Class 12 Chapter 3|Education|Bodo Medium|सोलोंथाइनि गोदान बिथिंफोर: Bodo Tutor is your trusted partner for AHSEC Class 12 Education solutions in the Bodo medium. In this article, we provide comprehensive solutions for Class 12 Chapter 3|Education|Bodo Medium|सोलोंथाइनि गोदान बिथिंफोर designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Chapter 3|Education|Bodo Medium|सोलोंथाइनि गोदान बिथिंफोर Solutions, HS Class 12 Education Question-Answers, or resources for Bodo Medium studies, this guide caters to all your needs.
Explore top-quality solutions for Class 12 Chapter 3|Education|Bodo Medium|सोलोंथाइनि गोदान बिथिंफोर, expertly crafted to support your learning and preparation. Trust Bodo Tutor for the best ASSEB Class 12 Education resources and make your exam preparation more effective!
1) सोरबिथिङारिया मा ? बिनि थादेरसाफोरा मा मा ? (What is environment? What are its components ?)
Ans : सोरबिथिङारिया जादों जोंनि सोरगिदिं थानाय थासारिफोर आरो जिउजों गोहोम गोग्लैनाय आरो जिउसाफोरनि जौगानायनि जथाइ।
सोरबिथिंङारिनि थादेरसाफोर जाबाय :
1.बार एबा बार मण्डल
2. हा एबा हा मण्डल
3. दै एबा दै मण्डल
4. जिब एबा जिबण्डल
2) सोरबिथिङारि सोलोंथाइ माखौ बुङो? (What is environ-mental education ?)
Ans : सोरबिथिङारि सोलोंथाइया जादों सोरबिथिङारिनि जोहै सोलोंथाइ, जेराव सोरबिथिङारि सोमोन्दै आरो सोरबिथिङारिनि थाखाय सोलोंथाइ होयो।
3) सोरबिथिङारि सोलोंथाइनि थांखिफोरा मा मा ? (What are the obejectives of environmental education?)
Ans : सोरबिथिङारि सोलोंथाइनि थांखिफोरा जाबाय :
(i) सांग्रांथि (Awarness): सांग्रांथि लाबोनाया जाबाय सोरबिथिङारि सोलोंथाइनि मोनसे गोनांथार थांखि। सोरबिथिङारि सोलोंथाइया सोरबिथिङारि सोलोंथाइनि जोहै फरायसाफोरनि गेजेराव सोरबिथिंखौ लाना सांग्रां खालामनाय।
(ii) गियान (knowledge): सोरबिथिङारि सोलोंथाइनि गुबुन मोनसे थांखिया जाबाय सोरबिथिंनि बागै फरायसाफोरनो गियान होनाय । मानोना, सोरबिथिंखौ रैखा खालामनो थाखाय सोरबिथिंनि बागै थोजासे गियान थानाया गोनांथार।
(iii) गोसो आखु (Attitude): गोसो आखुआ जाबाय सोरबिथिङारि सोलोंथाइनि गुबुन मोनसे गोनांथार थांखि । सोरबिथिंखौ लाना सांग्रां जानो थाखाय आरो सोरबिथिंखौ रैखा खालामनो थाखाय फरायसाफोरनि गेजेराव गोसो आखु जौगाहोनाया गोनांथार।
(iv) बाहागो लानाय (Participation) : बाहागो लानायाबो सोरबिथिङारि सोलोंथाइनि मोनसे गोनांथार आखुथाइ। मानोना सोरबिथिंखौ रैखा खालामनो थाखाय गियान, सांग्रांथि, गोसो आखु रोंगौथि आरो रोंगौथि थाबाल’ जाया। सोरबिथिंखौ रैखा खालामनायनि गुबै राहायानो जाबाय बाहागो लानाय आरो हेफाजाब होलायनाय।
4) सोरबिथिङारि सोलोंथाइ होनायाव सोलोंथाइयारि फसंथानफोराव मा जायो खान्थिफोर बाहाय नांगौ हायो?
(What principles should an educational institution fol-
low providing environmental education.)
