Unit-II|Chapter 2|Advance Bodo Class 12 Solutions| Bodo Medium| दै बाज्रुम Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ” Unit-II|Chapter 2|Advance Bodo Class 12 Solutions| Bodo Medium| दै बाज्रुम
To assist students in mastering the Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
गाहायनि सोंथिफोरखौ फंसे सोदोब एबा सारिजों फिन हो-1 नम्बर
1) प्रमद चन्द्र ब्रह्मआ सुजुनाय गांनै लाइसिनि मुं लिर?
फिन:प्रमद चन्द्र ब्रह्मआ सुजुनाय गांनै लाइसिनि मुंआ जाबाय-अलंबार (1938) आरो हाथरखि हाला (1940)।
2) दै बाज्रुम खन्थाइयाव ‘हंगार आंनो लामा हगार’ होनना मा फोरमायदों?
फिन:दै बाज्रुम खन्थाइयाव ‘हंगार आंनो लामा हगार’ होनना खन्थाइगिरिया जिउनि थांखिखौ होसोनायाव मोननाय लामानि हेंथा-हेंथिफोरखौ गैया खालामनाय एबा सौसिलांनाय बाथ्राखौनो फोरमायदों।
3) दै बाज्रुम खन्थाइनि खन्थाइगिरिया दै बाज्रुम होननानै माखौ बुंदों?
फिन: दै बाज्रुम खन्थाइनि खन्थाइगिरिया दै बाज्रुम होननानै सुबुं जिउनि थांखि होसोनाय गोहोनि बाथ्राखौनो फोरमायदों।
4) दै बाज्रुम खन्थाइनि खन्थाइगिरिया मा नागिरदों?
फिन: दै बाज्रुम खन्थाइनि खन्थाइगिरिया जुगामि खुलि नागिरदों।
5)अलंबार लाइसिनि सुजुगिरिया सोर?
फिन: प्रमद चन्द्र ब्रह्म।
6) मुस्रि आरो लाइसिनि सुजुगिरिया सोर?
फिन:प्रमद चन्द्र ब्रह्म।
7) दै बाज्रुमा मा?
फिन:दै बाज्रुमा मोनसे मेंनाय आरो जिरायनाय गैयि गोहोन नेरसोन।बेवहाय खन्थाइगिरिया दै बाज्रुम होननानै सुबुं जिउनि थांखि होसोनाय गोहोनि बाथ्राखौनो फोरमायदों।
8) ‘हगार आंनो लामा हगार’ होनना सोर बुंदों?
फिन: खन्थाइगिरि प्रमद चन्द्र ब्रह्मआ ‘हगार आंनो लामा हगार’ होनना ‘ दै बाज्रुम’ खन्थाइयाव दै बाज्रुमनि देंखोजों बुंदों।
9) दै बाज्रुम खन्थाइनि खन्थाइगिरिया मानो उन्दुना थानो लुबैयाखै?
फिन:दुलाराय सोरजियानो दावगानायनि थाखायनो ‘दै बाज्रुम’ खन्थाइनि खन्थाइगिरिया गावल’ उन्दुना थानो लुबैयाखै।
10)दै बाज्रुम खन्थाइखौ प्रमद चन्द्र ब्रह्मआ मा मुं लानानै लिरदोंमोन?
फिन:दै बाज्रुम खन्थाइखौ प्रमद चन्द्र ब्रह्मआ ‘प्रमथेश’ मुं लानानै लिरदोंमोन।
11) प्रमद चन्द्र ब्रह्मआ गोजाम खन्थाइ आरो मेथाइफोरखौ ज’ खालामनानै सुजुनाय बिजाबनि मुङा मा?
फिन: प्रमद चन्द्र ब्रह्मआ गोजाम खन्थाइ आरो मेथाइफोरखौ ज’ खालामनानै सुजुनाय बिजाबनि मुङा जाबाय-‘सनाखि बिजाब’।
12) खन्थाइगिरिया जुगामि खुलिसिम मा दैमानि गोहोजों बोहैलांदों?
फिन: खन्थाइगिरिया बुरलुंबुथुर दैमानि गोहोजों गावनि जुगामि खुलिसिम बोहैलांदों।
13) दुलाराय सोरजियानो दावगानाय समाव खन्थाइगिरिया गावल’ मा जानानै थानो लुबैयाखै?
