Class 11 Education|Lesson 6|Bodo Medium |सुबुं आखुथाइनि बिथाफोर आरो नोजोर: Bodo Tutor is your trusted partner for AHSEC Class 11 Education solutions in the Bodo medium. In this article, we provide comprehensive solutions for Class 11 Education|Lesson 6|Bodo Medium |सुबुं आखुथाइनि बिथाफोर आरो नोजोर designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 11 Education|Lesson 6|Bodo Medium |सुबुं आखुथाइनि बिथाफोर आरो नोजोर Solutions,ASSEB HS Class 11 Education Question-Answers, or resources for Bodo Medium studies, this guide caters to all your needs.
Explore top-quality solutions for Class 11 Education|Lesson 6|Bodo Medium |सुबुं आखुथाइनि बिथाफोर आरो नोजोर, expertly crafted to support your learning and preparation. Trust Bodo Tutor for the best ASSEB Class 11 Education resources and make your exam preparation more effective!
Class 11 Education|Lesson 6|Bodo Medium |सुबुं आखुथाइनि बिथाफोर आरो नोजोर
फरा आयदानि सोंनायनि फिननाय
सोंनाय- 1. सुबुंनि आखलखौ फोरमाय । माबे बिथिंङाव सुबुंनि आखला सोनारो ?
फिन्नाय : सुबुंनि आखल होननानै बुङोब्ला गोसो-देहायारि (psycho- physical) फिनजाथाइखौ दुखांहोनाय (stimuli) । बेनि ओंथिया जादों सासे सुबुंनि गासैबो बिथिंनि मावनाय । (aspects) जेरै- साननाय (thought), आबेगारि (Emotional) आरो देहायारि मावमिन (physical activities)। सुबुंनि आखला सासे सुबुंनि मोनदांनाय (feels), साननाय (thinks) आरो मावनायफोरखौ आवग्रिना लायो।
सुबुंनि आखला सोनारनाय गुबै बिथिंफोरा जादों- साननाय (thought), आबेगारि (emotional) आरो देहायारि मावमिन (physical activities)।
सोंनाय-2. गोनांथिखौ फोरमाय। गोनांथिनि सोलोंथाइयारि बाहायथिफोरखौ बेखेव।
फिननाय : माबेबा मोनसे नांगौ जानाय एबा बाहायनो लुबैनायखौ मोनि एबा खम जानायानो जादों गोनांथि। गोनांथिया सुबुंनि मावमिननि फुंखा। सुबुंनि आखलखौ सोलायहोनायानो गासैबो सोलोंथाइनि मोनसे एंगारहायै बाहागो। गावारिथि आरो गावारि फारागथिनि गोनांथिखौ बुजिनो थाखाय आबुंङै (गुदि-खिथा) फरायसंनांगौ आरो बिजिरनांगौ। सासे फोरोंगिरिनि गुबै खामानिया जादों सासे ग’थ’खौ मेलेमारि जौगानाय बिथिङाव फिथाइगोनां बायदियै सोलोंथाइ होनाय । गोनांथिया थुलुंगाखांनायखौ सोरजियो, बेखायनो सासे फोरोंगिरिया गथ’नि गावारि गोनांथि आरो नांगौ जानायखौ मिथिनो नांगौ। बेयो बिसोरनि सोलोंनाय आरो मेलेमारि साउख्रिखौ जौगाहोयो ।
सोंनाय – 3. इसिंबोलो (Drive) खौ बेखेव । बेनि सोलोंथाइयारि बाहायथिखौ सावराय।
फिननाय : इसिङारि बोलोआ जादों मोनसे इसिङारि बुंथिनाय जाय खामानि मावनो आरो दैदेननो फोजाखाङो। बेखायनो सुंद’यै इसिङारि बोलोआ जादों देहा गोसोयारि बोलो जाय गोनांथिखौ आबुं खालामनो थि एबा अरायथा बोलो होयो ?
