Class 12 Education|Bodo Medium |Chapter 5 (ख) Attention and Interest- गोसो होनाय आरो गोसो दुंनाय: Bodo Tutor is your trusted partner for AHSEC Class 12 Bodo MIL solutions in the Bodo medium. In this article, we provide comprehensive solutions for Class 12 Education|Bodo Medium |Chapter 5 (ख) Attention and Interest- गोसो होनाय आरो गोसो दुंनाय designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Education|Bodo Medium |Chapter 5 (ख) Attention and Interest- गोसो होनाय आरो गोसो दुंनाय Solutions, HS Class 12 Education Question-Answers, or resources for Bodo Medium studies, this guide caters to all your needs.
Explore top-quality solutions for Class 12 Education|Bodo Medium |Chapter 5 (ख) Attention and Interest- गोसो होनाय आरो गोसो दुंनाय, expertly crafted to support your learning and preparation. Trust Bodo Tutor for the best ASSEB Class 12 Education resources and make your exam preparation more effective!
Class 12 Education|Bodo Medium |Chapter 5 (ख) Attention and Interest- गोसो होनाय आरो गोसो दुंनाय
1) गोसो होनाय माखौ बुङो ? गोसो होनायनि मोनब्रैसो बुंफुरलु हो। (What is attention ? Give a few definition of attention.)
Ans : गोसो होनाया जादों आबहावानि माबेबा आयदा एबा मुवानि बागै सांग्रां गोसो फज ‘नाय।
गोसो होनाया मा एबा गोसो होनायनि ओंथि सोमोन्दै मोननै सान्थौफोर दं । मोनसे सान्थौखौ गोदो-गोदायनि गोजामथार गोसोबिगियानगिरिफोरा होदोंमोन जायफोरखौ गोहो सान्थौगिरिफोर होनना बुंनाय जायो। बिथांमोननि बादिब्ला जोंनि गोसोआ बायदिसिना जुनिया गोहोफोरजों दाजानाय आरो गोसो होनाया बेफोरनि मादाव मोनसे। अदेबानि गोहो सान्थौगिरिफोरनि बादिब्ला गोसो होनाया जाबाय ‘गोसोनि मोनसे जुनिया गोहो’। बेयो गासैबो जिबनिनो जोनोमजों फैफाखानाय गुन।
नाथाय, गोदान गोसोबिगियानगिरिफोरा बे सान्दांथिखौ गनाया। गोदान गोसोबिगियानगिरिफोरनि बादिब्ला गोसो होनाया मोनसे गोसोनि गोहो नङा, नाथाय सांग्रां गोसोनि मोनसे बिखान्थि एखा खामानिसो। बे बिखान्थियाव गोसोनि सांग्रां बाहागोखौ दबथायना लानाय जायो आरो आबहावानि माबेबा थि बेसादनि फारसे बिथोन होनाय जायो। गावगायनि गोसोखौ सांग्रां गोसोनि फारसे मिरुवारि खालामनाय एबा माबेबा थि बेसाद, आबहावानि सान्दांथि एबा मुवानि सायाव सांग्रां गोसोखौ मिरुवारि खालामनाय बिखान्थिखौनो गोसो होनाय होनना बुंनाय जायो।
गोसो होनायनि बुंफुरलुफोरः
रायबार्ण (Ryburn) नि बादिब्ला, “गोसो होनाया सुबुंथिनि एरैबादि मावमिन जेराव मोनदांनाय, लुबैनायजों लोगोसे बुजिनांगौहो मुनि गुदि मावमिनफोरा नांथाबना थायो ।”
जेमस रस (James Ross) नि बादिब्ला, “गोसो होनाया मोनसे बिखान्थि जायनि जोहै मोनसे साननि आयदाखौ गोसोआव रोखा खालामनाय जायो।”
गिलफर्ड (Guilford) नि बादिब्ला, “गोसोआव सांग्रा सायख’थिया सोलिगासेनो थायो । मानसि सासेया नायख ‘नो सायख ‘नाय मावमिनखौनो गोसो होनाय बुङो।”
2) गोसो होनायनि मोननैसो मख ‘नां आखुनि बागै लिर। (Men- tion the salient Characteristics of attention.)
Ans : गोसो होनायनि ओंथिया जादों, आबहावानि माबेबा आयदा एबा मुवानि बागै सांग्रां गोसो फज ‘नाय। गोसो होनाया मोनसे गोसो-बिगियानारि बिखान्थि।
गोसो होनायनि गुबै आखुथाइफोरखौ गाहायाव लिरनाय जाबायः
1. गोसो होनाया मोनसे गोसोआरि गोहो नङा, बेयो मोनसे गोसोआरि बिखान्थिसो।
2.गोसो होनाय बिखान्थियाव सांग्रां गोसोखौ आबहावानि माबेबा आयदा एबा मुवानि सायाव फज’नाय एबा मिरु खालामनाय जायो।
3. जोंनि बा इन्द्रिय ‘खौ दुखां होनाय मोनफ्रोमबो आयदानि सायाव गोसो होनो हाजुवा। अदेबानि मोनसे समाव मोनसेल’ थि मुवा एबा आयदानि सायाव गोसो होनाय जायो।
4. सायख’थिनाया गोसो होनायनि मोनसे गोनांथार आखुथाइ । गोसो होनो थाखाय गोसोआ जेब्लाबो गोबांनि मादाव मोनसेल’ थि आयदा एबा मुवा सायख’ना लायो।
5. गोसो होनाया जादों खारसुमै आखुनि । बेयो मोनसे बेसादनिफ्राय गुबुन मोनसे बेसादसिम गोखैयै बारस्लायो ।
6. गोसो होनाया सिमा गोनां आखुनि। माबेबा मोनसे थि समाव जोबोद एसेल’ मुवाफोर एबा आयदाफोरनि सायावल’ गोसो होनो हायो।
3) बिदिन्थि होनानै सावराय। (Discuss the following with example.)
