों नों
आंनि गांनाय बिखायाव,
नाथाय नों साया माया गेलेयोल’
आंनि मेगनाव।”
फिन: बे खन्थाइ खलबखौ रुंसारि नीलेश्वर ब्रह्मवा लिरनाय ‘बेसे गोजोन, बेसे गोजों खन्थाइनिफ्राय दैखांना होनाय जादों।
बेवहाय, बिमाया थैनानै थांनायनि उनावबो बिनि बिमानि महरा साया माया नुहां- नुवाहां गोसो मेगननि सिगाङाव नुजाफैयो होनना फोरमायदों।
खन्थाइगिरिनि गोसोआव गावनि थैनाय बिमानि फोरोंलांनाय बोसोनफोरा बेसेबा गोजोन आरो बेसेबा मिलौदो देंखो बादि रिंखां फैबाय थादों होनना फोरमायदों । खन्थाइगिरिया गावनि अनसुलि बिमानि महर मुस्रिखौ बे मुलुगाव रावजोंबो रुजुजायै बेसेबा समायना- रमायना गोजोन आरो गोजों होना बाखनायदों। नाथाय खन्थाइगिरिया बिमानि हायना महर मुस्रिखौ सम सम नुहां- नुवाहां, साया मायाल’ नुनो मोनो होनना फोरमायदों।
(ii) “खाराव माराव नागिर बायो अख्रां सायाव
थाय थाय खोनासङो बिजिरबायो दावनि गाराङाव!”
फिन: गोजौवाव होनाय खन्थाइसिरिखौ जोहोलाउ नीलेश्वर ब्रह्मवा सुजुनाय ‘बेसे गोजोन बेसे गोजों मुंनि खन्थाइनिफ्राय दैखांना होनाय जादों।’
खन्थाइगिरिया गावनि बिमानि रैसुमै बुंलांनाय राव-फावखौ अरायबो गोसोखांनानै खाराव माराव जादों आरो अख्रां साजों बिरलांनाय दावफोरनि गाबनायखौ थाद’ थाद’ खोनासंदों आरो गाबनाय गारांखौ बिमानि देंखो नंगौना नङा बिजिरबायो।
खन्थाइगिरिया गावनि अनसुलि बिमाखौ मोननो थाखाय अख्रां सायाव खाराव-माराव हांखुरै नागिरबायदों। खन्थाइगिरिया दुखु मोननानै मोदै रथ’ रथ’ गाबबा थानाय गोसोखौ बुरखायनो आरो गोजोनहोनो दावमा दावसा बार जानानैब्लाबो नुजाफै होनना हांखायदों। खन्थाइगिरिया गावनि बिमानि रैसुमै गारांखौ फोथायनो हायैखायनोथ’ खाराव माराव नागिरबायो । बायदि बायदि दाउफोरा जेब्ला मेथाइ खनो, अब्ला खन्थाइगिरिया बेफोरनि रैसुमै
देंखोखौबो बिजिर बिजिरनायो, खोनासङो गोमानाय बिमानि रेसुमै देंखो आबो गोजाव बोफादोंखोमा, हायना महरा जाखांफैदोंखोमा नंनानै।
(iii) “बबाव थादों था नों
आलो आलो गोजोन गोसोजों,
समा फैला आंबो थांगोन
हालो दैलो रंजा दावलजों ।”
फिन: गोजौवाव होनाय खन्थाइसिरिखौ जोहोलाउ नीलेश्वर ब्रह्मवा लिरनाय ‘बेसे गोजोन बेसे गोजों’ खन्थाइनिफ्राय दैखांना होनाय जादों।
बेवहाय, खन्थाइगिरिया गावनि बिमाखौ जेरावखि थायाथोंमानो अरायसम आलो गोजोनै थाजानो लुबैदों। मानोना खन्थाइगिरिया गावबो थैनानै थाङोब्ला बिमाजों गोरोब हेफानो हास्थायनाय बाथ्राया रोखा जादों।
खन्थाइगिरिया बिमानि महरखौ साया माया, नुहां- नुवाहां जाखांफैयो नाथाय नुनो मोना होनना फोरमायदों। बेखायनो खन्थाइगिरिया गावनि अनसुलि बिमाखौ जेरावखि थायामानो जेब्लाबो आलो आलो गोजोन गोसोजों थाबाय थानो थाखाय मिजिं खालामदों मानोना बियो थैना थांनाय बिमाजों गावनि दुख-दाहाफोरखौ बावगारनो थाखै जेब्ला सम जायो अब्लानो गोरोब हैफानो थाखाय हास्थायदों।