बाहायथि : जोनोम जाखांनायनि उनाव गोसो सिङारि मोनदांथिया फुरा ना एबा रायि (बैसो गोरा जायि) महराव थायो। गोसो सिङारि मोनदांथिनि लुबैनायखौ नुसारहोनाया सासे गथ’नि गोसो देहायारि गोनांथिजोंसो जायो।गोनांथिया थुलुंगाखांनायखौ फोजाखाङो आरो इसिङारि बोलोआ जोबथि एबा जोबथा थांखिसिम दैदेन लांहोयो। फोरोंगिरिया गावारि गोनांथिखौ मिथिनांगौ जाहाथे इसिडारि बोलोआ बिसोरनि थांखिखौ मोनदांनायाव हेफाजाब होनो हायो।
सोंनाय-4. थुलुंगानाय ( Motivation ) बुङोब्ला नों मा बुजियो ?
फिननाय: थुलुंगानाया जाबाय मोनसे गोसोयारि बोलो- जाय सुबुंखौ मोनसे लामायाव थि खामानि मावनो बोलो होयो। बेयो गोसोबिगियानारि गोनांथि आरो इसिङारि बोलोनि गोबां बेले बेजे मोननो लुबैनायनि थाखाय जाखांनो
हागौ।
सोंनाय – 5. सासे गथ नि गोनांथिफोरखौ फोरमाय।
फिननाय : सासे गथ’नि गोनांथिफोरखौ गाहायाव होनाय जाबाय-
(i) सोलेर मावथाइयारि गोनांथि (Physiological)।
(ii) रैखाथिनि गोनांथि (Safety Needs)।
(iii) अननाय आरो बिगोमाथिनि गोनांथि (Love and belongingness
Needs)।
(iv) मानथाइ एबा सनमाननि गोनांथि (Estum needs)।
(v) गावनो गावखौ मोनदांनायनि गोनांथि (Needs for self- Acuslisation)।
सोंनाय – 6. गोनांथिजों सुबुंनि आखलनि सोमोन्दोखौ बिजिर।
फिन्नाय : गोनांथि आरो सुबुंनि आखलजों खाथि सोमोन्दो दं, मानो होनना बुडोब्ला सुबुनि गोनांथियानो सुबुंनि गुबुन गुबुन आखलफोरखौ दिन्थियो । ‘ आखला इसिडारि मोनदांथिनि बायजोआरि फोरमायथिनाय आरो गुबुन फारसे गोनांथिया इसिङारि मोनदांथि, जाय सुबुंनि आखलखौ नुजाथि होयो । बेखायनो गोनांथिया जादों जाहोन आरो आखला जादों उनफिथाइ एबा जाउन । गुबुन गुबुन गोनांथिफोरा गुबुन गुबुन आखलफोरखौ बेरखांहोयो ।
सोंनाय-7. जोनोमारि आखु बुडोब्ला नों मा बुजियो ? जोनोमारि आखुनि ( Instinct ) मोनब्रै आखुफोरखौ लिर।
फिन्नाय : जोनोमारि आखुफोरा जिवारि जिबनि गुबै एबा जोनोमारि आखल। जोनोमारि लुबैनाय एबा गोसो जानायखौ जिवारि जिबिया माखासे खामानि मावनाय राहाजों फोरमायो । जोनोमारि आखुआ सुबुं आरो जुनादफोरनि मिथिंगायारि बोलो एबा गुन, जाय माखासे आखलफोरनि दाथाय, जेरै दाव बासा लुनाया साननाय आरो सोलोंनायाव सोनारा बेयो सम जाब्ला गावनो गाव जायो एबा रोङो।
(i) जोनोमारि आखुनि आखुथाइफोरा जादों
जोनोमारि आखुथाइया जादों जिवारि जिबनि जोनोमजों फैफानाय लुबैनाय एबा गोसो जानाय ।
(ii) जोनोमारि आखुफोरा मावमिनि मोनसे सोलोंजायि आखु ।
(iii) जोनोमारि आखुवा गाहाइयै मोननै थांखि थायो।
(iv) जोनोमारि आखुफोरा खाना आरो सोलायजायि होनना ग’नाय जाया । बेफोरखौ हुदाजों सोलाय जायो।
सोंनाय-8. MC. Dougall आ दिहुननाय मोनडाइन (8) जोनोमारि आखुनि फारिलाइखौ फोरमाय।
फिन्नाय : MC. Dougall आ दिहुन्नाय मोनडाइन (8) जोनोमारि आखुफोरा जादों।
(i) खारखुमानाय (Instinct of Escape) ।
(ii) नेरनाय (Instict of Combat)
(iii) गाज्रि मोन्नाय एबा होखां हरनाय (Repulsion) (iv) बिमा-बिफाथि (Parental)।
(v) आरज गाबनाय ( Appeal)।