(क) नेरसोनथि आरो बदमोनथि गोसो होनाय (Ideational and Sensorial Attention)
Ans : नेरसोनथि आरो बदमोनथि गोसो होनाय (Ideational and Sensorial Attention) :-गोसो होनाया जेब्ला मानसि सासेनि गावारि साननि, सानदांथि, सानबोलाउरि बायदि बायदिफोरनि सायाव सोनारो अब्ला बेखौनो नोरसोनथि गोसो होनाय होनना बुंनाय जायो। नेरसोनथि गोसो होनाया हमदथियारि अंग एबा इन्द्रिय ‘नि गोसो दुखांहोग्रानि जो है आबहावानि बायजोआरि जाहोग्रानि जो सोमजिया एबा गोहोमखोलै जाया। थामहिनबा जेब्ला बायजोआरि गोसो दुखांहोग्रानि थाथाइखौ गोसो होआबालानो, गोसोआरि सानस्रि, सानदांथि, सानबोलाउरि बायदि बायदिफोरनि सायाव गोसो होनाय जायो बेखौ नेरसोनथि गोसो होनाय होनना बुंनाय जायो।
बिदिन्थिनि थाखाय, जेब्ला सोरबा सासे सुबुङा माबेबा बेसादाव एबा आयदायाव गोसोहोनानै मुखुब जाना थायो आरो बिनि सिंआव आरो साखाथि- फाखाथि मा जाबाय दं, बेनि बागै जेबो साना एबा खेरखेराया, बेयो नेरसोनथि गोसो होनायनि थाखायनो जादों।
बदमोनथि गोसो होनाया नेरसोनथि गोसो होनायनि उल्था। जेब्ला इन्द्रिय ‘फोरनि दुखांनायनि थाखाय गोसो होनाय जायो, बेखौ बदमोनथि गोसो होनाय होनना बुंनाय जायो। बे गोसो होनाया मोनथाम रोखोमनि जाहोग्राफोरनि सायाव सोनारो। बेफोर जाबाय दुखांहोग्रानि बोगथाबहानां गोहो, बा इन्द्रिय ‘फोरनि सांग्रांथि आरो मावहाथि आरो मेलेमनि खामानि मावनो थियारिथाइथि। बेनिखायनो बुंनो हायोदि दुखांहोग्रानि गोहोमनि थाखाय बा इन्द्रिय ‘फोरा दुखांनानै जा गोसो होनाय सोमजियो बेखौ बदमोनथि गोसो होनाय होनना बुंनाय जायो।
बिदिन्थिनि थाखाय, फेंफा दामनायनि गोख्रों सोदोब आरो स्रां सोरांखौ नुना गोसो होनायफोरा बदमोनथि गोसो होनायनि बिदिन्थिफोर ।
(ख) बिजिरथाइयारि आरो गोरोबथाइयारि गोसो होनाय (Analytic and Synthetic Attention):
Ans: गोसो होनायनि आखुथाइनि सायाव बिथा खालामनानै गोसो होनायखौ बिजिरथाइयारि गोसोहोनाय आरो गोरोबथाइयारि गोसो होनाय बे मोननै बाहागोआव राननाय जादों। जेब्ला गोसो होनाय समाव बेसाद एबा आयदानि मोनफ्रोमबो आखुखौ मोजांयै नायबिजिरनाय जायो अब्ला बेखौ बिजिरथाइयारि गोसो होनाय होनना बुंनाय जायो। बिजिरथाइयारि गोसो होनायाव, गोसो होनाय बेसादखौ आबुंयै नायबिजिरनायनि सोलाय बे बेसादनि गासैबो फिसा फिसा दाथाइ एबा बिथिंफोरखौनो नायबिजिरनाय जायो। बिदिन्थि महरै, खसाब एबा जि बायनाय समाव बे खसाबनि बेसेन, खुन्दु, दाथाइ आरो आगरफोरखौ गोसो होनाया बिजिरथाइयारि गोसो होनाय ।
गुबुन फारसे गोरोबथाइयारि गोसो होनाया बिजिरथाइयारि गोसो होनायनि उल्था। बे रोखोमनि गोसो होनायाव बेसादखौ एबा आयदाखौ आबुंयै एबा फुरायै नोजोर होनाय जायो। माबेबा बेसादनि गोबां फिसा फिसा बाहागो एबा थादेरसाफोरखौ गुबुन गुबुन गोनांथि होनायनि सोलाय, बेफोरखौ ज’ खालामना होनाय जायो आरो बेसादखौ आबुंयै एबा फुरायै फरायसंनाय एबा नायबिजिरनाय जायो। बिदिन्थि महरै जेब्ला सोरबा सासे सुबुंआ माबेबा मोनसे सावगारिनि गुबुन गुबुन थादेरसाफोरखौ गुबुन गुबुनै नायना गोसो होनायनि सोलाय आबुं सावगारिखौ गोसो होयो अब्ला बेखौनो गोरोबथाइयारि गोसो होनाय होनना बुंनाय जायो।
4) गोसो दुंनाया मा ? बेनि आखुथाइफोरखौ मख’। (What is in- terest ? What are its characteristics ?)
