Unit I Chapter 8 : Bodo MIL Class 11 Solutions| Bodo Medium| आखल : Welcome to the Bodo Tutor Website. In this article, we are delighted to discuss the Class 11 Bodo MIL syllabus under the Assam Higher Secondary Education Council (AHSEC). Our focus will be on addressing all questions from the section ” Unit I Chapter 8 : Bodo MIL Class 11 Solutions| Bodo Medium| आखल.
To assist students in mastering the Bodo MIL subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit I Chapter 8 : Bodo MIL Class 11 Solutions| Bodo Medium| आखल
1. मोनसे सोदोब एबा सारिसेजों फिन हो
क) मानसिनि आखलआ मानि गेजेरजों बेरखाङो ?
फिन :- मानसिनि साननाय ह ‘नाय आरो मावनाय-दांनायनि गेजेरजों।
ख) बे रायथाइयाव थानाय मोजां आखलनि मोनसे बिदिन्थि हो।
फिन :- मोजां आखलनि बिदिन्थि हिसाबै सैथो राव बुंनायखौ होनो हायो।
ग) रायथाइयाव थानाय गाज्रि आखलनि मोनसे बिदिन्थि हो।
फिन :- गाज्रि आखलनि बिदिन्थि हिसाबै मालायखौ सोलिनानै जानायखौ होनो
हायो।
घ) बारगा आखलनि मोनसे बिदिन्थि हो।
फिन :- सिखाव खावनायआ बारगा आखलनि बिदिन्थि।
ङ) दसेनि आखलनि मोनसे बिदिन्थि हो।
फिन :- मालायनि इनाय खालामनाया द’सेनि आखलनि बिदिन्थि।
च) आखलखौ बेसेबां बाहागोआव राननो हायो?
फिन :- आखलखौ मोननै बाहागोआव बुखाव जायो ।
छ) द ‘सेनि आखलखौ गुबुनै आरो मा आखल बुंबाववो?
फिन :- बारगा आखल बुंबावनाय जायो।
ज) आखलआ फिसा-फिसौनियाव माबादियै फैयो ?
फिन :- जोनोमनि गेजेरोजं बिमा-बिफानिफ्राय फैयो ।
झ) फिसाया सोरनि थैजों बुहुमआव उजिफैयो?
फिन :-फिसाया बिमा-बिफानि थैजों बुहुमआव उजिफैयो।
ञ) मालायनि आव-फावखौ थाब-थाबै सोलोंग्राया सोर ?
फिन :- उन्दै गथ ‘फोरा मालायनि आव-फावखौ थाब-थाब सोलोंग्रा।
ट) आखलखौ गोजौआव गाखोलांनायनि थाखाय मा होनानै बुंदों?
फिन :- गोजौआव गाखोलांनायनि गोनां जांख्ला।
ठ) मोजां आखलआ मानि गुदि ?
फिन :- मोजां आखलआ जेनिबो राहानि गुदि।
ड) राजा-राणीनि महर मुस्रीया माजों समायना जायो?
फिन :- राजा-राणीनि महर मुस्रीया मुकुतजों समायना जायो।
ढ) सासे मानसिखौ माजों समायना- रमायना नुयो होन्नानै बुंनाय जादों?
फिन :- आखलजों मानसिखौ समायना – रमायना नुयो।
ण) आथिंनि सौथुनायाव दुखु मोनोब्ला आखलनि सौथुनायाव मा जायो ?
फिन :- आखलनि सौथुनायाव खैफोद स ‘फैयो।
त) गिदिर अफिसार जानानै आखलआ मोजां नङाब्ला बिहा मा जायो?
फिन :- बियो मानसिफोरजों सिबिजानाय नङा।
थ) जायगायाव थानाय बांसिन मानसियानो गाज्रि जाजोबबोब्ला नों मा जागोन?
फिन :- गाज्रि जाफागोन।
द) आखलखौ माजों रुजुजाया होननाय जादों?
फिन :- आखलखौ महर-मुखी आरो दोहोन-दौलदजों रुजुजाया होन्नानै बुंदों।
ध) जुदि रां गोमायोब्ला जेबो गोमायै जायो आरो महर मुस्री गोमाब्लाबो एसे माबा मोनसेल’ गोमानाय जायो अब्ला आखल गोमाब्ला मा जागोन ?
