Class 12 Bodo MIL|Chapter 18|Bodo Medium|मोदै

Class 12 Bodo MIL|Chapter 18|Bodo Medium|मोदै: Bodo Tutor is your trusted partner for AHSEC Class 12 Bodo MIL solutions in the Bodo medium. In this article, we provide comprehensive solutions for Class 12 Bodo MIL|Chapter 18|Bodo Medium|मोदै designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Bodo MIL|Chapter 18|Bodo Medium|मोदै Solutions, HS Class 12 Bodo MIL Question-Answers, or resources for Bodo Medium studies, this guide caters to all your needs.

top-quality solutions for Class 12 Bodo MIL|Chapter 18|Bodo Medium|मोदै, expertly crafted to support your learning and preparation. Trust Bodo Tutor for the best  ASSEB Class 12 Bodo MIL resources and make your exam preparation more effective!

Class 12 Bodo MIL|Chapter 18|Bodo Medium|मोदै

खन्थाइ आयदा (Poem Section)

गाहायनि सोंलुफोरखौ सोदोब मोनसे एबा सारिसेजों फिन (मोनफ्रोमनिबो नम्बरा 1 )

क) ‘मोदै’ खन्थाइनि खन्थाइगिरिया सोर?

फिन: धरणीधर औवारि ।

ख) मोदैनि बैसोया माजों समान होनना बुंदों?

फिन: मोदैनि बैसोआ सानजों समान होनना बुंदों।

ग) धरणीधर औवारिया माब्ला जोनोम मोनो?

फिन: 1948 मायथायाव जोनोम मोनो।

घ) सोर संसारखौ सोरजि जेनदोंमोन?

फिन: ‘आदम आरो इभा’ संसारखौ सोरजिजेनदोंमोन।

ङ) मोदैया माब्ला जोनोम जाजेननाय ?

फिन: साना जेब्ला जोनोम जायो बै समनिफ्रायनो मोदैनि जोनोम जाजेनो।

च) आदम-इभा सोर?

फिन: आदम-इभा संसार सोरजिजेननायनि गिबि सुबुं।

छ) बाइबेला बबे दोरोमारिफोरनि धोरोम बिजाब ?

फिन: खृष्टान धोरोमारिफोरनि धोरोम बिजाब।

ज) मुचलमान एबा इसलाम धोरोमनि धोरोम बिजाबनि मुङा मा?

फिन: क’रान।

झ) लायला-मजनुवा सोर?

फिन: बिसि-फिसायमोन।

ञ) जंकि पानेइया सोर ?

फिन: जंकि-पानेइया आदर्श मोजां मोनज्लायग्रानि नेरसोन।

ट) मैहर सल मानि लिरगिरिया सोर ?

फिन: धरनिधर औवारि।

ठ) चाइकिया सोर?

फिन: मोजां मोननायनि मोदाइ किउपिदआ गोसो थोनाय सासे जोबोरै समाइना सिख्ला।

गाहायनि सोंलुफोरखौ सुंदवे फिन हो (मोनफ्रोमनिबो नम्बरा 2)

क) धरणीधर औवारिनि जोनोमा बबेयाव माब्ला जादोंमोन?

फिन: धरणीधर औवारिया 1948 मायथायाव बरपेटा जिलानि लुवासुर गामियाव जोनोम जादोंमोन।

(ख) खन्थाइनि अनगायैवो बिथाङा थुनलाइनि मा मा बिथिङाव आखाय दङ?

फिन: खन्थाइनि अनगायैबो बिथाङा सुंद’ सल’, सलमा, रायथाइ आरो सावरायथाइ बिजाब फोरबो लिरदों।

ग) “मोदै” खन्थाइ बिजाबखौ बिथाङा बेसेबां माइथायाव लिरदोंमोन?

फिन: ‘मोदै’ खन्थाइ बिजाबखौ बिथाङा 1979 मायथायाव लिरदोंमोन।

घ) संसार सोरजि जेननायनि मेगन मोदैखौ सोरनाव सोंनानै नायनो थिन दों?

