Unit II Chapter 2 : Bodo MIL Class 11 Solutions| Bodo Medium|खैफोद राहा : Welcome to the Bodo Tutor Website. In this article, we are delighted to discuss the Class 11 Bodo MIL syllabus under the Assam Higher Secondary Education Council (AHSEC). Our focus will be on addressing all questions from the section ” Unit II Chapter 2 : Bodo MIL Class 11 Solutions| Bodo Medium|खैफोद राहा.
To assist students in mastering the Bodo MIL subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit II Chapter 2 : Bodo MIL Class 11 Solutions| Bodo Medium|खैफोद राहा
सारिसेजों एबा मोनसे बाथ्राजों फिन हो
क) ब’मा बेरफुनाया माबे थाखोनि खैफोद?
फिन : ब’मा बेरफुनाया अनुवारि जाब्रबधाइ थाखोनि खैफोद।
ख) मिथिंगायारि खैफोदखौ दबथायनो थाखाय भारत सरकारनि बबे बिथोन बिफानआ बिबान मानिना लादों?
फिन : न’खर बिथोन बिफानआ बिबान मानिना लादों।
ग) रेल जाब्रबथाइ खैफोदखौ दबथायनो थाखाय भारत सरकारनि बबे बिथोन बिफानआ बिबान मानिना लादों?
फिन : रेल बिथोन बिफानआ बिबान मानिना लादों।
घ) IDNDR नि आबुं महरा मा?
फिन : IDNDR नि आबुं महरा जादों – Internatioanl Decade for Natural Disaster Reduction.
ङ) अनुवारि जाब्रबथाइखौ दबथायनो थाखाय बिबानगिरि बिफानआ मा?
फिन : अनुवारि जांब्रबथाइखौ दबथायनो थाखाय बिबानगिरि बिफानआ, जादों अनुवारि (Atomic) शक्ति बिफान।
च) इयाक’ हामाया मा?
फिन : इयाक’ हामाया जादों मोनसे फोसावलाइ ।
छ) बबे मायथाइआव आसामाव गिदिर बांग्रिं मावनाय जादोंमोन?
फिन : 1950 मायथाइआव आसामाव गिदिर बांग्रिं मावनाय जादोंमोन।
ज) खरान खैफोद थासारिनि जेंना सुस्रांनो सोर बिबान लायो?
फिन : खरान खैफोद थासारिनि जेंना सुस्रांनो आबाद मनथ्रि बिफानआ बिबान लायो।
झ) खैफोद राहानि थाखाय भारत सरकारआ नाजावना लानाय आइननि मुडा मा?
फिन : खैफोद राहानि थाखाय भारत सरकारआ नाजावना लानाय आइऩनि मुख जादों – “खैफोद राहा, 2005”
ञ) दुलाराय बुहुमआवनो हारिमा गेजेरारि आफादआ माब्ला खैफोद खमायनायनि थांखि नाजावदोंमोन ?
फिन : 1989 मायथाइआव दुलाराय बुहुमआवनो हारिमा गेजेरारी आफादआ खैफोद खमायनायनि थांखि नाजावदोंमोन।
ट) बांग्रिं मावोब्ला खारला खारसि खालामनाया गाहाम ना?
फिन : बांग्रिं मावोब्ला खारला खारसि खालामनाया गाहाम नङा।
ठ) भारतनि गासै हानि कालिया बेसेबां ?
फिन : भारतनि गासै हानि कालिया जादों 32,87,263 बर्ग किल’ मिटार।
ड) 2001 मायथाइआव बांग्रिं मावनायनि जाहोनाव सा बेसेबां मानसि थैदोंमोन?
फिन : 2001 मायथाइनि बांग्रिं मावनायनि जाहोनाव सा 14,000 रोजा मानसि थैदोंमोन।
ढ) दै बानाया मा रोखोमनि खैफोद?
फिन : दै बानाया मोनसे मिथिंगायारि खैफोद।
ण) बिरखं जाहाजआ मा रोखोमनि खैफोद?