Ans : सोरबिथिङारि सोलोंथाइ होनायाव सोलोंथाइयारि फसंथानफोराव बाहाय नांगौ जानाय खान्थिफोरा (Principles ) जाबाय :
i) सोरबिथिङारि सोलोंथाइया फरायसाफोरखौ सरासनस्रानिफ्राय जेथोसिम रोंगौथि बांहोनायाव हेफाजाब खालामो । बिदिन्थि महरै, गथ ‘साफोरा मासे दाउनि आदार जानाय आरो बिरनायखौ नोजोर होदों। बे रोंगौथिया गथ’साफोरखौ दाउनि आदार जानाय आरो बिरनाय हुदानि सोमोन्दै सांग्रां खालामनानै होयो।
ii)सोरबिथिङारि सोलोंथाइया सोलोंसाफोरखौ रोखा नङै मोन्दांथिनिफ्राय रोखा मोन्दांथि सोलोंनायाव मदद खालामो । जेरै सासे गाबफोरनि गेजेराव थानाय फारागथिखौ बुंनो हाया । नाथाय बैसो बांनाय लोगो लोगोनो बियो बाइदि गावनि सोमोन्दै बुंनो हानाय जायो।
iii)सोरबिथिङारि सोलोंथाइया फरायसाफोरखौ मोगथां निफ्राय गोसोसंहायै सिम दावगालांनायाव हे फाजाब खालामो । खुदियाफोरा सोरबिधिंनि सम्पदफोरखौ नुनानै आनजाद आरो बाहागो खालामनो हायो आरो बेनि उनाव बिसोरो बाइदिसिना सम्पदफोरखौ बेखेवना होनानै गरन्थआव फैनो हायो।
iv) सोरबिथिङारि सोलोंथाइया समाजजों लोगोसे लोब्बा दं। मानसि आरो सोरबिथिंजों गोथौ सोमोन्दो थानायखौ नुनो मोनो समनि सोलायनायजों लोगोसे मानसिनि गोसो आखुवाबो सोलायलांदों। बायदिसिना हारि, गाब, दोहोरोमखौ लानानै सुबुं माहारिनि गेजेराव गावजों गाव हिंसा आरो मुगैलायनाया बांलांनो हमदों।
5.सोरबिथिङारि सोलोंथाइनि नुस ‘हरनाय नोजोराव मा मा हाबनानै दं ? ( What areas are covered within the scope of en-
vironment education ?)
Ans : सोरबिथिङारि सोलोंथाइनि गोसारथिया जोबोर गुवार बेयो मिथिंगानि गासैबो आइदाखौनो आवग्रिनानै लायो। सोरबिथिङारि सोलोंथाइयाव समाजारि, हारिमुवारि, गोनोखोआरि, ओरोंदायारि, रांखान्थियारि, आयेनारि,रांखाउरियारि आरो सोलोंथाइयारि बाइदिसिना गासैबो बिथिंफोरखौनो लाफादेरो। सोरबिथिङारि सोलोंथाइया जाबाय सोरबिथिंनि हेफाजाबाव, सोरोबिथिंनि सोमोन्दै आरो सोरबिथिंनि थाखाय होनाय सोलोंथाइ।
1. सोरबिथिंनि बिजोंजों गोरलैयैनो फरायसाफोरनो सोलोंथाइ होनो हायो । मिथिंगायारि आबहावानि बागै जेरै- बिबार, एम्फौ एनला, दाउ आरो जारिमिनारि, हारिमुवारि आरो समाजारि जायगानि सोमोन्दै फरायफारिनि अनगायैबो सोरबिथिंनि गेजेरजों थोंजोडैनो फरायसाफोरखौ फोरोंनांगौ।
2.मानसिया सोरबिथिं नङाब्ला थांना थानो हाया। साफ्रोमबो मानसिया गावनि थांना थानाय आरो जौगानायनि थाखाय सोरबिथिंखौ रैखाथि होनांगों जायो। जोनोमनिफ्राय थैजासिम मानसिया बेनिफ्राय बारग ‘नो हाया। खुदियाआ नख’राव जोनोम लानायनिफ्रायनो बायदिसिना थाखो जेरै खुदिया सम, गथ’सा सम, आलायसा समखौ बारहोनो गोनां जायो। मोनफ्रोमबो थाखोआवनो सोरबिधिंनि बागै मिथिनाया. गोनांथार । फ़रायसाफोरा बेखौ मिथिना लानाया गोनांदि मिथिंगायारि आबहावाया मानसिनि देहा आरो सावनिनि सायावबो गोबारैनो गोहोम खोलैयो । सोरबिथिङानो जाबाय मानसिनि गोजोननायनि फुंखा। मानोना मानसिया मिथिंगाखौ मोननो हाब्लासो गोसोआव थार गोजोननाय फैयो।