फिन: संसार सोरजिजेननायनि मेगन मोदैखौ आदाम इभनाव सोंनानै नायनो थिनदों।

ङ) संसार सोरजि जेननायनि फारब्रै मेगन होननायनि जाहोना मा ?

फिन: आदाम आरो इभानो बुहुमखौ सोरजिजेनो। बिसोरनो बहुमख नुजेनग्रोयो। बेनिखायनो बिसोरनि मेगनखौनो संसार सोरजिजेननायनि फारब्रै मेगन होनना फोरमायदों।

च) गान्धी जीया सोर? बियो भारत हादोरखौ माब्ला उदांश्री खालाम दोंमोन?

फिन: गान्धीजीया जाबाय भारत हादोरनि हारिमायारि बिफा । बियो भारत हादोरखौ 1947 मायथाइनि 15 आगष्टआव उदांस्री खालामदोंमोन।

छ) सीताया सोर ? बिनि मेगनाव मानि मोदै गदंमोन?

फिन: सीताया सासे धोरोमसुलि, फिसाय सिबिसुलि आइजोमोन। बिनि मेगनाव दुखुनि मोदै गदोंमोन।

ज) थापावसि खर गेदेर उदै बेल्दांफोरा मानि थाखाय उन्दुनो हाया?

फिन: थापावसि खर’ गेदेर उदै बेल्दांफोरा गावनि मासिखौ गोमाजानो गिनानै उन्दुनो खारा।

झ) मोदै खन्थायाव बेरखांनाय गांनैसो धोरोम बिजाबनि में लिर ।

फिन: मोदै खन्थायाव बेरखांनाय गांनैसो धोरोम बिजाबनि मुङा जादों – बाइबेल, कराण, हदिछ आरो महाभारत ।

ञ)’मोदै’ खन्थायाव बेरखांनाय गंनैसो हादरनि में लिर।

फिन: मोदै खन्थायाव बेरखांनाय गंनैसो हादोरनि मुङा फ्रान्स, आफ्रिका, इजराइल, बांलादेश आरि।

(ट) गोरिवल्दि आरो मेटचिनिया सोर ?

फिन: सानैबो इटालि हादरनि हादर अनफाउरि आरो दाउहारु सुबुं।

गाहायनि सोंलुफोरखौ फिन हो (मोनफ्रोमनिबो नम्बरा 3)

क) धरणीधर औवारिनि जायखिजाया गांथाम मखजाथाव थुनलाइ सोरजि सोमोन्दै लिर।

फिन: धरणीधर औवारिनि गांथाम मखजाथाव थुनलाइ सोरजिया जाबाय – मैहुर (सलमा) 1980, मौदै (खन्थाइ बिजाब) 1979, गान्दुसिंनि लाइजाम गांसे (सुंद सल’)।

ख) धरणीधर औवारिनि ‘मोदै’ खन्थायाव रायखां जानाय गांथामसो धोरोम बिजाबनि में लिर।

फिन: मोदै खन्थायाव बेरखांनाय गांनैसो धोरोम बिजाबनि मुङा जादों- बाइबेल, कारण, हदिछ आरो महाभारत ।

ग) रमिव जुलियेटा’ मा थुन फावथाइनि हिर’ आरो हिरइन? थुनफावथायनि लिरगिरिया सोर ?

फिन: ‘रमिव-जुलियेटा’- “रमिव एण्ड जुलियेट” थुनफावथाइनि हिर’ आरो हिरइन। बे थुनफावथाइनि लिरगिरिया उइलियाम सेक्सपीयार।

घ) ‘थापावसि खर गेद्रे
मेगन मोदैया मानो गयो ?
उदै बेलदां होनना सोरखौ बुंदों ?’

फिन: ‘थापावसि खर’ गेदेर उदै बेल्दां’ होनना राजखान्थि दैदेनगिरिफोरखौनो बुंदों। बिसोर गावसोरनि मासिखौ गोमाजानो गिनानै आरो गरिब गुन्द्रा नोगोरारिफोरा खुसि जानायाव मेगनाव मोदै गयो।

ङ) मोदैनि बैसोखौ सानजों रुजुनायनि जाहोना मा?

