बर’नि राव आयदानि सोंनाय फिननाय|बर’ बिजों|Class 11 Advance Bodo Question and Answer बर’नि राव Bodo Medium
जोबोद गुसुं सोंनायनि फिननाय (गासैनिबो नम्बर1)
1.बर’नि राव रायथाइनि लिरगिरिया सोर?
फिन: आनान्दराम मसाहारि।
2.रायथाइगिरिया बबेयाव जानाय मेलाव बर’ रावनि सोमोन्दै बिबुंथि होदोंमोन?
फिन:दतमायाव जानाय मेलाव।
3.रायथाइगिरिया फोरमायनाय बादियैब्ला दतमा सेरजों मा दैसा बोहैलांदों?
फिन:लङा दैसा।
4.संसारनि जेसे दुखु दाहा बावनो हानाय मुलिया मा?
फिन:थुन लाइजाम लोंनानै मिलौनाय बिदै।
5.सुबुंनि दुखु-दाहा बावगारनो हानाय गुलि होनना माखौ बुंदों?
फिन:थुन लाइजाम लोंनानै मोननाय मिलौनाय बिदैखौनो दुखु-दाहा बावहोनो हानाय मुलि होनना बुंदों।
6.आनान्दराम मसाहारिया बर’नि राव रायथाइयाव हथसिरा सोदोबजों मा ओंथि फोरमायदों?
फिन:हथ’सिरा होननानै रायथाइगिरिया आखल गाज्रिखौ बुंदों।
7.थर्प थर्पनि ओंथिया मा?
फिन:थोरोब थोरोब।
8.महाभारतखौ सोर लिरदों?
फिन:महाभारतखौ व्यासदेब मुंनि मुनिया लिरदों।
9.बर’नि रावा बबेयाव रोखा रोखा लिरनाय दं होनना लिरगिरिया बुंदों?
फिन:बर’ रावा डिमापुर नोगोरनि बायखोन्दा इन्जुराव रोखा रोखा लिरनाय दं होनना लिरगिरिया बुंदों।
10.दिनैनि दिना मानि दिन होनना रायथाइगिरिया बुंदों?
फिन: दिनैनि दिना जाथि जाखांनायनि दिन होनना रायथाइगिरिया बुंदों।
11.राणी एलिजाबेथआ सोर?
फिन:राणी एलिजाबेथअ जिद’ जौथायनि इंलेण्डनि सासे राणीमोन।
12.सेक्सपियारआ सोरमोन?
फिन:सेक्सपियारआ इंलेण्डनि सासे मुंदांखा फावथाइगिरिमोन।
13.अरजुना सोर?
फिन:अरजुना जादों महाभारत सलन्थाइमानि आखुफोरनि साबा पाण्डबफोरनि थामथि पाण्डब।
14.आनान्दराम मसाहारिया सोरमोन ?
फिन:आनान्दराम मसाहारिया अलंबार मुगानि गोजौ सिरिनि सासे रायथाइगिरिमोन।
15.माखौ फुजिनाया बिमा फुजिनायनिख्रुइ देरसिन हाबा?
फिन:जाथिखौ दिखांनाया बिमाखौ फुजिनायनिख्रुइ गिदिरसिन हाबा।
16.मा नङाब्ला मोनसे हारिया हारि महरै थांना थानो हाया होनना रायथाइगिरिया बुंदों?
फिन:राव नङाब्ला मोनसे जाथिया जाथि महरै थांना थानो हाया होनना रायथाइगिरिया बुंदों?
17.’बर’नि राव’ रायथाइयाव सोरखौ साहेब जाथि होनना बुंदों?
फिन:इंग्राजफोरखौ साहेब जाथि होनना बुंनाय जादों।
18.मुलुगनि मानसिफोरा सोरनि रावनि बिदैखौ सोबनानै गोजोनदों होनना रायथाइगिरिया बुंदों?
फिन:मुलुगनि मानसिफोरा इंग्राजफोरनि इंग्राजि रावनि बिदैखौ सोबनानै गोजोनदों होनना बुंदों।
19.माबादि हारिया दिनै मुलुगनि मादावनो देरसिन लावसिन आरो गियानिसिन हारि महरै सिनायथि मोनदों?
फिन:जाय हारिया राव दं, हांखो दं बि हारियानो मुलुगनि मादावनो देरसिन लावसिन आरो गियानिसिन हारि महरै सिनायथि मोनदों।
20.बर’ हारिया राव थासेयावबो जौगाखांनो हायिनि गुबै जाहोना मा?