3.सोरबिथिङारि सोलोंथाइनि गुबुन मोनसे बिथिङानो जाबाय सोरबिधिंनि थाखाय होनाय सोलोंथाइ। आथिखाल मुगायाव गोबां जेंना सोमजिनायखौ नुनो मोनदों, जेरै- सुबुं अनजिमा बांनाय, मिथिंगायारि सम्पद फोजोब सांनाय, बिगियान आरो बाहाय बिगियानजों सोमजिनाय बार, दै आरो हा गुबुंले जानाया मानसि माहारिखौ खैफोदाव खोख्लैदों। बेफोर जेंनानिफ्राय रैखाथि मोननो थाखाय बाइदिसिना राहा लानाया गोनांथार जानानै फैदों।
4. बेफोरनि अनगा, सोरबिथिङारि सोलोंथाइनि गुबुन गुबुन गोसारथिफोरा जाबाय, आबहावा गुबुंले जानाय, सुबुं अनजिमा बेफ्रुनाय, मिथिंगायारि सम्पद जोबस्रांनाय, गुबुंले जानायनि जाहोनफोर आरो बिगियान आरो गोनोखोनि गोहोम।
6. सुबुं सानखो सोलोंथाइनि रोखा गियानखौ सोर जौगाहोदों मोन ? एबा सुबुं अनजिमा सोलोंथाइनि सानदांथिखौ सोर जौगाहोदोंमोन ? (Who develop the concept of ‘population education’ ?)
Ans : सुबुं सानखो सोलोंथाइ (सुबुं अनजिमा सोलोंथाइ) नि सानदांथिखौ आलभा मिरदाल (Alva Myrdal) आ जौगा होदोंमोन।
7. सुबुं सानखो सोलोंथाइनि बुंफुरलु हो। बिनि थांखिफोरा मा मा ? एबा सुबुं अनजिमा सोलोंथाइनि बुंफुरलु हो। बिनि थांखिफोरामा मा ? ( Define population education. What are its objectives?)
Ans : ग ‘पाल रावनि बादिब्ला, “सुबुं सानखो सोलोंथाइया (सुबुं अनजिमा सोलोंथाइया) जाबाय मोनसे सोलोंथाइयारि हाबाफारि जाय सुबुं अनजिमानि सोमोन्दै फरायसंनाय होयो जाहाथे फरायसाफोरा सुबुं अनजिमा बांनायनि जाउनाव सोमजिनाय जेंनाफोरनि बागै जुगामियारि थिरांथा लानो हायो।सुबुं सानखो सोलोंथाइ एबा सुबुं अनजिमा सोलोंथाइनि थांखिफोरा जाबायः
1. सुबुं अनजिमा आरो समाजारि आरो रांखान्थियारि थासारिनि गेजेराव थानाय सोमोन्दैखौ फरायसाफोरनो मिथिहोनाय।
2. सुबुं अनजिमा बांनायनि जाहोनफोरनि बागै फरायसाफोरखौ मिथिहोनाय।
3. बिगियान आरो गोनोखोआ जोनोम आरो थैनायनि हारखौ बाङाय जाहोनायनि बागै फरायसाफोरखौ मिथि होना सांग्रां खालामनाय।
4.सुबुं अनजिमा बेरफ्रुनाया सोरबिथिं एबा आबहावानि सायाव गोहोम खोखलैनायनि बागै फरायसाफोरनो गियान होनाय।
5.फिसा नख ‘रा थाजिमै एबा मोजांयै जिउ खुंनायाव मदद खालामनायनि बागै फरायसाफोरनो गियान होना सांग्रांथि फोसावनाय।
6.फिसा नख ‘रा गोजोन आरो मोजां जिउ खुंनायाव मदद खालामनायनि बागै फरायसाफोरनो गियान होनाय।
8) सुबुं सानखो सोलोंथाइखौ (सुबुं अनजिमा सोलोंथाइखौ ) मानो नांगौ ? (Why population education is need?)
