Chapter 2: Bodo MIL Class 12 Solutions| Bodo Medium| गोनोखोआरि गोसो माबोरै दानो हायो: Bodo Tutor is your trusted partner for AHSEC Class 12 Bodo MIL solutions in the Bodo medium. In this article, we provide comprehensive solutions for Chapter 3, गोनोखोआरि गोसो माबोरै दानो हायो, designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Bodo MIL Chapter 2 Solutions, HS Class 12 Bodo MIL Question-Answers, or resources for Bodo Medium studies, this guide caters to all your needs.
Explore top-quality solutions for Bodo MIL Chapter 3, expertly crafted to support your learning and preparation. Trust Bodo Tutor for the best Class 12 Bodo MIL resources and make your exam preparation more effective!
Chapter 3: Bodo MIL Class 12 Solutions| Bodo Medium
फरानि सोंथि:
1. गोनोखोआरि गोसो होनोब्ला मा बुजियो?
फिन: गोनोखोगोनां साननाय हनायजों माबा बेसाद एबा जाथाइ बिसार-बिजिर खालामनो हानाय गोसोनि गोहोआनो जादों गोनोखोआरि गोसो। गोनोखोआरि गोसोनि बिगुमा जानो सोरबा सासे सुबुङा गोनोखोनि गोजौ डिग्रि गोनां जानायनि गोनांथि गैया। मानोना गोनोखोनि गोजौ डिग्रि थानानैबो सोरबा सुबुंहा गोनोखोआरि गोसो थायाबो जानो हागौ, थामहिनबा बेयो गोजाम मुगानि सोलिबोनायखौ फोथाग्राबो जानो हागौ। समाजनि लेखाफरा रोङि, गामिनि सुबुं सासेयाबो गोनोखोआरि गोसोनि बिगुमा जानो हागौ। सुंद’यै गोनोखोगोनां साननाय-हनायजों आबुं थानाय, माबा बेसाद एबा जाथायनि सायाव नायबिजिरनो एबा मिथिनो हानाय गोसोनि गोहोआनो जादों गोनोखोआरि गोसो।
2. जों माबोरै गोनोखोआरि गोसो दानो हागौ बुजायना लिर।
फिन: गोनोखोआरि गोसो दानोब्ला जोंनों गिबियावनो नांग्रोगोन उदां गोसो। मानोना गोनोखोनि गासै खान्थियावनो उदां गोसोनि गोनांथिया बांसिन जायगा आवग्रिनानै दङ’। गोनोखोआरि गोसोनि बिगुमा जानो सोरबा सासे सुबुङा गोनोखोनि गोजौ डिग्रिगोनां जानायनि गोनांथि गैया। मानोना गोनोखोनि गोजौ दिग्रि थानानैबो सोरबा सुबुङा गोनोखोआरि गोसो थायाबो जानो हागौ। थामहिनबा बियो गोजाम मुगानि सोलिबोनायखौ फोथायग्रा एबा खाना फोथायग्राबो जानो हागौ। जुदि उदां गोसोनि साननाय थायो अब्ला समाजनि लेखा फरा रोङै सुबुं सासेयाबो गोनोखोगिरिनि गोसोनि बिगुमा जानो हागौ। बिनिखायनो जों गावनो गावनि गोसोखौ उदां खालामनानै गोजाम मुगानि साननाय हनाय आरो खोमसि फोथायनायनिफ्राय जानगाराव थानानै गोनोखोआरि साननाय हनायजों खामानि मावनांगोन। जों समाज आरो हादरखौ जौगानाय खालामनोब्ला जोंनि गोसो मेलेमाव गोनोखोआरि सानथाइ आरो गोसो जानांगोन। अब्लासो जोंनि हादरनि सोदोमस्रिया दावगालांनायनि लामायाव फैगोन।
3. गोदो गोदायनि सुबुंफोरा बसन्त बेराम जानायनि जाहोना मा होननानै सान्दोंमोन ?