फिन:दुलाराय सोरजियानो दावगानाय समाव खन्थाइगिरिया गावल’ गेन्देला जानानै थानो लुबैयाखै होननानै बुंदों।
गाहायनि सोंथिफोरखौ फिननाय हो – 2 नम्बर
1. दै बाज्रुम खन्थाइनि खन्थाइगिरिया मा लामा हगारनायनि बाथ्रा बुंदों ?
फिनः दै बाज्रुम खन्थाइनि खन्याइगिरिया जिउनि थांखिसिम सहैनो थाखाय जायखि – जाया जेंनाखौनो सौसिलांगोन होनना बुंदों। मिजिंखौ मोनफुंनायाव जेंना-जेंसिया थाखायो आरो बेफोर जेंना-हेंथाखौ फेजेननो हायोब्लासो मानसिया थांखिसिम सहैनो हायो । बे बाथ्राखौनो खन्थाइगिरिया लामा हगार होननानै मिजिंनि लामायाव नुजाथिनाय गासै जेंना हेंथाखौ सौसिलांनायनि बाथ्राखौ फोरमायदों।
2.हगार आंनो लामा हगार होनना सोर बुंदों ?
फिनः हगार आंनो लामा हगार होनना खन्थाइगिरि प्रमद चन्द्र ब्रह्मआ बुंदों। बे बाथ्राजों बिथाडा जिउनि थांखिसिम सहैनो थाखाय जायखि जाया जेंनाखौनो सौसिलांनाय बाथ्राखौनो फोरमायदों। मिजिंखौ मोनफुंनायाव जेंना-जेंसिया थाखायो आरो बेफोर जेंना-हेंथाखौ फेजेननो हायोब्लासो मानसिया थांखिसिम सहैनो हायो होननानै खन्थाइगिरि प्रमद चन्द्र ब्रह्मआ ‘हगार आंनो लामा हगार’ होनना दै बाज्रुमनि देंखोजों बुंदों।
3. “दुलाराय सोरजियानो दावगाबोला,
हे संसार! आंबोल’ मानो थानो उन्दुना ?- बे खन्थाइ सारियाव बेरखांनाय बाथ्राया मा ?
फिन: “दुलाराय सोरजियानो दावगाबोला,
हे संसार! आंबोल’ मानो थानो उन्दुना ?- बे खन्थाइ सारियाव बेरखांनाय बाथ्राया जाबाय मुलुगनि दंनायमानि जिउ जिबिया समजों लोगोसे गावबा गावनि खामानिफोरखौ मावलांगासिनो दं। बिदिनो जिउनि खान्थिया दावगागासिनो थायो । बेखायनो खन्थाइगिरिया गावल’ हारसिडै जिरायना थानो लुबैयाखै। गुबुन गुबुन सोरजिजों लोगोसे खन्थाइगिरिया गावबो समजों लोगोसे दावगालांफानो नागिरनाय बाथ्रायानो गोजौनि खन्थाइ सारिनि रोखा रोखा बेरखांदों।
4.खन्थाइगिरिया जुगामि खुलिखौ मानो नागिरदों ?
फिनः मुलुगनि दंनायमानि जिउ जिबियानो बयहाबो गावबा गाव थांखि थायो आरो बै थांखिसिम बयबो दावगालाडो आरो मोनफुनो नाजायो। खन्थाइगिरियाबो गावनि बै थांखिखौ मोननो लुबैयो आरो बेखौनो जुगामि खुलि होनना बुंदों। जिउनि मिजिंखौ हास्थायनाया जिउनिनो बिखान्थिखा। बेखायनो खन्याइगिरिया गावनि मिजिंनि जुगामि खुलिखौ नागिरदों।
5. दिनै हाया गाबोनथ’ हागोऩ’ होननानै खन्थाइगिरिया मा बाथ्रा फोरमायनो नागिरदों ?
