Unit-II|Chapter 4|Advance Bodo Class 12 Solutions| Bodo Medium| सिमांनि सैनाय Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ”Unit-II|Chapter 4|Advance Bodo Class 12 Solutions| Bodo Medium| सिमांनि सैनाय
To assist students in mastering the Advance Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
गाहायनि सोंथिफोरखौ फंसे सोदोब एबा बाथ्राजों होः (गासैनिबो नम्बरा 1)
1) सिमांनि सैनाय’ खन्थाइनि खन्थाइगिरिया ‘नोंनि गुफुं
दुंब्रुद फिथिखा’ होनना माखौ बुंदों ?
फिनः ‘सिमांनि सैनाय’ खन्थाइनि खन्थाइगिरिया गावनि अनजालि एबा सिमांनि सैनायनि गोरबोनि अननायनि फिथिखाखौनो ‘नोंनि गुफुं बिखानि दुंब्रुद फिथिखा’ होननानै फोरमायदों।
2) ‘सिमांनि सैनाय’ खन्थाइनि खन्थाइगिरिया ‘दायना मोखां’ होनना माखौ फोरमायदों ? (2009)
फिनः ‘सिमांनि सैनाय’ खन्थाइनि खन्थाइगिरिया दायना मोखां होननानै सुबुंनि गाज्रि नोजोरखौनो फोरमायदों।
3) नोंनि बिखानि दुंब्रुद फिथिखानि ओंथिया मा ? (2012)
फिनः नोंनि बिखानि दुंब्रुद फिथिखानि ओंथिया रजेनि गोरबोनि अननायनि बिदै एबा फिथिखा ।
4)’ सिमांनि सैनाय’ होनना खन्थाइयाव सोरनि बाथ्रा बुंनाय जादों ? (2015)
फिनः सिमांनि सैनाय होनना खन्थाइयाव खन्थाइगिरिया गावनि मिजिंनि सैनाय रजे एबा अनजालिनि बाथ्राखौनो फोरमायदों।
5) ‘सिमांनि सैनाय’ खन्थाइयाव मा रोखोमनि सैनायखौ फोरमायदों ? (2016 )
फिनः ‘सिमांनि सैनाय’ खन्थाइयाव खन्याइगिरिनि मिजिंजों सोरजिनाय सानबोलावरिनि सैनायखौनो फोरमायदों।
6)’सिमांनि सैनाय’ खन्थाइयाव ‘जालाखार’ होननानै खन्थाइगिरिया मा फोरमायनो नागिरदों ?
फिन: ‘सिमांनि सैनाय’ खन्थाइयाव ‘जालाखार’ होननानै खन्थाइगिरिया दुखु, साद- जारलाजों बुंफबनाय संसारनि खोथाखौनो फोरमायनो नागिरदों।
7. ‘सिमांनि सैनाय’ खन्थाइया मा बाहागोनि खन्थाइ?
फिन: ‘सिमांनि सैनाय’ खन्थाइया दोंसे रमान्टिक साननिनि खन्थाइ ।
8) ‘सिमांनि सैनाय’ खन्थाइयाव खन्थाइगिरिया मोगथां मुलुगखौ मा होननानै फोरमायदों?
फिनः ‘सिमांनि सैनाय’ खन्थाइयाव खन्थाइगिरिया मोगथां मुलुगखौ ‘जालाखार मुलुग’ होननानै बुंदों।
गाहायनि सोंथिफोरखौ फिननाय हो: (गासैनिबो नम्बरा 2)
1) ‘सिमांनि सैनाय’ खन्थाइनि खन्थाइगिरिया ‘दायना मोखां ‘नि खामग्लाबनाय नोजोर’ होनना माखौ बुंदों ? (2010, 2017)
फिन: सिमांनि सैनाय’ खन्थाइनि खन्थाइगिरिया ‘दायना मोखांनि खामग्लाबनाय नोजोर’ होननाने मोगथां मुलुगाव थानाय सरासनस्रा सुबुंनि गाज्रि नोजोरखौनो बुंदों। मोगथां मुलुगाव माखासे हिंसा खुरिया आरो गाज्रि नोजोरै नायनाय गोबां सुबुं दं, बेखौनो खन्थाइगिरिया दायना मोखांनि खामग्लाबनाय नोजोर होनना फोरमायदों।
2)’ सिमांनि सैनाय’ खन्थाइनि सैनायनि महरा माबादि? (2012)
फिन: ‘सिमांनि सैनाय’ खन्थाइनि सैनायनि महरा इनायनो समायना । सिमांनि सैनाया लाजिस्लयै मिनिखैरो मिनिना मेगन खनाजों हायना सारफावो, रोमोदो दखनाजों जोंब्लावखाङो। एखनब्ला मोदोमफबनाय दख’ना थावसि गाननानै जारौ गुस्थिजों मिनिखैरो ‘आदा’ होनना मेगन मेहेरनाने दौबा बेखेवना गय जाहोनायफोरा खन्थाइगिरिनि नोजोराव इनायनो समायना। बेबादिनो सिमांनि सैनायनि महरखौ फोरमायनो हायो।
3. खन्थाइगिरिनि सिमांनि सैनायखौ मोगथाडाव मानो फैजानो लुबैयाखै?