फिन: गोदो गोदायनि सुबुंफोरा बसन्त बेराम जानायनि जाहोन खौ बिमा मोदाइ (शीतला देवी) एबा गुबुन मोदाइजो रागा जानायनि थाखाय जादों होनना सानदोंमोन। बिब्दि मोदाइ दावदाइ – बहुत-बिराखौ गोजोन होनो बिसोर गोबाङै फुजा-फाथाल, आरज गाबनाय आरिनि राहा खालामोमोन। नाथाय गोदान फाहामग्रा गोनोखोगिरिया फोरमान खालामदोंदि लोन्थि एबा बसन्त बेरामा मोनफा जोबोरै गुन्द्रासानि भाइरास एबा जिवसाजों सोमजिनाय बेरामसो।
4. बसन्त बेराम जानायनि गोनोखो गनायनाय जाहोना मा?
फिन: गोदान फाहामग्रा गोनोखोगिरिफोरा फोरमान खालामनाय बादियैब्ला लोन्थि एबा बसन्त बेरामा मोनफा जोबोरै फिसा गुन्द्रसानि भाइरास एबा जिवसाजों सोमजिनाय बेरामसो। बिथांमोननि बादियैब्ला बिब्दि मोदाइ दावदाइ, बुहुत-बिरा होननाय जेबो नुनो मोनै गोहो गैया।
5. लिरगिरिनि बादिब्ला, गोनोखोनि सुबुं माहारिसिम गोबाङैनो बेसेन गोनांसिन बिहोमाया मा मा?
फिन: सुबुङा अरायबो मिथियि बाथ्राखौ मिथिनो आरो बुजियि बाथ्राखौ बुजिना लानो नाजायो। गोदो गोदायनि सुबुंनिफ्राइ आथिखालनि सुबुंसिम साफ्रोमनिबोगोसोआव बे मिथिनो लुबैनाया दं। बेनि अनगायैबो सुबुङा बाथ्राफोरखौ जेथो सिफायना नायनो हानाय, बिजिरनानै नायनो हानाय आरो आजावनो हानाय सोलो दं। बे सोलो आरो मिथिनो लुबैनाय गोसोनि थाखायनो सुबुङा जौगानायनि लामाजों दावगालांगासिनो दं। बे गोहोजोंनो सुबुङा मिथिंगानि गोबां सैथो, रहस्य संनानै मिथिंगानि गोहो आरो सम्पद गावनि जिउनि मानदान्दा जौगा होनायाव बाहायनो हादों। सुबुडा देहानि गोहोजों दबथायनो एबा सामलायनो हायै बेसाद एबा जाथाइखौ सोलो बाहायनानै गावनि आवथायाव लाबोनो नाजायो। बे खान्थिनि गेजेरावनो गोनोखो खान्थियाबो जुजिजेनदों। गोनोखोआव नुनाय बेसाद एवा जाथाइफोरनि मोनफायै आब्रुथि गोनां बिजिरनाय होनो नाजानाय जायो। बे बिजिरनायफोरा आनजाद खालामना नायजाथाव जानांगोन। गोनोखोगिरिफोरा आनजाद खालामना नायसंनायनि जाउनाव सुबुंनि जानाय-लोंनाय, थानाय, जायगा, सि-जोमनि जेंना सुफुंनायनि लामाया गोरलै जादों। गोनोखोनि बे बिहोमानि अनगायैबो सुबुं समाजनि गोबाङैनो गोनांसिन बिहोमाया जादों– गोनोखोआरि साननाय हनाय, गोनोखोआरि सानस्रि, आरो गोनोखोआरि खान्थि।
6. बुहुत-बिरा, मोदाइ दावदाइ बायदिनि मोखथाङारि बिथा दंना? माखासे सुबुडा बेफोराव गोथौ फोथायनाय थानायनि जाउनाव जोंनि समाजाव माबादि जेंना सोमज़िदों सावराय।