फिन: मिजिं एबा गावनि थांखिखौ, बयबो सानसेनो मोनफुडा। जोंनि खन्थाइगिरियाबो बे बाथ्राखौनो सानदांना मोनदों। नाथाय नाजाबाय थायोब्ला सानसे नडा सानसे मिजिंखौ मानसिया मोनफुंनो हायो। लोगो लोगो ‘नडाब्लाबो नांथाब नाजानायनि गेजेरजों मानसिया गावनि मिजिंसिम सहनी । हायो बे बाथ्राखौनो खुन्थाइगिरिया दिनै हाया गाबोनथ’ हागोन होननान फोरमायदों।
6. खन्थाइगिरिया मा नागिरनानै आरो सोरखौ हगार आंनो लामा हगार होनदों लिए।
फिनः खन्थाइगिरिया हगार आंनो लामा हगार होननाने जुगामि खुलि थामहिनबा गावनि मिजिंखौ नागिरदों। गावनि मिजिंसिम दावगालांनायाव मायबाफोर हेंथा होयोब्ला बेखौनो खन्थाइगिरिया सौफाय सौसि फोसावलांगोन होनना हगार आंनो लामा हगार होननानै बुंदों। थामहिनबा जिउनि मिजिंसिम दावगालांनाय लामायाव जायखि जाया जेंनाखौनो खन्थाइगिरिया सौसिलांगोन होनना हगार आंनो लामा हगार होनना बुंदों।
7.खन्थाइगिरिया खाम सिफुं जथानि देंखोजों ग्रोब ग्रोब बहा दावगालांफानो नागिरदों ?
फिनः खन्थाइगिरिया खाम सिफुं जथानि देंखोजों ग्रोब ग्रोब गावनि मिजिंसिम दावगालांफानाय बाथ्राखौनो फोरमायदों। बेवहाय खन्थाइगिरिया बर’ हारिनि हारिमुनि आयजें खाम, जथानि बाथ्राखौ मख ‘दों मानोना मोनसे हारिया दावगानो गोनांब्ला गावनि हारिनि नेरसोनफोरखौ सिनायथि होनायनि गेजेरजोंसो दावगालांनो हायो।
8. बानदो बानला सिफायनानै होनना खन्थाइगिरिया मा फोरमायदों?
फिनः खन्थाइगिरिया गावनि जुगामि खुलिसिम थामहिनबा थांखिसिम दावगालांनायाव सोरबा हेंथा होयोब्ला बेफोर हैंथा जेंनाफोरखौ सौफाय सौसि खालामनाने दावगालांनायनि बाथ्राखौनो फोरमायदों। बेवहाय जिउ लामानि जैना जैसिखौ बानदो बानलाजों रुजुदों आरो बेफोर बनदो बानलाखौ खन्थाइगिरिया दै बाज्रुमनि गोहोजों सौसिलांगोन होनना ‘बानदो बानला ‘सिफायनानै’ होननाय बाथ्राजों बेखौनो फोरमायदों। बेखायनो खन्थाइगिरिया गाव सासे बर’ हारिनि थान्दै जानाने गावनि राव, धोरोम आरो हारिमु गासैबो सिनायथिनि नेरसोनखौ हमथानानै दावगालांनाय बाथ्राखौ फोरमायनोनो खाम सिफुं जथानि देंखोजों ग्रोब ग्रोब मिजिंसिम दावगालांफानायनि बाथ्रा फोरमायदों।
9.खन्थाइगिरिया दै बाज्रुम सोदोबखौ मानि नेरसोन महरै बाहायदों ?
फिनः खन्थाइगिरिया दै बाज्रुम सोदोबखौ थांखि होसोनायनि मोनसे गोखों गोहोनि नेरसोन महरै बाहायदों। जिरायनाय एबा मेंनाय गय मोनसे गोहो गोनां आगजुनि नेरसोन महरै बाहायदों।
10.”बानदो बानला सिफायनानै”- बे बाथ्राजों खन्थाइगिरिया मा फोरमायदों ?
फिन: “बान्दो बानला सिफायनानै”- बें बाथ्राजों खन्थाइगिरिया गावनि थांखिसिम सहैनाय लामायाव सोरबाफोर हेंथा होयोब्ला सौफाय सौसि दावगालांनाय बाथ्राखौनो फोरमायदों।
11.नोंनि खुसियै ? सि सि सि
नै नोंनि खर साजोंनो बाजुमनोस,- बे बाथ्राजों खन्थाइगिरिया मा फोरमायनो नाजादों ?