Ans : सुबुं सानखो सोलोंथाइ एबा सुबुं अनजिमा सोलोंथाइनि गोनांथिफोरखौ गाहायाव होनाय जाबायः
(i) सुबुं सानखो सोलोंथाइ एबा सुबुं अनजिमा सोलोंथाइया सुबुंफोरनि गेजेराव थानाय खोमसि फोथायनाय फोरखौ जानखार खालामो।
(ii) गुन गोनां जिउ खुंनो थाखाय सुबुं सानखो सोलोंथाइया गोनांथार।
(iii) सरासनम्रा सोलोंथाइनि गुनखौ एबा मानखौ फोसाबनो थाखाय सुबुं सानखो एबा सुबुं अनजिमा सोलोंथाइया गोनांथार।
(iv) सुबुं अनजिमा बेफ्रुनाया सोमजिहोनाय जेंना आरो बेनि राहाफोरनि सायाव सुबुं सानखो एबा सुबुं अनजिमा सोलोंथाइया गोथौयै फरायसङो।
(v) सुबुं सानखो एबा सुबुं अनजिमा सोलोंथाइया आइजो आरो हौवा मानसिफोरनि गेजेराव समानथि लाबोनायाव हेफाजाब खालामो आइजोफोरखौ बिसोरनि मोननो गोनां मोनथाइ आरो थासारिनि बागै मिथि होनानै।
(vi) सुबुं सानखो एबा सुबुं अनजिमा सोलोंथाइया मोजां एबा गाहाम हायुंसा सोरजिनायाव मदद खालामो।
9) सोलोंथाइनि गुबुन गुबुन थाखोआव सुबुं सानखो (सुबुं अनजिमा) सोलोंथाइखौ माबोरै होनाय जायो ? (How popu- lation education can be imported at different stages of education?)
Ans : सोलोंथाइनि गुबुन गुबुन थाखोआव सुबुं सानखो (सुबुं अनजिमा) सोलोंथाइखौ होनायनि राहाफोरा जाबाय :
i. 1971 मायथाइयाव, NCERT आ सुबुं सानखो (सुबुं अनजिमा) सोलोंथाइखौ गुदि फरायसालि थाखोआव जागायना गेजेरारि थाखोसिम सोलिनांगो होनना फोसावदों।
ii. गुदि सोलोंथाइ खल ‘बाव फरायसाफोरनो फिसा नख ‘रनि बागै रोखा गियान होनांगौ।
iii. गेजेरारि सोलोंथाइ खल ‘बाव सुबुं अनजिमा बांनायनि जारिमिनारि बिथाजों लोगोसे गुबुन गुबुन हादरफोरनि सुबुं अनजिमा बांनायनि हारनि बागै सोलोंथाइ होनांगौ।
iv. खायसे सान्थौगिरिफोरनि बादिब्ला गेजेरारि सोलोंथाइ खल ‘बाव सुबुं अनजिमा सोलोंथाइखौ आलादा आयदा महरै फोरोंनांगौ।
v. सोलोंसालिमा खल ‘बाव, सोलेरनि गुबुन गुबुन बाहागो एबा अंग ‘फोरनि बागै फोरोंनांगौ। फरायफारिफोराव जोनोम होनाय बिखान्थि आरो फारिखान्थिनि सान्दांथिखौ होनांगौ।
vi. बिजिरसंगिरिफोरखौ सुबुं अनजिमानि बागै बिजिरसंहोनांगौ एबा फरायसं होनांगौ।
vii. बायदिसिना फोरोंथाइ फसंथानफोराव सुबुं सानखो एबा सुबुं अनजिमा सोलोंथाइखौ मोनसे गोनांथार आलादा आयदा महरै फोरोंनांगौ।
10. सोलेरारि सोलोंथाइ माखौ बुडो ? (What is physical education ?)
Ans : सोलेरारि सोलोंथाइया जाबाय मोनसे सोलोंथाइ राहा जाय सुबुं जिउआव फोसाबनाय लाबोयो बायदिसिना सोलेरारि हाबाफारिफोरनि हेफाजाबै। सोलेरारि सोलोंथाइया जोंनो सावस्रिनि बागै आरो बेनि खैफोद आरो बेरामफोरनि बागै गियान होयो। सोलेरारि सोलोंथाइनि गुबै थांखिया जाबाय, सुबुंनि गासैबो बिथिंफोरावनो जौगानाय जेरै- सोलेरारि, समाजारि, हमदांथियारि, मेलेमारि, नैतिकआरि बायदि बायदि।
11) आथिखालनि सोलेरारि सोलोंथाइनि रोखा गियाना गोदोनि समनिखुइ फाराग दं नामा ? (Does the concept of modern physical education differ from the ancient period ?)