फिन: मोदैया हरखाबै दिनैसो सोमजिनाय नङा। बेयो माब्ला, माबोरै बबेयाव सोमजिजेनदोंमोन बेखौबो रावबो बुंनो हाया। बेखायनो खन्याइगिरिनि बादिब्ला जेब्लानिफ्राय साना दं आरो जेब्लानिफ्रायनो आदम आरो इभा जोनोम जाजेनदोंमोन अब्लानिफ्रायनो मोदैयाबो जोनोम जादों होनना फोरमायदों बेनिखायनो मोदैनि बैसोखौ सानजों समान होनना रुजुदों।

च) ‘मोदै’ खन्थाइयाव खन्थाइगिरिया मा मा हादोरनि बाथ्रा रायखांनानै बिसोरनि मा बाथ्रा सोंनो होदों?

फिन: मोदै खन्थाइयाव खन्थाइगिरिया रम, इटालि, फ्रान्स, सा-खोला भियेटनाम, आफ्रिका, इजराइल, पाक-भारत-चीन, बांलादेश हादोरनि बाथ्राखौ रायखांदों आरो खन्थाइगिरिया बैफोर हादोराव बोहैनाय मोदैया मानो गदोंमोन बे बाथ्राखौ सोंना नायनो होदों।

छ) अननायनि माबादि रावफोरनि आनदोयाव मेगन मोदै हाबसोखोमाना थायो होनना बुंदों ?

फिन:’थांदोदे फिसा, सना’,
‘दासो फैयो? एफा गोबाव?’
‘हाबाब बबाव मोनबावनो?’

बेफोर बायदि अननायनि रावफोरनि आन्दोआव मेगन मोदैया हाबसोखोमाना थायो होनना बुंदों।

ज) संसारनि अननायनि बेन्दोङा माबादि होननानै खन्थाइगिरिया बुंदों?

फिन: खन्थाइगिरिया बे संसाराव अनज्लायनानै थायोब्लाबो, बेनि बेन्दोंआ माब्ला ज’यो बेखौ रावबो थियै फोरमायनो हाया। बबेखानि बुहुमाव थांना थानाय बयबो मानसिया खन्थाइगिरिनि बादिब्ला अननायजों खाजादों। बे संसाराबो बे बादि सुबुंनि अननायजोंनो फानब्रेनानै दोनजादों। नाथाय बे बेन्दोंआ जनोबो गोरलै होनना फोरमायदों। बेनिखायनो खन्थाइगिरिया बुंदों अनज्लायनाय गोनां बे संसारावबो माब्लाबा साननाय-लुबैनाय एबा हास्थायनायफ्रा जाफुङाब्ला हांमा सोमजियो आरो मेगनाव मोदै गयो।

झ) मानसिनि जिवाव मोदैया हुगारहायिबादि मानो गयो ?

फिन: सम जानाय लोगो लोगो जेरै थास’ बिलाइनि दैया स’ गोग्लैयो बिब्दिनो मानसिनि जिउवाबो सम सफैयोब्ला स्रोब गोमोरलाङो । नाथाय बे साननैसोनि समावनो मानसिया मोदै हुगारनायनि सिमा गैया। बेखिनि समावनो एखनब्ला सुखुनि एखनब्ला दुखुनि मोदै हुगारनाङो । सोरबाबा देरहानायनि सोरबाबा जेननायनि आरो सोरबाबा खोमाना लानांनायनि मोदै हुगारनाङो । बेखायनो खन्थाइगिरिया मानसिनि जिउवाव मोदैया हुगारगहायिबादि गयो होनना फोरमायदों।

ञ) हारि-हादोर दानायाव मोदैनि गोहोमा बेसेबां?