Ans: गोसो दुंनाया मोनसे गोसोआरि जाहोग्रा जाय सुबुंफोरनियाव गोसो होनाय सोमजिखां होयो। गुबैयै गोसो दुंनायखौ गोसो होनायनि इसिंआरि जाहोन एबा जाहोग्रा होनना बुंनाय जायो । अबेदानि गोसो दुनाया गोसो होनायनि बयनिखुइबो गोनांसिन थासारि आरो जाहोग्रा जाय सुबुंफोरखौ माबेबा मोनसे बेसादनि सायाव गोसो होनो थुलुंगा होयो ।
गोसो दुंनायनि गुबै आखुथाइफोरा जाबाय :
i. गोसो दुनाया गोसोनि मोनसे इसिङारि थाथाइ, जाय गोसो होनो जुनै सुबुंफोरखौ थुलुंगाखां होयो।
ii. जों गासैबो सुबुंफोरानो मोन दांथिजों आबुं एबा बोर सारस्रि जादों, आरो सरासनम्रायै गोसो दुनाया बे मोनदांथि फोरनिफ्रायनो सोमजियो।
iii. गोसो दुंनाया जोनोमआरि (जोनोमजों फैफानाय) एबा आरजिनायबो जानो हायो।
iv. गोसो दुंनाया गोलाउ समसिम जोरनायबो जानो हायो आरो दान्दिसे समनि थाखायल ‘बो जानो हायो। बिमा-बिफानि गथ’नि मोजां जिउनि थाखाय गोसो दुनाया गोलाउ समारि। गुबुन फारसे फुंनि खौरां-बिलाइनि फारसे गोसो दुनाया दान्दिसे समनि थाखाय ल’।
5) गोसो होनाय आरो गोसो दुंनायनि सोमोन्दैखौ बिजिर। (Dis-cuss the relations between attention and interest.)
Ans : गोसो होनाय आरो गोसो दुंनायनि सोमोन्दो ( Relations be- tween attention and interest) : गोसो होनाया सांग्रां गोसोखौ आबहावानि माबेबा बेसाद एबा आयदानि सायाव फज’यो एबा मिरु खालामहोयो। गोसो दुनाया बे बादि गोसोआरि थासारि जाय गोसो होनाय सोमजिखां होयो। अदेबानि बेयो रोखा दि गोसो होनाय आरो गोसो दुंनायनि गेजेराव खाथिथार सोमोन्दो दं।
गोसो दुनाया मोनसे मिथिंगायारि एबा जोनोमजों फैफानाय गोसोआरि जाहोग्रा जाय साफ्रोमबो सुबुंफोरनियावनो थायो। बेयो गोसो दुनायानो जाय सुबुंफोरखौ आबहावानि माबेबा थि बेसादनि बागै सानहोयो आरो गोसो होहोयो। सोरबा सासे फरायसानि थाखाय बेबादि आयदानि सायाव गोसो होनाया गोब्राब जायो जाय आयदानि सायाव बिहा गोसो दुनाय थाया। थामहिनबा गोसो होनायनि बयनिखुइबो गोनांथार इसिङारि जाहोग्रा जाहोन एबा थासारिया जाबाय गोसो दुनाय। माबेबा बेसादनि सायाव गोसो दुंनाया जेबो नाजायाबालानो मिथिंगायारियै बे बेसादनि सायाव गोसो होनो थुलुंगाखां होयो।
गोसो होनाय आरो गोसो दुंनायनि बे गोथौ सोमोन्दोखौ नायनानै मुंदांखा गोसो सान्थौगिरि मेक. डोंगल (Mc. Dougall) आ गावनि “एन आउटलाइन अफ साइकोलजि” बिजाबाव मोनसे समायनाथार बिबुंथि होदों। बियो बिबुंथि होदों दि, “गोसो दुंनाया गोसो होनायनि आन्दोनि थामिन आरो गोसो होनाया गोसो दुंनायनि सांग्रां थामिन” । बे बिबुंथिनि जोहै बिथांआ फोरमायथि दि गोसो होनाय आरो गोसो दुंनायनि गेजेराव औरैबादि गोथौथार सोमोन्दो दं दि जायखौ बोखारना आबुंयै गुबुन गुबुन खालामनाया जाथावना नङा। जेब्ला सिम गोसो होनाया जोंनि गोसोआव एरसोना थायो, बे थासारिखौनो गोसो दुंनाय होनना बुंनाय जायो। बे एखे थासारि एबा थाखोमानाय गोसो दुनाया जेब्ला सांग्रां जायो अब्लानो बेखौनो गोसो होनाय बुंनाय जायो। बे बादिनो मेक. डागल नि बादिब्ला गोसो होनाय आरो गोसो दुंनायनि गेजेराव गोथौथार सोमोन्दो दं।
जे. एस. र’स (J.S. Ross) आ गावगायनि मुंदांखा “ग्राउंडवर्क अफ एजुकेसनल सायकोलाजि” बिजाबाव गोसो होनाय आरो गोसो दुंनायनि गेजेराव थानाय सोमोन्दोखौ थांखिनानै बुंदों दि “गोसो होनाय आरो गोसो दुनाया गरसे खाउरिनिनो फारनै “बिखुंबादि”, मोनसेखौ गुबुन मोनसेनिफ्राय आलादा खालामनो हाया आरो मोनसेहा गुबुन मोनसेनि अनगा जेबो गुन थाया एबा मोनसेनि अनगा गुबुन मोनसेया थानो हाया।
6) सोलोंथाइयाव गोसो होनाय आरो गोसो दुंनायनि गोनांथि फारसे सावराय। (Write on the educational significance of at- tention and interest.)
