Class 12 Education Chapter 6|Bodo Medium|गोसोआरि सावस्रि आरो देहा बिगियान: Bodo Tutor is your trusted partner for AHSEC Class 12 Education solutions in the Bodo medium. In this article, we provide comprehensive solutions for Class 12 Education Chapter 6|Bodo Medium|गोसोआरि सावस्रि आरो देहा बिगियान designed to align perfectly with the latest AHSEC|ASSEB syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSECClass 12 Education Chapter 6|Bodo Medium|गोसोआरि सावस्रि आरो देहा बिगियान Solutions, HS Class 12 Education Question-Answers, or resources for Bodo Medium studies, this guide caters to all your needs.
Explore top-quality solutions for Class 12 Education Chapter 6|Bodo Medium|गोसोआरि सावस्रि आरो देहा बिगियान, expertly crafted to support your learning and preparation. Trust Bodo Tutor for the best ASSEB Class 12 Education resources and make your exam preparation more effective!
Class 12 Education Chapter 6|Bodo Medium|गोसोआरि सावस्रि आरो देहा बिगियान
2)गोसोआरि देहा बिगियान बुङोब्ला मा बुजियो ? (What do you mean by mental hygiene?)
Ans : देहा बिगियान बुङोब्ला लोमजानाय एबा बेराम आजारखौ होबथानो थाखाय गावखौ आरो गावनि सोरगिदिं थासारिखौ साखोन-सिखोनै लाखिनायखौनो बुजियो। गुबुन सोदोबफोरजों बुङोब्ला देहा बिगियाना जाबाय सावस्रि रैखाथि होनायनि आदबखौ मोनथि होनायाव मदद होग्रा बिगियान।
2) Hygiene सोदोबा मोनसे सोदोब। (The term hy- giene is a ………. term)
Ans: Hygiene सोदोबा मोनसे ग्रिक सोदोब ।
3) ग्रिक सोदोब Hygiene आ मा बुजायो ? (What does the greek term Hygiene mean ?)
Ans : ग्रिक सोदोब Hygiene नि ओंथिया “सावस्रिनि खोथा बाथ्रा ” एबा “सावस्रिनि बागै”। बे बिथिंनिफ्राय देहा बिगियान बुङोब्ला लोमजानाय एबा बेराम आजारखौ होबथानो थाखाय गावखौ आरो गावनि सोरगिदिं साखोन सिखोनै लाखिनायखौनो बुजियो ।
4) Hygeia आ सोर ? (Who is Hygeia ?)
Ans : Hygeia आ सासे ग्रिक मोदाइजो ।
5) Hippocrates आ सोरमोन ? (Who was Hippocrates ? )
Ans: Hippocrates आ सासे ग्रिक दाक्तर (Physician) मोन।
6) गोसोआरि सावस्रिनि बुंफुरलु हो । गोसोआरि सावस्रिनि जायखिजाया मोनब्रै थांखिखौ मख’ । (Define mental health ? Mention any four objectives of mental health ?)
Ans : गोसोआरि सावस्रिनि ओंथिया जाबाय गोसोआरियै बेराम एबा जखमनिफ्राय उदां जानायनि थासारि । गुबुन ओंथियाव बेनि ओंथिया जाबायदि सोरबा सुबुंनि बेराम उदां एबा जखम उदां गोसोआरि थासारि।
हिलगार्ड (Hilgard) नि बादिब्ला, “गोसोआरि सावस्रिया गोसोआरि बेरामनिफ्राय उदां मोनसे थासारि । रोखायै बुंनांगौब्ला बेयो गोरोबनाय, मुलाम्फा, रोंसोदांनाय आरो थुलुंगा बायदिसिना आखुथाइ थानाय मोनसे थसारि।” गोसोआरि सावस्रिनि थांखिफोरा जाबाय :
i. गोगो एबा थाजिम जिउ खुंनाय।
ii. सावस्रि रैखाथिनि फारसे सांग्रांथि।
iii. गोसोआरि सावस्रिनि गोनांथिखौ मिथिहोनाय।
iv. गोसोआरि सावनि सरैखाथिनि राहा-लामानि गियान होनाय।
7) गोसोआरि देहा बिगियाना मा फरायसंओ ? (What does men- tal hygiene study?)
