Chapter 1:Bodo MIL Class 12 Solutions|Bodo Medium|एण्डेल मुगानि बर’ थुनलाइ-Welcome to the Bodo Tutor Website. In this article, we are delighted to discuss the Class 12 Bodo (MIL) syllabus under the Assam Higher Secondary Education Council (AHSEC). Our focus will be on addressing all questions from the section *”एण्डेल मुगानि बर’ थुनलाइ“* in Chapter 1 of Class 12 Bodo (MIL.
To assist students in mastering the Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students.
We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Chapter 1:Bodo MIL Class 12 Solutions|Bodo Medium
गुबै फारानि सोंनायनि फिननाय
1. सोंथि: सिदनि एण्डेलआ सोर? बियो बबेयाव माब्ला जोनोम मोनदोंमोन आरो आसामआव माब्ला सोरजों फैफादोंमोन? बियो बबेयाव माब्ला रुंसारि जादोंमोन?
फिन: रेभारण्ड सिदनि एण्डेलआ इंलेण्डनि सासे ख्रिष्टान मिसनारिमोन। बिथाङा इंलेण्डनि तटेनेज मुंनि थावनियाव इं 1840 मायथायाव जोनोम मोनदोंमोन आरो इं 1864 मायथायाव आसामनि तेजपुराव बर’ ख्रिष्टानफोरननि धोरोम गुरु हेजेलमियार (Hesselmyr) नि लेङाय जानानै फैदोंमोन। बिथाङा आसामनि तेजपुरावनो इं 1907 मायथायाव रुंसारि जादोंमोन।
2. सोंथि: सिदनि एण्डेलखौ बर’फोरा मानो ‘गामिनि ब्राइ’ होनना गाबज्रियोमोन? बियो बबे बर’ ओनसोलाव थानो लादोंमोन? बियो बर’ गामि गामि मानो आरो मा थांखियै थाबायदिङोमोन?
फिन: रेभारण्ड सिदनि एण्डेलखौ बर’फोरा बर’फोरनि सुखु दुखुनि बुब्लियाव गसंफानायनि थाखाय अननानै ‘गामिनि ब्राइ’ होनना गाबज्रियोमोन। बिथाङा आसामनि तेजपुर जिलानि बर’ ओनसोलाव थानो लादोंमोन।
रेभारण्ड सिदनि एण्डेलआ बर’ गामि गामि थाबायदिङोमोन। मानोना गोग्लैसोनानै थानाय बर’ रावखौ बर’नि गामि गेजेर गेजेर थाबायदिंना बर’फोरनि हाबा-हुखा, दामनाय-देनाय, मोसानाय-मुसुरनाय, रंजानाय-बाजानाय जेरावबो नुजाहैनानै बिसोरनि गोसो खंखराव उप्लेहाबना एबा गुलि गुलि खालामनानै बर’ हान्जामा एबा बर’ माहारिनि आसार खान्थिफोरखौ बुरन बुसि सोलोंनो नाजायोमोन आरो बर’फोरनि सुखु दुखुनि बुब्लियाव गावबो गसंफायोमोन। बेनि अनगायैबो सोरनिबा नख’राव मानसि थैयोब्ला गुरब्ला नुजाहैयोमोन आरो दुखु दाहानि बिबान लाफानायजों लोगोसे बर’फोरनि गोथै बोगारनाय बाउगारनाय आसारफोरखौ एण्डेलआ बुथुमनानै लायोमोन, बबेबा गामियाव सल’ खिन्थानो गोरों बर’ ब्राइ दंब्ला एण्डेलआ सल’ लिरथुउमनो गुरब्ला नुजाहैयोमोन, बबेबा गामियाव समायना रमायना गोमो-गोथां बाथ’ गां गाबनि आगर गोनां बर’ सि (जि) दंब्ला फट’ सेबखांनो बेयावबो एण्डेलआ सहैयोमोन, बबेबा गामियाव मेथाइ खनननो गोरों मानसिफोर दंब्ला बर’ खुगा मेथाइफोरखौ लिइरखांनो हामफ्ला-सिमफ्ला एण्डेलआ नुजाहैयोमोन। बेफोरखौ बुरन बुसि लांनानै बै समनि “The Asiatic Society of Bengal“आ दिहुननाय Research Paper फोराव बर’फोरनि सोमोन्दै गोलाव गोलाव रायथाइ लिरना मुलुगनि जिंगालु पण्डितफोरनि सिगांआव बर’ नख्रांखौ बुरब्लाना होदोंमोन बिथां एण्डेलआनो। बे थांंखियैनो एण्डेलआ बर’ गामि गामि थाबायदिङोमोन।
3. सोंथि: सिदनि एण्डेलनि लिरनाय आरो बुथुमनाय बिजाबफोरा मा मा मुंख’ना लिर। बेफोरखौ माब्ला लिरदोंमोन आरो माब्ला सेबखांनाय जादोंमोन? बर’ थुनलायनि एन्देल मुगाखौ माब्लानिफ्राय माब्लासिम हमनाय जायो?
फिन: रेभारण्ड सिदनि एण्डेलआ बर’फोरनि गोथै बोगारनाय बाउगारनाय आसारफोर, बर’ सल’, बर’ सि (जि) नि फट’ आरो बर’ खुगा मेथाइफोरखौ बुरन बुसि बुथुमना लांनानै बै समनि “The Asiatic Society of Bengal“आ दिहुननाय Research Paper फोराव बर’फोरनि सोमोन्दै गोलाव गोलाव रायथाइ लिरनानै फोसावनायनि अनगायैबो “An Outline Grammar of the Kachari (Boro) Language” आरो “The Kacharies” मुंनि गांनै बिजाब लिरदोंमोन।
“An Outline Grammar of the Kachari (Boro) Language”- बे बिजाबा इं 1884 मायथायाव साफायसालिनिफ्राय ओंखारदोंमोन आरो “The Kacharies”- बिजाबा बिथां रुंसारि जाखांनायनि उनाव इं 2011 मायथायाव बै समनि आसाम सरखारजों सेबखांजादोंमोन।
रेभारण्ड सिदनि एण्डेलआ इं 1864 मायथायाव आसामनि तेजपुराव बर’ ख्रिस्तियान हेजेलमियार (Hesselmyr) नि लेङाइ जाना फैनानै बर’ रावखौ फोथांनो लाजेननाय समनिफ्राय हमनानै बिथांनि “The Kacharies” मुंनि बिजाबखौ बै समनि आसाम सरखारा 2011 मायथायाव साफायना दिहुननाय समखिनि गेजेरनि मायथाइ 47 बोसोरखौननो एण्डेल मुगा होनानै हमनाय जायो।
4. सोंथि: जे. दि. एण्डार्सनआ सोरमोन? बियो बर’नि जथायनाय बिजाबनि मुङा मा? बेयाव मा दं आरो माब्ला सेबखांनाय जादोंमोन?
फिन: जे. दि. एण्डार्सनआबो सासे ख्रिस्तियान मिसनारि जाय रेभारण्ड सिदनि एण्डेलखौ बर’ राव जौगाहोनायाव हेफाजाब होदोंमोन। बिथाङा बै समनि आसामनि दरं जिल्लानि डि.सि. मोन।
जे. दि. एण्डार्सनआ बर’नि जथायनाय बिजाबनि मुङा जाबाय “A Collection of Kachari Folk Tales and Rhymes.” बे बिजाबाव बर’नि खुगा सल’ आरो खुगा मेथािफोरखौ मोननो हायो। बे बिजाबखौ 1895 मायथायाव सेबखांनाय जादोंमोन।
5. सोंथि: लिरगिरि बिहुराम बर’नि मुंखनाय मोननै थुनलायनि बायदि बाहागोफोरनि बुंफुरलुफोरखौ लिर। बिनि बादियैब्ला थुनलाया मा?