फिन :- गासैबो मुवा-जिरादआनो गोमाजोबनाय जागोन।
2) आखलनि मोननै बाहागोआ मा मा ?
फिन :- क) थैस ‘नि आखल, ख) दसेनि आखल।
3) आखल माखौ बुङो ?
फिन :- आखलआ जादों सानफ्रोमबो थांनानै थानायाव मानसिनि मावनाय, दांनाय आरो साननाय ह ‘नायनि गेजेरजों बेरखांनाय मोनसे फाव। मानसिनि जाय संसारनि थांनानै थानायनि बेलायाव सानफ्रोमबो गावनि न’खरनि गेजेराव एबा समाजनि गेजेराव मावनाय-दांनाय आरो रायनाय होननायाव नुजानाय फावआनो जादों आखल।
4) मोजां आखल माखौ बुङो?
फिन :- मानसिनि सानफ्रोमबो बाखनायजाथाव सैथो बाथ्रा बुंनाय, सोलोंजाथाव आरो गाहाम हाबा मावनायफोरखौ मोजां आखल बुंनाय जायो।
5) थैस ‘नि आखल माखौ बुङो?
फिन :- जाय आखलआ मानसियां जोनोम जानाय लोगो लोगो फैफानानै थैनाय समसिम थाफाबाय थायो बेखौनो थैस ‘नि आखल बुङो ।
6) द ‘सेनि आखल माखौ बुङो ?
फिन :- जाय आखलआ मानसिया थांनानै थानाय लामायाव सिमानि बाहेराव एबा सिमा बारफ्लांलाडो बिब्दि आखलखौ द’सेनि आखल बुङो।
7) बारगा आखल माखौ बुङो?
फिन :- जाय द ‘सेनि आखलआ मानसिनि आखुवाव धोरोमनि सिमाखौ बारनानै नुजायो एबा बेयो सानफ्रोमबो बेरखाडा एखनब्ला माब्लाबाल’ बेरखाडो बेखौनो बारगा आखल बुङो।
8) मानसिया माबोरै मोजां आखल दानानै लानो हायो?
फिन :- मानसिया जेरैखि जाया नाजायोब्ला मोजां आखलखौ दानानै लानो हायों। मानसिया मोजां गाज्रिखौ साननो ह’नो आरो बिजिरनायनि गोहो दङ आरो बे गोसोनि गोहोआ गोनोंब्लाबो मोजां आखल दानाया जोबैयो। सानसुमै गोसोनि हेफाजाबआव गावखौ जेब्लाबो गाज्रि लामाथिं थांनो नायगिरिनायनिफ्राय हमथानानै गावखौनो गाव मोजां खालामनो हायो। मोजां गियान गोनां मानसिफोरनि मोजां बोसोनफोरखौ खोनासंनानै जेब्लाबो मोजां लामाजों आगान सुरनानै जिउखौ दैदेननो नाजायोब्लानो मोजां आखल ‘दानाया जानानै फैयो।
9) हुदा आरो सोरगिदिंनि आबहावानिफ्राय आखलआ माबोरै महर लायो ?