फिन: मोदाइ-दावदाय, बुहुत-बिरा बायदिनि मोगथाङारि जेबो बिथा गैया। नाथाय सुबुडा नुनो मोनै, मिथिमोनै गोहोनि बिगुमा दं होनना साननानै लायो।
गोदो गोदायनिफ्रायनो जोंनि समाजाव बे खाना फोथायनाया सोलिबोगासिनो दं आरो दाबो सोलिनायखौ नुनो मोनो। बेबादि खाना फोथायनायनि थाखायनो जोंनि समाजा दाबो गोग्लैसोनानै दं। बेनि जाउनावनो जोंनि समाजाव दासिमबो बायदिसिना जेंना जेंंसि सोमजिबाय थानायखौबो नुनो मोनो। बेबादि खोमसि फोथायनायनायनि थाखायनो माब्लाबा जानाङै जानायाबो जानानै थाङो। बेयो बर’ समाजनि थाखाय जोबोर मुगैथाव आरो साजा मोनथाव खामानि। आरोबाव मोदाइ दावदाइ फोथायग्रा सुबुंफोरा बेरामिनि थाखाय डाक्टरनि सिकित्सा लायाबालानो बिसोरो फुजा होनानैनो बेरामिखौ मोजाडाव लाबोनो नायगिरनानै फोथैनांनाय जाथाइखौबो नुनो मोनो। बबेखानि बेफोर गासैबो जाथाइफोरा खाना फोथायनायनि जोहानावनो जादों। बेनिखायनो मोदाइ-दावदाय, बुहुत-बिरा बायदिनि मोखथाङारि जेबो बिथा गैया एबा फोरमानबो होनो हाया।
7. गोनोखोगिरिफोरा आनजाद आरो बिजिरसंनाय हाबायाव बाहायनाय मोननै दाजेमनि मुं लिर।
फिन: गोनोखोगिरिफोरा आनजाद आरो बिजिरसंनाय हाबायाव बाहायनाय मोननै दाजेमनि मुंफोरा जाबाय- एक्सरे सानरोदानि नुगोजान दाजेम आरो सोराडारि एबा रेडिअ’ नुगोजान दाजेम।बेनि अननगायैबो गेदेर दाजेम, लेजार रोदा, अप्टिकेल फाइबार बायदि दाजेमफोरखौबो बाहायनाय जाययो।
8. ‘सिमाङाव मोननाय मुलिखौ’ बेरामिया मानो बाहायैया गाहाम बुजायना लिर।
फिन: सिमाडाव मोननाय मुलिखौ बेरामिया बाहायैयानो गाहाम। मानोना बेफोर खाना फोथायग्राफोरनि सुबुंनि दैदेननायजोंसो जायो। बेबादि फोथायनायखौ लानानै आगान सुरोब्ला खैफोदाव गोग्लैनो हागौ। माखासे सुबुङा बेफोर फोथायनायखौ लानानै सिमाङाव माबा गोहोनिफ्राय सुबुंनि बेराम फाहामनायनि मुलि एबा मोनथोर मोननाय होननानै दाबि खालामो। आरोबाव गुबुन साफा सानै सुबुङा हरखाबै माबा सोमोनांथाव गोहोनि बिगुमा जादों होननानै इयुननि एबा दानि बाथ्रा बुनो हाग्रा, गासैबो बेरामखौनो फाहामनो हानाय जादों होनना दाबि खालामो। बिब्दि दाबिनि जेबो बिथा गैया आरो समाव बेफोर गोरोन्थि होननानै फोरमान जायो। बिनिखायनो सुबुं माहारिया गोजाम मुगानि साननाय हनाय आरो खाना फोथायनायखौ गारनानै गोनोखोआरि गोसो लानानै खामानि मावलांनांगौ। गोनोखोआरि गोसो लानानै खामानिखौ मावलाङोब्लासो समाजा दावगानो हागोन आरो बेफोरबादि जाफ्लेबाय थानाय जाथायनिफ्राय बारग’नो हागोन।
9. बेखेवना लिर:
(क) गोनोखोनि गासै खान्थियावनो बे उदां गोसोनि गोनांथिया बांसिन ।
फिन: “गोनोखोनि गासै खान्थियावनो बे उदां गोसोनि गोनांथिया बांसिन।”
गोजौवाव होनाय रायथाइ खोनदोखौ जोंनि सुजुनाय बिजाबाव होनाय ड° दीनेश चन्द्र ग’स्वामीआ लिरनाय आरो बिरुपाक्षगिरि बसुमतारीआ राव सोलायनाय “गोनोखोआरि गोसो माबोरै दानो हायो” मुंनि रायथाइनिफ्राय दैखांना होनाय जादों।
बे रायथाइ खोनदोआव रायथाइगिरिया दानि गोनोखोनि मुगायाव बान गैयै गोजाम बाथ्रायाव नांथाबना थायाबालानो गोदान बाथ्रा, गोदान गरन्थ’ नाजावनो हानाय उदां गोसो जानांगोन आरो बे उदां गोसोनि गोनांथिखौ बांसिन होननानै फोरमायदों।
आथिखालनि मुगाया गोनोखोनि मुगा, गोनोखोनि साननाय-हनायों खामानि मावनायनि मुगा। बे गोनोखोनि साननाय-हनायजों खामानि मावनोब्ला जोंनो गिबियावनो नांगोन उदां गोसो। मानोना गोनोखोनि गासै खामानियावनो उदां गोसोनि गोनांथिया बांसिन। गोदोनि सुबुडा गोबां बाथ्रा एबा जाथाइनि जाहोननि सोमोन्दै मिथियामोन। बुहुत-बिरा, मोदाइ-दावदाइ बायदि नुनो मोनै गोहोनि खामानि होनना फोथायोमोन। नाथाय उनाव बेफोरखौ गोदान फाहाम गोनोखोगिरिया फोरमान खालामना दिन्थिबायदि बहुत-बिरा, मोदाइ दावदाइ होननाय जेबो गोहो गैया। बेफोर खोमसि फोथायनायसो आरो समाव बेफोरो नंखाय होनना नुजाथिदों। बेफोरखौ सुबुं माहारिनिफ्राय होखारनो थाखाय गिबियावनो जोंनो नांगोन उदां गोसोनि। अब्लासो समाजाव गोनोखो गोनां गोदान बाथ्रा, गोदान गरन्थ’ नाजावना लानानै समाजखौ जौगानाय लामायाव लांनो हागोन।
(ख) सुबुङा आरायबो………….. नाजायो ।
फिन: “सुबुङा अरायबो……………नाजायो।”
गोजौवाव होनाय रायथाइ खोनदोखौ जोंनि सुजुनाय बिजाबाव होनाय ड° दीनेश चन्द्र ग’स्वामीआ लिरनाय आरो बिरुपाक्षगिरि बसुमतारीआ राव सोलायनाय “गोनोखोआरि गोसो माबोरै दानो हायो” मुंनि रायथाइनिफ्राय दैखांना होनाय जादों।
बे बाथ्रा खोन्दोनि गेजेरजों सुबुङा मिथियै बाथ्रा माखासेखौ मिथिना लानो थाखाय नाजानाय बाथ्राया रोखायै बेरखांदों।
आथिखालनि मुगाखौ गोनोखोनि मुगा होनना बुनाय जायो। बे मुगायाव गोदो गोदायनि सुबुंनिफ्राय आथिखालनि सुबुंसिम साफ्रोमनिबो गोसोआव बे मिथिनो लुबैनाया थायो। बेनि अनगायैबो सुबुङा- बाथ्राफफोरखौ जेथो सिफायना नायनो हानाय, बिजिरनो हानाय सोलो दं। बे सोलो आरो मिथिनो लुबैनायनि गोसोनि थाखायनो गोदान गोदान मिथियि खोथा मिथगगासानो दं आरो गोदान गोदान मुवा बेसादफोरनि जोनोम जागासिनो दं आरो सुबुङा जौगानायनि लामायाव दावगालांगासिनो दं। बे गोहोजोंनो सुबुङा मिथिंगानि गोबां सैथो रहस्य संनो हादों आरो मिथिंगानि गोहो आरो सम्पद गावनि जिउनि मानदान्दा जौगा होनायाव बाहायनो हादों।