(vi) जरा (Pairing)।
(vii) मिथिनो लुबैनाय (Curiosity ) ।
(viii) समाजारि (Social) ।
सोंनाय – 9. जोनोमारि आखुआ सोलाय जायोना ? जोनोमारि आखु सोलायनायनि मोनबा आदब खायदाखौ फोरमाय।
फिन्नाय : नंगौ, जोनोमारि आखुआ सोलायजायो। जोनोमारि आखु सोलायनायनि मोनबा आदब खायदाफोरा जादों
(i) गोजोन्नाय आरो दुखु मोन्नाय आदब बाहायनाय।
(ii) बाहायि आदब एबा नेम खान्थि।
(iii) आबुं उदांस्त्रि बाहायनाय आदब।
(iv) नारसिन्नाय (Repression) आदब।
(v) सोलायनाय खान्थि।
सोनाय-10. सुंद ‘यै लिर :
(a) गोनांथि (Needs )।
(b) इसिडारि बोलो (Drives) ।
(c) जोनोमारि आखु ( Instinct )।
(d) हुदा (Habit ) ।
(e) रिफिनाय खामानि (Reflex Action )।
फिननाय : (a) गोनांथि (Needs) : माबेबा मोनसे नांगौ जानाय एबा बाहायनो लुबैनायखौ मोनि एबा खम जानायानो जादों गोनांथि। गोनांथिया मोनबा मोनसे बाहाय जाथाव एबा जोबोर गोनांथि जानायनि दिन्थि। बेयो सुबुं मावमिननि (Activities) फुंखा। गोनांथिखौ गाहायाव होनाय बायदियै बाहागो खालामनो हायो
(i) सोलेर मावथाइयारि गोनांथि (Physiological Needs)। (ii) रैखाथिनि गोनांथि (Safety Needs)।
(iii) अननाय आरो बिगोमाथिनि रैखाथि।
(iv) मानथाइ एबा मान-सनमाननि गोनांथि।
(b) इसिङारि बोलो (Drives) : इसिङारि बोलोआ जादों मोनसे सिंनि बुंथिनाय जाय खामानि मावनो आरो दैदेननो फोजाखाङो । सुंद ‘यै बुंनो थाङोब्ला इसिङोरि बोलोआ जादों देहा गोसोयारि बोलो जाय गोनांथिखौ आबुं खालामनो थि एबा अरायथा बोलो होयो।
इसिङारि बोलोआ माखासे खामानिफोर दं। बेफोरखौ गाहायाव होनाय जाबाय-
(i) बोलोआ गुदि गोहो सोदेरनायखौ जेब्लाबो जोबोद मोजां आरो खामानि गोनां खालामो।
(ii) इसिङारि बोलोआ फिननाय सोमजिहोयो मानोना बेयो हुदानि गोहोखौ जाथावना फिनजाथाइयाव सोलायो।
(iii) इसिङारि बोलोआ गोसो सिङारि लुबैनायखौ रोखासिनयै सोमजिहोयो एबा बेरखांहोयो।
c) जोनोमारि आखु (Instinct) : जोनोमारि आखु सोदोबा लेटिन (Latin) सोदोब ‘instincts’ निफ्राय फैनाय जायनि ओंथिया जादों ‘impulse’ एबा हरखाबै मावनो गोसो जानाय । जोनोमारि आखुफोरा जिउआरि जिबनि गुबै एबा जोनोमारि सरासनस्रा आखल एबा गुन। बेयो सुबुं आरो जुनादफोरनि माखासे आखलफोरनि मिथिंगायारि दाथाय (जैरै- दाव मासेनि बासा लुनाया साननाय आरो सोलोंनायाव सोनारा, बेयो मोनसे जोनोमारि आखुसो।
जोनोमारि आखुनि माखासे आखुथाइफोर दं । बेफोरखौ गाहायाव होनाय जाबाय –
(i) जोनोमारि आखुथाइया जादों जिउ आरि जिबनि जोनोमजों फैफानाय लुबैनाय एबा गोसो जानाय।
(ii)सुबुं आरो जुनाद मोननैहाबो माखासे गोरोबसे (एखे) जोनोमारि आखुफोर थायो।
(iii) जोनोमारि आखुफोरा मोनसे सोलोंजायि आखु।
(iv) जोनोमारि आखुआ गाहाइयै मोननै थांखि थायो।
(v) जोनोमारि आखुफोरा हुदाजों सोलाय जायो।
