Unit-II|Chapter 3|Advance Bodo Class 12 Solutions| Bodo Medium| दावस्रि गोबा नागिरदों आं Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ”Unit-II|Chapter 3 |Advance Bodo Class 12 Solutions| Bodo Medium| दावस्रि गोबा नागिरदों आं
To assist students in mastering the Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit-II|Chapter 3|Advance Bodo Class 12 Solutions| Bodo Medium| दावस्रि गोबा नागिरदों आं
गाहायनि सोंथिफोरखौ फंसे सोदोब एबा बाथ्राजों हो: 1 नम्बर
1)’दावस्रि गोबा नागिरदों आं’ खन्थाइनि बादिब्ला दावस्रि गोबा होनना माखौ बुंदों ? (2012)
फिनः ‘दावस्रि गोबा नागिरदों आं’ खन्थाइनि बादिब्ला दावस्रिगोबा होनना ‘खन्थाइगिरिया स्नि हाथरखिनि हानजाखौ बुंदों। वे स्नि हाथरखिनि हानजाखौ खन्थाइगिरिया खौसेथि, गोजोन आरो गियाननि नेरसोन महरै बाहायदों। बेखायनो खन्थाइनि बादियैब्ला दावसिगोबा होनना खौसेथि, गोजोन आरो गियाननि बाथ्राखौनो फोरमायदों।
2)दावस्रि गोबाया मानि नेरसोन ? (2013)
फिनः दावस्रि गोबाया खौसेथि, गोजोन आरो गियाननि नेरसोन ।
3)’दावस्रि गोबा नागिरदों आं’ खन्थाइनि खन्थाइगिरिया सोर ? (2014)
फिनः चमर ब्रह्म चौधुरि ।
4)’दावस्रि गोबा’ नि ओंथिया मा ? (2015)
फिन: ‘दावस्रि गोबा ‘नि ओंथिया जादों स्नि हाथरखिनि हानजा। बेयो खौसेथि, गोजोन आरो गियाननि नेरसोन।
5) ‘दावस्रि गोबा’ आ मानि नेरसोन ? (2016)
फिन: दावस्रि गोबाया खौसेथि, गोजोन आरो गियाननि नेरसोन।
6)”दावस्रि गोबा नागिरदों आं” खन्थाइयाव मख ‘नाय खन्थाइगिरिनि अनजालिनि मुङा मा ?
फिनः “दाउस्रि गोबा नागिरदों आं” खन्थाइयाव मख ‘नाय खन्थाइगिरिनि अनजालिनि मुङा जाबाय ‘सनास्रि’।
7) माखौ जमनि थान्दै होनना बुंनाय जादों ?
फिनः खाल फेसाखौनो जमनि थान्दै होनना बुंदों ।
8)पुरनिमा गावदां अखाफोर हरखालि हरा मानो खोमसि जादोंमोन ?
फिनः पुरनिमा गावदां अखाफोर हरखालि अखाफोरखौ गोलेर मननायनि थाखाय हरा खोमसि जादोंमोन।
9)मुलुग संसारा गासैबो उन्दुलांसेयावबो खन्थाइगिरिया मानो सिरि मोननानै दंमोन ?
फिनः खन्थाइगिरिया हरनि आगान संनो थाखाय अख्रां नायदाव नायदाव दावस्रिगोबा नांगिरनानै सिरि मोननानै दंमोन।
10)बिदिन्था आइराखिया मानो गुगुरुब ओलैम्रो गोग्लैसोनानै दंमोन ?
फिनः बिदिन्था आइराखिया सोरजिजेन बेरे-फुंनिफ्राय जुग जुग खाल खाल बिरै बिरै मेंहाबनानै ओलैस्रो गुग्रुबनानै दंमोन ।
11)’दुखारुनि दाहा’ नि ओंथिया मा?