फिनः खन्थाइगिरिया सिमांनि सैनायखौ गोसो गोरबोजों मोजां मोनो।
बेनिखायनो खन्थाइमिरिया गिनाय दंदि मोगथाडाव फैयोब्ला मोगथां मुलुगनि गाज्रि सुबुंनि दायना मोखांबादि खामग्लाबनाय नोजोराव गावनि सिमांनि सैनायनि रैरुब बिबारबादि महरा लरहायलांगोन। बेखायनो मोगथांनि जालाखारखौ सिमांनि सैनाया थावरिनो हानाय नङा होननानै खन्थाइगिरिया सिमांनि सैनायखौ मोगथाडाव फैजानो लुबैयाखै ।
4. “बेफोर सैनाय सिमां बेसाद”- बे खन्थाइ सिरियाव फोरमायनाय सिमांनि बेसादफोरा मा ? (2016)
फिनः “बेफोर सैनाय सिमांनि बेसाद”- बे खन्थाइ सिरियाव फोरमायनाय सिमांनि बेसादफोरा जादों खन्थाइगिरिनि सिमांनि सैनायनि दखना थावसिनि मोदोमनाय, जारौ गुस्थिनि मिनिखैरोनाय, ‘आदा’ होननानै मेगन मोहेरनाय आरो दौबा बेखेवनानै गय जाहोनाय । बेफोरखौनो ‘बेफोर सैनाय सिमांनि .बेसाद’ होननानै खन्थाइगिरिया फोरमायदों।
5. खन्थाइगिरिनि फारसे सिमांनि सैनायनि अननाया माबादि?
फिनः खन्थाइगिरिनि फारसे सिमांनि सैनाया इनायनो अननाय दं। सिमांनि सैनाया खन्थाइगिरिनि सेराव फैनानै मिनिखैरो मिनिनानै जोबोद अननायनि रावजों आदा होननानै गाबज्रियो आरो दौबा बेखेवनानै गय जाहोयो। सिमांनि सैनाया खन्थाइगिरिनो गुफुं बिखानि दुंब्रुद अननायनि फिथिखा लुफावना होफैयो । बेबादिनो सिमांनि सैनायनि खन्थाइगिरिखौ अननाया खन्थाइनि गेजेरजों बेरखांदों ।
गाहायनि सोंथिफोरखौ गुवारै फिन होः (गासैनिबो नम्बरा 4)
1. ‘सिमांनि सैनाय’ खन्थाइनि खन्थाइगिरिया गावनि सैनायखौ मानो सिमाङावनो थानो खावलायदों फोरमायना लिए। (2010, 5 नम्बरनि )
“एबा”
‘सिमांनि सैनाय’ खन्थाइनि खन्थाइगिरिया गावनि सैनायखौ मानो मोगथां दाफै होनना बुंदों ? (2012, 5 नम्बरनि)
“एबा”
खन्थाइगिरिया सिमांनि सैनायखौ मोगथाडाव मानो फैजानो लुबैयाखै ? खन्थाइनि हेफाजाबै बेखावना लिए। (2016)
फिनः ‘सिमांनि सैनाय’ खन्थाइनि खन्थाइगिरिया गावनि सैनायखौ सिमाङावनो थानो थाखाय खावलायदों। मानोना मेगन गोसानि नोजोर गोनां मोगथां बुहुमाव गावनि आजोलि बैसोनि रजेया थावरिनो हानाय नङा होनना खन्थाइगिरिया गिनाय दं। बेखायनो खन्थाइगिरिया गाव आरो गावनि रजेनि थाखाय सानबोलावरिनि गेजेरजों एरैबादि मोनसे रायजो सोरजिदों, बेनो जादों खन्थाइगिरिनि मिजिंनि रायजो जेराव गाव आरो गावनि रजेयाल’ थागोन। बेखौनो बुंदों-
आय! सिमांनि सैनाय, –
सिमाङावनो था रजे मोगथाङाव दाफै ।