Ans : थाजिम एबा गोगो जिउनि बिगियान महरै गोसोआरि देहा बिगियाना जोंखौ गोजोन गोनां जिउनि बिखान्थिजों सोमोन्दो थानाय गासैबो गाहाइ आयदाफोरखौ फरायसंनायाव हेफाजाब खालामो। सुंद’यै गोसोआरि देहा
बिगियानाः
(i) गोसोआरि बेराम जानायनि जाहोनफोरखौ फरायसङो।
(ii) गोसोआरि बेरामफोरखौ होबथानो थाखाय गोनां जानाय राहा एबा बेफोरखौ होबथानो थाखाय मोखथाङारि महरै बाहायनायनि सोमोन्दै फरायसङो।
(iii) गोगो एबा थाजिम जिउ खुंनायनि आदबफोरखौ मिथिनायाव मदद खालामो।
(iv) बेसेनफोरनि गोनांथिखौ सानखांनो हानाय गियान होयो आरो साबसिन समान जिउ दैदेनलांनो थाखाय बेफोरखौ मानिना सोलि होयो।
8) गोसोआरि देहा बिगियाननि जायखिजाया मोननै बुंफुरलु हो। (Give any two definations of mental hygiene.)
Ans : गोसोआरि देहा बिगियाननि मोननै बुंफुरलुफोरा जाबायः
- हेदफिल्ड (Hadfield) नि बादिब्ला, “गोसोआरि देहा बिगियाना गोसोआरि सावनि रैखा खालामनाय आरो गोसोआरि बेरामखौ होबथानायजों सोमोन्दो थानाय बिगियान। “
- कभाइल ( Coville ) नि बादिब्ला, “गोसोआरि देहा बिगियाना होबथानाय आरो गोख्रै फाहामथाइनि गेजेरजों गोसोआरि सावस्रिनि जौगाथाइनि थाखाय आरजाथाव हाबा थिसनना लाग्रा बिगियान”।
9) गोसोआरि देहा बिगियाननि जायखिजाया मोननै थांखिखौ मख’ ।
(Mention any two purposes of mental hygiene.)
Ans: गोसोआरि देहा बिगियाननि थांखिफोरा जाबाय :
i) सुबुंथिनि जौगानाय आरो जिउनि रोंगौथिफोरनि गेजेराव थानाय सोमोन्दोनि गोरोबलायनायखौ जौगाहोनाय ।
ii) गावआरि आरो हानजानि गोसोआरि सावस्रिखौ जौगा होनाय आरो साबस्रां होनाय एबा फोसाबनाय।
iii) गोसोआरि बेरामिफोरखौ गोनां मदद होनो थाखाय आदब-खायदा दिहुननाय आरो बाहायनायाव मदद खालामनाय।
iv) गोसोआरि सावस्रि सरैखाथिनि राहा-लामानि गियान होनाय।
10) गोसोआरि देहा बिगियाननि हाबाफोरा मा मा ?
What are the functions of mental hygiene?
Ans: गोसोआरि देहा बिगियाननि हाबाफोरा एबा खामानिफोरा जाबाय :
i) होबथानां हाबा (Preventive Function ) : गोसोआरि देहा बिगियाननि गाहाइ हाबाया जाबाय गोसोआरि बेराम, सुबुंथिनि बेराम आरो गोरोबनायनि जेंनाफोरखौ होबथानाय । गोसोआरि देहा बिगियाना सुबुं गथ ‘नि गोसोआरि बेरामनि जाहोनफोर, सुबुंथिनि बेराम आरो गोरोबनायनि जेनाफोरखौ बुजिनायनि बेलायाव मदद खालामो । गोसोआरि बेराम, सुबुंथिनि बेराम, आरो गोरोबनाय खान्थिजों सोमोन्दो थानाय जेंनाफोरखौ होबथानायाव लानो गोनां राहा-लामाफोरखौ मिथिना होबथानायाव लानो गोनां राहा-लामाफोरखौ मिथिना लानायाव गोसोआरि देहा बिगियाना मदद खालामो।
ii) सोखाथाइ हाबा ( Curative Function ) : गोसोआरि देहा बिगियाननि सोखाथाइ हाबाया गाहायै फाहामथाइ आदबनि सायाव गोनांथि होयो । गोसोआरि देहा बिगियाना सुबुंनि गोसोआरि बेराम, सुबुंथिनि बेराम आरो गोरोबथिनि जेंनाफोरखौल’ मिथिनायाव मदद खालामा। बेयो बेफोर बायदि जेंनाफोरनिफ्राय बारग’नो थाखाय फाहामनायनि आदब खायदाखौं मिथिनायनि बेलायावबो मदद खालामो।
iii) रैखाथि होनाय हाबा (Preservative Function) : गावनि आरो समाजनि थाखाय गोसोआरि सावस्रि रैखाथि होनाय हाबाया जोबोद गोनांथि दं । गोगो गोसोआरि सावनिनि उनगायै गावारि आरो समाजारि मोननैबो बिथिंफोराव जौगानाया सानथावना नङा। गोसोआरि देहा बिगियाननि रैखाथि होनाय हाबाया गोसोआरि सावनिनि गोनांथिखौ मिथिनाय आरो बेनि रैखाथिनि थाखाय जर ‘खायै लानो गोनां राहा-लामा, आदब-खायदा आरो मावखान्थिफोरखौ मिथिनायाव मदद खालामनाय । सुबुं जिउ आरो सुबुं समाजनि अनसायनाय हाबायानो गोसोआरि देहा बिगियाननि रैखाथि होनाय हाबानि गाहाइ थांखि।
11) गोसोआरि देहा बिगियाननि जायखि जाया मोनथाम नोजोरखौ थांखिफोरखौ मख’। (Mention any three aims of men- tal hygiene.)