Ans : आथिखालनि सोलेरारि सोलोंथाइनि रोखा गियाना गोदोनि समनिख्रुइ फाराग दं। गमामायैनो “सोलेरारि सोलोंथाइ ” नि सम खोन्दोआ जेथो गोनां आरो गुवार बिथा। गोदो गोदाय सोलेरारि सोलोंथाइयाव सोलेरारि मावगाहाय फोरखौल’ सम खोन्दो हिसाबै बाहायदोंमोन। मानोना सोलेरारि सोलोंथाइया सासे मानसिनि थांना थानाय राहानि थाखाय गोनांथार । नाथाइ गुबै थांखियाव सोलेरारि बाहायनाया गोदोनि ग्रीच हादराव फेहेरजादोंमोन। बिदिनो भारत हादरावबो गोदोनि समाव सोलेरारि मावगाहायखौ एबा सोलेरारि हाबाफारिफोरखौ जिउनि मोनसे गोनांथार खोन्दो होनना सानबोदोंमोन । सुबुं सोदोमस्रिया जौगाबोनाय लोगो लोगो सोलेरारि सोलोंथाइनि सम खोन्दोनि गुबै ओंथियाबो सोलायलादोंमोन। दानि सोलिबाय थानाय सम बादियै सासे गथनि गावआरि एबा गावगायनि देहायारि, मेलेमारि आरो जिउमायारि जौगाबोनायनि थाखाय थारैनो गासै सुबुंसाइनि जौगानायनि फारसे देहायारि माव गाहायफोरनि गेजेरजों सोलोंथाइ लानो हानाय राहाखौनो सोलेरारि सोलोंथाइ बुंनाय जायो।
12) सोलेरारि सोलोंथाइनि खायसे थांखिफोर मख’ । (Mention few objectives of physical education.)
Ans : सोलेरारि सोलोंथाइनि थांखिफोरा जाबाय :
i. सोलेरारि जौगाहोनाय (Physical Development): सोलेरारि जौगाहोनाया जाबाय सोलेरारि सोलोंथाइनि मोनसे गोनांथार थांखि। सोलेरारि सोलोंथाइया बायदिसिना सोलेरारि मावफारि जेरै गेलेनाय, खारनाय, बारनाय, मोसानाय, य ‘गा बायदि बायदि मावफारिफोरनि जोहै फरायसाफोरनि सोलेरारि जौगासारनायखौ जाफुंहोनो नाजायो।
ii. मेलेमारि जौगाहोनाय (Mental Development) : मेलेमारि जौगाहोनाया जाबाय सोलेरारि सोलोंथाइनि गुबुन मोनसे गोनांथार थांखि । सोलेरारि सोलोंथाइया सोलेरारि जौगाहोनायावबो मदद खालामो। सोलेरारि सोलोंथाइया फरायसाफोरनि मेलेमखौ गोखों एबा गोफार खालामसिनो।
iii. हमदांथियारि जौगाहोनाय (Emotional Development): हमदांथियारि जौगाहोनायाबो सोलेरारि सोलोंथाइनि मोनसे गाहाइ थांखि । सोलेरारि सोलोंथाइया गेलेनाय, मोसानाय आरो य’गा बायदि सोलेरारि हाबाफारिनि जोहै फरायसाफोरनि हमदां थियारि जौगाहोनायाव बिहोमा होयो।
iv. समाजारि जौगाहोनाय (Social Development) : समाजारि जौगाहोनायाबो सोलेरारि सोलोंथाइनि गुबुन मोनसे गोनांथार थांखि । सोलेरारि हाबाफारि जेरै गेलेनाय, मोसानाय, आरो य ‘गाफोरनि जोहै फरायसाफोरनि समाजारि जौगासारनाया जाफुंसारो।
13. सोलेरारि सोलोंथाइखौ मानो नांगौ ? (Why physical educa- stion is needed ?)