फिन:बर’ हारिया राव थासेयावबो जौगानो हायिनि गुबै जाहोनानो जादों बर’ हारिनि सुबुंफोरा गावनि बिमानि रावखौ अनसायनो रोङाखै आरो बिमा फुजिनो रोङाखै।
21.मा गोहोआ मानसिखौ गियानि खालामो?
फिन:सानफ्रु रायजोआव मिनि रंजा थानो हानाय गोहोआनो मानसिखौ गियानि खालामो।
22.डिमापुरआ मामोन?
फिन:दिमापुरआ बर’नि राजथावनिमोन।
23.कालिदासआ सोरमोन?
फिन:कालिदासआ बिक्रमादित्य राजानि राजउलाफादनि सासे गेदेर पण्डितमोन।
24.बर’फोरा गोदो सोरजों दावहा नांदोंमोन?
फिन:बर’फोरा गोदो गोरों-गोरा आहम राजाजों दावहा नांदोंमोन।
25.जोलैनि हांगारनि ओंथिया मा?
फिन:जोलैनि हांगार सोदोबनि ओंथिया जादों हारि बेरेखा एबा हारिनि हेंथा मावग्रा सुबुं।
इसे गुसुं सोंथिनि फिननाय
1.थुनलाइगिरिनि हाबाया मा?
फिन:थुनलाइगिरिनि हाबाया जादों गुबुन गुबुन आयदानि थुनलाइ सोरजिनायनि गेजेरजों सुबुं माहारिखौ फोसाबनो नाजानाय एबा गावसोरनि लिरनायनि गेजेरजों साननाय एबा गियान आरजिना लानायनि खराग होनो नाजानाय।
2.’बर’नि राव’ रायथाइयाव लिरगिरिया सोरखौ मानो जोलैनि हांगार बुंदों?
फिन:’बर’नि राव’ रायथाइयाव लिरगिरिया जाय बर’ जानानैबो बर’नि राव एबा बर’ बिमाखौ फुजिनायाव गोसोआव हेंथा लानानै हाबाखौ मावो बिसोरखौ जोलैनि हांगार होननानै बुंदों मानोना बिसोर गावनि बिमा रावखौनो मुगैयो।
3.जाथि जाखांनाया माबादि?
फिन:जाथि जाखांनाया दैमु निज्रा गनाय बादि दै नङा,बेयो दैबानानि साव-साव लोमसावनाय हाब्रां गिसिखांहोनाय दैमु बादि।
4.रावा मोनसे जाथिखौ माबादि दिखाङो?
फिन:रावा मोनसे जाथिखौ फोथांना लाखियो, रावानो हारिनि सिनायथिखौ होयो,राव नङाब्ला हारि मोनसे जानो हाया। गोबां राव गैयि गारिफोरा दिनै मुलुगनि बिखानिफ्राय गोमालांबाय। राव गैयि मोनसे हारिया दिनैबो हाजो खंखराव दं, खालायसि बारियाव दं। जाय हारिया राव दं, हांखो दं, बि जाथियानो दिनै मुलुगनि गेजेराव देरसिन लावसिन गोरोंसिन जानो हादों।
5.आनान्द’राम मसाहारि लिरनाय दोंनैसो रायथाइफोरनि मुं लिर।
फिन:आनान्द’राम मसाहारि लिरनाय दोंनैसो रायथाइफोरनि मुंफोरा जाबाय -बर’नि राव, न’नि माइदां आरो दतगा फोथार।
6.मोसौ-मैसो आरो मानसिनि गेजेराव थानाय फारागा मा?
फिन: मोसौ-मैसो आरो मानसिनि गेजेराव थानाय फारागा जादों-मोसौ-मैसोहा थुनलाइ गैया नाथाय मानसिहा दं। मोसौ-मैसोफोरा थुनलाइनि बिदैखौ लोंनानै गोजोननो हाया जेरै मानसिया गोजोननो हायो।
7.लिरथुम लाइजामनि बिदैया जोंखौ मा खालामनो हायो?
फिन:लिरथुम लाइजामनि बिदैया जोंनि गोसोखौ गोजोन होयो, गोसोनि बिनायखौ सुफुङो,खालाव खासाव बिखाखौ सुदेम खालामो।
8.मेथाया मा खालामनो हागौ?