फिन : बिरखं जाहाजआ मानसिया सोरजिनाय एबा बानायलु खैफोद।
2) खैफोद होनोब्ला माखौ बुजियो ? बे फरायाव बेखौ मोनबेसे बाहागोआव रानना दिन्थिदों ? मोनफ्रोमबो बाहागोनि बिदिन्थि हो।
फिन : खैफोदआ जाबाय हरखाबै सोमजिनाय मोनसे जोबोद गिलु बालु जाथाइ एबा उनफिथाइ (effect)। बेयो मानसिनि मोनसे गोसा मुवा जिरादखौ न फोजोबस्रांग्रा । बेनि जाउनाव सुबुंनि जिउ, बिथायारि सानजथाइ, रांखान्थियारि थासारि आरो आबहावाया जौगानाय बिथिडाव गोबारै हेंथा मोनो। जाय खैफोदनि ख’हायाव बेफोर थासारिखौ सामलायनो थाखाय सुबुं एबा समाजहा गावनि जेबो गोहो थाहैया।
खैफोदखौ मोननै बाहागोआव राननानै दिन्थिनो हायो। जेंरै:-
- मिथिंगायारि खैफोद (Natural Disaster)
- बानायलु खैफोद (Man Made Disaster)
गोजौआव होनाय बाहागोखौ बिदिन्थिजों दिन्थि बावनाय जाबाय-
1.मिथिंगायारि खैफोद (Natural Disaster ):- बे बाहागोआव गोग्लैनाय खैफोदफोरा जादों – दै बाना, बांग्रिं, हा गिसिखानाय, खरान आरों बारहुंखा बायदि बायदि।
2.बानायलु खैफोद (Man Made Disaster ):- बे बाहागोआव गोग्लैजानाय खैफोदफोरा जादों – रेल जाब्रबथाइ, बिरखं जाहाज, अनुवारि, दारिमिनारि, रसायनारि, अर आरो गिनायनिफ्राय सोमजिनाय हरखाब जाथाइ बायदि बायदि।
3) खैफोद राहा होनोब्ला माखौ बुजियो? बेनि गाहाय थांखिया मा?
फिन : खैफोद राहा होनोब्ला मानसिया सरासनम्रायै खैफोद जानायनि उनाव सानै-ह’यै मदद दानानै लानाय खामानिखौ बुजिनाय जायो। बेयो जादों ज ‘यै खैफोदनि बेरेखायै मावनो लानाय खामानिनि लामा। बेजों खैफोदआव गोग्लैनाय सुबुं समाजखौ रैखा होनो हायो। बेनि हेफाजाबआव खैफोद जाखांलांनाय, जाबाय थानाय समनि आसे इयुनआव खैफोद जानो गोनां अबस्थाखौ बोम्राना हानायजायो।
खैफोद राहानि गाहाय थांखिफोरा जादों-
क) सुबुं समाज आरो गासै हादरआ मोगा-मोगि जानो हाथावना दोहोन, सुबुं सोलेरारि खहा खैदांनि बिबांखौ सेंहोनाय एबा बेनि आखाइनिफ्राय आबुङ बोखांनाय ।
ख) गावारि दुखु दाहा खमायनाय ।
ग) रैखाथि खालामफिननायाव गोखैथि लाबोनाय ।
4) खैफोद राहानि खलब मोनथामा मा मा?