फिनः ‘दुखारुनि दाहा’ नि ओंथिया जादों दुखुथियानि दाहा, गोबां दाहा।
गाहायनि सोंथिफोरखौ फिननाय हो: (गासैनिबो नम्बरा 2)
1. दाउस्रि गोबा नागिरनायजों खन्थाइगिरिया मा फोरमायदों लिए।
फिनः दाउस्रि गोबानि ओंथिया जादों स्नि हाथरखिनि हानजा जायखौ साथभाहाइ होनो। खन्थाइगिरिया दाउस्रिगोबाखौ खौसेथि, गोजोन आरो गियाननि नेरसोनदिन्थि सोदोब महरै बाहायदों। बेखायनो दाउस्रि गोबा नागिरनायजों खन्थाइगिरिया सुबुं माहारिनि गेजेराव गोजोन, खौसेथि आरो गियान नायगिरनायनि बाथ्राखौनो फोरमायदों।
2. दाउस्रि गोबा नागिरदों आं’ खन्थाइनि खन्थाइगिरिया ‘बिदिन्था आइराखिया सानसे सिखारगोन’ होनना मा फोरमायदों ?
फिनः ‘बिदिन्था आइराखिया सानसे सिखारगोन’ होननानै खन्थाइगिरिया बेखौनो फोरमायदोंदि- सुबुं माहारिया सोरजिजेननाय समनिफ्रायनो अगियानियै, खौसेथि, अनलायनाय आरो गोजोन गैयि जिउ खुंबोगासिनो थानायनि थाखाय बिदिन्था आइराखिया मेंहाबना ओलैस्रोयै गोग्लैसोना दं । बे गोग्लैसोना थानाय बिदिन्था आइराखिखौ खन्थाइगिरिया सिखारजानो हास्थायदों थामहिनबा सुबुं माहारिनि गेजेराव अनलायनाय, खौसेथि आरो गोजोनखौ गायसननो लुबैदों। बेखायनो खन्थाइगिरिया बिदिन्था आइराखिया सानसे सिखारगोन नामा होनना गावनि अनजालिनि सेराव सोंदावनायनि गेजेरजों सुबुं माहारिनि गेजेराव खौसेथियै अनज्लायना सोलिनायनि गोजोनखौ लाबोनायनि हाबिलासखौनो फोरमायदों।
3. खन्थाइगिरिया दाउस्रि गोबा नागिरनायनि मोननै जाहोन फोरमाय ।
“एबा”
“दाउस्रि गोबा नागिरदों आं”- खन्थाइयाव खन्थाइगिरिया दावस्रि गोबाखौ मानो मानि थाखाय नागिरनायनि बाथ्रा फोरमायदों।
फिनः खन्थाइगिरिया दाउस्रि गोबा नागिरनायनि जाहोना जादों सुबुनि संसाराव गोजोन, खौसेथि आरो अनलायनाय गैलिया। सुबुंनि गेजेराव गावजों गावनो रावबो रावखौबो फोथायलायनो हाया जालांबाय। बेफोर गासैबो सुबुंनि गेजेराव गियाननि आंखालनि थाखायनो जादों होनना खन्थाइगिरिया सुबुंनि गेजेराव गोजोन थासारि गायसननो थाखाय दाउस्रि गोबा नागिरदों।
4. “आय’ गुफुर गावदां अखाफोरखौ गोलेर मन ‘बाय” होनना मा फोरमायदों ?