Ans: सोलेरारि सोलोंथाइनि गोनांथिफोरा जाबायः
i. सोलेरारि सोलोंथाइया गोसोनि सांग्रांथि बांहोनायाव हेफाजाब होयो । मानोना बायदि रोखोमनि हाबाफारि जेरै- खमलायनाय, काबादि, क्रिकेट, बायदि गेलेनायफोराव गोसो होनाय आरो सांग्रां जानाया गोनां जाय सोलेरारि सोलोंथाइनि मावफारिफोराव बादायलायोब्ला गावबा-गाव सांग्रां जानो हायो।
ii. सोलेरारि सोलोंथाइया सावस्रिनि सोमोन्दै मोन्दांथि होनाय मोनसे सावस्रिनि मोजां फुंखा, जेराव फरायसा फरायसुलिफोरा गियान देहा, खैफोद आरो बेरामफोरनि सोमोन्दै गियान मोनो।
iii. सोलेरारि सोलोंथाइया हादरारि खौसेथिखौ बां होनायाव गोनांथार बिहोमा होयो। हायै बाहागो लायो। Games and sports फोरा हादरारि खौसेथिखो बांहोनायजों लोगोसे खौसेयै एबा ज ‘यै खामानि मावलांनो थोजासे खाबु होयो।
iv. सोलेरारि सोलोंथाइया सुबुंफोरनि जिउनि गेजेराव मोजां सोमोन्दो जौगाहोनायाव हेफाजाब खालामो । बेनि जोहै हेफाजाब होलायनाय आरो अनलायनाय बायदि गुनफोरा जौगायो।
v. सोलेरारि सोलोंथाइया सुबुंफोरनि आबेगारि एबा हमदांथियारि जौगाखांनायखौ फोसावो । रागा जोंनाय, मेलेमारि नारसिनथाय, दुखु दाहायाव गोग्लैनायफोरखौ सोलेरारि मावगाहाय एबा हाबाफारिफोरनि जोहै होबथानो हायो।
vi. सोलेरारि सोलोंथाइया नंगुबै गुनफोरखौ जौगाहोयो जेरै – रैखाथि मोननाय, हानजायारि गोहो, हानजायारि दैदेननाय, नेमखान्थिफोरखौ मानिनाय बायदि बायदि।
14) सोलेरारि सोलोंथाइखौ बेसेबां बैसोआव जागाय जेननो हायो ?
(At what age physical education can be started ?)
Ans : सोलेरारि सोलोंथाइखौ फरायसालि सोलोंथाइनि गिबि ‘जि’ बोसोराव होनाय जायो।
15) बेसेननां आ मा ? बुंफोरथि हो।
( What are values? Define.)
Ans : गुबैयै, बेसेननांखौ फोरमायनो हाया। बेसेननांआ बे गोनांथिखौ फोरमायो जाय सासे सुबुंनि मायबा जुनिया मावफारि एबा मोनखांथाइ एबा गावनि जिउजों सोमोन्दो थानाय जाथाइफोरखौ फोरमायो । बेसेननांआ जेबो नंङा नाथाय सानदांथिसो जाय सोरबा सासे सुबुनि गोसोआव जौगाखांओ एबा सोमजिखांओ। बेफोर थिरांथानि जों गायसंजायो एबा सोमजियो।
बुंफोरथि : अलपर्ट (Allport ) नि बादिब्ला बेसेनांआ जाबाय, “मोनसे फोथायनाय जायनि सायाव सोनारनानै सासे मानसिया सायख’ जाथावनायजों हाबा मावना दिन्थियो।”
नखर, फरायसालि, समब्रा-हानजा, माहारि, फोसाव बिजों आरो सरासनस्रि नुथाइ बायदिया बेसेननांफोरखौ जौगा होनायाव गोहोम खोख्लैयो।
16) बेसेननां सोलोंथाइ माखौ बुङो ? बेनि आखुथाइफोरा मा मा?
(What is value education? What are its characteristics ? )
Ans : बेसेननां सोलोंथाइ बुङोब्ला सोलोंथाइयारि हाबाफारि थिसनथाइ होनाय बाथ्राखौ बुजियो जायफोरा सासे मानसि आरो समाजनि जौगानायनि बोसोनथि खालामना होयो। थारैनो बे हाबाफारिफोरा मोनसे समाजखौ गोग्गोयै दावगालांहोनायाव हेफाजाब होयो । बेयो सासे सुबुंसाइनि गासै बिथिङाव जौगानाय जेरै- हायनारि, बुद्धियारि, आखुवारि, समाजारि आरो जिउमायारि बायदिखौ थोजासे हेफाजाब होयो ।
बेसेननां सोलोंथाइनि आखुथाइफोरा जाबाय :
बेसेननां सोलोंथाइया मोनसे जोबोर गुवार माव बिखान्थि।
बेसेननां सोलोंथाइया मानसिनि थोंजोंयै एबा खेंस्लायै आरजिनाय गियान, हुदा, गोसो आखु, मोन्दांथिनाय बायदि फोरखौ मोनसे बिखान्थि हिसाबै बोसोनथि होयो।
बेसेननां सोलोंथाइया साफ्रोमबो सुबुंफोरनि ‘मोजां’ जों सोमोन्दो दं। बे सोलोंथाइया समाजनि थांखिखौ हमदांनायाव एबा सानखांनायाव हेफाजाब होयो।
17. बेसेननां सोलोंथाइनि नांगौथि आरो गोनांथि मख’। (Highlight the need and importance of value education.)