फिन: बुहुमाव मोदैनि बैसोखौ सानजों समान होनना बुंदों। जेब्लानिफ्राय साना नुजादों अब्लानिफ्रायनो मोदैयाबो जोनोम जाजेनदोंमोन। बे मोदै गनायनिफ्राय रावबो सुबुं एबा गंसेबो हादरानो बारग ‘वाखै। बुहुमनि मोनफ्रोमबो हादरावनो मोदैनि सागर बोहैबोगासिनो दङ। बेनिखायनो हारि आरो हादोर दानायाव मोदैनि गोहोमा गोबां दङ । बबेखानि मोदैया थांना थानो थाखायनो गयो। संसारनि जारिमिनाव मोननाय रम, इटालि, फ्रान्स, सा-खोला भियेटनाम, आफ्रिका, इजराइल, पाक भारत-चीन, बांलादेश बायदि हादोरफोराव थांना थानो थाखैनो मेगनाव मोदैनि सागर बोहैदोंमोन आरो दासिमबो बोहैयो।

गाहायनि सोंनायफोरनि फिन हो (मोनफ्रोमनिबो नम्बरा 4)

(क) धरणीधर औवारिनि साख्रि जिवनि बागै सुंदवै सावराय।

फिन: धरणीधर औवारिया 1948 मायथायाव बरपेटा जिलानि लुवासुर गामियाव जोनोम मोनो। बिथाङा गुवाहाटी मुलुग सोलोंसालिनिफ्राय असमीया आयदायाव एम.ए. आनजादखौ उथ्रियो । बेनि उनाव बि.एड. डिग्रीबो लायो आरो फोरोंगिरि साख्रिबो मोनो। नाथाय आथिखालाव बिथाङा फोरोंगिरि हिसाबै आजिरा लाबाय।
मखजायोदि बिथाङा फोरोंगिरिनि खामानि मावनाय थानाय समावनो गोबां खन्थाइ, सुंद’ सल’, स’लामा, रायथाइ आरो सावरायथाइफोरबो लिरलांदोंमोन। बेनिखायनो बिथांखौ सासे खन्थाइगिरि, सुंद सलगिरि, सलमागिरि, रायथाइगिरि आरो सावरायगिरि महरै सिनायथि होनो हायो।

ख) धरणीधर औवारिनि दिनैसिम सोरजिजानाय मखजाथाव बिजाबफोरा मा मा?

फिन: धरणीधर औवारिनि दिनैसिम सोंरजिजानाय मखजाथाव बिजाबफोरा जाबाय-मोदै (खन्थाइ बिजाब) 1979, गान्दुसिंनि लाइजाम गांसे (सुंद सल’ जथाइ बिजाब), मैहुर (सलमा) 1980, बर’ आरो थुनलाइन मह
(सावरायथाइ बिजाब) 2005। मख ‘जायोदि औवारि बिथाङा दाबो लिरनायाव मुखुब जानानै दङ।

ग) बाइबेल, करान, हादिछ, महाभारत, रामायन बेफोर बिजाबफ्रा मा मा धोरोमनि बिजाब लिर।

फिन: बाइबेला खृष्टानफोरनि, कराना इसलामफोरनि, हदिछा शिखफोरनि महाभारता हिन्दुफोरनि आरो रामायना बैष्णब-भागवतीफोरनि धोरोम बिजाब।

घ) रम, इटाली, फ्रान्स, सा खोला भियेटनाम, आफ्रिका, इजराइल, पाक-भारत-चीन, बांलादेश हादोरफ्राव मानो मोदैनि सागर बोहैदोंमोन?

फिन: बुहुमाव मोदैनि बैसोखौ सानजों समान होनना बुंदों। जेब्लानिफ्राय साना नुजादों अब्लानिफ्रायनो मोदैयाबो जोनोम जाजेनदोंमोन। बे मोदै गनायनिफ्राय रावबो सुबुं एबा गंसेबो हादरानो बारग ‘वाखै। बुहुमनि मोनफ्रोमबो हादरावनो मोदैनि सागर बोहैबोगासिनो दङ । बेनिखायनो हारि आरो हादोर दानायाव मोदैनि गोहोमा गोबां दङ । बबेखानि मोदैया थांना थानो थाखायनो गयो । संसारनि जारिमिनाव मोननाय रम, इटालि, फ्रान्स, सा खोला भियेटनाम, आफ्रिका, इजराइल, पाक-भारत-चीन, बांलादेश बायदि हादोरफोराव थांना थानो थाखैनो मेगनाव मोदैनि सागर बोहैदोंमोन आरो दासिमबो बोहैयो।

ङ) नेपलियन हिटलार, गान्धीजी, लाचित मोना मानो मेगन हुगारनो गोनां जादोंमोन?