Ans : सोलोंथाइयाव गोसो होनाय आरो गोसो दुंनायनि गोनांथि (Edu- cational significance of attention and interest) : गोसो होनाय आरो गोसो जानाया गोसोनि मोननै जोबोद गोनांथार बिखान्थि एबा खामानि । गोसो होनाया आबहावानि माबेबा आयदा एबा बेसादनि सायाव गोसोखौ सांग्रां खालामो । गुबुन फारसे गोसो दुनाया गोसो होनायनि बयनिखुइबो गोनांथार इसिडारि थासारि।
गोसोबिगियानगिरिफोरा बे फोथाइथिनि सायाव गोसो होदोंदि गोसो होनाय आरो गोसो दुनाया फोरोंनाय आरो सोलोंनाय बिखान्थियाव गोनांथार बिहोमा होयो। गोसो होनाय आरो गोसो दुंनायनि अनगा सोलोंनाया जेबो फिथाइ थाया। सासे फरायसानि सोलोंथाइयारि जिउनि जाफुंसारनाया गुबैयै एबा गाहाइयै बे फरायसानि सोलोंनाय बिखान्थियाव गोसो होनाय आरो गोसो दुंनायनि सायावसो आबुंयै सोनारो।
बे मोननैनि सोलोंथाइयारि गोनांथिनि थाखायनो सोलोंथाइनि गोसो होनाय आरो गोसो दुंनायखौ सोलोंथाइयाव सोलोंथाइनि “राहा आरो थांखि (Means and Ends) होनना हमना लानाय जायो। गोहोम गोनां सोलोंनायनि थाखाय गोसोनि सांग्रांथि आरो थियारिथाइथिया गोनांथार। गोसो होनाय आरो गोसो दुनायाल’ फरायसाफोरनियाव बेफोरखौ जौगाहोनो हायो। बेनि थाखायनो गोसो होनाय आरो गोसो दुंनायखौ ‘सोलोंनायनि राहा’ होनना हमना लानाय जायो। आरोबाव गोदान सोलोंथाइ सान्थौगिरिफोरा बिबंधि एबा बिथोन होदोंदि फोरोंगिरिफोरनि गाहाइ एबा गुदि बिबाना फोरोंनाय नडा, नाथाय फरायसाफोरनियाव गोसो होनाय आरो गोसो दुंनाय जौगा होनायसो। बे बिबुंदि एबा सोलोंथाइनि नोजोरनि बादिब्ला गोसो होनाय आरो गोसो दुनाया सोलोंथाइयाव ‘सोलोंथाइनि थांखिसो’।
गोजाम आदबारि फोरोंनाय आदबाव फोरोंगिरिया फरायसाफोरनो गासैबो आयदाखौनो बेखेवना फोरोंङोमोन। थाखो खथायाव फरायसाया सांग्रां नङि खोनासंग्राल’ जाना थायोमोन। नाथाय गोदान सोलोंथाइ राहाया फरायसाफोरा गावनो-सोलोंनाय बिखान्थिखौसो गोनांथि होयो । सासे फोरोंगिरिनि बिबाना बे बादि गोसो होनाय आरो गोसो दुंनाय सोरजिनाय एबा जौगाहोनाय जायनि जोहै फरायसाफोरा गाव-सोलोंनो थाखाय थुलुंगा खाडो। बे बादिनो गोसो होनाय आरो गोसो गुदुं जौगाहोनाया फोरोंगिरिनि गाहाइ एबा गुदि खामानि, मानोना फरायसाफोरनि सोलोंनाया आरो जाफुंसारनाया गोसो होनाय आरो गोसो दुनाय मोननैनिबो सायाव सोनारो।
7) गाहायनि बाथ्राफोरनि सायाव सावराय। (Explain the fol- lowing statements.)
क) “गोसो दुंनाया गोसो होनायनि आन्दोनि थामिन आरो
गोसो होनाया गोसो दुंनायनि सांग्रां थामिन।” (Interest is latent attention and attention is interest in action.)
Ans : गोसो दुंनाय गोसो होनायनि आन्दोनि थामिन आरो गोसो होनाया
गोसो दुंनायनि सांग्रां थामिन (Interest is latent attention and attention is interest in action): Texual Questions and An- swers नि 5 नं सोंनायनि फिननायखौ नायनानै लिर।
ख) “गोसो होनाय आरो गोसो दुंनाया गरसे खाउरिनिनो फारनै fare” (Attention and interest are like “two sides of the same coin )।
Ans : ‘गोसो होनाय आरो गोसो दुंनाया गरसे खाउरिनिनो फारनै बिखुं” (Attention and interest are like two sides of the same coin ): Texual Questions and Answers नि 5 नं सोंनायनि फिननायखौ नायनानै लिर।
ग) “गोसो दुंनाया सोलोंथाइनि राहा आरो जोबथिबो”
(Attention and interest are means and ends in education):
Ans : ” गोसो होनाया सोलोंथाइनि राहा आरो जोबथिनो (Attention and interest measns and ends in education): Texual Questions and Answers नि 5 नं सोंनायनि फिननायखौ नायनानै लिर।
8) गावखौनो फोरोंगिरि साननानै सोलोंसाफोरनि गोसो होनाय आरो गोसो दुंनायखौ जौगा होनो मा मा राहा लानो? ( Supposing yourself as a primary school teacher, what steps will you take to develop attention and interest in children?