Ans : बेसेननां सोलोंथाइनि नांगौथि आरो गोनांथिफोरखौ गाहायाव दिन्थिना होनाय जाबाय:
i. बेसेननां सोलोंथाइया थाजिम आरो नांगौ बिबांनि सुबुंसाय जौगानायाव हेफाजाब होयो।
ii. बेसेननां सोलोंथइया जिउ राहायारि हारोंथाइखौ जौगाहोयो।
iii. बेसेननां सोलोंथाइया फरायसा-फरायसुलिफोरनि अखल दानाय आरो आखुवारि जौगानायाव हेफाजाब होयो।
iv. बेसेननां सोलोंथाइया समाजारि हारोंथाइ दावखो होनायाव हेफाजाब होयो।
v. बेसेननां सोलोंथाइया माहारियारि खौसेथि सानदांथिखौ फोसावनायाव हेफाजाब खालामो।
vi. बेसेननां सोलोंथाइया हारिमुवारि बेसेननांखौ जौगा होयो।
18. फरायसालिफोराव बेसेननां सोलोंथाइखौ माबोरै होनो हायो ? (How value education can imported in school ?)
Ans : फरायसालिफोराव बेसेननां सोलोंथाइखौ मोननै रोखोमै होनो हायो-
i. थोंजोंयै (Direct) आरो
ii. खेंस्लायै (Indirect)।
फरायसालिनि समफारियाव बेसेननांनि सायाव राहा खालामना फारिखान्थि आरो गोथौवै साननानै फोरोंनायखौ बेसेननांफोरनि थोंजों लामा होनना मिथिनाय जायो। खायसे खायसे रायजोआव आखुवारि सोलोंथाइ बायदियै बे सोलोंथाइखौ होनाय जायो । बायदि रोखोमनि सल ‘बाथाफोर, आखुथाइयारि दद’ मद’ आरो थार जिउनि जाथाइफोरखौ लानानै बेसेननांनि बागै बुजायनाय जायो। बेफोरनि बेलायाव बायदि बायदि रोखोमनि बेखेवथिनाय, सावरायज्लायनाय आरो दिन्थिफुंनाय खालामनाय जायो। खेंस्लायै खान्थि बायदि उफेरा फरायफारि मावफारिनि जोहै फरायसालियाव बे सोलोंथाइखौ होनाय जायो।
बेसेननां सोलोंथाइ होनायनि थाखाय खायसे आदबनि मुंफोरा जाबायः
i. बिबुंथि आदब ।
ii. धोरोमारि सोलोंथाइ ।
iii. स्रि जिरायनाय ।
iv. सल ‘बाथा खोन्थानाय ।
v. बिजाबफोर आरो सुफुंथायारि फरायनाय ।
vi. बिफाव फरायनाय गेलेनाय ।
19) गोहो बांहोथाइया मा ?
(What is empowerment ?)
Ans : गोहो बांहोथाइया जाबाय मोनसे मावबिखान्थि जाय सुबुंफोरखौ गावनिनो सिंआव थाखानाय हारोंथाइ, मावफुंनो हानाय रोंगौथि आरो गोहोखौ सिनायथिनायाव हेफाजाब खालामो
20) आइजो गोहो बांहोथाइनि बुंफुरलु हो । आइजोफोरनि गोहो बांहोथाइया मानो जोबोर गोनांथि दं?
( Define women em- powerment? Why empowerment of women is consid- ered very essential ?)