फिन: मुलुग संसारनि जारिमिनाव मानसिया मोदै हुगारनांनायनि जोबथा सिमा गया। गुबुन गुबुन समाव बायदि जाहोननि थाखाय सुबुङा एखनब्ला सुखुनि आरो एखनब्ला दुखुनि मोदै हुगारनांदों। बेबादिनो बुहुमनि दाब दाब हादराव गुबुन गुबुन समाव बायदि बायदि जाहोनाव मोदैनि सागर बोहैदोंमोन। बिर-जोहोलाव, पुरुष-महापुरुष, गेदेर गेदेर दैदेनगिरिफोरा जिंगानि साननाय-हनाय, नाजानायनि अनजिमा गैयामोन आरो बेबादिनो मेंनाय-बानाय, देरहानाय-जेननायनि मोदै हुगार नायनिबो सिमा गैयामोन। बेबादिनो बुहुमनि जारिमिनखौ बेखेवना नायोब्ला नेपलियन हिटलार, गान्धीजी, लाचितमोना मानो मोदै हुगारनो गोनां जादोंमोन बे बाथ्राखौ मिथिनो मोनो। थारैनो बिथांमोना गावनि हारि आरो हादोरखौ दानो थाखाय बेसेबांबा मोदैनि बाना हुगार नांदोंमोन।

च) मोदैनि बैसोखौ मानो सानजों समान होनना बुंदों ?

फिन: खन्थाइगिरिया मोदैनि बैसोखौ सानजों समान होननानै बुंदों। मानोना बुहुमनि जारिमिनखौ गुदिनिफ्राय संनानै बिजिरोब्ला गाबनाय मिनिनाय गासैखौबो नुनो मोनो। जेराव सुखु दं बेवहायनो दुखु दं। बे मुलुगनि जारिमिनाव सोरनि मेगनाव बेसेबांदि मोदै गनायनि नेरसोन दं बेनि अनजिमा गया। संसार सोरजिजेननाय आदम इभनिफ्राय लानानै मुलुगनि गोहोम गोनां माखासे सुबुंनि जारिमिनफोरखौ बोदला बोदला नायोब्ला नुनो मोनो नेपलियन, हितलार, गान्धीजि, गैरिवल्डि, नामजिबुर मोनबादि मुलुगनि गोहोम गोनां सुबुंफोरनि मेगनावबो सुख ‘नो हायि मोदै गबोदोंमोन।

महाभारत-रामायन, बाइबेल कसन बादि धोरोम बिजाबाव मानसि दुमसि एबा अबं गोहो मोननाय गासै जिव-जिबियानो मोदै हगारबोनांदों।

बेल’ नङा, मुलुगनि गुबुन गुबुन हादर-रम, इटालि, फ्रान्स, आफ्रिका जायखि हादरनिनो जारिमिन फरायामानो जों मानसिनि गोसो गाबखांनानै मोदै बोहैनायनि नेरसोनखौ नुनो मोनो। मोदाइ हिन्जाव भेनास, किउपिद-साइकि न मोनबादियाबो मोदै हुगारदोंमोन। बुहुमा सोरजिजेनजानायनिफ्रायनो मुलुगनि जिउ जिबिया मोदै
हुगारबोनांदोंमोन। बेखौनो खन्थाइगिरिया मोदैखौ सानजों समान होननानै रुजुदों।

गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)

क) “सोंनानै नाय
आदम- इनि
संसार सोरजि जेन्नाय
मेगन फारब्रैयाव । “

फिन: बे गोजौनि खन्थाइ सिरिखौ धरणीधर औवारिया लिरनाय ‘मोदै’ मुंनि खन्थाइनिफ्राय दैखांना लानाय जादों।
मुलुग संसारखौ सोरजिजेनगिरि आदम-इभनि मेगनाव मानि थाखाय मेगनाव मोदै गदोंमोन बेखौ सोंना नायनो खावलायदों।