फिन: “आय’ गुफुर गावदां अखाफोरखौ गोलेर मन’बाय'” होनना खन्थाइगिरिया बेखौनो फोरमायनो नागिरदोंदि बे बुहुमाव सैथो आरो गोजोन होननाय जिरादा गैलिया, थामहिनबा सैथो होननाय जिरादखौ इनाय अनागारि दुथांफोरा सिखोमानानै दोनो। बेवहाय अखाफोरखौ खन्थाइगिरिया सैथोनि दिन्थिनेरसोन महरै बाहायदों आरो वबे सैथोखौ गोलेर दानब बादि दुथां गोसोनि सुबुङा गादबनानै दोननाय बाथ्राखौनो आय’ गुफुर गावदां अखाफोरखौ गोलेर मन ‘बाय” होनना फोरमायदों।
5. “रामगिरि हाजोआव दैखारनाननै दोनहैजानाय हाथासि जक्षनि मेसेबरोङै बेर्लावनि बाहा”- खन्थाइगिरिया मानो बिदि बुंदों ?
फिनः “रामगिरि हाजोआव दैखारनानै दोनहैजानाय हाथासि जक्षनि मेसेबरोडै बेर्लावनि बाहा” होननानै खन्थाइगिरिया बेखौनो फोरमायदोंदि जक्षआ जेरै रामगिरि हाजोआव दैखारजानानै दोनहैजानायाव दुखुजों उन्दुनो हायाखैमोन, बिदिनो जोंनि खन्थाइगिरियाबो दावस्रिगोबा नागिरनानै उन्दुलांनो हायाखै। थामहिनबा खन्थाइगिरिया बुहुमाव खौसेथि, गोजोन आरो गियाननि सोरां लाबोनो नाजानायनि दाहायाव उन्दुलांनो हायाखै, बेखौनो फोरमायनो “रामगिरि हाजो आव दैखारनानै दोनहैजानाय हाथासि जक्षनि मेसेबरोङ बेर्लावनि बाहा” होननानै बुंदों।
6.अखाफोरखौ गोलेर दानबा मन’नायनि सोमोन्दै बर ‘फोरनि गेजेराव मा सुबुं फोथायनाय दं ?
फिन: मोनसे समाव बैसागि सिख्लानि हाबा खुंनो थाखाय इन्द्र राजाया मिथा फुनि थिथा फुख्रिनिफ्राय दै लायनो एम्बुस्रोन आरो जाम्बुसोन जोहोलावखौ थिनहरदोंमोन। नाथाय एम्बुस्रोन आरो जाम्बुस्रोन जोहोलावा मिथा फुखि थिथा फुख्रियाव दुगैबाय थानाय सिखिरि सिख्लाफोरजों बादुवासो जालायहैयो। बे खौरांखौ मोननानै इन्द्र राजाया रागा जौनाने एम्बुस्रोन आरो जाम्बुस्रोन जोहोलावखौ जेरैनो दै सिङाव सिखिरि सिख्लाफोरजों बादुवा जालायदों बिदिनो अरायसम दैयावनो थाबाय थानांगोन होनना साव होयो। उनावहाय गाबै गाबै निमाहा बिनायाव इन्द्र राजाया बुङो- मुक्ति मोनगोन नोंसोर गालेरनि खुगायाव हाबगोन जेब्ला। बै साननिफ्रायनो गोलेरा अखाफोरखौ मननायाव गुस्लायनाय जिबौजों एम्बुवा मन ‘जाग्रा जायो। बेबादिनो अखाफोरखौ गोलेर दानबा मन ‘नायनि सोमोन्दै बर ‘फोरनि गेजेराव सुबुं फोथायनाय दं।
7. समर ब्रह्म चौधुरिया सुजुनाय गांनै लाइसिनि मुं लिर ।
फिनः चमर ब्रह्म चौधुरिया सुजुनाय गांनै लाइसिफोरनि मुङा जाबाय- ‘अखाफोर’ (1952), ‘बैराथि (1970) आरो ‘बारदै सिख्ला’ (1971)।
गाहायनि सोंथिफोरखौ गुवारै फिन होः (गासैनिबो नम्बरा 4)
1. ‘गुफुर गावदां अखाफोरखौ गोलेर मनबाय’ होनना मा फोरमायदों लिर।