फिन :- ‘आखल’ रायथाइनि बादिब्ला मानसि माहारिया जादों सोलोंसुला । मालायनि आव-फावखौफोरखौ मानसिया सोलोङो। मालायनि आव-फावखौ सोलोंनायावनो सोलोंनायावनो माब्लाबा बारगा आखल सोमजिलाङो । साननाय आरो बिजिरनायनि गेजेरजों बे बारगा आखलखौ ज्राब गाराब्ला उनावहालागै बे हुदायानो थैस’ आखल जालाङो।
नाथाय फारसेथिंजाय मानसिनि बे सोलोंनो लुबैग्रा आखुखौ बांसिनयै गथ’फोरनि बेलायावसो गोरोबनाय नुनो मोननाय जायो । गथ ‘फोरनि बे सोलोंग्रा आखुनि सायावनो सोरगिदिं समाजआव मानसिनि साननाय ह ‘नाय, मावनाय- दांनाय आरो आखल-आखुवा गथ ‘फोरनियाव जायगा लाहैयो। बेनिखायनो जेराव सोरगिदिं मोजां आबहावा दङ बे आबहावानि गेजेराव थानाय गथ ‘फोरनि आखल आखुवाबो मोजां जायो। नाथाय सोरगिदिं आबहावाया गथ ‘फोरनि आखलखौल’ फोसाबो एबा दायो बे नङा। गिदिर उन्दै बयनियावबो बिब्दि मोजां आबहावानि गोहोमा मानसिनि आखल फोसाबनायाव बेरखाङो । मानसिनि आखलआ बिब्दियैनो हुदा आरो आबहावानिफ्रायबो महर मोनबोयो।
बेखेवथि लिर
क) आखलआवनो बान्था, आखलआवनो जुथा।
फिन :- गोजौआव होनाय रायथाइ खोन्दोखौ जोंनि सुजुनाय बिजाबआव थानाय कमलेश्वर ब्रह्मजों सुजुजानाय ” आखल” मुनि रायथाइनिफ्राय बेवहाय दैखांनानै होनाय जादों। आखलनि गेजेरजों सुबुंनि मोजां गाज्रि सिनायथिया रोखायै बेरखाडो होन्नानै सानि बाथ्राया फोरमायदों।
सुबुनि सिनायथिया आखलनि गेजेरजों बेरखाडो। बेखायनो आखलखौ मानसिनि गोजौवाव गाखोनायनि गोनां जांख्ला होननानै बुंदों। मानोना मानसि सासेनि आखलआ मोजां नडाब्ला बिनि बिमा-बिफानिफ्राय मोननाय जाख ‘नो हायै दोहोनआबो साननैसोआवनो जोबलाडो । बेनि थाखाय बियो बायदिसिना दायाव गोग्लैनांगौ जायो। बे दायनिफ्राय बारग’नो थाखाय दोहोनखौ फानना फोजोबस्रांनानै लामा-लामा बिबायग्रा जाना। बिनि गाज्रि आखलआनो बिखौ लामानि मागिग्रा खालामो। बेनिखायनो मोजां आखलखौ बजबनानै लानो हायोब्ला बयजोंबो अनजायो आरो बाखनाय जायो। नाथाय गाज्रि आखलआ जायगा लायोब्ला बयबो नेवसियो आरो मुगैयो। बेखायनो आखलआनो जादों जेनिबो गुदि, मोजां आखलआनो बान्था, आखलआवनो जुथा होन्नानै बुंनाय जादों ।
ख) आखलआनो जादों मुंनि मुकुत।
फिन :- गोजौआव होनाय रायथाइ सिरिखौ सुजुनाय बिजाबआव थानाय कमलेश्वर ब्रह्मजों सुजुजानाय “आखल” मुंनि रायथाइनिफ्राय बेवहाय दिखांनानै होनाय जादों। आखलनि गुदिखौ बिजिरनो थांनायाव रायथाइगिरिया मानसिनि आखलआ मोजां आखल जायोब्ला जेरावबो जायगा मोननो हानायनि सोमोन्दै फोरमायथिदों।
मानसिनि बेलायाव मोजां आखलआ जेनिबो राहानि गुदि। मानोना आखलआ मोजां जायोब्ला बयजोंबो बाखनाय जायो आरो अनजायो । नाथाय गाज्रि आखल जायोब्ला नेवसि जायो आरो मुगै जायो। मोजां आखलनि थाखाय बान्था आरो गाज्रि आखलनि थाखाय साजा मोननांगौ जायो। बेनिखायनो मोजां आखल दानानै लानो हायोब्ला मानसिनि मोजां महर मुस्री आरो सोमखोर समायनाया बेरखाडी । आखलनि बे सोमखोर समायानायानो जागोन मुंनि मुकुत। राजा रानीया मुकुतजों समायना रमायना जानाय बादि मानसियाबो आखलनि मुकुताजों समायना-रमायना जानो हायो। बेखौनो बेवहाय फोरमायनाय जादों।
