फंसे एबा सारिसे बाथ्राजों फिन हो
1.हारियारि मेथाइ रायथाइनि लिरगिरिनि मुङा मा?
फिननाय:ईशान चन्द्र मोसाहारि।
2.हारिआरि मेथाइ रायथाइनि बादिब्ला गोरलै गथ’नि गासैबो नुथायफोरखौ मा होननानै बुंदो?
फिननाय: मेथाइ होननानै बुंदो।
3.माबादि मेथाइया गोसोखौ बोदोर खालामो?
फिननाय:हारियारि मेथाइया।
4.बांगालिफोरा सिगाङाव माबादि हारि होननानै मिथिजानायमोन?
फिननाय: असभ्य हारि।
5.जोंनि बर’हारिनि मेथाइहा गावनिनो देंखो दंना गैया।
फिननाय:गावनि आंगो देंखो दङ।
6.सेक्सपियारा सासे मामोन?
फिननाय:बियो सासे श्रेष्ट फावथाइगिरिमोन।
7.माखौ खन्थाइनि महरसाल’ होननानै रायथायगिरिया बुंदों?
फिननाय: मेथाइखौ।
8.माखौ गोसो खावग्रा होननानै रायथायगिरिया बुंदों?
फिननाय: खन्थाइखौ गोसो खावग्रा होननानै बुंदो।
9.बयनिख्रुइबो गोसो बोदोर खालामनाय मुवाया मा?
फिननाय:हारियारि रावनि मेथाइया बयनिख्रुयबो गोसो बोदोर खालामग्रा।
10.गौरबनि जौसिन थिखिनियाव गाखोनो हानाय फिसाफोरा सोर?
फिननाय:सोनाबारि हादोर जेरै -फरासि आरो इंलेण्ड हादरनि मानसिफोरा।
11.जोंनि हादराव सोरखौ जौगानि लामाथिं सिगांलांदों होनना बुंदों?
फिननाय:जोंनि हादराव जाय मेथाइ सर्सा खालामदों बिनो जौगानि लामाथिं सिगांलांदों।
12.जौगानि गाहाइ सम्बल होननानै रायथायगिरिया माखौ बुंदों?
फिननाय:हारियारि मेथाइखौ।
13.जोंनि हारिया हारियारि मेथाइ दंना गैयामोन?
फिननाय:दंमोन।
14.बर’नि सासे हारियारि मेथाइ सुजुगिरिनि मुं लिर?
फिननाय:दारेन्द्र नाथ बसुमतारि।
15.हारियारि मेथाइ रायथाइयाव बिस्व कवि होनना सोरखौ मख’दों?
फिननाय:रबिन्द्र नाथ टेगरखौ।
16.हलिउडआ बबे हादराव दं?
फिननाय:आमेरिका हादराव दं।
सुंदयै फिन हो
1.मेथाइ माखौ बुङो?
फिननाय: मेथाइया जिउनि मोनसे सावरायनाय।मेथाइया खन्थाइनि महरसाल’।खन्थाइया देंखोआव महर गुस्लायहैब्लानो बेखौ मेथाइ बुंनाय जायो।
2.हारियारि मेथाइखौ माखौ बुङो?
फिननाय:हारियारि मेथाइ बुङोब्ला गावनि बिमानि रावनि मेथाइखौनो बुजिनाय जायो।गावनि हारिनि सायाव गोहोम खोख्लैनो हानाय बिमानि रावनि जायखि जाया मेथाइयानो जादों हारियारि मेथाइ।
3.बुहुमनि गिदिर गिदिर सुबुंफ्रा मेथाइनि सायाव बुंलांनाय बाथ्राया माबादिमोन?
फिननाय:जाय बुहुम मेथाइ आबुं जिउ सोलेरानो मेथाइ। जेब्लानो मेथाइया जोबहैगोन अब्लानो सोलेरा जोबहैगोन।
4.बयनिख्रुइबो देरसिन रावआ मा?मानो?
फिननाय: बयनिख्रुइबो देरसिन रावआ जादों बिमानि राव। मानोना जोंनि जिउआ बिमानि रावजों आबुं। जोंनि मिनिनाय,गाबनाय, रंजानाय,दुखु-दाहा,गियान,खास्रि-बिस्रि,राग,दाहा गोनां आरो गासिबो गोसो जिउनि मोन्दांथिखौ जों बिमानि रावजों रोखा-रोखा गुबुननि सिगाङाव फोरमायनो हायो।नाथाय गुबुननि रावजों हाया।
5.बर’फोरनि मोनबा हारियारि दामग्रा देग्रा आगजुनि मुं लिर?
फिननाय:खाम,सिफुं,सेरजा,खावां आरो गंग’ना।
9.रायथाइगिरिया दावसिन-दावला मेथाइखौ माबादि बरनायदों?
फिननाय:दाउसिन-दाउला,एमफौ-एनला,मा जिउ गोनां,मा जिउ गैयि गासिबो गावनि बिमानि रावजों गाव गावनि जिउनि सुखु दुखुनि मेथाइ खन्थाइ थायो।दाउथु,जो-जोलानि दुखु दाहा फानफिवालिनि दै गांनाय दाहा,अनजालु अनजालिफोरा गावसोरनि सुखुखौ रायथिनो थाखाय बायदिसिना देंखोजों, बायदिसिना खबामजों मेथाइ खनो जों बेखौ खोनासंनो मोनो।बिसोरनि मेथाइयाव सुखु दुखु फोरमाय लायो।थार बाथ्राया बेनो जिबफोरा बिदिनो खालामो।
10.हारियारि मेथाइया मोनफ्रोमबो हारिनि माबादि गोनां?