फिन : खैफोद राहाखौ मोनथाम खलबआव राननाया जादों ओरैबायदि-
क) खैफोदनि सिगां लानाय (Pre-disaster phase) राहा। बे राहाफोरनि गेजेराव दडो – सांग्रांथि बारायनाय, फोरोंथाइ, बिथांखि आरो फोसाव दावबायनाय (Publicity Expedition)।
ख) खैफोदनि समाव (Impact phase) लानाय राहा। बे राहाफोरनि गेजेराव दडो – जरुरि रैखाथि, गिबि मदद (first aid) होनाय, जानाय बेसाद, मुलि आरो गुबुन गुबुन नांनाय बेसाद जगायनाय।
ग) खैफोदनि उनाव (Post-Disaster Phase) लानाय राहा। बे राहाफोरनि गेजेराव दडो – गोखै आरो फिन गायसननाय (Rehabilitation)।
5) खैफोद राहानि गाहाय बेसाद एबा थादेरसाफोरा मा मा? मोनफ्रोमखौबो बिजिर।
फिन : खैफोद राहानि गाहाय बेसाद एबा थादेरसाफोरा जादों-
क) जाथावना खैफोद राहा (Risk Management)
ख) ख ‘हा-खैदां खमायनाय (Loss Management)
ग) खैफोद दबथायनाय (Control of Events)
घ) सम्फद-मदद राननाय (Equity of Assistance) ङ) सम्फद राहा (Resource Management)
च) गोहोम खमायनाय (Impact Reduction)
बैफोर राहाखौ गाहायाव मोनफा मोनफायै बिजिरनाय जाबाय
क) जाथावना खैफोद राहा (Risk Management ):- बे खैफोद राहानि सिङाव दंङ जाथावना गिनाय एबा जानो हाथाव खैफोदफोरखौ सिनायनाय आरो जाथावनाखौ थि खालामनाय । बेबादि खैफोदनिफ्राय सरासनम्रा सुबुंनि सायाव माबादि गोहोम गोलैनो हागौ बेखौ थि खालामनाय । बेनि थाखाय मा राहा खालामोब्ला खैफोदखौ खमायनो हायो बेनि खामानिनि खान्थि मावनो नाजावनाय जायो। मिथिंगायारि खैफोदनि जाथावना खैफोद राहानि थाखाय गाहायाव होनाय आयदाफोरखौ नायबिजिर फिननाया गाहाम-
- खैफोदफोरनि मानसावगारि एरनाय।
- दुखावथावनांथि ओनसोलनि मानसावगारि एरनाय ।
- जाथावना खैदां-खैफोदनि हिसाब लानाय ।
ख) ख ‘हा-खैदां खमायनाय (Loss Management ) :- खैफोदनि थाखाय सुबुंनि जिउआव गोबां रांखान्थियारि जोबस्रांनानै गोबां ख ‘हा खैफोद सोमजियो । बे बेलायाव खैफोदनि सिगां लानाय राहायानो साबसिन खामानिनि राहा। बेबादि खामानिनि राहानि गेजेराव गोग्लैयो-
1) न’-बां लुनायखौ खैफोद होबथानो हानाय बादि बानायनाय।
2) न ‘खरनि मानसि आरो खैफोद सोमजिथाव जायगायाव थानाय मानसिफोरनो गोखों रैखाथि होनाय ।
3) गोबां खैफोद राहाफोरखौ बाहायनाय बिथिडाव लानाय।
ग) खैफोद दबथायनाय (Control of Events ):- खैफोद दबथायनाय खामानिखौ खैफोद जानायनि उनाव’ गोसो होनायनिखुइ खैफोदनि सिंगांनो दबधायनाया गोनां। बेनि थाखाय लानो गोनां हाबाफारिफोरा जादों-
- जानो हाथाव खैफोदनि गोहोमनि सायाव थिरांथा लानाय ।
- थि समाव खैफोदजों मोगा-मोगि जानो हानाय बादियै बिथांखि आरो खामानिनि राहा खालामनाय।
- खैफोदनि राहानि फारसे सांग्रांथि बारायनो थाखाय सोमोन्दो गोनां फसंथानफोरजों आवगायलांनाय ।
घ) सम्फद-मदद राननाय (Equity of Assistance ) :- गासैबो खैफोद मददखौ नांनाय बादियै मोनदां हानाय जानांगौ। खैफोदआव गोग्लैनाय मानसिफोरनो समानै मोजां आखु बाहायनायखौ थि खालामनायनि गोनांथि दङ। हादरनि बायदि सानम्रिनि मदद होग्रा आफादफोरा मदद बेंसादखौ गेदेर उन्दै खालामालासिनो बयनोबो समानै रानना होनांगौ। खैफोदआव गोग्लैजानाय मानसिफोरा नांनायबादि आसार आखु मोननाय बादि नांनायबादि मदद आरो दाफिननाय मदद राननाया गुबै थांखि जानो नांगौ।
ङ) सम्फद राहा (Resource Management) :- खैफोद समाव नांगौ नांगौ सम्फदफोरखौ थाबैनो मोननायनि राहा खालामनो नांगौ। मानोना बैफोर सम्फदफोरा जायगायाव ज’मा थाखायाब्ला खैफोदनि उनाव बेरेखा थासारिखौ फोजोबनायनिं राहा लानाया फेलें जायो। बैफोर सम्फदनि मुवा बेसादफोराव गोग्लैयो-क्रेइन (Crane), एसकामेटर, एम्बुलेन्स आरो दाक्टरफोर।
च) गोहोम खमायनाय (Impact Reduction ) :- खैफोदआ मानसि माहारिनि समाज आरो रांखान्थियारि थासारिखौ गोलाउ समहालासिम लोरबां खालामनाने दोनलाडो । बेयो हादरनि गासैबो दावगाखांनाय खामानिखौ गाज़ियै •खहा खालामो । बेनिखायनो खैफोदन गोहोमआ सुबुं समाजनि सायाव खमथार बिबांनि जानायनि थाखाय नोजोर होनाया गोनांथि। बेनि सायाव खैफोद राहानि खामानिखौ गोखो मावपुंनानै दावगाखांनायाव बिहोमा होनाया गाहाम।
6) खैफोदनि आखुथायफोरा मा मा ?