फिन: “एण्डेल मुगानि बर’ थुनलाइ” रायथाइनि लिरगिरि बिहुराम बर’आ रायथाइयाव मुंखनाय मोननै थुनलायनि बायदि बाहागोफोरा जाबाय – मेथाइ आरो सल’।
बिथांनि बादिब्ला बे मोननै थुनलायनि बायदि बाहागोफोरनि बुंफुरलुफोरा जाबाय- जेब्ला गोरोबथाइनि बिजोंजों सुबुङा माब्लाबा गोदै देंखोजों गारां बोहाब बोहाब गावनि गोसोनि बाथ्राखौ गुबुननि सिगाङाव खिन्थायो अब्ला बेनो खुथि (संगीत) एबा मेथाइ। गुबुन फारसेथिं, माब्लाबा खबाम गोनां गोदै गारांजों गावनि गोसोनि साननायखौ गुबुननो मिथिहोयो बेनो खन्थाइ आरो बे खन्थाइ फारि आरो आखला बांना गोलाव जायोब्ला बे खन्थाइया माब्लाबा मोनफा मोनफा गोदोनि एबा दानि जाथाइयाव गाब फुननानै गोदै गोथाव रावजों बेखौ गुबुननो खिथायोब्ला बेनो सल’।
6. सोंथि: The Kacharies मुंनि बिजाबखौ सिदनि एण्डेलआ माब्ला लिरदोंमोन आरो बेखौ माब्ला सेबखांनाय जादोंमोन? बेनि सिङाव मा मा आयदा दं?
फिन: “The Kacharies” मुंनि बिजाबखौ रेभारण्ड सिदनि एण्डेलआ आसामनि तेजपुराव फैनानै बर’ रावखौ फोथांनो लानाय समाव रुंसारि जायिनि सिगांआवनो लिरदोंमोन। नाथाइ बे बिजाब बिथां रुंसारि जानायनि उनावसो इं 1911 मायथायाव बै समनि आसाम सोरखारजों सेबखां जादोंमोन।
“The Kacharies” मुंनि बिजाबा गांसे बर’ रावखान्थि, जारिमिन आरो सुबुं थुनलाइ। रावखान्थि आरो जारिमिन खोन्दोया इंराजिययाव लिरनाय। फारसेथिं सुबुं थुनलाइ खोन्दोया रमान हांखोजों बर’ रावाव लिरनाय। बेयावहाय एण्डेलआ गाव लिरनाय रावना रावनिनि सल’खौ “An Outline Grammar of the Kachari (Boro) Language” निफ्राय दैखांना दोनदों। लोगोसे जे. दि. एण्डार्सननि “A Collection of Kachari Folk Tales and Rhymes” मुंनि बिजाबनिफ्राइबो ‘दैमा-दैसानि खुरां’, ‘सासे अलसिया गथ’नि खुरां’, ‘बामुन आरो साकरनि खुरां’, ‘आब्रानि खुरां’, ‘मोख्रा आरो सेसानि खुरां’ आरो ‘सासे फालांगि गथ’नि खुरां’ सल’खौबो दैखांना गालांदों।
7. सोंथि: एण्डेल आरो एण्डार्सननि बर’नि सायाव लिरनायफोरा थुनलाइ नंगौना नङा सावराय।
फिन: रेभारण्ड सिदनि एण्डेल आरो जे. डि. एण्डार्सनआ बर’नि सायाव लिरनायफोरा थुनलाइ नंगौना नङा सावरायनायनि सिगां सिगांनो बिथांमोननि लिरनायफोरा मा मा आरो थुनलाया माखौ बुङो बेखौ मिथिना लाग्रोनि फै।