(ग) नोंनि बे……………… होगोन।
फिन: “नोंनि बे…………………. होगोन।”
गोजौवाव होनाय रायथाइ खोनदोखौ जोंनि सुजुनाय बिजाबाव होनाय ड° दीनेश चन्द्र ग’स्वामीआ लिरनाय आरो बिरुपाक्षगिरि बसुमतारीआ राव सोलायनाय “गोनोखोआरि गोसो माबोरै दानो हायो” मुंनि रायथाइनिफ्राय दैखांना होनाय जादों।
बे बाथ्रा खोन्दोनि गेजेरजों मिथिनो मोनोदि समाजनि मोजां खामानि मावनायाव गोनोखोआरि गोसोनि सानथाया गोबाङैनो बिहोमा होयो। गोनोखो गोनां गासोनि साननाय-हनायजों माबा बेसाद एबा ज़ाथाइ बिसार-बिजिर खालामनो हानाय गोसोनि गोहोआनो जादों गोनोखोआरि गोसो। गोनोखोआव नुनाय बेसाद एबा जाथाइफोरनि मोनफायै आब्रुथिगोनां बिजिरनाय होनो नाजानाय जायो। बे बिजिरना नायनायफोरा आनजाद खालामना नायजाथाव जानांगोन। गोनोखोगिरिया खालामनाय आनजाद नायसंनायनि जाउनाव सुबुंनि आदार, थानाय जायगा आरो सि-जोमनि जेंना सुफुंनायनि लामाया गोरलै जादों। गोनोखोआरि बिगुमा जानो सोरबा सासे सुबुडा गोनोखोनि गोजौ डिग्रि गोनां जानायनि गोनांथि गैया। मानोना गोनोखोनि गोजौ डिग्रि थानानैबो सोरबा सुबुङा गोनोखोआरि गोसो थायाबो जानो हागौ, थामहिगनवा बियो गोजाम मुगानि सोलिबोनायखौ फोथायग्रा एबा खोमसि फोथायग्राबो जानो हागौ। जों मोनसे समाजखौ जौगाहोनोब्ला, मोनसे हादरखौ जौगाहोनो मिजिं लानोब्ला जोंनि गोसोआ जेब्लाबो गोनोखोआरि गोसो दानो हानांगोन।
10. सुंद’यै फिननाय हो:
(क) “गोनोखोआरि गोसो माबोरै दानो हायो” फरानि लिरगिरिया सोर ?
फिन: गुबै लिरगिरिया ड° दीनेश ग’स्वामी।
राव सोलायरिया बिरुपाक्षगिरि बसुमतारी।
(ख) “गोनोखोआरि गोसो माबोरै दानो हायो” फराखौ माबेनिफ्राय लाबोनाय जादों।
फिन: ड° दीनेश ग’स्वामीनि “बैज्ञानिक-मन बैज्ञानिक मानसिकता” मुंनि बिजाबखौ बिजाबनिफ्राय फोसाबना सुजुनाय असमीया रायथाइनिफ्राय लाबोनाय जादों।
(ग) ड° दीनेश चन्द्र ग’स्वामीया सुजुनाय गांनै बिजाबनि मुं लिर।
फिन: “बैज्ञानिक-मन बैज्ञानिक मानसिकता” आरो “शब्द निरन्तर शब्द”।
(घ) गोदोनि सुबुङा माबोरै अरखौ दिहुनदोंमोन ?
फिन: गोदोनि सुबुंफोरा अन्थाइजों अन्थाइ खुबैनानै एबा देजाबनानै अरखौ दिहुनदोंमोन।
(ङ) उन्दै गथ’खौ होनाय बेजि-भेक्सिननि हाबाया मा?
फिन: उन्दै गथ’फोरनि बेराम होबथानाय।