फिनः खन्थ्राइगिरि चमर ब्रह्म चौधुरिया ‘दावस्रि गोबा नागिरदों आं’ खन्थाइयाव ‘गुफुर गावदां अखाफोरखौ गोलेर मनबाय’ होनना बेखौनो फोरमायनो नागिरदोंदि, दिनैनि मुगायाव सैथो आरो गोजोनखौ दुथां सुबुंफोरा मन’ग्लाबनानै दोनबाय। नाथाय इनायनि हेंथायै जुजिग्रा रावबो गैया। खन्थाइगिरिनि बादियैब्ला बुहुमाव गोजोन होननाय जिरादा गैलिया। मानोना मानसिनि गेजेरावनो गावजों गाव फोथायलायनाय आरो अनलायनाय गैलिया। सासेया सासेखौ थगायनाय, फोथायखेबस’ खालामनाय, बादिजों बुहुमनि संसारा सोलिगासिनो दं।
सान आरो हर बुहुम दिंखना गावनि नेम खान्थिजों गिदिंगासिनो दं, पुरनिमा हराव अखाफोरा जोंगासिनो दं। नाथाय पुरनिमा हरनि सोराङावबो मानसिनि बुहुमाव सोरां गैलिया होननानै खन्थाइगिरिया दुखु खालामदों । मानोना मानसिनि समाजाव रावनिबो गेजेराव सैथो, थार, खौसेथि आरो फोथायलायनाय गैलिया जानो हमदों। अनागारि दुथांनि उदखाराव सैथो बुंनाय जिरादा थावरिनो हाया जालांबाय, बेखौनो खन्थाइगिरिया खन्थाइनि गेजेरजों एरैहाय फोरमायदों-
दाखा दाखा गोसोम जोमैया
अखां साग्लोबबाय,
आय’! गुफुर गावदां अखाफोरखौ गोलेर मन ‘बाय ।
बेवहाय खन्थाइगिरिया अखाफोरखौ सैथो आरो गोजोननि नेरसोन दिन्थियारि सोदोब महरै बाहायदों। आरो बे सैथो आरो गोजोननि दिन्थिनेरसोन अखाफोरखौ दानब बादि गोलेरा मन ‘नाय बादि आथिखालनि बुहुमाव सैथोखौ सिखमाना दोननाय मानसिनि अनजिमा गैलिया। उदखारि दुथांफोरा सैथोखौ सिखमानानै दोनो । गोनाङा गैयिखौ, सोबख ‘नाय, नासयनाय, गोहो-बोलो गोनाङा गोहो गोलोन्दाखौ थगायना जानाय, हानाया हायिखौ गादबनाय, नेवसिनाय बायदिजोंसो बे बुहुमा आबुं जानाने दं। नाथाय बे इनायनि हेंथायै जुजिग्रा रावबो गया। बेखायनो खन्थाइगिरिया मुलुग संसारखौ राव गैया बबि हाथासि होननानै फोरमायदों। खन्थाइगिरिया मुलुग संसारखौनो अन्थाइबादि गोरा जालांनायबादि मोनदों। मुलुग संसारखौ खोमसिया साग्लोबसारबाय होननानै फोरमायदों। इनाय अनागारिजों बुंफबनाय बे संसाराव सैथोआ थावरिनो गोब्राब जानाने फैदों। दानि मुगायाव सैथोआसो नंखाय आरो नंखायासो सैथो जायो। बेफोर बादि मुलुगनि गाज्रि थासारिखौ नाथाय मानसियानो सोरजिदों। बेखायनो सैथोखौ सिखमानाने दोनग्रा सुबुंफोरखौनो खन्थाइगिरिया दानब बादि गोलेरजों रुजुदों। सैथोजों सोलियिनि थाखायनो बुहुमाव गोजोन होननाय जिरादा गैलिया। बेफोरबादिनो मुलुगाव सैथो आरो गोजोन गैयि थासारिखौनो खन्थाइगिरिया ‘गुफुर गावदां अखाफोरखौ गोलेर मनबाय’ होननानै फोरमायदों।
2. ‘दाउस्रि गोबा नागिरदों आं’ खन्थाइनि खन्थाइगिरिया दावस्रिगोबा होनना माखौ बुंदों आरो बेखौ मानो नागिरदों ?