फिननाय:बिमानि रावानो बयनिख्रुइ देरसिन राव। मानोना जोंनि जिउआ बिमानि रावजों आबुं। मिनिनाय-गाबनाय, रंजानाय, दुखु दाहा,गियान,खास्रि बिस्रि,रागा आरो दाहा गोनां गासैबो गोसो जिउखौ जों बिमानि रावजों फोरमायनो हायो आरो मोन्दांनो हायो।नाथाय गुबुन रावजों हाया। बेखायनो हारियारि मेथाइया मोनफ्रोमबो हारिनि माबोरै गोनां बेखौ बेनि गेजेरजों हमनो हायो।
11.मेथाइ आरो खन्थाइनि गेजेराव माबादि सोमोन्दो दं फोरमाय।
फिननाय:मेथाइय आरो खन्थाइनि गेजेराव गोथौ सोमोन्दो दं। मेथाइया खन्थाइनिनो गुबुन मोनसे महर। गुबुन फारसे खन्थाइया गोसो खावग्रा। मानोना जों जायखौ खोनानो मोनो,नुनो मोनो एबा हमनानै हाया बेखौ खन्थाइया जोंनि सिमाङाव लाबोयो। बेनिखायनो जों खन्थाइखौ एफाग्राब मोजां मोनो।नाथाय खन्थाइयानो गोसो खाबग्रा बिदि नङा।खन्थाइया गोथौथिजों आबुं।जाय जौगाथिनि थाखाय मानसिनि जिउवा गलियो।नाथाइ मेथाइया खन्थाइनिनो देंखो बोनाय। बेखायनो मेथाइया आरोबाव गोसो खावग्रा। खन्थाइ आरो मेथाइनि गेजेराव बेबादिनो गोथौ सोमोन्दो थानायखौ जों फोरमायनो हायो।
बेखेवथि लिर
1.सिफुं देंखोआव मुहिनाय जिबौबादि बे बुहुमा मुहिहाबनाय।
फिननाय: गोजौनि बाथ्रा खोन्दोखौ जोंनि सुजुनाय बिजाबाव थानाय ईशान चन्द्र मोसाहारिजों लिरजानाय “हारियारि मेथाइ” मुंनि रायथाइनिफ्राय बेवहाय दिखांनानै होनाय जादों।मुलुगआ मेथाइनि गोदै देंखोआव मुहिहाबना थानायनि सोमोन्दै फोरमायथिदों।
मेथाइया मानसिनि गोसोखौ बोदोर खालामो। बोदोर खालामो मेथाइया जिब-जिराद आरो एम्फौ एनलाफोरजों लोगोसे बे मुलुगखौ। मेथाइनि गोहोआ ओरैबादि गोरादि बेयो दुखुखौ भिखा होनानै बिदाय होयो।रागखौ क्रोसआव सोना होनानै संहार खालामो,हिंसा, मुगैनायखौ जोगार हरो, सुथुरखौ बिसुखे खालामो थामहिनबा थैरि बुहुमखौ अमर बुहुमाव गुस्लायहोनो हायो। मेथाइया मानसिखौ बे बुहुमाव मुहिहाब होनायनि गेजेरजों दुखुआव सुखु आरो खौसे लाबोयो। मावनांगौ हाबानि गुदुं लामाखौ बारनो लामा होयो। मेथाइनि देंखोआव साधु,मुणि-ऋषि आरो राजा महाराजाफोरा सौदावलाय,गोग्लैलाय जावरिखांदों आरो गावबा गाव थांखिआव दावगालांदों।बेनि जेबो अनजिमा गैया। गोजौनि बाथ्राजों बेखौनो फोरमायनाय जादों।
2.गावनि आखाइनि दौलतखौ जों नस्थ’ खालामनानै लाबाय।फिननाय: गोजौनि बाथ्रा खोन्दोखौ जोंनि सुजुनाय बिजाबाव थानाय ईशान चन्द्र मोसाहारिजों लिरजानाय “हारियारि मेथाइ” मुंनि रायथाइनिफ्राय बेवहाय दिखांनानै होनाय जादों।गावनि आखायावनो थानाय गावनि हारिनि साखोन सिखोन मुवा-जिरादखौ मैला खालामना लानायनि सोमोन्दै फोरमायथिदों।जों बर’ हारिया गोदो गोदाइ हारियारि मेथाइ दंमोन।बेखौ सिनायथिनो हायो जेब्ला लाउखार गथ’फोरा कदम बिफांनि दालाइयाव जिरायनानै श्रोकृष्णबादि गावसोरनि मोजां मोननायखौ सिफुंनि देंखोजों आरो रैसुमै मेथाइनि देंखोजों बरनायोब्ला।लेखा रोङै गथ’-गथ’सा, सेंग्रा-सिख्ला, आरो बोराइ-बुरै फोरा खाम,गंग’ना,सेर्जा,खावां,सुफिन,बेंबु आरो गुबुन गुबुन हारियारि दामग्रा देग्राजों दामनानै फोरबोआव रंजानाय जों दाबो नुनो मोनो।बेफोरनो जोंनि हारियारि मेथाइ आरो जोंहाबो हारियारि मेथाइ दं होननानै बुंना लानायनि गोनांथि दं।नाथाय दुखुनि बाथ्रादि जों बे मेथाइफोरखौ सर्सा खालामैआव जोंनि मेथाइफोरा बिशृंखल जालांबाय।जों गावनियाव थानाय साखोन-सिखोन मुवा जिरादखौनो मैला खालामनानै लाबाय। बेखौनो रायथाइगिरिया बेवहाय फोरमायनाय जादों।