खन्थाइगिरिया गावनि रजेजों सानबोलावरिनि रायजोआव गावसोर सानैजोंल’ अनलायनो लुबैयो, सनानि मुसुखा बादि गावल’ रजेनि महरखौ नायबाय थानो लुबैयो, गावनिल’ माबा मोनसे बेसेन गोसा सम्फथिफोरबादि गुबुननि नोजोराव गोग्लैजानो बायो। बेखायनो खन्थाइगिरिया गावनि रजेखौ मोगथाडाव फैजानो बादों । खन्थाइगिरिया मिथिगौ मोगथां बुहुमनि थासारिया जोबोद गुदु-गादा, जेंना-जेंसिजों आबुं । मोगथांनि बे संसारा जोबोद जालाखार बिलाखारजों आबुं । मोगथांनि जालाखारजों बुंफबनाय मुलुगाव गावनि आजोलि बैसोनि रजेया थावरिनो हानाय नङा होननानै खन्थाइगिरिया सानो। मानोना मोगथांनि दायना बादि खामग्लाबनाय नोजोराव रजेनि बिबारबादि रैरुब महरखौ खन्थाइगिरिया लरहायलांजानो गिदों। गावनि सिमांनि रजेखौ खन्थाइगिरिया एरैबादि गोथौ गोसोजों मोजां मोनोदि मोगथां संसारनि इसे जारलाखौबो गावनि रजेखौ सहायजानो बायो। खन्थाइगिरिया सिमांनि रजेनि फारसे एरैबादि अननाय आदोर दं रावनिबो मेगननि गाज्रि नोजोरखौ रजेनि सोलेराव गोग्लैजानो बायो। बेखौनो खन्थाइनि रावै एरैहाय फोरमायदों-
जालाखार बुंनाय मुलुंगनि बिखायाव लाइमोन नोडो माबोरै थावरिनो ? दायना मोखांनि खामद्लाबनाय नोजोराव
रैरुब बिबारा रहायो हायावनो ।
बेखायनो, खन्थाइगिरिया गावनि मिजिंनि रायजोआवल’ गाव आरो गावनि रजेजों अनलायनानै थानो लुबैदों। गावनि रजेनि दंनायमानि हायना महरखौ सिमांनि बै रायजोआवल’ दिन्थिजानो थाखाय खन्थाइगिरिया हास्थायदों। गावनि रजेनि गुफुं बिखायाव थानाय दंनायमानि दुबुद अननायनि फिथिखाखौ खन्थाइगिरिया सिमांनि रायजोआवनो लुफावना होफैजानो लुबैदों। बेखायनो सिमांनि सैनाय खन्याइनि खन्थाइगिरिया गावनि सैनायखौ मोगथां मुलुगाव दाफै होनना बुंदों ।
2. सिमांनि सैनाय’ खन्थाइनि गुबै सानस्रिखौ फोरमाय ? (2015)
फिनः ‘सिमां सैनाय’ खन्थाइनि गेजेरजों खन्थाइगिरिया गावनि मिजिंनि रजेजों मोजां मोनलायनायनि बाथ्राफोरानो रोखा रोखा बेरखांदों । खन्थाइगिरिनि नोजोराव गावनि सिमांनि सैनाया जोबोद समायना आरो बे समायना सिमांनि रजेखौ खन्थाइगिरिया मोगथां मुलुगाव फैजानो बायो। बेखायनो खन्थाइगिरिया गाव आरो गावनि रजेनि थाखाय सानबोलावरिनि गेजेरजों एरैबादि मोनसे रायजो सोरजिदों, बेनो जादों खन्थाइगिरिनि मिजिंनि रायजो जेराव गाव आरो गावनि रजेयाल’ थागोन । बेखौनो बुंदों आय ! सिमांनि सैनाय, –
सिमाङावनो था रजे मोगथाङाव दाफै।
खन्थाइगिरिया गावनि रजेजों सानबोलावरिनि रायजोआव गावसोर ‘सानैजोंल’ अनलायनो लुबैयो, सनानि मुसुखा बादि गावल’ रजेनि महरखौ नायबाय थानो लुबैयो, गावनिल’ माबा मोनसे बेसेन गोसा सम्फथिफोरबादि गुबुननि नोजोराव गोग्लैजानो बायो। बेखायनो खन्थाइगिरिया गावनि रजेखौ मोगथाडाव फैजानो बादों। खन्थाइगिरिया सानोदि मोगथांनि जालाखारजों बुंफबनाय मुलुगाव गावनि आजोलि बैसोनि रजेया थावरिनो हानाय नङा। खन्थाइगिरिया गावनि सिमांनि रजेखौ एरैबादि गोथौ गोसोजों मोजां मोनोदि मोगथां संसारनि जेबो रोखोमनि गाज्रि नोजोरनिफ्राय गावनि रजेखौ अराय जानगाराव लाखिनो हास्थायो। बेखौनो खन्थाइनि रावै एरैहाय फोरमायदों-
जालाखार बुंनाय मुलुगनि बिखायाव
लाइमोन ‘नोङो माबोरै थावरिनो ?