फिनः नोंनि खुसियै ? सि सि सि नै नोंनि खर साजोंनो बाजुमनोसै, – बे बाथ्राजों खन्थाइगिरिया बेखौनो फोरमायनो नाजादोंदि खन्थाइगिरिया बरादनि सायाव सोनारना थानो लुबैयाखै। गसाइया जा थिनो बैखौसो मावनो हायो होनना जिरायना थायोब्ला मानसिया गावनि थांखिसिम दावगालांनी हाया, बेखायनो खन्थाइगिरिया इसोरनि खर साजोंब्लाबो बारना थांनानै गावनि थांखिसिम दावगालांनाय बाथ्राखौनो फोरमायदों।
गाहायनि सोंथिफोरखौ गुवारै फिन होः ( गासैनिबो नम्बारा 4 )
1. ‘दै बाज्रुम’ खन्थाइनि खन्थाइगिरिया ‘हगार आंनो लामा हगार’ होनना मा बुंदों लिर ?
फिन: ‘दै बाज्रुम’ खन्थाइनि खन्थाइगिरिया ‘हगार आंनो लामा हगार होनना गावनि थांखिसिम दावगालांनायाव मोननाय जेंना जेथोफोरखौ सौसिलांनायनि बाथ्राखौनो फोरमायदों। खन्थाइगिरिया गावनि थांखि होसोनायाव गोमजोर, बानाय-मेंनाय गैयि गोखों गोसोनि। दै बाज़ुमा धेरै बानाय-मेंनाय आरो जिरायनाय गैयाजासे गावनि जुगामि खुलि लैथोखौ थांखिनानै बानदो बानला सिफायनानै बोहैलांगासिनो थायो जोंनि खन्थाइगिरि प्रमद चन्द्र ब्रह्मआबो गावनि मिजिं खलिसिम दावगालांनायाव हाजार हेंथा हेंसियानो फैयाथों मानो गासैखौबो सौसिलांनाने दै बाज्रुमनि गोहोजों दावगानो नागिरो।
मानसिया गाव लुबैनाय लोगो लोगोनो बयबो गावनि मिजिंखौ एसेबां गोरलैयै मोननो हाया। जिउनि लामाया गुदु गादा, बेखायनो जिउनि थांखिखौ मोनफुंनो थाखाय जो गोबां जेंना-जेंसिजों मोगा मोगि जानांगौ जायो नाथाय जेंना जेंसिखौ गिनाने फावसायना थायोब्ला रावबो गावनि मिजिंखौ मोनफुंनायाव देरहासार जानो हाया। जिउनि थांखिनि फारसे गोखों नोजोर लानानै नांथाब नाजानायनि गोहोजों नाजाथाबबाय थायोब्लासो लासैयैब्लाबो सानसे नङा सानसे मिजिंखौ सहैनो हायो होनना खन्थाइगिरिया एरैहाय फोरमायदों-
सौफाइ सौसि जेखौबो फोजावलांगोन,
दिनै हाया गाबोनथ’ हागोन ?
हगार आंनो लामा हगार ।
खन्थाइगिरिनि बादियैब्ला दै बाज्रुमा जेरै गोबां बान्दो बानलाफोरखौ सिफायनानै बोहैलाङो गावबो बिदिनो हाजार हेंथा हेंसिखौ फोजोबसांनानै जिउनि थांखिसिम आगान सुरलांनायनि बाथ्राखौनो फोरमायदों। गावबा गाव जिउनि थांखिनि लामाखौ एवस्रांना लानाया गावबा गावनिसो बिबान। बेखायनो जोंनि खन्थाइगिरियाबो जेबो रोखोमनि जेंना-हेंथाखौनो खेरखेराया होननानै बुंदों। जेंना जेंसि सौसिनानै जिउनि बिदि गोखों थांखि होसोनायनि बाथ्राखौनो ‘दै बाज्रुम’ खन्थाइनि खन्थाइगिरिया हगार आंनो लामा हगार होननानै फोरमायदों।
2. ‘दै बाज्रुम’ खन्थाइनि खन्थाइगिरिया जुगामि खुलिखौ माबादि नागिरदों ?