(d) हुदा (Habit) : हुदा (Habit) सोदोबआ लेटिन (Latin) सोदोब ‘Habitus’ सोदोबनिफ्राय फैनाय जायनि ओंथिया जादों- हाल-साल (बिथा)। बेखायनो हुदानि ओंथिखौ सुंद’यै बुंनो थाङोब्ला सासे सुबुं बबेबा मोनसे खामानिखौ गले-गले एबा खनले खनले मावनाय । हुदाया जाबाय आखालनि मोनसे थि (fixed) दाथाय (patterns) जायखौ जों बाहायफिनबाय एबा मावफिनबाय थानायनि गेजेरजों दायो एबा मोनो। बेखायनो, जों बुंनो हायोदि हुदाखौ जों बबेबा मोनसे खामानिखौ खनले खनले मावनायनि गेजेरजों मोननो एबा आरजिनो हायो।
हुदानि माखासे आखुथाइफोरखौ गाहायाव होनाय जाबाय
(i) हुदाया सुबुंखौ गावनो गाव खामानि मावग्रा आखल दायो ।
(ii) हुदाया सुबुंनि सुबुंसाय आखुखौ नुजाहोयो ।
(iii) हुदाया सुबुंनि खामानि मावनायनि समानथि (Performance Level) खौ बांनायाव हेफाजाब खालामो ।
(iv) हुदाया सुबुंनि सोरजिनाय समानथिखौ (Level) खौ खमायहोयो।
(v) हुदाया सुबुंनि सानखांनाय गोहोखौ खमायो ।
(e) रिफिनाय खामानि (Reflex Action ) : बेफोर मोनदांथिनि रिफिनाय, देहायारि रिफिनाय। बेयो देहानि जुनिया (Special) बाहागोखौल’ गोहोम खोखलैयो । बेफोर सोलाय सोल’ गैयि आरो दानदिसेनि थाखायल’। रिफिनाय खामानिया थांखि गैयि आरो रोंगौथि बिथिंनि मोनदांथि गैया। बेफोर सोलायस्लु नङि ।
सोंनाय – 11. जोनोमारि आखुनि सोलोंथाइयारि बाहायथिखौ सावराय ।
फिन्नाय : सोलोंथाइ खान्थियाव जोनोमारि आखु जेरै-
गोनांथि जोनोमारि आखु (Insfincts ) :
(I)जोनोमारि आखुआ जोंखौ खामानि मावनो थुलुंगा होयो।
(ii) जोनोमारि आखुआ बायजोआरि मुवा-बेसादफोरजों दैदेनजायो।
(iii) जोनोमारि आखुआ गोसोआरि आरो देहायारि फिनजाथाइखौ सोमजिहोयो।
(iv) जोनोमारि आखुआ बुहुमनि जेरावबो एखे (Universal)।
(v) बेनि फिनजाथाइया मुवाआरि आरो हाल-सालनि सायाव सोनारो।
आबेग (Emotion ) :
(i) आबेगा जोंखौ मोन्दांनो थुलुंगा होयो।
(ii) मानसिनि इसिडारि मोन्दांथिफोरा आबेगजों दैदेनजायो । जेरै- मोन्दांनाय (Feeling)।
(iii) आबेगफोरा आखलजों नुजाहोसारजायो ।
(iv) आबेगारि फिनजाथाइया गुबुन-गुबुन जिउवारि लाना गुबुन्-गुबुन जायो ।
(v) आबेगारि फिनजाथाइया गावआरि सान्नाय आरो गुबुनारि सोंनाय मोन्नैबो (Subjective and objective)।
सोंनाय-18. हुदाया मा ? बेनि गुदि आखुथाइफोरखौ सावराय ।
फिन्नाय : हुदा सोदोबा लेटिन सोदोबनि ‘habitus’ सोदोबनिफ्राय सोमजिदों। बेनि ओंथिया जाबाय थासारि एबा अबस्था (condition)।
गुसुङ बुंनो थाडोब्ला हुदाया जाबाय सासे मानसिया जाय खामानिखौ माब्लाबा-माब्लाबा मावो। गुबुन रावआव हुदाया जाबाय बबेबा मोनसे खामानि जायखौ मोनसे गोजोर आरो गोसो जानाय खामानिखौ दानो गले- गले मावफ्लेबाय थायो। हुदाया जाबाय आखुथाइनि मोनसे नेरसोन जाय गले-गले मावनायनि जाहोनाव उजिनाय फिथाइ । हुदायाखौ मानसिनि नैथि आखु होन्नाबो बुंजायो। मानोना आखुवा जाबाय हुदाफोरनि थफ्ला।
हुदानि गाहाइ आखुथायफोरखौ गाहायाव सावरायनाय जाबाय।
(i) हुदाया जेब्लायबो आरो जेरावबो रोखोमसे महरनि। जेरै- आखाइनि हांखो, थाबायनाय, बुंनाय जानाय बायदि बायदि।
(ii) हुदाया जाबाय बबेबा खामानिखौ मोनसे आखुथाइजोल’ मावनो गोसो जानाय । जेरै- फुंबिलियाव रादाब बिलाइ फरायनाय, रायज्लायनाय बायदि बायदि।
(iii) हुदाया जेब्लायबो बबेबा खामानिखौ गोरलैयै आरो मोजाङे मावनो खाबु होयो ।.