दायना मोखांनि खामलाबनाय नोजोराव रैरुब बिबारा रहायनो हायावनो।
बेखायनो खन्थाइगिरिया गावनि मिजिंनि रायजोआवल’ गाव आरो गावनि रजेजों अनलायनानै थानो लुबैदों । गावनि रजेनि दंनायमानि हायना महरखौ सिमांनि बै रायजोआवल’ दिन्थिनो थाखाय खन्थाइगिरिया – खावलायदों। रजेनि दखना थावसिनि मोदोमफबनाय, जारौ गुस्थिनि मिनिखैरोनाय, आदा होननानै मेगन मोहेरना अननायजों रायदावनाय, दौबा बेखेवना गय जाहोनाय बेफोर गासै अननायनि होलाय लालायखौ सिमां हादोरावनो खालामनो होननानै खन्थाइगिरिया हास्थायदों। बिदिनो खन्थाइनि जोबथा खोन्दोआव रजेनि दंनायमानि गोरबोनि अननायखौ सिमां हादोरावनो लुफावना होफैनो थाखाय खावलायनाया खन्थाइनि गेजेरजों एरैहाय बेरखांदों-
सिमाङावनो नों लानानै फै
नोंनि गुबुं बिखानि दुंब्रुद फिथिखा सिमाङावनो रजे लुफावना होफै।
बिदिनो खन्थाइगिरिया गावनि मिजिंनि रजेजों गावनि सानबोलावरिनि रायजोआव अनज्लायनो लुबैनाय सावगारियानो खन्थाइनि गेजेरजों रोखा रोखा बेरखादों।
3.सिमांनि सैनाय’ खन्थाइयाव सिमांनि सैनायनि महरा खन्थाइगिरिनि नोजोराव माबादि बेरखांदों ?
फिनः ‘सिमांनि सैनाय’ खन्थाइयाव सिमांनि सैनायनि महरा खन्थाइगिरिनि नोजोराव जोबोर समायनायै बेरखांदों। खन्थाइगिरिनि सिमांनि अनजालिया खन्थाइनि रावाव मोगथांनि सासे थै, देहा मोदोम गोनां लाइमोन सिख्लानि महर मोनदों। खन्थाइगिरिनि बादियैब्ला खन्थाइगिरिनि सिमांनि सैनायनि लाजिस्लु मोखांजों मिनिखैरो मिनिनाया, मेगन खनाजों हायना सारफावनाया इनायनो मुहिनि गोनां। सिमांनि सैनाया मोदानफबलायनाय जोंब्लावखांनाय रोमोदो दखना गाननाया खन्थाइगिरिनि नोजोराव हायना सारफावो। बेखौनो खन्थाइगिरिया खन्थाइनि रावजों एरैहाय फोरमायदों-
नोंनि लाजिस्लु मिनिखैरोनाय
मेगन खनाजों हायना सारफावनाय रोमोदो दखनाजों जोब्लाउखांनाय ।
महरा थाथों सिमाडावनो।
खन्थाइगिरिनि नोजोराव गावनि सिमांनि सैनायनि हायना महरा रैरुब बिबारबादि रैदुब समायना । बेखायनो खन्थाइगिरिया सिमांनि सैनायखौ आलो आलो एरैबादि आदोर खालामनो लुबैयो, मोगथांनि गोसा नोजोराव गावनि सिमांनि सैनायखौ खन्थाइगिरिया लरहायजानो गियो। मानोना खन्थाइगिरिनि सिमांनि सैनाया जोबोर माहि आरो रैदुब। खन्थाइगिरिनि नोजोराव गावनि सिमांनि सैनाया दखना थावसि गाननानै देलायफबो, जारौ गुसथिजों मिनिखैरोयो, खन्थाइगिरिखौ अननायनि देलायफबनाय हायना महर, बेयो खन्थाइनि रावजों एरैहाय बेरखांदों-