“एबा”
दावस्रि गोबाया मा ? खन्थाइगिरिया बेखौ मानो नागिरदों?
फिन: ‘दावस्रि गोबा नागिरदों आं’ खन्थाइनि खन्थाइगिरिया दावस्रिगोबा होननानै मानसिनि खौसेथि आरो गियाननि बाथ्राखौनो फोरमायदों। दावस्रि गोबानि ओंथिया जादों स्नि हाथरखि, थामहिनबा बेयो खौसेथि आरो गियाननि नेरसोन। खन्थाइगिरिनि बादियैब्ला मुलुगाव मानसिनि गेजेराव खौसेथि आरो गियाननि सोराङा गैलिया। आरो बिदियैनो सोलिबाय थायोब्ला मानसिया खोमसि मुलुगनिफ्राय माब्लाबाबो सोरां मोननाय नङा। बेखायनो खन्थाइगिरिया दावस्रिगोबा नागिरदों होननानै फोरमायदों।
दिनैनि मुलुगाव गोजोन, सैथो, थारथि आरो सुबुंनि गेजेराव अनलायनाय एबा खौसेथि होननाय जिरादा गैलिया। बुहुमनि थासारिया इनाय अनागारिजों आबुं जाबाय । बेबादि थासारियाव खन्थाइगिरिया गोजोन आरो खौसेथिखौ बबे लामाजों थाङोब्ला संनो हागोन बेखौनो साननानै तपस्या खालामदों दाउब’ बास्निनाय स्त्रियाव गावखौनो गाव बावगोमानानै-
दाउब’ बास्रिनाय स्रियाव गावखौ खोमानानै
दावस्रिगोबा नागिरदों आं अख्रां नायग्दाउनानै।
मानोना मानसि माहारिया एरैबादि गियान गैयि जालांदोंदि, मानसिनि समाजाव रावनिबो गेजेराव सैथो, थार, खौसेथि आरो फोथायलायनाय गैलिया जानो हमबाय। अनागारि दुथांनि उदखाराव सैथो बुंनाय जिरादा थावरिनो हाया जालांबाय। सैथोनि दिन्थिनेरसोन अखाफोरखौ दानब बादि गोलेरा मन ‘नाय बादि आथिखालनि बुहुमाव सैथौखौ उदखारि दुथांफोरा सिखमानानै दोनो। गोनाङा गैयिखौ सोबख ‘नाय, नासयनाय, गोहो-बोलो गोनाङा गोहो गोलोन्दाखौ थगायना जानाय, हानाया हायिखौ गादबनाय, नेवसिनाय बायदिजोंसो बे बुहुमा आबुं जानानै दं । नाथाय बे इनायनि हेंथायै जुजिग्रा रावबो गैया। बेखायनो खन्थाइगिरिया मुलुग संसारखौनो अन्थाइबादि गोरा जालांनायबादि मोनदों। नाथाय खन्थाइगिरिया इनायनि थायै जुजिनायनि गोसोआव गाबखांनाय दं। सिखाव एबा गाज्रि खामानिया हरनि खोमसियाव जायो, बेफोरखौ नाथाय रावबो गोसो होग्रा मानसि गैया, आरो बेनि थाखायनो बुहुमाव गोजोननाय गया। बेखायनो खन्थाइगिरिया गावल’ हारसिङैब्लाबो हर गेजेराव सिरि मोननानै थानायखौ खन्थाइनि रावजों एरैहाय फोरमायदों-
आल’ सिरि मोननानै दं,
हरनि आगान संनो थाखाय
अखां नायग्दाव नाग्दिउ
दावस्रिगोबा नागिरनानै सिरि मोननानै दङ।
खन्थाइगिरिया इनाय अनागारिनि हेंथायै जुजिनायनि नेरसोन, खन्थाइगिरिनि गोसोआव बहुमनि बिदि गाज्रि थासारिख़ौ लानानै गाबखांनाय दं । बेखायनो रामगिरि हाजोआव दैखारनाने दोनहैजानाय जक्षआ जेरै दाहाजों उन्दुनो हायाखै बिदिनो खन्थाइगिरिनि मेगना मोसेबलाङा। मानोना खन्थाइगिरिनि नोजोराव सैथोआ मोनसेबोल’, बेनो जाबाय बुहुमा खोमसियाव गोदोहाबनानै दं। बेफोरनि थाखायनो खन्थाइगिरिया दावस्रिगोबा नागिरदों होननानै खन्थाइनि गेजेरजों फोरमायदों।
3. ‘सानसे गोलेर दानबा मन ‘नाय अखाफोरखौ हगारहरफिनगोन’-होनना खन्थाइगिरिया मा मिजिंथिदों?