फिन:मेथाया जिथि नि जिउखौ जावरिखांहोयो,आवलि होनो,गावनि रावखौ रज’होनो आरो जाथिखौ दैखांनो हायो।
9.रायथाइगिरिया ‘बर’नि राव’ रायथाइयाव बर’नि मा मा मोसानायनि बाथ्राखौ मख’दों?
फिन:बर’नि राव रायथाइयाव राइथाइगिरिया बर’नि मोसाग्लांनाय,हाबा जानाय,दौदिनि थिखांनाय,नाव जावनाय,खैजोमा फनाय,माउजिमिब्रां गेलेनाय,माइनाव दैखांनाय,दाउज्ला सौज्लायनाय बायदि मोसानायनि बाथ्राखौ मख’दों।
10. मेथाइया मानसिनि गोसोखौ मा खालामनो हागौ?
फिन: रैसुमै गारांनि मेथाइया दुखु दाहायाव गोदोनानै थानाय मानसिफोरखौ दुखुखौ बावगोमाहोयो,गोसोखौ आवलिहोयो आरो थाथिनि जिउखौ जावरिखांहोयो।सुफिननि रैसुमै गाराङाव जिबौवाबो सोमोनाङो।नारद मुंनि नि रोजाबनायाव गसाइगिरिनि बिन्दयाबो ल’ ल’ मावदोंमोननो।
11.मालाय हारिनि राव रोंनानै जानाय गोरोंफोरा मा खालामनांगौ होननानै रायथाइगिरिया सानदों?
फिन:रायथाइगिरिया सानदोंदि मालाय हारिनि राव रोंनानै जानाय गोरों गोराफोरा नाजायोब्ला मालायनि बाख्रिनिफ्राय गरफा-गरनै लाबोनानै बर’ हारिनि बाख्रिखौ सुफुंनो हागौ।बिसोर मालायनि लाइजाम बिलाइनि सायख्लुम लानानै जोंनि रावजों लिरनो नांगोन आरो गियान बिलाइनांगौ।नाथाय जों बेफोर गियानफोरखौ मोजां गाज्रि बिजिरनानै नायनांगोन। बेनिफ्राय जों मोजांखौ आजावनानै गाज्रिखौ जोगारनांगोन।नाथाय अब्लाबो जों साननांगोन हाजारखि मोजां जायामानो मालायनि रावा जोंनि बिमा राव जानो हाया एबा गुबुननि बिमाया मोजांब्लाबो गावनि बिमा जानो हाया।
12.बर’हाबोदि राव दंमोन, हांखो दंमोन बेनि फोरमानखौ बबेयाव मोनो?
फिन:बर’ रावनि राजाउलाफाद डिमाफुरनि बायखोन्दा इन्जुरफोराव बर’ रावजों, हांखोजों लिरनायनि नेरसोन दं।बेनि फोरमान होयोदि बर’हाबो राव आरो हांखो दंमोन।
13.बर’ रावखौ गोजौ खालामनायनि मोनसे बोलो राहाया मा?
फिन:बर’ रावखौ गोजौ खालामनायनि मोनसे बोलो राहाया जाबाय मुलुगनाङै बे रावखौ फोसावनाय,मालाय हारिनो बिलायनाय आरो बर’नि रावखौ हरखि सान मानजिनानै गोजों खालामनाय। बेनि थाखाय जों जाय़गा दरफ्रोमावबो जथुमनानै रायफोरनांगोन,बर’नि रावखौ लाइसि बिलाइयाव लिरखांनांगोन।
14.मालायानि रावखौबोदि जों सोलोंनांगौ बेखौ राइथाइगिरिया मा बादि बानबुंथाइ होदों?
फिन:मालायानि रावखौबोदि जों सोलोंनांगोन होननानै राइथाइगिरिया बुंदों।बेनि बानबुंथाइखौ एरै होदों-गावहा जिगाब गैयाब्ला मालायनिफ्राय लाबोनानैब्लाबो गावनि न’नि इन्जुर गिजिखौ दुमथेनांगोन। थामहिनबा, मालायनि रावनिफ्रायबो गियान बुथुमनानैब्लाबो जों गावनि बाख्रिखौ आबुं खालामनांगोन।
Read also…..
Class 11 Advance Bodo Borofwrni Gwdwni Khela| बर’फोरनि गोदोनि खेला Bodo Medium
Class 11 Advance Bodo Habab Nidangkhow Man Hor |हाबाब निदानखौ मान हर Bodo medium