नोंनि दखना थावसिनि मोदोमनाय
जारौ गुसथिनि मिनिखैरोनाय,
‘आदा’ होननानै मेगन मोहेरनाय
दौबा बेखेवनानै गय जाहोनाय
बेफोर सैनाय सिमांनि बेसाद
सासे गहेना गानफबना देलायफबनाय लाइमोन बैसोनि सिखोलाखौ जेरैबादि समायना नुयो, खन्थाइगिरिनि सिमांनि सैनायाबो खन्थाइगिरिनि नोजोराव बिदिनो समायना महरै जाखांफैयो। खन्थाइगिरिनि नोजोराव सिमांनि सैनाया जैरैबो समायना। गावखौ अननायजों रायदावनायनिफ्राय लानानै बिनि देलायनाय, लाजिनाय आरो जोथोन लानाय गासैबो खन्थाइगिरिनि नोजोराव समायना महरैल’ नुजादों। बेबादियैनो खन्थाइगिरिनि नोजोराव जाखांफैनाय खन्थाइगिरिनि सिमांनि सैनायनि समायना महरनि सोमोन्दै फोरमायनो हायो ।
4. खन्थाइगिरिनि नोजोराव सिमांनि सैनाया सिमांनि रायजोआव माबादि गेलेयो ?
फिनः खन्थाइगिरिनि नोजोराव सिमांनि सैनाया सिमांनि रायजोआव जेब्लाबो आमाय जुमाय गेलेबाय थायो । खन्थाइगिरिनि बादियैब्ला खन्थाइगिरिनि सिमांनि सैनाया गावनि समाइना महरखौ खन्थाइगिरिनो सिमां रायजोआवनो हायना सारफावो। सिमांनि सैनायनि लाजिस्लु मोखांजों मिनिखैरो मिनिनाया, मेगन खनाजों हायना सारफावनाया इनायनो मुहिनि गोनां। सिमांनि सैनाया मोदानफबलायनाय जोंब्लावखांनाय रोमोदो दखना गाननाया खन्थाइगिरिनि नोजोराव हायना सारफावो। बेफोरबादि मुहिनि गोनां हायनानि महरखौ लानानै खन्थाइगिरिनि सैनाया सिमां रायजोआवनो खन्थाइगिरिजों गुलि गुलि गेलेफैबाय थायो बेखौनो खन्थाइगिरिया खन्थाइनि रावजों एरैहाय फोरमायदों-
नोंनि लाजिस्लु मिनिखैरोनाय
मेगन खनाजों हायना सारफावनाय
रोमोदो दखनाजों जोब्लावखांनाय ।
महरा थांथों सिमाङावनो।
खन्थाइगिरिनि नोजोराव गावनि सिमांनि सैनाया दख’ना थावसि गाननानै देलायफबो, जारौ गुसथिजों मिनिखैरोयो, खन्थाइगिरिखौ अननायनि रावजों गाबज्रिनाने दौबानिफ्राय गय दिहुननानै जाहोयो। बेफोरबादिनो सिमांनि सैनाया खन्थाइगिरिजों सिमां रायजोआव जेब्लाबो आमै मै गेलेफैबाय थायो आरो बेखौनो खन्थाइगिरिया खन्थाइनि रावजों एरैहाय फोरमायदों-
नोंनि दख’ना थावसिनि मोदोमनाय
जारौ गुसथिनि मिनिखैरोनाय,
‘आदा’ होननानै मेगन मोहेरनाय
दौबा बेखेवनानै गय जाहोनाय-
बेफोर सैनाय सिमांनि बेसाद