फिन: ‘सानसे गोलेर दानवा मन’नाय अखाफोरखौ हगारहरफिनगोन’ होनना खन्थाइगिरिया बेखौनो मिजिंथिदोंदि मुलुगाव सानसे गोजोन आरो सोराङा फैफिनगोन। बुहुमनि मिथिंगायारि आखुवा जेब्लाबो सोलायाखै, सोरां आरो हर बुहुम दिखना गावनि नेम खान्थिजों गिदिंगासिनो दं, पुरनिमा हराव अखाफोरा जोंगासिनो दं। नाथाय पुरनिमा हरनि सोराङावबो मानसिनि बुहुमाव सोरां गैलिया होननानै खन्थाइगिरिया दुखु खालामदों।
मानोना मानसि माहारिया एरैबादि गियान गैयि जालांदोंदि, मानसिनि समाजाव रावनिबो गेजेराव सैथो, थार, खौसेथि आरो फोथायलायनाय गैलिया जानो हमबाय। अनागारि दुथांनि उदखाराव सैथो बांनाय जिरादा थावरिनो हाया जालांबाय, बेखौनो खन्थाइगिरिया खन्थाइनि रावजों एरैहाय फोरमायदों-
दाखा दाखा गोसोम जोमैया
अखां साग्लोबबाय,
आय’! गुफुर गावदां अखाफोरखौ गोलेर मन ‘बाय।
बेवहाय खन्थाइगिरिया अखाफोरखौ सैथोनि नेरसोनदिन्थियारि सोदोब महरै बाहायदों। आरो बे सैथोनि दिन्थिनेरसोन अखाफोरखौ दानब बादि गोलेरा मन’नाय बादि आथिखालनि बुहुमाव सैथोखौ उदखारि दुथांफोरा सिखमानानै दोनो। गोनाङा गैयिखौ सोबख ‘नाय, नासयनाय, गोहो- बोलो गोनाङा गोहो गोलोन्दाखौ थगायना जानाय, हानाया हायिखौ गादबनाय, नेवसिनाय बायदिजोंसो बे बुहुमा आबुं जानानै दं ।
बिदि इनाय अनागारिनि हेंथायै जुजिग्रा खन्थाइगिरिया रावखौबो नुवाखै। ‘नुदोंब्लाबो साफा सानैल’, बेनिनो दिन्थिनेरसोन महरै खन्थाइगिरिया गावनि अनजालि ‘सनास्रि’ नि मुंखौ मख’दों । बिदि साफा सानै सुबुंनि हेफाजाबजोंनो खन्थाइगिरिया इनाय अनगारिनि हेंथायै जुजिनो सानो । बेखायनो हरगेजेराव खन्थाइगिरिया सिरि मोननानै दं हरनि आगान संनो थाखाय, मानोना गाज्रि खामानि मानि हरनि समावनो जायो। खन्थाइगिरिया गाव इनाय अनागारिनि हेंथायै जुजिनायनि दिन्थिनेरसोन । बेनिखायनो खन्थाइगिरिया उन्दुलांनो हाया, रामगिरि हाजोआव दैखारजानानै दाहाजों उन्दुनो हायि जक्षनि बादि खन्थाइगिरिनि मेगनाबो बेरलावल’ जाना थायो । बिदि जुजिनाय आरो नाजानायनि गेजेरजोंनो खन्थाइगिरिया बुहुमाव गोजोन फसंनो सानो आरो बेनो जादों खन्थाइगिरिनि