Ans : गोसोआरि देहा बिगियाननि नोजोरफोरा एबा थांखिफोरा जाबायः
i. गोसोआरि देहा बिगियाना गोसोआरि सावनिखौ रैखाथि होनायाव मदद खालामो।
ii. आबहावाजों गोरोबना थानो हानाय बादियै सुबुंथि जौगाहोनो थांखि लायो।
iii. समान आरो गोरोबनाय सुबुंथि जौगानायनि थाखाय गोसोआरि देहा बिगियाना गोसोआरि जेंनाफोरखौ होबथानो नाजायो।
iv. गोसोआरि जेंना आरो बेराम सोमजिहोग्रा गासै सुबुंथिनि बेरामखौ फाहामथाइ होनोयाव गोसोआरि देहा बिगियाना थांखि लायो।
12) गोसोआरि देहा बिगियाननि गोसारथिखौ बेखेव । (Explain the scope of mental hygiene.)
Ans : गोसोआरि देहा बिगियाननि गोसारथि (Scope of Mental Hygiene. ) :
गोसोआरि देहा बिगियाननि गोसारथिया जोबोर गुवार। गोसोआरि देहा बिगियाना गोसोआरि बेराम आरो गोसोआरि जेंनाफोरनि जाहोनफोरखौ मिथिनायाव मदद खालामो । गोसोआरि देहा बिगियाननि गियाननि हेफाजाबजों गोसोआरि बेराम जानायनि जाहोनफोरखौ बुजिनो हायो । गोसोआरि देहा बिगियाना गोसोआरि जेंनाफोरनिफ्राय बारग’नो थाखाय होबथानायनि राहाफोरनि बागै मिथिनायाव मदद खालामो। गासै रोखोमनि गोसोआरि बेरामफोरनिफ्राय बारग ‘नो थाखाय आरजाथाव बिथांखि लानायाव गोसोआरि देहा बिगियाननि जर ‘खायै गोनांथि दं । बे बेयो मोजां आरो थाजिम गोसोआरि सावस्रिनि गोनांथिखौ बुजिनो हानायाव मदद खालामो । गोसोआरि देहा बिगियाननि गियाननि मददजों सुबुंथि जौगानायनि फारिखान्थि एबा बिखान्थिनि सोमोन्दै मोजाङै बुजिनो हायो । गोसोआरि देहा बिगियाना आदब बादियै सुबुंथि जौगानायनि राहा-लामाखौ मिथिनायावबो मदद खालामो । गोसोआरि देहा बिगियाननि मददजों गोरोबथि गोनां सुबुंथि जौगानायनि गोनांथि आरो बिखान्थिखौ मोजाङै बुजिनो हायो । बेयो जोंखौ गोरोबनायनि बिखान्थिखौबो बुजिनायाव मदद खालामो।
गोसोआरि देहा बिगियाना गोरोबनायनि खान्थिफोरखौ फरायसङो, अदेबानि गोसोआरि एबा रैखाथि बिखान्थि जायखौ गोसोआरि नारसिनथाइ एबा जेंनाखौ सुस्रांनो एबा गोगो गोसोआरि सावस्रिनि थाखाय बेनि सौदावनायखौ एबा गोखोंथिखौ सेमहोनायनि राहा-लामा महरै नाजावना लानाय जायो। खायफा राहा एबा बिखान्थिफोरा जाबायः गादबनाय, दबथायनाय, हेंथा होनाय, फैफिननाय, सोलायनाय, जौगा होनाय, बानबुंथाइ होनाय बायदि बायदि। गोसोआरि देहा बिगियानहा गोरोबथाइनि गासैबो बिखान्थिजों गोथौथार सोमोन्दो दं, जाय थाजिम एबा गोगो गोसोआरि सावस्रिनि थाखाय गोनांथार । जियानो जा, गोसोआरि देहा बिगियाननि गोसारथिया गाहाइयै मानसि गथ’ नि गोसोआरि जिउ आरो सुबुंथिनि आदबारि जौगानायखौ गोनांथि होयो।