(iv) हुदाया सोनारो नोंनि गोरखैथि, गोहो, गाव फोथायथि आरो गोनांथिनि
सायाव ।
(v) हुदाया सुबुंखौ बायदि रोखोमनि खामानि मावनायाव गावनोगाव मावग्रा खालामो ।
(vi) हुदाया सुबुंनि सुबुंथि आखुखौ नुजाथिहोयो ।
(vii) हुदाया सुबुंनि खामानि मावनायनि सानथिखौ बांनायाव हेफाजाब खालामो ।
सोंनाय – 19.हुदा दानायनि नेम-खान्थिफोरखौ सावराय । नों माबादि गाज्रि हुदाखौ फोजोबगोन ?
फिन्नाय : हुदा दानायनि मोन्नैसो नेम-खान्थिफोरखौ गाहायाव गुसुंडै रायखांनाय जाबाय ।
(a) जायखि जाया मोनसे हुदायानो फिन गले-गले मावफिन जानायजों दाजायो। बेनिखायनो बबेबा मोनसे थि हुदा दानायाव थोजासे बिबांनि फिन एखे खामानिखौ मावनाया एंगारहायि ।
(b) जायखि जाया हुदा दानायावनो बै खामानिनि फिन फिथाइ मोनोब्ला गोरलैयैनो बै हुदाखौ लुंखांनो हायो ।
(c) हुदा दानायाव गेजेराव दोन्थनाय एबा थाद ‘नाय जायोब्ला बै हुदानि आबुं महर मोन्नायाव माब्लाबा गोबाव सम एबा गोब्राब थासारिबो जानो हागौ ।
(d) बायजोआरि गोहोमाबो हुदा सोरजिनायनि मोनसे गोहो-गोरा बिफाव गेलेग्रा। जेरै- आबाहावा, बिमा-बिफा, लोगो, न ‘खरनि सुबुं ।
दिदोम जाना थानाय गाज्रि हुदाखौ बायफ्ले होनायनि माखासे हाथियार बादि आखुथाइफोरनि बागै गाहायाव गुसुंङै बेखेवथि होनाय जाबाय।
(a) गाज्रि हुदाखौ बायफ्लेहोनायनि गाहाइ हाथियानो जाबाय गोरों-गोरा गोसो थिरांथा फसंनाय आरो नेम खान्थिजों आवग्रि जानाय ।
(b) गोख्रै समनि गेजेरावनो गाज्रि हुदाखौ सिफायनायनि आरो गाज्रि हुदानि सोलाय गोगो हुदा सोलायस्लायनाया गोजोर जानाय गाज्रि हुदाखौ गाग्लोबनायनि मोनसे लामा।
(c) जेब्लायबो सरसा (Practice) आरो फिन-फिन (Repetition) मावफिन्नाया रोदा सुना थानाय गाज्रि हुदाखौ लोरबां खालामना रानजिंहोना फोथैयो।
(d) गावनो गोसो जानाया सिथाबना थानाय गाज्रि हुदाखौ बोखानायनि गुबुन मोनसे राहा।
(e) सर’ खालामनाया सुबुंखौ साबसिन खालामो ।
बेनिखायनो गाज्रि हुदाखौ हुखोमोरनायजों लोगोसे मोजां हुदानि फारसे जेब्लायबो नोजोर लाखियोब्ला गाज्रि हुदानि बान्दोनिफ्राय उदां जानो हायो ।
सोंनाय-20. मोजां हुदाया माबोरै दाजायो सावराय ।
फिन्नाय : मोजां हुदा दाफुंनायनि थाखाय माखासे खान्थि आरो लामाफोरखौ गोबां सानथौगिरि आरो गोसो बिगियानगिरिफोरा दिन्थिना गालांबाय । बेफोरखौ गाहायाव गुसुंङै सावरायनाय जाबाय।