जोनोमजों लोगोसे सुबुंनियाव मोदैया फैफाखायो। मोननाय-गोमानाय, दाजाब-दानख ‘नि गेजेरजोंनो सुबुङा गावखौ दानो थाखै आरो संसाराव सुबुंथि महरै थांना थानो थाखैनो मेगन गोदै हुगार नाङो। बे लेखायैनो संसारखौ सोरजिजेनग्रा आदम-इभनि मेगनावबो थांना थानो थाखाय मोदै गदोंमोन। सासेया सासेखौ अननाय मोजां मोननाय आरो मोननो हास्थायनायनि थाखै मेगन मोदैया गदोंमोन । बेफोर बाथ्राखौ सोंना नायनो खावलायदो।

ख) “सों,
मोदाय हिन्जाव
भेनास, किउपिद, चाइकी
सीता, बेउला, जयमती
बयनिबो मेगनाव मानि मोदैमोन?”

फिन: बे खन्थाइ खलबखौ धरणीधर औवारिया लिरनाय ‘मोदै’ खन्थाइनिफ्राय दैखांना होनाय जादों।
गोजौनि खन्थाइ सिरियाव बेरखांनाय मोदाय हिन्जावफोरनि मेगनाव मानो मोदै गदोंमोन बेखौ सोंना नायनो खावलायदों।

जारिमिनखौ बोदलाना नायोब्ला मोदाय-मोदायजो एबा भेनाच, किउपिद, चाइकी, सीता, बेउला, जयमती बयनिबो मेगनाव दाहानि बेसेबांबा मोदै बोहैनायखौ मिथिनो मोनो। बिसोरनि मेगनाव सासेया सासेखी अननाय मोजां मोननाय मोननो हास्थायनायनि थाखाय मेगनाव गदोंमोन। बेफोरबादि सुबुंनि मेगनाव मोदै गनायनि बाथ्राखौ सोंना नायनो खावलायदों।

ग) नुदोंना-
नेवलाराम, जोंखलाब
खन्थाचन्द्र, दुखां बयनिबो
नांगोल मोथियाव नांनाय मोदैखौ ?

फिन: गोजौवाव होनाय खन्थाइ खलबखौ धरणीधर औवारिया सुजुनाय ‘मोदै’ खन्थाइनिफ्राय दैखांना होनाय जादों।

बेवहाय खन्थाइगिरिया आबादारिफोरा दुख-दाहा सहायनानै मेगनाव मोदै गनाय बाथ्राखौ फोरमायनो नाजादों।
मानोना आबादारिफोरा मोजां फिथाइ मोननो हास्थायनानै दोगो-दागा हाल-खदालजों आबाद मावसे मावनानैबो माब्लाबा जेबो फिथाइ मोनाब्ला गोसोआव दुखु नाङो आरो मेगनाव मोदै गयो। बेबायदिनो मानसिनि साननाय – लुबैनायफोरा जाफुङाब्ला नेवलाराम, जोंखलाब खान्थाचन्द्र, दुखमोननि बादि नांगोल मोथियाव नांनाय मोदैजों सिग्लाब जायो।

घ) “सानो मोनसे
जाबोयो मोनसे नायो जेखौ नुवा बेखौ
बैहायनो मोदैया ज्राम गबोयो।”

फिन: गोजौनि मख ‘नाय खन्थाइ सिरिखौ धरणीधर औवारिनि ‘मोदै’ खन्थाइनिफ्राय दैखांनाय जादों।
बेवहाय खन्थाइगिरिया मानसिनि गासैबो साननाय-हास्थायनायमानि जाफुंजोबा होनना फोरमायदों।
खन्थाइगिरिनि बादिब्ला बुहुमा मायानि बेन्दोंजों बुंफबना दङ । बेवहाय रावबो गावनि गोसोबादि मावनो हाया एखनब्ला माबा मावनो सानब्ला माबासो जायो, माखौबा माननो लुबैयोब्ला माखौबासो मोननाय नुनो मोनो। बेबायदि संसारनि बेन्दोङाव फानफ्रेजानानै सुबुङा बायदिसिना सानफ्लाङो, लुबैफ्लाङो आरो हास्थायफ्लाङो आरो बेफोर बारानिफ्राय बारा जालाङो।