फिन: ‘दै बाज्रुम’ खन्थाइनि खन्थाइगिरिया दै बाज्रुमनि गोहो लानानै बानदो बानला सिफायनानै जुगामि खुलि नागिरनाय बाथ्राखौनो खन्थाइनि गेजेरजों फोरमायदों।
दै बाज्रुम जेरै रा रा रौ रौ होननानै बानदो बानला सिफायनानैब्लाबो जिरायनाय गैयाजासे गावनि थांखिनाय जुगामि खुलिसिम दावगालाङो जोंनि खन्थाइगिरि प्रमद चन्द्र ब्रह्मआबो गावनि मिजिंसिम मेंनाय-बानायखौ सानालासे गासैबो जेंना जेंसि सौसिनानै दावगालांनो नागिरनाय बाथ्राखौनो खन्थाइनि गेजेरजों फोरमायदों। लैथोखौ थांखि होसोनानै दै बाज्रुमा जेरै जिरायनाय, मेंनाय – बानाय गैयाजासे बोहैलांगासिनो थायो जोंनि खन्थाइगिरियाबो बुरलुं बुथुर दैमानि दै गुथालबादि गोहो लानानै, दै बाज्रुम बादि बानदो बानला सिफायनाने गावनि थांखिसिम दावगानो नागिरनाय बाथ्राखौनो खन्थाइनि रावै एरैहाय फोरमायदों-
बानदो-बानला सिफायनानै
जुगामि खुलि नागिरदों आं;
थेगदाव बेगदाव जेथिंबो ब्ला ब्लाथार,
दैमा दिहुं आदि बुरलुंबुथुर-
जिउनि थांखिखौ मोनफुंनो थाखाय जों गोबां जेंना-जेंसिजों मोगा मोगि जानांगौ जायो। नाथाय जेंना जेंसिखौ गिनानै फावसायना थायोब्ला रावबो गावनि मिजिंखौ मोनफुंनायाव देरहासार जानो हायो। जिउनि थांखिनि फारसे गोखों नोजोर लानानै नांथाब नाजानायनि गोहोजों नाजाथाबबाय थायोब्लासो लासैयैब्लाबो सानसे नङा सानसे मिजिंखौ सहैनो हायो । बेखायनो खन्थाइगिरियाबो नांथाब नाजानायनि गेजेरजों गावनि जुगामि खुलि नागिरनायनि बाथाखौ खन्थाइनि रावै एरैहाय फोरमायदों- सौफाइ सौसि जेखौबो फोजावलांगोन,
दिनै हाया गाबोनथ’ हागोन ?
हगार आंनो लामा हगार।
जिउनि थांखि होसोनायाव सोरबा सोरनिबा माबा बुंनाय एवा सावरायनायखौ खोनासङोब्ला जेबो मावनो हाया, बेखायनो खन्थाइगिरिया सोरबा बोज्रेदहरब्लाबो सोरबा थुज्रेदहरब्लाबो रावखौबो खेरखेरायाजासे गावनि थांखिखौ थि नोजोराव लानानै दावगालांगासिनो दं। मानोना मुलुगनि बिखान्थियानो बिदि। दुलाराय सोरजियानो गावबा गावनि मावनांगौखौ मावो। बेखायनो खन्थाइगिरियाबो दुलाराय सोरजिया दावगानाय बादि गावबो उन्दुना थायालासे गावनि मिजिंसिम दावगालांनायनि बाथ्राखौ फोरमायदों। बेबादिनो खन्थाइगिरिया गावनि जुगामि खुलिखौ हाजार हेंथा हेंसि आरो जेंना-जेंसिफोरखौ सौफाय सौसि खालामना नागिरनाय बाथ्राया दै बाज्रुम खन्थाइनि गेजेरजों रोखा रोखा बेरखांदों ।
बेखेवना लिर
(क) बान्दो बानला …….लामा हगार ।
फिनः गोजौनि खन्थाइ सिरिखौ प्रमद चन्द्र ब्रह्मआ लिरनाय ‘दै बाज्रुम’ खन्थाइनिफ्राय दैखांना लानाय जादों। बे खन्याइयाव खन्याइगिरिया दै बाज्रुमनि गोहोखौ बुंथिदों।