सासे गहेना गानफबना देलायफ़बनाय लाइमोन सिखोलाखौ जेरैबादि समाइना नुयो, खन्थाइगिरिनि सिमांनि सैनायाबो बिदिनो समायना महर लानानै सिमां रायजोआवनो खन्थाइगिजिरिजों गुलि गुलि गेलेफैगासिनो थायो।खन्थाइगिरिनि नोजोराव सिमांनि सैनाया जेरैबो समायना । गावखौ अननायजों रायदावनायनिफ्राय लानानै बिनि देलायनाय, लाजिनाय आरो जोथोन लाना गासैबो खन्थाइगिरिनि नोजोराव समायना महरैल’ नुजादों। बेफोर बादि हायना महरखौ नाथाय खन्थाइगिरिनि सिमांनि सैनाया सिमां रायजोआवसो लानानै खन्थाइगिरिजों गुलि गुलि गेलेगासिनो थायो।खन्थाइगिरिनि सिमांनि सैनाया गावनि गुफुं बिखानि दुंब्रुद अननायनि फिथिखाखौबो खन्थाइगिरिनो सिमां रायजोआवसो हाजासे लुफावनानै होफैयो बेयो खन्थाइनि रावजों एरैहाय बेरखादों-
नोंनि गुफुं बिखा दुंब्रुद फिथिखा
सिमाङावनो रजे लुफावना होफै।
खन्थाइगिरिनि नोजोराव सिमांनि सैनाया सिमांनि रायजोआव बेबादियैनो गावनि हायना महरखौ लानानै खन्थाइगिरिजों गुलि गुलि गेलेफैबाय थायो होननानै सावरायनो हायो।
5. बेखेवना लिर:
(क) सिमाङावनो रजे गोजोनज्लाय होफै रजे मोगथाङाव दाफै।
फिनः गोजौनि खन्थाइसिरिखौ सीतानाथ ब्रह्म चौधुरी लिरनाय “सिमांनि सैनाय” खन्थाइनिफ्राय दैखांना लानाय जादों। बेवहाय खन्थाइगिरिया गावनि सिमांनि सैनायखौ सिमाङावनो गोजोनग्लाय होफैहोनना खावलायदों आरो मोगथां मुलुगाव दाफै होनना बाथायहरदों।
मोगथां मुलुगा जालाखारजों बुंफबनाय । बेवहाय थावरिना थानाया बेसेबा गोब्राब। दायना मोखांनि खामद्लाबनाय नोजोराव रैरुब बिबारा हायाव रहायलाडो । खन्थाइगिरिया सानदों रैरुब बिबार बायदि गावनि लाइमोन सिमांनि सैनायाबो मोगथाङाव थावरिना थानो हानाय नङा।
बेनिखायनो खन्थाइगिरिया गावनि रजेखौ सिमांआव फैनानै गोजोनग्लाय होफैनो खावलायदों आरो मोगथाङाव नुजाफैनो नाङा होनना बुंदों।
(ख) दाफै नों सिमांनि सैनाय
जालाखार बुंनाय मुलुगाव दा नुजाफै।
फिन: गोजौनि खन्थाइ सिरिखौ सीतानाथ ब्रह्म चौधुरी लिरनाय “सिमांनि सैनाय” खन्थाइनिफ्राय दैखांना लानाय जादों। जालाखार बुंनाय मुलुगाव गावनि सिमांनि सैनायखौ खन्थाइगिरिया नुजाफैनाङा होनना बुंदों।’
मोगथां मुलुगा जालाखारजों बुंफबनाय । बेवहाय दायना मोखांनि खामद्लावनाय रैरुब बिबारा थावरिना थानो हायैनि हायाव रहायलाङो। लाइमोन जानायलाय खन्थाइगिरिनि सिमांनि सैनायाबो मोगथां मुलुगाव थांना थानो हानाय नङा। नाथाय सिमां मुलुगा समायना आरो सुखुगोनां । सिमांनि सैनाय मिनिखैरोनाय, मेगन खनाजों हायना सारफावनाय लाइमोन हायना महरा सिमां मुलुगाव अरायबो थागोन। मोगथाङाव फैयोब्ला नाथाय गासैबो गोमोरलांगोन। बेनिखायनो खन्थाइगिरिया मोगथां मुलुगाव गावनि रजेखौ दाफै दाफै होनना खुथार खुथार बुंदों।