बेबादियाव एखनब्ला बिसोरनि मिजिंफोरा जाफुङो आरो बेबादिनो एखनब्ला मोगथाङाव जाथावै एबा सानथावै हस्थायनायाव फेलें जानांगौ जायो। अब्लानो गोसोआव दुखु फैयो, हांमा सोमजियो, अब्लानो बिसोरनि मेगननिफ्राय दाहानि मोदै बोहैनो हमो। बेबादि समावनो मेगनाव मोदैया ज्राम गबोयो होनना फोरमायदों।

लिरसुंथाय लिर

i) आदम-इभ।

फिन: आदम-इभ: आदम आरो इभानो संसार सोरजिजेननायनि गिबि सुबुं । बिसोरनि फारब्रै मेगनाव दाहानि मोदै गदोंमोन होननानै जारिमिन बिलायाव मिथिनो मोनो।

ii) रम।

फिन: र‘म: इटाली हादरनि राजथावनिनि मुङानो र’म (Rome) । टाइबार दैमा सेरनि गिदिर नोगोरमाया जोबोरै गोजाम, हारिमुगोनां । बेयो ख्रिष्ट सिगां 75 याव गायसन जायो। मोनस्नि फिसा-गिदिर हाजोनि (एभेनटाइन, किउरिनेल, केयिटललाइन, पालेटाइन, केलियन, भिमिनाल आरो एसकुइलाइन) गेजेराव समान बाहागोआव थानायखाय बेखौ स्नि हाजोनि नोगोर (City of seven Hills) बुंनाय जायो । गोजाम बे नोगोरखौ मिरु खालामनानैनो समाव दाजादोंमोन गोजाम र ‘म सोदोमस्रि। बुहुम जारिमिनाव र ‘मा अराय समावनो जादोंमोन इउर ‘पनि सोदोमस्रिनि नेरसोन।

iii) इटाली।

फिन: इटाली: बेयो इउरप हादरमानि सोनाबहा भुमध्य लैथोमानि साहा हायेनाव थानाय गंसे हादर । इटालीया गोजाम सोदोमस्रिनि हादर। बे ओनसोलखौ मिरु खालामनानै रमान साम्रज्यआ इउरप, आफ्रिका आरो एसियानि गोबां बाहागोआव गोहोम खोख्लैदोंमोन। नाथाय नेपलियन बनापार्टनि (1769-1821) सिगांसिम इटाली मुंनि जेबो हादर गैयामोन। बे हादरनि राजथावनिनि मुङा रम (Rome)।

iv) फ्रान्स ।

फिन: फ्रान्स: बेयो इउर ‘प हादरमानि खोला-सोनाब बाहागोआव थानाय दरसे गोजाम हादर। फ्रान्सनि सुबुंफोरखौ फरासी होनना बुंनाय जायो।

फ्रान्सनि जारिमिना जोबोरै गोजाम। ख्रिष्टगिबि 51 याव सम्राट जुलियास सिजारा फ्रान्सखौ दखल खालामो । 1774 मायथायाव 16 लुइया हादरनि राजउलाफादाव ज’यो। बै समसिम फोरजा सुबुंफोरा राजखान्थिनि सायाव गोजोनैनि जाहोनाव राजखान्थिनि सोलायै सुबुंखान्थि दाजायो। बेखौ जारिमिनाव फरासी खोमावसारनाय मुङै मिथिजायो।

फ्रान्सनि मुंदांखा सुबुंफोरनि गेजेराव नेप ‘लियन ब ‘नापार्ट, लुइ पेष्टिउर, भिक्टर हुग, रमारलां बायदिनि मुङानो मख ‘जाथाव।

v) गान्धीजी।

फिन: गान्धीजी : बिखौ भारत हादोरनि हारिमायारि बिफा होनना बुंनाय जायो। मानोना बिथाङा अहिंसा खान्थिजों बिग्रायखांनानै गासैबो सुथुरफोरखौ फेनजोबनाने 1947 मायथाइनि 15 आगष्ट खालाराव उदांस्रि खालामना लाबोयो । थारैनो बिथाङा बेफोरबादि गेदेर खामानिखौ मावनाय समाव दुख-दाहाफोरखौबो सहायनो गोनां जादोंमोन आरो मेगनाव गदोंमोन।