13) गोसोआरि देहा बिगियाना जोंखौ माबोरै मदद खालामो ? (How does mental hygiene held us? )
Ans : गोसोआरि देहा बिगियाननि गोनांथि : गोसोआरि देहा बिगियाननि गियाना गासैबो सुबुंफोरनि थाखायनो जोबोद गोनां। गोगो एबा थाजिम गोसोआरि सावस्रिनि अनगा सुबुंफोरा गोजोन आरो सुखुगोनां जिउ खुंनो हाया। बेनिखायनो गोसोआरि सावनि आरो गोसोआरि देहा बिगियाननि गोनांथिखौ बुजिनो थाखाय जुनियायै गोसोआरि सावस्रि आरो गोसोआरि देहा बिगियाननि गियान थानायनि जर ‘खा गोनांथिदं।
गोसोआरि देहा बिगियाननि गोनांथिफोर एबा मददफोरः
i) गोसोआरि देहा बिगियाना गोसोआरि सावस्रिनि गोनांथिखौ बुजिनायाव मदद खालामो।
(ii) गोसोआरि देहा बिगियाना गावखौनो गोसोआरियै गोगो एबा थाजिम खालामना लाखिनायनि आदबफोरखौ मिथिनायाव मदद खालामो।
(iii) गोसोआरि देहा बिगियाना गोसोआरियै गोगो एबा थाजिम सुबुंनि आखुथाइफोरखौ मिथिनायाव मदद होयो।
(iv) गोसोआरि देहा बिगियाना गोसोआरि बेरामफोरनि जाहोनफोरखौ मिथिनायाव मदद खालामो।
(v) गोसोआरि देहा बिगियाना गोसोआरि जेंनाफोरनिफ्राय बारग ‘नो थाखाय राहा-लामा नागिरनानै लानायाव मदद खालामो।
14) सोर गोसोआरि गोगो सुबुं ? (Who is mentally healthy in- dividual ?)
Ans : जाय सुबुंआ जिउनि जायखि जाया जेंनाखौनो नेवसिना गुबुन गुबुन थासारिजों गोरोबनो हायो बेखौनो गोसोआरि गोगो सुबुं बुंनाय जायो । सासे गोसोआरियै गोगो सुबुंआ बायदि रोखोमनि आबहावा, थासारि आरो हाबा- हुखाजों मोगा मोगि जानांबाबो जेबो नोरजिया आखुथाइ दिन्थिया । गोसोआरियै गोगो सुबुंफोरहा जेबो रोखोमनि गोरोबथाइयारि गुबै जेंना थाया। फंसे सोदोबजों एबा बाथ्राजों गोसोआरियै गोगो सुबुंआ जाबायः
(i) सोलेरारियै गोगो एबा थाजिम सुबुं।
(ii) गोसोबिगियानारियै राफोद एबा गोखों
(iii) आबेगारियै दिदोम।
(iv) समाजारियै मोजां-गोरोबथाइयारि ।
15) गोसोआरि गोगो सुबुंफोरनि जायखिजाया मोनथाम आखुथाइफोरखौ लिर। (Write any three characteristics of mentally healthy individual.)