गोख्रों मिजिं । बेवहाय खन्थाइगिरिनि optimist सानसखौ रोखा बेरखांनाय नुनो मोनो। बेखायनो खन्थाइगिरिनो नांगौ थार आरो सैथोजों सोलिग्रा गावनि अनजालि ‘सनास्रि’ बादि गोबां लोगो। नाथाय सनास्रि बादि सैथोजों सोलिग्रा, इनाय अनागारिनि हेंथायै जुजिग्रा सुबुंनि अनजिमाया इसेल’। होमब्लाबो खन्थाइगिरिया गोसो बायाखै। बे इसेल’ मानसिनि जुजिनायजोंनो खन्थाइगिरिया मिजिं सुजुदों बुहुमाव गोजोनखौ फसंनायनि, सैथो आरो थार गियानजों मुलुगखौ सोरांहोनायनि । मानोना सैथोआनो अरायबो देरहासार। बेखौनो मिजिंथिनाने खन्थाइगिरिया खन्थाइनि रावजों एरैहाय फोरमायदों
सनास्रि, बुंनो हागौदा नों ?
बिदिन्था आइराखिया सानसे बिरखांगोन
सानसे गोलेर दान ‘बा
मन’नाय अखाफोरखौ हगारहरफिनगोन ।
बेखेवना लिरः
(क) दिनै फुरनिमा, गावदां अखाफोरनि हर नाथाय अखाफोर गया।
फिनः गोजौनि खन्थाइ सिरिखौ समर ब्रह्म चौधुरी लिरनाय “दाउस्रिगोबा नागिरदों आं” खन्थाइनिफ्राय लानाय जादों। अखाफोर गैयै हरखालि हरा बेसे खोमसि-दरसि गिलु-बालु जायो बेनि मोनसे सावगारि खन्थाइगिरिया होनो नाजादों ।
एरैनो फुरनिमा हराव अखाफोरा गावदां महरै अख्रां बिखायाव नुजानानै अख्रां थंब्लेद सोरां होयो। नाथाय फुरनिमा सानब्लाबो बै हरखालि अख्रांयाव अखाफोर गैयामोन। गोलेर दानआ अखाफोरखौ मन ‘नानै लादोंमोन। जेरैबो खोमसि दरसि जादोंमोन। जाउनाव गिलु-बालु गिथाव, दाउब’ बास्रिनाय स्रि-स्राय गोथैबारिनि महर लादोंमोन हरखालिनि हरा बेसेबा
आरो हरा सोराङाबो सोराङा जादोंमोन।
(ख) दिनै बान गैया गोजोन गैया
मेगनाबो उन्दुनो ओंखारा।
फिन: गोजौनि खन्थाइ सिरिखौ समर ब्रह्म चौधुरी लिरनाय “दावस्रिगोबा नागिरदों आं” मुंनि खन्थाइनिफ्राय लानाय जादों। खन्थाइगिरिया गोलेर मन’नाय बै अखाफोर गावदां हरखालि गावदि गोज़ो मोनाखैमोन आरो उन्दुनो ओंखाराखैमोन बेखौ बुंथिदों।
बै हरखालि अखाफोर गोलेर मन’नायनि जाउनाव फुरनिमानि हरमोनब्लाबो गिलु-बालु खोमसि जादोंमोन। मि-जुनार, दाउमा दाउसा गिनायजों गाबाखैमोन, जेबो सोदोब खालामाखैमोन। खन्थाइगिरिया गोजोन मोनाखैमोन। बिनि मेगनाव निन फैयाखैमोन। बियो हारसिङै सिरिमोनना दङ’ अखां नायदाव नायदाव दाउस्रिगोबा नागिरनानै।