(i) गोगो आरो दागो गैयि हुदा दानो गोनों थिरांथा लाखिनाय आरो गावनो गावनि सायाव फोथायनाय लाखिनाया जोबोर गोनांथार खुन्थिया।
(ii) गावनो गाव गोसो जानाया मोजां हुदा सोरजिनायनि मोनसे गोहो गोनां हाथियार बायदि। थाबथाया लासे आरो दोनथ ‘आलासे मोजां हुदाखौ सर’ खालामबाय थानाय थारैनो मोजां हुदा दानायाव थोजासे बोलो होयो।
(iii) मोजां हुदा दानायाव सांग्राङै बाहागो लानायनि जोबोर गोनांथि दं। बेनिखायनो सांग्रा बाहागो लानो गोसोनि थि थिरांथा लानायनि गोनांथि जायो।
(iv) सरसा खालामनाय एबा गले-गले मावफिनबाय थानायनि बोलोआ मोजां हुदा दानायाव एंगारहायि बिफाव गेलेयो। मानोना सरसा खालामनाया सासे मानसिखौ साबसिन खालामो । जेब्ला मोनसे थि बिन्दोसिम बे सरसा खालामनाया सहैयो अब्ला मोजां हुदाया गावनो गाव महर मोनो।
सुंद’ फिन हो : उफेरा सोंनायनि फिननाय
a) गुवारै नायोब्ला आख ‘लखौ मा मा दाजाबनानै सोमजिनाय होनना बुंनो हायो।
फिननाय : Stimulus + Response (दुखांहोग्रा + सोंनाय)।
b)आखला मोनबेसे रोखोमनि आरो मा मा ?
फिननाय : मोननै बेफोर जादों-
(क) Overt Behaviour (नुसारनाय आखु)
(ख) Covert behaviour (सिंनि एबा लाखोमानाय आखु)
c) Moslow नि बादिब्ला सुबुंनि गोनांथिया मोनबेसे रोखोमनि ?
फिननाय : मोनबा ।
d) सुबुंनि गिबि (गुबै) एबा गोजौ थाखोनि गोनांथिया मा मा?
फिननाय : (i) Physiological Needs (सोलेर मावथाइयारि गोनांथि) (ii) Safety Needs (रैखा गोनांथि)
e) नेरनाय ( Instinet of Combat) नि आबेगारि सेंनाया (Emotional response) आमा ?
फिननाय : रागा (Anger)।
f) गिनायनि (Fear) नि जोनोमारि आखु (Instincts) आमा ?
फिननाय : खारखुमानाय (Instinct of Escape) |
g) आबेग (Emotion) सोदोबा बबेनिफ्राय फैनाय ?
फिननाय : आबेग सोदोबा लेटिन सोदोब “Emovare” निफ्राय फैनाय ।
h) Emovare नि ओंथिया मा ?
फिननाय : Disturb (हेंथा होनाय) ।
i) Habit (हुदा) सोदोबा बेबेनिफ्राय फैनाय ?
फिननाय : Habit (हुदा) सोदोबा Latin (लेटिन) सोदोब “Habites” निफ्राय फैनाय ।
j)Habites नि ओंथिया मा ?
फिननाय : हाल-साल (Condition)।
लांदां जायगा आबुं खालाम
a) जरा (Pairing) नि आबेगारि सोंनाया
फिननाय : हाबिलास ( Lust ) ।
b)Love and belongingness (अननायनि गोनांथिया) आ सुबुं जिउनि मोनसे – – – – ।
फिननाय : गोनांथि (Needs) ।
Updating……