Ans : गोसोआरि गोगो सुबुंफोरनि खायफा थि जुनिया आखुथाइफोर थायो । बे आखुथाइफोरा जाबाय :
i) गोसोआरि गोगो सुबुंफोरा राफोद सुबुंथि गोनां ।
ii) गोसोआरि गोगो सुबुंफोरा आबेगारियै दिदोम।
iii) गोसोआरि गोसो सुबुंफोरहा गोरोबनायनि जेबो गाहाइ जेंना थाया।
iv) गोसोआरि गोगो सुबुंफोरा सोलेरारियै गोगो सुबुं ।
v) गोसोआरि गोगो सुबुंफोरा गोसोआरि बेरामनिफ्राय उदां।
vi) गोसोआरि गोगो सुबुंफोरहा गोखों एबा राफोद थुलुंगाखां गोहो दं।
16) आरजाथाव गोसोआरि सावस्रि जौगानायाव नख रनि मावफारिया बिफावआ मा ? (Explain the role of home for mental health development.).
Ans : गोसोआरि सावस्रि जौगानायाव नख ‘रनि बिफाव :
proper नखरा, गिबि फसंथान महरै सासे सुबुंनि गोसोआरि सावस्रिखौ सामलायनाय आरो फोसाबनाय बिखान्थियाव गोनांथार बिहोमा होयो आरो बिफाव लायो । खुदियाफोरनि गोसोआरि सावस्रिखौ सरैखा खालामनायाव नख ‘रनि बिफावफोरा एबा मावफारिफोरा जाबायः
i. नख ‘रनि आबहावाया गासैबो रोखोमनि उसु-खुथु आरो बांद्राय साननायनिफ्राय उदां जानो नांगो।
ii. गथ’फोरनि गोसो बायग्लिनाय आरो बांद्राय साननायखौ होबथानो थाखाय बिसोरनि सोलेरारि आरो गोसोबिगियानारि गोनांथिफोरखौ सुफुंनो नांगौ।
iii. बांद्राय दबथायनाय एबा होबथानायखौ नागारनांगौ।
iv. गावजों गाव रुजुलायाबालानो सुबुङारि फारागथिफोरखौ गनायनांगौ ।
v. बिमा-बिफाया मोजां बोसोन होनांगौ आरो मानिना सोलिनांगौ मानोना ‘फोरा बिसोरनिफ्रायनो सोलोङो (उनसोलोङो)।
vi. नख ‘रनि सोद्रोमाफोरनि गेजेराव सोमोन्दोआ मानगोनां जानांगौ ।
17) गोसोआरि बेराम होबथानायाव फरायसालिनि जायखिजाया मोनबा मावफारिखौ बिफावफोरखौ मख’ । ( Mention any five roles school play for the prevention of mental illness.)
Ans : आरजाथाव गोसोआरि सावस्रि जौगानायाव फरायसालिनि बिफाव : गंसे गोगो समाज दानो थाखाय गोसोआरि सावस्रिनि थि जुनिया गोनांथि दं । गोजोन संसार खुंनो एबा दैदेननो थाखाय गोसोआरि सावस्रिया गोगो जानाया गोनांथार । गोगो गोसोआरि सावनिनि अनगा जों गोजोनै जिउ खुंनो हाया। बेनि थाखायनो फरायसालिफोरा अरायबो सावस्रि सोलोंथाइनि सायाव जुनिया गोनांथि होनो नांगौ।
गंसे समाजारि फसंथान महरै फरायसालिया सुबुंफोरनि सोलोंथाइयारि आरो समाजारि जिउखौ जौगा होनायाव गोनांथार बिहोमा होयो आरो बिफाव लायो। गोसोआरि बेरामफोरखौ होबथानो आरो गोसोआरि जिउ आरो सावनिनि सरैखाथिनि आरो जौगानायनि थाखाय फरायसालिया गाहायाव मख’नाय बिफावफोरखौ मावफुङो।
(i) फरायसालिया फरायसाफोरनि गासैबो गोसो-सोलेरारि गोहोफोर आरो गुनफोर जौगानायाव मदद खालामो।
(ii) फरायसालिया गोगो गोसोआरि सावस्रिनि बेसेनखौ बुजिनायाव मदद खालामो।
(iii) फरायसालिया गोसोआरि जिउनि आरो सावनिनि जैनाफोरखौ मिथिनायाव एबा बुजिनायाव मदद खालामो।
(iv) फरायसालिया फरायसाफोरनि सुबुंथिनि गासैबो गुनफोर आरो गोहोफोरखौ जौगाहोनायाव मदद खालामो।
(v) फरायसालिया मानसिफोरखौ आबेगारियै गोखों खालामनायाव मदद होयो।
(vi) फरायसालिया गोजोनगोनां जिउ खुंनो थाखाय गोनां गासैबो बेसेनफोरनि बेसेनखौ हमदांनायाव मदद खालामो।