गिबियावनो सिदनि एण्डेलआ लिरदोंमोन An Outline Grammar of the Kachari (Boro) Language (1884) आरो The Kacharis (1911) मुंनि गांनै बिजाबखौ। गुबुन फारसेथिं जे. डि. एतण्डार्सनआ A Collection of Kachari Folk Tales and and Rhymes (1995) मुंनि बिजाबखौ लिरदोंमोन।
दानिया थुनलाइया माखौ बुङो? लिरगिरि बिथां बिहुराम बर’नि बादियैब्ला- बर’ सोदोब थुनलाइया संस्कृत सोदोब साहित्य, एबा इंराजि Literature नि बिजिरथि बानसनो हायाखै। साहित्य’नि बिजिरथिया जादों – गोरोबथाइ (मिलन)। बे गोरोबथाया जादों गोसोनि साननायजों खान्थिगोनां रावनि गोरोबथाइ आरो सुबुंनि दुखु-दाहा, गांनाय, उखैनाय, गाबनाय-मिनिनाय आरो अननाय बोराबनायफोरजों खबामगोनां रावनि गोरोबथा बायदि बायदि। बे गोरोबथानि बिजोंजोंनो सुबुडा माब्लाबा गोदै देंखोजों गारां बोहाब बोहाब गावनि गोसोनि बाथ्राखौ गुबुननो खिन्थायो अब्ला बेनो खुथि (संगित) एबा मेथाइ, माब्लाबा खबामगोनां गारांजों गावनि गोसोनि साननायखौ गुबुननो मिथिहोयोब्ला- बेनो खन्थाइ आरो बे खन्थाइनि फारि आरो आखल बांना गोलाउ जायोब्ला बे खन्थाया माब्लाबा मोनफा मोनफा गोदोनि एबा दानि जाथाइयाव गाब फुननानै गोदै गोथाव रावजों बेखौ गुबुननो खिन्थायोब्ला बेनो सल’ आरो बेनो फारि, आरो आखला बांना गोलाउ जायोब्लानो बेनो सल’मा, माब्लाबा दानि एबा गोदोनि जाथाइ मोनफाया बोरै जादोंमोन, बेयो जानाय समाव सोर, बहा मा बुंदोंमोन, बोरै बुंदोंमोन, बेफोरखौ आव-फाव खालामना गुबुननो नायहोनो एबा खोनाहोनो थाखाय बै जाथाइनि खौरांफोरखौ बुंफिनो अब्ला बेनो नायजाब आरो बेफोरखौनो जयै थुनलाइ बुंनाय जायो। थामहिनबा थुनलाइया जादों मोनफा मोनफा जाथायनि आयना।
रेभारण्ड सिदनी एण्डेलआ “An Outline Grammar of the Kachari (boro) Language” मुनि बर’ रावखान्थि बिजाबखौ 1884 मायथाइयाव दिहुनो। बेयो रावखान्थिनि बिजाबब्लाबो रावना-रावनिनि सल’खौबो बर’ आरो इंराजि मोननैबो रावजोंनो दिहुनफादेरो। नाथाय बे बिजाबा रावखान्थि जानायलाय थुनलाइनि सिरियाव गोग्लैया। बेबादिनो बिथांनि 1911 मायथाइयाव आसाम सोरखारजों सेबखांना दिहुनजानाय The Kacharis मुनि बिजाबा गांसे रावखान्थि, जारिमिन आरो सुबुं थुनलाइ । रावखान्थि आरो जारिमिन खोन्दोआ इंराजि रावजों लिरनाय। बेनिखायनो बे खोन्दोआ बर’ थुनलाइ जानो हाया। सुबुं थुनलाइ खोन्दोआ रमान हांखोजों बर’ रावाव लिरनाय । बेनिखायनो बे खोन्दोखौल’ थुनलाइ होनना गनायनो हायो।