(ग) हरनि आगान संनो थाखाय
अख्रां नायदाव नायदाव
दावस्रिगोबा नागिरनानै सिरिमोननानै दङ।
फिन: गोजौनि खन्थाइ सिरिखौ समर ब्रह्म चौधुरी लिरनाय “दाउस्रिगोबा नागिरदों आं” मुनि खन्थाइनिफ्राय दैखांना लानाय जादों । खन्थाइगिरिया बेवहाय गावनि गोसोनि हाबिलाखौ गुबुर्नानि सिगाङाव बुंफोरनो नाजादों।
बै सानखालिनि हरा फुरनिमा गावदां अखाफोरनि सोरांजों साथिफबनो गोनां हरमोन। नाथाय अखाफोरखौ गोलेर मन’नाय जाउनाव बै हरखालि दानस्रांनि सोलाय गिलु-बालु खोमसिल’ जादोंमोन। दाउस्रि-दाउला, मि- जुनार गिनानै गाबाखैमोन। मुलुग संसारा स्रि-स्राय गोथैबारि बायदि जादोंमोन । खन्थाइगिरिनि गोसोआ मोजां नंङामोन। बिनि मेगनाव निन फैयाखैमोन । बिहा दुखु फैदोंमोन। गावनि दुखुखौ माब्ला थुंगि होनो साननानै अखां नायदाव नायदाव दाउस्रिगोबा नागिरदों खन्थाइगिरिया हारसिङै हरनि आगान संनानै ।
(घ) बिदिन्था आइराखिया सानसे सिखारगोन
सानसे गोलेर दान’आ
मन’नाय अखाफोरखौ हगार हरफिनगोन ।
फिनः गोजौनि खन्थाइसिरिखौ समर ब्रह्म चौधुरी लिरनाय “दाउस्रि गोबा नागिरदों आं” मुनि खन्थाइनिफ्राय लानाय जादों। बेवहाय, खन्थाइगिरिया गावनि अनजालि सनासिनियाव सोंदों ओलैस्रो थानाय बिदिन्था आइराखिया सिखारगोनना सिखारा, गोलेर दान’आ मन’नाय अखाफोरखौ हगारहरफिनगोन ना हगारफिना।
बै हरखालि गावदां अखाफोरखौ गोलेर दान ‘आ मन ‘दोंमोन। अखाङा दाखा दाखा जोमैया साग्लोबदोंमोन। सोरगिदिं जेरैबो गिलु-बालु खोमसि जादोंमोन। मि जुनार, दाउ-अमा गिनानै रावबो गाबाखैमोन। दुलाराय मुलुगानो गोथैबारि बायदि स्रि स्राय जादोंमोन। बे गिलु बालु हराव खन्थाइगिरियाल’ सिरिमोनना दं। बियो उन्दुलाङाखै। मेगनाव निन फैयाखै। हाथासि अख्रांयाव बियो दाउसिगोबा नागिरदों। नाथाय अख्रांखौ दाखा दाखा जोमैया साग्लोबनायखाय दाउस्रिगोबाखौ नुवाखै। बेनिखायनो गोनोगोथोजों बियो अनजालि सनानिनियाव सोंदों बिदिन्था आइराखिया सानसे सिखारगोन ? सानसे गोलेर दान ‘आ मन’नाय अखाफोरखौ हगारफिनगोन ?