Ans : बेखौ गासैबो मिथियोदि सोलोंनाया गोसो होनाय आरो गोसो दुंनायनि अनगा ओंथि गैया एबा फिथाइ थाया। फरायसाफोरनियाव गोसो जानाय आरो गोसो दुंनायखौ जौगाहोनो थाखाय फोरोंगिरिया बिसोरखौ गोहोम खोलैनाय इसिडारि आरो बायजोआरि जाहोग्राफोरनि बागै गियान थाथार नांगोन।
सासे फोरोंगिरिया फरायसाफोरनि गोसो होनाय आरो गोसो दुंनायखौ जौगाहोनो थाखाय गाहायाव होनाय बिन्दोफोरखौ गोसोआव लाखिथारनांगोनः
i. गोसो होनायनि गोबां बेसादारि आरो सुबुडारि जाहोनफोर आरो थासारिफोर दं । खायफा गोनांथार बेसादारि जाहोन आरो थासारिफोरा जाबाय- माबेबा बेसादनि दाथाइ, महर, जोंख्लाबनाय, जोंथि, खारथाइ आरो मोजांथि बायदि बायदि। उन्दै थाखोफोराव फोरोंनाय समाव फोरोंगिरिया बेफोरखौ गोसो होनांगौ। बिदिन्थि महरै जोंख्लाबनाय सावगारि, जोंख्लाबनाय गाबनि फोरों आगजुफोर बाहायनाया उन्दै गथ’फोरनि गोसो होनाय आरो गोसो दुंनायखौ गोरलैयै बोगथाबो एबा मुहि होयो। सुबुङारि थासारिफोरा जाबाय- खनले खनले मावनाय एबा जावलेनाय, हाबिलास, आबेग, आखु बायदि बायदि। गोजौ थाखोफोराव फोरोंनायाव फोरोंगिरिया फोरोंनायखौ गोहोम गोनां खालामनो बेफोर जाहोग्रा एबा थासारिफोरखौ गोनांथि होनांगौ।
ii. जोंनि फरायसालिफोराव सरासनम्रायै बाहायनाय गुबुन मोनसे आदब बाहायनाय जायो, बेयो जाबाय “बान्था आरो साजा” राहा आरो” थुलुंगाखां होनाय” राहा । बे राहाखौ बाहायनाया गोनां, नाथाइ बे राहाखौ बांद्राय बाहायनायखौ नागार नांगौ। मानोना बेखौ खनले खनले बाहायबाय थायोब्ला नंगुबै थांखिखौ मोनफुंनो हानाय नङा। आरोबाव हानायमानि सोलेरारि साजा होनाय राहानिफ्राय जानगाराव थानांगौ
iii. फोरोंगिरिया फरायसाफोरा गावनो मावनायनि जोहै सोलोंनाय आरो गाव सोलोंनाय राहानि सायाव गोनांथि होनांगौ। सानथौवारि एबा थिरांथाइयारि बेखेवनायजों लोगोसे बाहायारि सोलोंनायनि खाबु होनाय जायोब्ला फरायसाफोरा गावनो गाव बांसिन गोसो होगोन आरो गोसो दुंगोन।
iv. फोरोंनाय-सोलोंनाय बिखान्थियाव जावलेनाया एबा खनले खनले खालामफिननाया गोनांथार । नाथाय जावलेनायखौ बांद्राय बाहायनाया सोलोंनायखौ खाबजायै खालामनो हायो। बेनिखायनो गोसो होनाय आरो गोसो दुंनायखौ सरैखा खालामनो थाखाय मोनसे आयदाखौनो खनले खनले जावलेबाय थानायनिफ्राय फोरोंगिरिया हानायमानि जानखाराव थानांगो ।
v. फोरोंनाय- सोलोंनाय बिखान्थिया बांद्राय गोलाव एबा गोबां समसिम जानो नाङा। मानोना, फोरोंनाय-सोलोंनाय बिखान्थिया बांद्राय गोलाव जायोब्ला फरायसाफोरा गोसोआरियै मेंग्लियो जाहोनाव बिसोरो गोसो होनो हाया जायो । जुनियायै उन्दै थाखोफोराव फोरोंनाय-सोलोंनाय समा गुसुं जानांगौ अब्लासो फरायसाफोरनि गोसो होनाय आरो गोसो दुंनाया सोलिबाय थायो ।
vi. बुंनाय जायोदि मिनिनाया साबसिन मुलि होननानै, थाखो खथायाव फरायसाफोरनि गोसो होनाय आरो गोसो दुंनायखौ जौगा होनो थाखाय फोरोंगिरिया फेस्ला बुंनांगौ एबा मायबा मिनिथाव बाथ्रा बुंना मिनि होनांगौ । नाथाय फोरोंगिरिहा थाखो खथायाव थासारि नायना बे आदबखौ बाहायनायनि रोखा गियान थाथारनांगौ ।
9) गोसो होनायनि बेसादारि आरो सुबुङारि जाहोनफोरखौ सावराय। (Dis-cuss the objective and subjective condition of attention.)