गुबुन फारसेथिं, जे.डि. एतण्डार्सनआ “A Collection of Kachari Folk Tales and Rhymes” बिजाबखौ इं 1895 मायथायाव दिहुनदोंमोन। बे बिजाबाव मोन 21 खुगा सल’ आरो दों 17 खुगा मेथाइफोरबो दं। नाथाय खुगा थुनलाइ बादियै लिरगिरिनि सिनायथि, लिरनाय जायगा आरो लिरनाय मायथाइनि जेबो फोरमान एबा थं गैयिखाय जे.डि. एतण्डार्सननि बे बिजाबाबो थुनलायनि फारियाव फैया। बेबादियैनो जों रेभारण्ड सिदनि एण्डेल आरो जे. डि. एण्डार्सनआ बर’नि सायाव लिरनायफोरा थुनलाइ नंगौना नङा सावरायनो हायो।
लिरसुंथाइ लिर:
1. ड° नाथान ब्राउन:-बिथाङा सासे सिगांसिन आमेरिकान बैपटिस्ट मिसनारिमोन, जाय भारतनि आसाम रायजोआव मख’जाथाव बिहोमा होदोंमोन। 1807 माइथायाव जोनोम मोननाय ब्राउनआ 1836 माइथायाव रेव. अलिभार काटरनि नख’रजों लोगोसे ख्रिस्थान धोरोम आरो सोलोंथाइखौ गोसारहोनो थांखि लानानै आसामाव फैदोंमोन।
आसामाव ब्राउननि गोहोमा गोबां बिथिंङाव गोनांमोन। बिथाङा 1848 मायथाइयाव सेबखांजानाय गोदान नेमखौ असमियाआव राव दानस्लायनानै असमिया रावखौ जौगाहोनायाव गोनां बिफाव लादोंमोन। बिथाङा 1848 मायथाइयाव आमेरिकान बैपटिस्ट मिसन प्रेसआव सेबखांजानाय “असमिया रावनि ग्रामेटिकल नोट्स” खौबो लिरदोंमोन, जाय रावखौ जोगाहोनायाव मदद होदोंमोन।
गावनि रावारि बिहोमाफोरनि अनगायैबो, ब्राउनआ आसामाव गोदान मुगानि सोलोंथाइखौ सिनायथि होनो थाखाय गोनांथार बिफाव लादोंमोन। बिथाङा असमिया आरो खामती रावफोराव फरायसालिफोर गायसनदोंमोन आरो बिजाबफोर लिरदोंमोन। बिथाङा इं 1846 माइथायाव गिबि असमिया लाइसि ‘अरुण’दय’ खौबो जागायदोंमोन, जायखौ बिथाङा गु बोसोरसिम सुजुदोंमोन।
2. ड° माइलस ब्रनसन:-बिथाङा सासे सिगांसिन आमेरिकान बेप्टिस्ट मिसनारिमोन जाय आसामाव गोबां बिहोमा होदोंमोन। 1812 मायथाइयाव जोनोम मोननाय, ब्रनसनआ 1836 मायथाइयाव आसामाव सौफैदोंमोन आरो ख्रिस्थान धोरोम, सोलोंथाय आरो असमिया रावखौ दावगाहोनो थाखाय उदायै खामानि मावदोंमोन। बिथाङा 1845 मायथाइयाव गुवाहाटीआव ओनसोलनि गिबि बेप्टिस्ट गिर्जा गायसनदोंमोन आरो 1867 मायथाइयाव सेबखांजानाय गिबिसिन असमिया रावखान्थिखौ बुथुमदोंमोन।