फिन : खैफोदनि आखुथायफोरा गाहायाव होनाय बायदि-
क) सिगां हमदांनो हाया।
ख) सानफ्रोमनिबो जाथाय नङा।
गे) हरखाब सोमजिनाय एबा गोखै खारसारि-।
घ) जरुरि थासारि सोमजियो ।
ङ) थिरांथा गैयि ।
च) गिथाव महर ।
7. खैफोद राहानि सोरगिदिं सिमा एबा बेंखन साखाया माबादि फोरमाय ?
फिन : खैफोद राहानि बेंखन साखाया गाहायाव होनाय बायदि –
8) बांग्रि मावबाय थानाय समाव जों मा खालामनाया गाहाम ?
फिन : बांग्रिं मावबाय थानाय समाव गाहायाव होनाय सुबुरनखौ मावनाया गाहाम-
क) गोसो हमथानानै थाथिरै जानानै थानांगौ। गावखौनो साहस बुथुमनानै गुबुनफोराबो गियै बादि साहस सोनानै होनांगौ ।
ख) थाथिरै थानानै थासारिनि गुमुर लानानै खैफोदनिफ्राय रैखा मोननो नाजानांगौ।
ग) बांग्रिं मावनाये समाव माब्लाबा गिदिर सोदोब जायो। बे सोदोबआ जायो खलबआ मावनायनि थाखाय । बे सोदोबखौ खोनानानै जेब्लाबो गिनो नाडा ।
घ) न’ सिडाव थायोब्ला गोजौनिफ्राय गुगाना गोग्लैनो हाथाव थाव बेसादनिफ्राय सांग्रां थानो नांगौ ।
9) बांग्रिं मावबाय थानाय समाव न’नि बायजोआव थायोब्ला मा खालामनाया गाहाम ?
फिन : बांग्रिं मावबाय थानाय समाव न’नि बायजोआव थायोब्ला गाहायाव होनाय सुबुरनखौ गोसोआव लानांगौ
क) न’नि सिडाव फैनो नाडा ।
ख) गोजौ न’ देवाल, जोंब्लावरि खुन्थियाफोरनिफ्राय गोजानाव थानाया गाहाम।
ग) खाथियाव लांदां जायगा थायोब्ला थांना थाहैनाया गाहाम।
घ) मावग्लुंनाया जोबागौमानि बायजोआवनो थाथ’ नांगौ।
ङ) खारबाय थानाय गारियाव थाफ्लाडोब्ला गारिखौ लाखिनानै सिावनो थानांगौ। मानोना गारिनि साखाया मावग्लुंनायखौ खमायना लाखिनो हायो।
च) गारिखौ जेब्लाबो दालांनि सायावं लाखिनाया मोजां नडा।
छ) बुरजा सुबुं थानाय जायगायाव खारदला खारसि खालामनाया मोजां नङा। मानोना बयबो खारनो नायगिरगोन। अब्लानिया दावराव दावसिया बांनानै मानसिजों मानसि नारला नारसि जानो हायो।
10) बांग्रिं मावबाय थानाय समाव न ‘नि सिडाव थायोब्ला मा खालामनाया गाहाम ?