Ans : गोसो होनायनि जाहोनफोरखौ मोननै बाहागोआव बाहागो राननाय जादों। बेफोर जाबाय-बायजो एबा बेसादारि जाहोन आरो इसिङारि एबा सुबुङारि जाहोन।
i. बेसादारि जाहोनफोरः गोसो होनायनि बेसादारि एबा बायजोआरि जाहोन एबा थासारिफोरा जाबाय बे बादि आखुथाइफोर जायफोरखौ बेसाद एवा दुखांहोग्रायाव नुनो मोननाय जायो आरो बेफोरो जोंनि गोसो होनायखौ गोरलैयै बोनो हायो। बेसादारि गोसो होनायाव गोसो होनायखौ मोननो थाखाय गोसोनि गावारि नाजानायनि जेबो गोनांथि थाया। खायफा गोनांथा बेसादारि थासारि एबा जाहोनफोरा जाबाय- महर, गोनोंथि, गोदानथि, जोंख्लाबनाय, सोलायनाय, खारथाइ बायदि बायदि।
ii. सुबुङारि एबा इसिङारि जाहोनफोरः सुबुङारि एबा इसिङारि जाहोन एबा थासारिफोरा सुबुंजों जोनोमजों फैफानाय । बेफोरनि खायफाफोरा जोनोमारि आरो खायफाफोरा आरजिनाय । गोसो होनायनि खायफा सुबुडारि जाहोनफोरा एबा थासारिफोरा जाबाय- लुबैनाय, सर’, आबेग, हमदांथि, गोसोदुंनाय बायदि बायदि ।
10) गोसो दुंनायनि फुंखा एबा जाहोग्राफोरखौ बुंफुर (Discuss the factors or sources of interest.)
Ans : गोसो दुंनायनि फुंखा एबा जाहोग्राफोरखौ गाहायाव सावरायनाय जाबायः
i) बैसो (Age) : बैसोआ गोसो दुंनायनि मोनसे गुबै फुंखा आरो जाहोग्रा। बैसोआ बांनायजों लोगोसे गोसो दुनायाबो सोलाय लाङो।
ii) आथोन (Sex) : आथोन फारागथिया गोसो दुंनायनि गुबुन मोनसे गुबै फुंखा । गोसो दुनाया आथोन फारागथिजों गोहोम खोलै जायो । आथोन लाना आथोन गोसो दुंनाया गुबुन-गुबुन जायो।
iii) सोलेरारि थासारि (Physical Condition ) : गोसो दुनाया सोलेरारि थासारिनि सायावबो सोनारो। सासे थाजिम सोलेरारि सुबुडाल’ जायखि जाया बिथिंखौ लाना गोसो गुदुं जानो हायो। सासे सुबुङा मा मोजां मोनो आरो मा मोजां मोना बेयो सोलेरारि थासारिनि सायावसो सोनारो।
iv) सोलो एबा बुद्धि (Intelligence) : सोलो एबा बुद्धिया गोसो दुंनायनि गुबुन मोनसे गोनांथार फुंखा एबा जाहोग्रा । सोलोआरि फारागथिया गोसो दुंनायनि फारागथिफोरखौ सोमजिहोयो । गोसो दुंनाया सुबुंनि सोलोनि सायाव सोनारो।
v) सोलोंनाय आरो सर’ (Learning and Habit ) : सोलोंनाय आरो सर ‘फोराबो गोसो दुंनायनि गुबै फुंखाफोर एबा जाहोग्राफोर। सोलोंनाय आरो सर ‘फोरा सुबुंफोरनि गोसो दुंनायखौ थि खालामो।
vi) आबहावानि गोहोम (Environmental Influence) : गोसो दुंनाया आबहावायारि थासारिनि सायावबो सोनारो। थाखो खथानि थासारि एबा आबहावाया फरायसाफोरनि गोसो दुंनायनि सायाव मैखोमै गोहोम खोलैयो।
गाहायाव होनायफोरनि बागै गुसुंङै लिर।
( Write on the following)
क) गोसो होनायनि आखु (Nature of attention )
Ans : Texual Questions नि and answers. नि 2 नं सोनायनि फिननायखौ लिर।
ख) गावगोसोआरि गोसो होनाया मा ? बेनि बाहागोफोरखौ मख’। ( What is voluntary or volitional attention? Mention its parts.)