ब्रनसननि नाजानायफोरा असमिया राव आरो थुनलाइखौ जौगाहोनायाव मदद होदोंमोन, आरो बिथांखौ दासिमबो असमिया सिनायथिनि सासे देरहासातगिरि महरै गोसोखांनाय जायो। सोलोंथाइयाव बिथांनि हाबाया आसामाव गोबां फरायसालिफोर गायस’नो, जाय गथ’ साफोर आरो हिनजावफोरनि थाखाय सोलोंथाय मोन्नो खाबु होयो। ब्रनसननि हाबाफोर आसामनि सुबुंफोरखौ थुलुंगा होदों, आरो ओनसोलनि राव, हारिमु आरो सोलोंथाइयाव बिथांनि बिहोमाखौ दिनैबो फालिनाय जायो।
3. अरुण’दइ: – बिथाङा गांसे सिगांसिन असमिया लाइसि जाय असमिया राव आरो हारिमुखौ दावगाहोनायाव मख’जाथाव बिफाव लादोंमोन। गिबिखेब 1846 मायथाइयाव सेबखांजानाय, बे असमिया लाइसिआ सासे आमेरिकान बैपटिस्ट मिसनारि ड° नाथन ब्राउनजों सुजुजादोंमोन। बे लाइसिआ असमिया सुबुंफोरनि गेजेराव सोलोंथाय, समाजारि फोसाबनाय आरो हारिमुआरि संरैखा खालामनायनि गोनांथिनि बागै सांग्रांथिखौ गोसारहोनायाव गोनांथार बिफाव लादोंमोन।
अरुण’दइ आव थुनलाइ, जारिमिन, बिगियान आरो सानथौजों लोगोसे गुबुन गुबुन आयदाफोरनि सायाव लिरबिदांफोर दंमोन। बियाव गुबै असमिया खन्थाइ, सुंद’ सल’ आरो रायथाइफोरखौबो सेबखांदोंमोन, जाय जायगायारि लिरगिरिफोरनो गावसोरनि रोंग’थिखौ दिन्थिफुंनो थाखाय मोनसे प्लेटफर्म जगायो। असमिया समाजआव लाइसिनि गोहोमा गोथौमोन, मानोना बेयो सुबुंफोरनि गेजेराव सिनायथि आरो गोग्गानि मोनदांथि सोमजिहोनायाव हेफाजाब होदोंमोन। अरुण’दइनि गोसोखांथिखौ आसामीयाफोरा फालिबोगासिनो दं, आरो बियो असमिया थुनलाइ जारिमिनाव मोनसे गोनां माइलस्टोन जाना दं।
बेखेवथि लिर:
(क) बे मोनसे सल’आनो…………. थुनलायनि गोगो बेगर।
फिन: “बे मोनसे सल’आनो…………. थुनलायनि गोगो बेगर।”
गोजौनि बाथ्रा खोन्दोखौ बिहुराम बर’आ लिरनाय “एण्डेल मुगानि बर’ थुनलाइ” रायथाइनिफ्राय दैखांना होनाय जादों।
बे बाथ्रा खोन्दोनि गेजेरजों रायथाइगिरि बिहुराम बर’आ रेभारण्ड सिदनि एण्डेला दिहुननाय “An Outline Grammar of the Kachari (Boro) Language” मुंनि बर’ रावखान्थि बिजाबानो गिबि दिहुनजाजेननाय बर’ सल’ आरो बर’ थुनलाइनि गोगो बेगर होनना फोरमायदों।
रेभारण्ड सिदनि एण्डेला बर’फोरनि आसार-आखु, हाबा-हुखा, मोसानाय-मुसुरनाय, आगर-आखाय बायदिफोरनि सोमोन्दै रायथाइफोरखौ लिरनायनि उनाव 1884 मायथायाव बिथाङा गिबियै बे रावखान्थि बिजाबखौ दिहुनजेनो। बेवहाय बिथाडा रावखान्थि विजाबब्लाबो रावना-रावनिनि सल’ (The Kachari theory of Thunder and lightening) खौबो बर’ आरो इंराजी मोननैबो रावजोंनो दिहुनो। बेनिखायनो बे बिजाबखौनो गिबि बर’ थुनलाइ सल’ आरो बर’ थुनलायनि गोगो बेगर होनना बुंदों।