फिन : बांग्रिं मावबाय थानाय समाव न’नि सिडाव थायोब्ला गाहायाव होनाय सुबुरनखौ मानिनांगौ-
क) न’नि सिडावनो थानाया खैफोद गैयि। बाग्दावखांनायजों न’ सिंनिफ्राय ओंखारबोनो नागिरोब्ला खैफोदखौसो लोगो मोननो हायो। सहायना थानानै उनावहाय ओंखार बोनायानो साबसिन ।
ख) गोखों आरांगा, देक्स आरो बिसनानि सिडाव थानांगौ।
ग) न’नि बबेबा मोनसे ख’ना जायगायाव रैखाथि लानांगौ ।
घ) गेजेरनि इन्जुर खाथियाव थानो हानाया मोजां ।
ङ) आयना गोनां लागायनाय खिरखि एबा दरजानि खाथियाव थानाया मोजां नडा । आयनाफोरा बायनानै बौलाबायनो हागौ।
च) आलमारि बायदि गोजौ जायगायाव थानाय मुवा बेसादफोरनिफ्राय गोजानाव थानाया गाहाम। मानोना बैफोर गोग्लैसिननो हायो ।
छ) बै समाव ममबाथि आरो अर-सलाइ बाहायनाया खैफोद गोनां । गानोना गेसआ लिक थाफ्लाडोब्ला अर नांजोबनो हायो। बेखायनो टर्स लाइट बाहायनायानो साबसिन ।
ज) जोंब्लावरि आरो संग्रा गेसनि बाहायफुनायखौ गोखै बन्द’ खालामनानै ‘लाखिनांगौ ।
झ) गिलौ बालौ जखम जानायनिफ्राय बारगनो हानाय बादियै खर’ आरो मोखांखौ खम्बल बायदि सिफोरजों खोबनानै लानो हानांगौ ।
ञ) उननि बांग्रिं मावनायफोरनि थाखायबो सांग्राडै थानो नांगौ।
11)बांग्रिं मावनायनि सिगां मा खालामनाया गाहाम ?
फिन : बांग्रिं मावनायनि सिगां खैफोद जानो हायै बादि गाहायाव होनाय सुबुरनखौ लानांगौ-
क) स्कुल, कलेज, सावस्रिसालि, गिदिर गिदिर न’ आरो सिनेमा हलफोरनि बिल्दिंफोरखौ खैफोद गैयि खान्थि बाहायनानै लुनांगौ ।
ख) लोरबां आरो गोजाम न ‘फोरखौ हानायमानि सिफायना गोखों खालामफिन्नांगौ ।
ग) गिलिर गिलिर बेसादफोरखौ हानाय बादियै रेकफोरनि सिंनि थाखोआव लाखिनो हानांगौ।
घ) गिलिर आलमारि बिजाबनि केबिनेटफोरखौ एनजुरआव गोरायै गाजोल दोना लाखिनांगौ।
ङ) सम सम नख ‘राव बांग्रिं मावनायनि सोमोन्दै सावरायोब्ला गिनाया खम जायो ।
च) नख ‘रनि बिबानगिरिया जोंब्लावरि, दै आरो गेसफोरनि बन्द खालामनायफोरखौ मोजा मोनथिनाया गाहाम।
छ) खाथि खाला जानाय जाथायफोरखौ मोनथिबाय थानायनि थाखाय रेडिअ’ एबा टेलिभेसननि रादाबफोरखौ लानो हानांगौ ।
ज) अर खोमोरग्रा फायर ब्रिगेद हान्जाखौ नांगौ समाव थाब मोननो हानाय बायदियै बिसोरनि मावखुलिनि फ’न नम्बरखौ बुथुमनानै लानो हानांगौ।
झ) खैफोद समाव नांगौ जानाय आगजुफोर ज़ेरै – लोंनाय दै, जाग्रा मुवा, मददनि थाखाय नांनाय मुलि, दिरुं, टर्स लाइट, सिफ्रां आरो बेलसा बायदिफोरखौं बुथुमनाने हानायमानि ज’मा लाखिना दोननांगौ
12) बांग्रिं मावनायनि उनाव मा खालामनांगौ ?