दै बाज्रुम गोजौ जायगानिफ्राय जोबोद गोबारै रा रा रौ रौ ग्राम ग्राम ग्रौ ग्रौ सोदोबजों गाहायाव बाग्लायबोयो। गावनि बोहैनाय लामायाव हेंथा होनाय बान्दो-बाला हेंथा-हेंसिफोरखौ सौफाय-सौसि खालामनाने फोजोबनानै जुगामि खुलि नागिरनानै ब्ला ब्ला बोहै लाङो । बेखौ रावबो हमथाहाया गावनि थांखिखौ होसोनायाव। थिग बेबादिनो खन्थाइगिरियाबो गावनि थांखिखौ सुफुंनो दै बाज्रुम बायदि दावगालांनो नागिरदों।
(ख) दिनै हाया गाबोनथ’ हागोन……..लामा हगार ।
फिनः गोजौनि खन्थाइ सिरिखौ प्रमद चन्द्र ब्रह्म लिनाय “दै बाज्रुम’ मुनि खन्थाइनिफ्राय लानाय जादों। बे खन्थाइयाव दै बाज्रुमहादि गावनि गोहोनि सायाव फोथायथि दं बेखौ खन्थाइगिरिया स्रायै बेरखांहोदों।
दै बाज्रुमहा नाजाथाबनो हानाय गुनबो दं। गावनि गोख्रों गोहोजों बियो गावनि थांखिखौ होसोनाय लामायाव हेंथा महरै गसंथेनाय बान्दो बानला, जेंसि-जेंनलाफोरखौ सौफाय-सौसि खालामनानै बोहैलाङो। बिहा गोख्रों फोथायना दंदि जाय हेंथाखौ बियो दिनै फोजोबनो हाया, बेखौबो बियो गाबोन हाथारगोन। बिनि लामायाव रावबो गसंथानो एबा हेंथा होनों हाखाथारा। बेनिखायनो बियो गोखोङै बुंदों ‘हगार, आंनो लामा हगार ।’
(ग) दुलाराय सोरजियानो मानो थानो उन्दुना ?
फिनः गोजौनि खन्थाइसिरिखौ प्रमद चन्द्र ब्रह्म लिरनाय ‘दै बाज्रुम खन्थाइनिफ्राय लानाय जादों । बेवहाय खन्थाइगिरिया मुलुगनि दुलाराय सोरजिनि दावगानाय गुमुरखौ होनायजों लोगोसे गावबा गावनि हाबिलाखौ सुफुंनायाव दावगालु गोसोजों जावरिखांनायनि मोनथोर होदों।
मुलुगनि दंनायमानि सोरजियानो दिनै दावगानायनि लामायाव साखाफारा । गावबा गाव दावगानायनि मिजिंजों जावरिखांदों, मुखुब जादों। अब्ला गावल’ मानो हारसिडै उन्दुना थानो ? दै बाज्रुमाबो दिनै थुलुंगाखांदों गुबुनफोरबायदि बिबो दावगालांनो। बिब्दिनो दावगालु सानस्रिजों बिबो बोहैलांनो नागिरदों जुगामि खुलिनि रंगिना सिमां बेनि संदाने-दानै।
(घ) सोरबा दामदों…….लामा हगार ।
फिन: गोजौनि खन्थाइ सिरिखौ प्रमद चन्द्र ब्रह्म लिरनाय ‘दै बाज्रुम’ मुनि खन्थाइनिफ्राय लानाय जादों। बेवहाय खन्थाइगिरिया हारिनि देंखो रिखांनाय खबामजों ग्रोब ग्रोबै गावनि हाबिलाखौ सुफुंनो दै बाज्रुम महरै दावगालांनायनि बाथ्राखौ फोरमायदों।
खन्थाइगिरिया रिंखांनाय खोनादों सोरबा नुयि थानाव खाम- जथा सुफिन दामदों। बिनि गोसोआ बोरखांदों आरो बे रिखांनाय देखोनि खबामजों ग्रोब ग्रोब बुरलुंबुथुर बायदि दावगालांनो गावनि जुगामि खुलिखौ नागिरनानै। गावनि जुगामि खुलिखौ नागिरनाय लामायाव हेंथा हेंसि जेंनाफोरखौ फोजोबस्रांनो थाखाय बियो गोसो बोगदाद खालामदों। गावनि हाबिलासखौ सुफुंनायाव खन्थाइगिरिया दै बाज्रुम बायदि गाव दावगालांनो मिजिं लादों।