(ख) सुंद’यै बुंनो थाङोब्ला…………. जाथाइनि आयना।
फिन: “सुंद’यै बुंनो थाङोब्ला…………. जाथाइनि आयना।”
गोजौनि बाथ्रा खोन्दोखौ बिहुराम बर’आ लिरनाय “एण्डेल मुगानि बर’ थुनलाइ” रायथाइनिफ्राय दैखांना होनाय जादों।
बे बाथ्रा खोन्दोनि गेजेरजों रायथाइगिरि बिहुराम बर’आ थुनलाइनि महरखौ गुबुन गुबुन रोखोमनि होनना बुंदों आरो सुंदयै थुनलाइखौ मोनफा मोनफा जाथाइनि आयना होनानै फोरमायदों।
लिरगिरिनि बादिब्ला थुनलाया जादों मोनफा मोनफा जाथाइनि आयना आरो बेफोर जाथायाव थायो मोनफा मोनफा आखल, आखलनि उनाव थायो सुबुं । थुनलाइयाव जों गोदै-गोखा, दुखु-दाहा, गांनाय-उखैनाय, गाबनाय-मिनिनाय, बोराबनाय बायदि गोरोबथा मोननो हायो। बे गोरोबथानि बिजोंजोंनो सुबुङा माब्लाबा गोदै देंखोजों गारां बोहाब बोहाब गावनि गोसोनि साननाय खोथा बाथ्राफोरखौ गुबुननो खोन्थालायो। गावनि गोसोनि साननायखौ गुबुननो खन्थाइ महरै फोरमायथियो, सुद’ सल’ एबा सल’मा महरै फोरमायथियो। बेफोर गासैनिबो जाथायानो जादों थुनलाइ। सुंदयै बुंनो थाडोब्ला सासे सुबुंनि जानाय जाथायफोरखौनो सल’ एबा खन्थाइ महरै बेखेवनानै होनायानो थुनलाइ । बिनिखायनो रायथाइगिरिया थुनलाइखौ मोनफा मोनफा जाथायनि आयना होननानै फोरमायदों।
(ग) एण्डार्सनआ खनथुमना………….. गुमुर मोनदांं मोनो।
फिन: “एण्डार्सनआ खनथुमना………….. गुमुर मोनदांं मोननो।”
गोजौनि रायथाइ खोन्दोखौ बिहुराम बर’आ लिरनाय “एण्डेल मुगानि बर’ थुनलाइ” रायथाइनिफ्राय दैखांना होनाय जादों।
बे रायथाइ खोन्दोनि गेजेरजों रायथाइगिराया जे. डि. एण्डार्सनआ खनथुमना गालांनाय मेथाइफोरनि गेजेरजोंदि बर’फोरा गोबां आसार खाथिनि गुमुर मोन्दांनो हादोंमोन बेखौनो फोरमायनो नाजादों।
बिथां जे. डि. एण्डार्सनआ बर’ गामि गामि थाबायदिंबायना बर’ मेथाइ आरो सल’फोर खनथुमना “A Collection of Kachari Folk Tales and Rhymes” मुंनि बिजाबखौ इं 1895 मायथायाव साफायना दिहुनदोंमोन। बे बिजाबाव जों बर’नि खुगा सल’ दों 21 आरो खुगा मेथाइफोर दों 17 मोननो हायो आरो बे मेथाइ आरो खुगा सल’फोरनि गेजेरजों बिथांङा बर’ हारिनि बै समनि आसार खान्थिखौ बुरन-बुसि खालामना खनथुमना रोखायै बेरखांहोलांदोंमोन, जायनि थाखाय बिथां लिरगिरिया एण्डार्सना खनथुमना गालांनाय मेथाइफोराव बै समनि बर’ हान्जामानि आसारफोरनि गुमुर मोनदां मोनो होनना फोरमायदों।