vi) भेनाच ।

फिन: भेनाच: किउपिड, चाइकी, सीता, बेउला, जयमती मोनबायदिनो बिबो सासे मोदाय आइजोमोन। बिनि मेगनावबो मोदैनि बाना बोहैदोंमोन एबा मेगनाव मोदै हुगारनांदोंमोन।

viii) चाइकी।

फिन: चाइकी: मोजां मोननायनि मोदाय किउपिदा गोसो थोनाय सासे समायना सिख्ला। चाइकीखौ किउपिदा बुंना दोनदोंमोनदि चाइकीया जाहाथे माब्लाबाबो बिखौ नायनो आरो मिथिनो लुबैया । नाथाय चाइकीया स्रोदयै किउपिदा उन्दुबाय थानाय समाव जेवारि लाना नायखोमानायाव थाव गुदुं थोबसे गोग्लैजानानै सिरिमोनो आरो चाइकीनि फावखौ मिथिनो मोनो। बियो रागा जोंना चाइकीखौ नागारना आनज्रायना थाङो । उनाव चाइकीनि आरज गाबनायाव गोजोननानै नुजाफैफिनो आरो चाइकीखौ जुलि लानानै गोजोर जिउ होयो।

viii) सीता।

फिन: सीता: बियो रामनि बिसिमोन। सानसे समाव बियो लंकानि राजा राबणजों खावना लांजादोंमोन । बिनि बिखायावबो बेफोर बायदि जाहोननि थाखैनो गोबां दुखु नाङो आरो मेगनाव मोदै हुगारनांदोंमोन।

ix) बेउला।

फिन: बेउला: बियो सासे मानसि महरै मोदायजो। थारैनो बेउलाया फिसाय लक्षीन्दारखौ जोबोर मोजां मोनोमोन आरो सिबियोमोनबो। नाथाय बिहाबो मेगनाव मोदै हुगारनांदोंमोन।

x) जयमती।

फिन: जयमती: बियो आहम राजा गदापाणिनि बिसिमोन एबा सासे सैथोसुलि राणिमोन। उन्दै उदखारि राजा चुलिकफाया जेब्ला फिसाय गदापाणिखौ खुनुस खालामनो नागिर फैदोंमोन अब्ला बियो नागा हाजोआव खारनानै थाहैखोमानो होदोंमोन । बियो फिसायनि सोमोन्दै सोंब्लाबो खिन्थाथारैलाय उन्दै राजाया बिखौ हमना लाङो आरो गोब्राब साजा होयो जयमतीया गासैबो साजाखौ सहायनानै थायो आरो जित्रि साननि उनाव रुंसारि जायो।

xi) रमिअ-जुलियेट।

फिन: रमिअ-जुलियेट: बेयो सेक्सपीयेरनि गांसे मुंदांखा ट्रेजेडि बिजाबनि आखुथाइ। बेयाव सोनाब मुलुगनि गोमोथाव सलआव रमिअ-जुलियेटखौ आदर्श मोजां मोनलायनायनि नेरसोन महरै गनायनाय जायो।

xii) डान्टे-बियेट्रिछ।

फिन: डान्टे-बियेट्रिछ: मिथिनाय बादिब्ला डान्टेआ सानसेखालि बेरायनो थांनायाव गंसे दैमानि गाथोनाव दुगैबाय थानाय नुना मोजां मोनजेनो बिखौ मोनजेने। बेनि उनाव गोबां खन्थाइबो लिरदोंमोन। मानोना डान्टेआ सासे खन्थाइगिरिमोनबो। नाथाय डान्टेआ बियेट्रिछखौ नैथि खेब नुनायाव गुबुनजों हाबा जानायसो नुदोंमोन। बेयावनो डान्टेआ गोसोआव बांसिन दुखु आरो हांमा थायो। मेगनाव मोदै हुगारनांगौ जायो।