Ans : UNESCO Gender Empowerment Index नि बादिब्ला, “सासे मानसिया जेब्ला गोखो गोहो गोनां जायो अब्ला बियो गावनि थाखाय आरो गुबुनफोरनि समाजारि आरो राजखान्थियारिनि थाखाय थिरांथा खालामनो हायो।”
आइजोफोरनि गोहो बांहोथाइया मोनसे न्याय गोनां आरो समानथियारि समाज गायसननायनि थाखाय जोबोद गोनांथार।
21)आइजो गोहो बांहोथाइनि थांखिफोरखौ मख’। (Mention the objectives of women empowerment?)
Ans : आइजो गोहो बांहोथाइनि थांखिफोरा जाबाय :
i. आइजोफोरखौ गाव- सोनार खालामनाय।
ii. आइजोफोरनि गाव-सनमान आरो गाव-फोथाइथिखौ बांहोनाय।
iii. गियान आरो रौंगौथि जौगाहोनाय।
iv. आयजोफोरखौ बिसोरनि संबिजिरारि आरो आयेनारि मोन्थाइखौ लाना साखाफारा खालामनाय।
22) भारतनि सोलोंथाइ फारिखान्थियाव आइजोफोरनि मानखौ (थासारिखौ एबा जायगाखौ) फोरमाय। (Outline the status of women in Indian education system?)
Ans: बैदिक मुगायाव हौवाफोराबो आरो हिनजावफोराबो समानै सोलोंथाइ लानो खाबु मोनदोंमोन नाथाय मुसलमानफोरनि आमोलाव आइजो सोलोंथाइया गाज्रिथार थासारियाव दंमोन। बे गाज्रिथार थासारिया भारताव ईष्ट ईण्डिया कम्पानिया फालांगि खालामनो फैनाय समहालागै सोलिदोंमोन। उनावहाय, सोलोंथाइयारि फोसाबथाइनि बांसारनाय आरो ख्रिष्टियान मिछनारीफोरनि हेफाजाबाव आयजो सोलोंथाइखौ फोसाबनाय एबा जौगाहोनाय जादोंमोन।भारता उदांस्रिमोनखांनायनि उनाव, भारतनि संबिजिरा आइजो सोलोंथाइखौ जुनिया गोनांथि होदोंमोन। इं 1958-59 आव आइजो सोलोंथाइखौ जौगाहोनो थाखाय हादरारि आइजो सोलोंथाइ गौथुम आरो इं 1974 मायथाइयाव भारताव आइजोफोरनि थासारिनि सायाव गौथुम दानाय जादोंमोन। 1988 मायथाइयाव मिरु सरकारा आइजोफोरनि थाखाय हादरारि बेरखां – महर बिथांखि (NPPW) आव आइजोफोरनि मान सोलोंथाइनि सायाव जुनिया गोनांथि होदोंमोन। हादरारि सोलोंथाइ खान्थि (1986) आरो मावथाइनि हाबाफारि (1992) आ बुंदोंदि आइजो सोलोंथाइया जेबो नङा नाथाइ हादरारि एबा माहारियारि जौगानायनि राहासो एबा बिथांखिसो।
2001 मायथाइनि सुबुं सानखो फोरमायथि बायदिब्ला, भारत हादरनि आइजोफोरनि लेखा रोंथाइ हारआजादों 54.16% । बेनि उलथायै हौवासाफोरनि लेखारोंथाइ हारा जादों 75.85%।
23) आइजो गोहोबांहोथाइनि थाखाय सोलोंथाइ होनायनि राहाफोरखौ लिर।
Give some measures for education for women empowerment.
Ans : आइजो गोहोबांहोथाइनि थाखाय सोलोंथाइ होनायनि राहाफोरा जाबायः
i.. मुलुग सोलोंसालियाव फरायनाय फरायसुलिफोरनो रोंबान्था (schol- arship) होनाय।
ii. आइजोफोरनि थाखाय हस्तेल बानायनायनि जुनिया थांखि लानाय।
iii. आइजोफोरनो बिगियान सोलोंथाइ होनायनि राहा लानाय।
iv. आइजोफोरनो जुनिया गोनोखोआरि सोलोंथाइ होनायाव हेफाजाब होनाय।
v. सोलोंथाइयारि फसंथान आरो सरकारि साखिफोराव आइजोफोरनो जुनियायै मासि थिनाय।
vi. हिन्जावसा फरायसाफोरनो उदां एबा बेसेन लायै गोनांथार सोलोंथाइ होनाय।