Ans : गावगोसोआरि गोसो होनाय (Voluntary Attention ) : गाव गोसोआरि बे मुंनिफ्रायनो मोनदां हायो दि बे गोसो होनायाव मानसिया गुबुननि आखाय होनाय गैयाजासे गाव गोसो बादियै आबहावानि माबेबा आयदा एबा मुवायाव गोसो होयो। जेब्ला सासे मानसिया एबा गोसो होग्राया गोसो होनो थाखाय गोसो मोदोम थियारि आरो गाव गोसो बादियै गोसो होयो अब्ला बेखौनो गाव गोसोआरि गोसो होनाय होनना बुंनाय जायो। सुबुं गोसोनि गोनां आबेग एबा लुबैनायनि फिथाइ बादियै बे गोसो होनाया सोमजियो।
बिदिन्थि बादियै, जाय सोलोंसाफोरहा, सोलोंनाय बागै गोख्रों गोसो दं, जिउआव दावगानायनि हांखुर दं, बिसोर हेंथा हेंसिजोंबाबो सोलोंनायाव गोसो होयो। बेयावनो गोसो होनांगोन दि उन्दै उन्दै खुदिया गथ’फोरहा गोसो होनाय गोहो थाया। गेदेर आरो बैसो जानायफोरनि बेलायावसो बिदि गोसो होनाय नुनो मोननाय जायो। गावगोसोआरि गोसो होनायखौ आरोबाव मोननै बाहागोआव रानस्लायनाय जादों, बेफोर जाबाय- रोखा गावगोसोआरि (Explicit Vol- untary) आरो आन्दो एबा सिं गावगोसोआरि (Implicit Voluntary)।
ग) गावगोसोआरि गोसो होनाया मा ? बिदिन्थि हो ।
What is voluntary attention? Give Example.
Ans : Texual Questions and Answers नि 11 (ख) नं सोंनायनि फिननायखौ लिर।
गुसुङै फिन लिर (Answer the following shortly)
1) बद मोनथाइयारि गोसो होनाया मा ? बिदिन्थिजों फोरमाय।(What is sensory attention ? Describe with example.)
Ans : बद मोनथाइयारि गोसो होनाया नेरसोनथि गोसो होनायनि उल्था । जेब्ला इन्द्रिय ‘फोरनि दुखांनायनि थाखाय गोसो होनाया जायो एबा सोमजियो बेखौ बदमोनथि गोसो होनाय बुंनाय जायो। बे गोसो होनाया मोनथाम रोखोमनि जाहोग्राफोरनि सायाव सोनारो। बेफोर जाबाय दुखांहोग्रानि बोगथाबहानां गोहो, बा इन्द्रिय ‘फोरनि सांग्रांथि आरो मावहाथि आरो मेलेमनि खामानि मावनो थियारिथाइथि।
बिदिन्थि महरै, फेंफा दामनायनि गोख्रों सोदोब आरो स्रां सोरांखौ नुना गोसो होनायफोरा बदमोनथि गोसो होनायनि थाखाय जायो ।
2) गोसो दुंनायनि ओंथिखौ लिर ।
(Write the meaning of interest.)
Ans : गोसो दुंनाया मोनसे गोसोआरि जाहोग्रा जाय सुबुंफोरनियाव गोसो होनाय सोमजिखां होयो। गुबैयै गोसो दुंनायखौ गोसो होनायनि इसिंआरि जाहोग्रा एबा जाहोन होनना बुंनाय जायो। अदेबानि गोसो दुनाया गोसो होनायनि बयनिख्खुइबो गोनांसिन थासारि आरो जाहोग्रा जाय सुबुंफोरखौ माबेबा मोनसे बेसादनि सायाव गोसो होनो थुलुंगाखां होयो।
3) थोंजों आरो खेस्ला गोसो होनाया मा ?
(What are the immediate and derived attention?)
Ans : आयदा एबा गोसो दुखां होग्राया जोबोद गोख्रों आरो बोगथाबनां जायोब्ला बियो जोबोद गोरलैयै मानसिनि गोसो बोनो हायो। बिदिनो दुखांहोग्रानि गोखोंथिया जाय जोंनि गोसोखौ जोबोद गोख्रोंयै एबा थाब थाबै बोनो हायोब्ला बेखौ थोंजों गोसो होनाय बुंनाय जायो।
जोंनि आबहावानि माबेबा मुवा एबा आयदाहा गावारियै बोगथाब गोहो गैया जानो हागौ, नाथाय बै मुवा एबा आयदाजों माबेबा गोनांथिगोनां एबा गोसो बोगथाबनां माबाफोर लोब्बा थाफादेरोब्ला अब्ला खेंसालियायै बियो जोंनि गोसो बोयो। बिदि गोसो होनायखौनो खेस्ला गोसो होनाय बुंनाय जायो।
5) सिरि (स्रि) आरो आरजिनाय गोसो दुंनाया मा ?
What are the innate and acquired interest?
Ans : सिरि (स्रि) गोसो दुंनाया जोनोमारि एबा जोनोमजों फैफानाय आरो बे गोसो दुंनायजों जेबो सांग्रां बिखान्थिफोरा लोब्बा गया।
आरजिनाय गोसो दुंनाया जोनोमारि नङा, बे गुसु दुंनायखौ सुबुंफोरा सोलोंथाइ आरो फोरोंथाइफोरनि जोहै मोनफुङो।
4) गोसो दुंनायनि मोननैसो गाहाइ आखुथाइफोरखौ मख’।
(Mention the characteristics of interest.)
Ans : Texual Questions and Answers नि 4 नं सोंनायनि फिननायखौ नायनानै लिर।
गाहायाव होनाय मोनफ्रोम बाथ्रानि बागै “नंगौ” एबा “नङा”
लिर। (Answer the following by writting “Correct” or “incorrect” against each statement.)
1) गोसो होनाया गोसोनि सांग्रांथिखौ सोनार होनाय बुंजाया (Attention does not imply focusing consiousness. )
Ans : नङा।
2) गोसो दुंनाया गोसो होनायनि मोनसे इसिङारि जाहोन (Interest is a latent condition of attention)
Ans : नंगौ।
3) गासैबो बैसोआरि गथ ‘फोरा बिजिरथाइयारि गोसो होनो हायो । (Children of all ages can pay analytic attention.)