फिन : बांग्रिं मावनायनि उनाव गाहायाव होनाय सुबुरनखौ गोसोआव लानाया गोनां-
क) थाथिरै जायाखैब्ला गोजोनै थानायानो साबसिन आरो जायगा’ नायगिदिंनो ओंखारलाडैयानो गाहाम।
ख) रेडिअ’ आरो टेलिभिसनआव फोसावनाय रादाबफोरनि गेजेरजों जोबथारंनाय थासारिनि सोमोन्दै मोनथिनो नाजानांगौ ।
ग) गाज्रियै सेरखाय-बेरखाय जानानै जोबस्रांनाय न ‘निफ्राय गोजानाव थानांगौ । मानोना बेनि उनावबो आरोबाव बायफिनना गोलैफिननो हागौ।
घ) खैफोद गैलिया होननानै मिथियागौमानि न’ सिडांव हाबलांनाया मोजां नडा ।
ङ) नौनि दै, जोंब्लावरि आरो गेसफोरनि सरजाबनाय तारफोरखौ आनजाद लायागौमानि बाहायनो नाङा।
च) नांथारगौ जाहोनावसो टेलिफ ‘नखौ बाहायनांगौ ।
छ) बिब्दि समाव बांसावनाय रादाब फोसावनाया मोजां नडा आरो बेखौ दाफोथाय ।
ज) अर नाडोब्ला बाहेरनिफ्राय फैनाय फायर ब्रिगेदनि मददखौ नेयाबालासिनो दै, हाद्रि आरो हाब्रुनि हेफाजाबै अर नांनायखौ खोमोरनो नाजानांगौ ।
झ) संग्रा गेसआ माब्रैबा लिक जानायनि गुमुर मोनोब्ला न’नि खिरखिखौ खेवना होनांगौ ।
ञ) सोरनिबा मोदोमाव अर नाडोब्ला हानायमानि हेफाजाब होनांगौ ।
13) बांग्रि मावनायजों लोबबा गोनां जेंनाफोरा मा मा ?
फिन : बांग्रिं मावनायजों लोबबा गोनां जेंनाफोरा जादों-
क) न’ बां लुनाय बिथायारि सानजथाइ फोजोबस्रांनाय।
ख) अर नांनाय।
ग) मानसि आरो गुबुन जिब जिबि थैनाय आरो जखम।
घ) दैबाना सोमजिनाय आरो दैमानि बोहैनाया सोलायनाय।
ङ) हान्था-मेला आरो टेलिफ’न आरिफोरनि सरजाबनाय राहानि फैमाल।
च) जाग्रा बेसाद, लोंग्रा दै, जोब्लावरि गोहो ज ‘गायनाय आरो मुलिनि आंखाल।
छ) आइन खान्थि सालायना लाखिनाय आरो सुबु समाजनि दोहोन दौलद रैखा खालामनाय ।
ज) गिबि मदद होनानै सावस्रि लाहोनायनि राहा।
झ) जरुरि रैखाथि बादानि (Shelter) राहा।
ञ) गिनाय आरो बांसावनाय सोमजिनाय।
14) गोजौ गोहो आफाद (High Power Committee) आ खैफोदखौ सिनायनानै गावबा गाव बेसेबां बाहागोआव रानदों आरो मा मा ?
फिन : गोजौ गोहो आफादआ खैफोदखौ सिनायनानै मोनबा बाहागोआव रानदों। बेफोर जादों –
क) दै आरो बारहावाजों सोमोन्दो गोनां जेरै दै बाना, बारहुंखा आरो अन्थाय गोग्लैनाय बायदि बायदि।
ख) हा थाथौआरि दाथाइजों सोमोन्दो गोनां जरै- बांग्रिं, अरगें बेरनुनाय, हा- गिसिखांनाय, माथावरि बायनाय आरो खनिआव अर नांनाय बायदि बायदि।
ग) रसायनारि, दारिमिनारि, अनुवारिफोरनि जाहोनाव सोमजिनाय खैफोद ।
घ) हरखाब सोमजिनाय जाथाइनि थाखाय जानाय खैफोद जेरै – हाग्रामा अर, नोगोराव जोंनाय अर, रेल, अखां जाहाजआव सोमजिनाय जाब्रबथाइ, नाव दुबैनाय आरो खनि सिडाव जानाय दै बाना बायदि।
ङ) जिबियारि जाहोनाव सोमजिनाय खैफोद जेरै मारखि, एम्फौ-एनलानि गाग्लोबनाय, मोसौ-मैसोनि बेराम आरो जानाय आदाराव बिस सोमजिनाय बायदि बायदि।