Ans : नङा ।
4) बैसो गोराफोरासो नेरसोनारि गोसो होनो हायो ।
(Voluntary attention can be paid by only by adults.)
Ans : नंगौ ।
5) जोनोमारि आखुजों सोमजिनाय गोसो दुंनायखौ स्रि गोसो दुंनाय बुङो । ( Interests originating from instincts are called innate interests.)
Ans : नंगौ ।
6) गोलाव समनि थाखाय, गोसो होनाया जाफुंहाया । (One can not pay attention for a long duration.)
Ans : नंगौ ।
7) आर्जिनाय गोसो दुंनाया गासै जिबिनावनो समान (Acquire interests are universal in character.)
Ans : नंगौ ।
8) मोनसे समावनो मोननै आयदायाव गोसो होनाय जाया (Two things cannot be attended at one time.)
Ans:नंगौ।
9) गोसो दुंनाया गोजोर आरो गोजोर नङै जानो हायो (One’s in- terest may be long lasting or temporary)
Ans: नंगौ।
10) गोसो होनाय आरो गोसो दुंनायनि गेजेराव जेबो सोमोन्दो गैया (There is no relation between attention and interest)
Ans:नङा।
Additional Question and Answer.
Model Questions and answers : (1 Mark)
1) गोसो दुंनाया गोसो होनायनि आन्दोनि थामिन आरो गोसो होनाया गोसो दुंनायनि थामिन।
Interest is latent attention and attention is interest in……….
Ans : गोसो दुंनाया गोसो होनायनि आन्दोनि थामिन आरो गोसो होनाया गोसो दुंनायनि सांग्रां थामिन।
2) फरायसाफोरा आनजादनि समाव फरायनायाव गोसो होनाया….. गोसो होनाय (Attention paid by students to study at the time of examination is ……… attention.)
Ans : फरायसाफोरा आनजादनि समाव फरायनायाव गोसो होनाया गाव गोसोआरि गोसो होनाय।
3) सोरबा सासे सुबुङा गुबुननि एबा बायजोआरि गोहोनि गोहोमनि अनगा होनाय गोसो होनायखौ .
……..गोसो होनाय बुंनाय जायो। (The attention which is paid by an individual without any outside intererence or force is known as ……. at- tention.)
Ans : सोरबा सासे सुबुङा गुबुननि एबा बायजोआरि गोहोनि गोहोमनि अनगा होनाय गोसो होनायखौ गाव गोसोआरि गोसो होनाय बुंनाय जायो ।
4) “गोसो दुंनाया गोसो होनायनि आन्दोनि थामिन आरो गोसो होनाया गोसो दुंनायनि सांग्रां थामिन”- बे बिबुंथिखौ सोर होदोंमोन ? (“Interest is latent attention and attention is interest in action”. who said this statement ? )
Ans : मेक. डोंगल (Mc. Dougall)।
6) गोसो होनायनि मोनसे बुंफुरलु लिर (Write a defination of attention )।
Ans : जेमस रस नि बादिब्ला, “गोसो होनाया मोनसे बिखान्थि जायनि जो मोनसे सानस्रि आयदाखौ गोसोआव रोखा खालामनाय जायो ।”
6. ‘Interest ‘ सोदोबा मा सोदोबनिफ्राय सोमजिदों ?
(The word ‘interest’ is originated from which word?)
Ans : ‘Interest’ सोदोबा ‘लेटिन’ रावनिफ्राय सोमजिदों बे सोदोबनि ओंथिया जाबाय “It matters ” एबा “It concerns” .
Model Questions and Answers : ( 2 marks)
1) गोसो होनायनि मोननै सुबुङारि एबा इसिङारि जाहोग्राफोर मख’ । (Mention two subjective conditions which habilitate attention.)
Ans : गोसो होनायनि मोननै सुबुङारि एबा इसिङारि जाहोग्राफोरा जाबायः
- गोसो दुंनाय (Interest ) आरो
- सर’ (Habit)
2) गोसो दुंनायनि मोननै बाहागोफोरनि मुं लिर।
(Name two types of interest.)
Ans : गोसो दुनायनि मोननै बाहागोफोरनि मुङा जाबायः
i.जोनोमारि आरो आरजिनाय गोसो दुंनाय (Innat and Acquired Interest) आरो
ii. गोजोर आरो गोजोर नङै गोसो दुंनाय (Permanent and Non Permanent interest)
3) गोसो होनायनि जायखिजाया मोननै आखुथाइफोर लिर। (Write any two characteristics of attention.)
Ans : गोसो होनायनि जायखिजाया मोननै आखुथाइफोरा जाबायः
i. गोसो होनाया गोहो नङा, बेयो मोनसे गोसोनि बिखान्थिसो।
ii. गोसो होनाय समाव सांग्रां गोसोखौ आबहावानि माबेबा आयदा एबा मुवानि सायाव फज’नाय जायो।
4) गोसो दुंनायनि जायखिजाया मोननै जाहोग्राफोर मख’ ।
(Mention any two causes of interest.)
Ans : गोसो दुंनायनि जायखिजाया मोननै जाहोग्राफोरा जाबाय :
i. बैसो (Age) आरो
ii. आथोन (Sex)।
