Unit III Chapter 1 : Bodo MIL Class 11 Solutions| Bodo Medium|सरखौ नंसर मालाय नंदं?: Welcome to the Bodo Tutor Website. In this article, we are delighted to discuss the Class 11 Bodo MIL syllabus under the Assam Higher Secondary Education Council (AHSEC). Our focus will be on addressing all questions from the section ” Unit III Chapter 1 : Bodo MIL Class 11 Solutions| Bodo Medium|सरखौ नंसर मालाय नंदं?
To assist students in mastering the Bodo MIL subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit III Chapter 1 : Bodo MIL Class 11 Solutions| Bodo Medium|सरखौ नंसर मालाय नंदं?
मोनसे सोदोब एबा सिरिसेजों फिन हो
क) सरखौ नंसर मालाय नंदं ? खन्थाइयाव ‘नंसर’ होन्नानै सोरखौ बुंदों ?
फिन : सरखौ नंसोर मालाय नंदं खन्थाइयाव नोंसोर होन्नानै खन्थाइगिरिया सुबुं माहारिखौ बुंदों।
ख) खन्थाइगिरिया दैखौ सोरनि जुदा नङा होन्नानैं बुंदों ?
फिन : खन्थाइगिरिया दैखौ सागर एबा लैथोनि जुदा नङा होन्नानै बुंदों।
ग) खन्थाइगिरिया सुबुं माहारिखौ सोरनि बायह्रा नडा होनदों.?
फिन : खन्थाइगिरिया सुबुं माहारिखौ इसोरनि बायह्रा नंङा होनना बुंदों।
घ) सोरखौ नोंसोर मालाय नदों ? खन्थाइया मा बाहागोनि खन्थाइ ?
फिन : सोरखौ नोंसोर मालाय नदों खन्थाइया मिष्टिक खन्थाइ ।
ङ) सरखौ नोंसोर मालाय नंदों खन्थाइयाव “अनदो गावनि बादि” होन्ना सोरखौ अननो थिनदों ?
फिन : दुलाराय सुबुं माहारिखौनो “अनदो गावनि बादि” होन्ना बुंदों।
च) “सरखौ नंसोर मालाय नंदं” खन्थाइयाव खन्थाइगिरिया जों सुबुं माहारिखौ मानिफ्राय बाहेरा नङा होन्ना बुंदों ?
फिन : इशोरनिफ्राय बाहेरा नङा होनना बुंदों।
छ) “सरखौ नंसोर मालाय नंदं” खन्थाइया मा हारिनि खन्थाइ?
फिन : मिष्टिक हारिनि खन्थाइ।
ज) खन्थाइगिरिया सोरखौ अननो थाखाय खावलायदों ?
फिन : जों बयबो सुबुं माहारिखौनो अननो थिनदों।
झ) खन्थाइगिरिनि बादियैब्ला गावनि फिसाया सोर ?
फिन : खन्थाइगिरिनि बादियैब्ला मालायनि फिसायानो गावनि फिसा ।
सिरिनैसो बाथ्राजों फिन हो
क) खन्थाइ-मेथाइ बिजाबखौ सोर-सोर लोगो जानानै सुजुदोंमोन ?
फिन : खन्थाइ-मेथाइ बिजाबखौ रुपनाथ ब्रह्म आरो मदाराम ब्रह्म लोगो जानानै सुजुदोंमोन ।
ख) “फैद बेयावहा जेरावनिफ्राय
‘थैब्ला नोंसोर बेयावनो थाङो;
बेवहाय सुबुंखौ जोनोम जायोब्ला ब ‘बेनिफ्राय फैयो आरो थैयोब्ला ब’बेयाव थाङो होन्नानै बुंदों ?
फिन : बेवहाय जोनोम जाबोला सुबुंखौ सोरजिगिरिनि आखायनिफ्राय फैयो आरो थैयोब्ला सोरजिगिरिनि आखायावनो गोग्लैहैफिनो होन्नानै बुंदों ।
ग) ‘होखारदो बयबो गावनि निसा
जोंलाय इसोरनि बायहा नङा।’
बेवहाय ‘गावनि निसा’ होन्नानै माखौ बुंदों ?
फिन : नोंनि-आंनि, गावनि-मालाय सुबुंनि बेफोरबादि जुदा-जुदा सानलायनाय आखुथायखौनो ‘गावनि निसा’ होन्नानै बुंदों।
घ) खन्थाइगिरिनि बादियैब्ला जों मानो बयखौबो अननांगौ?
फिन : खन्थाइगिरिनि बादियैब्ला जों बयबो सासे इशोरनिनो फिसा । नोंबा नों आंबा आं ‘सानलायनानै जेबो मुलाम्फा गया। मानोना जोंखौ जाय सोरजिदों बिनो लांफिनगोन। बेनिखायनो जों बयखौबो अननांगौ, गावनि सानलायनांगौ, अब्लासो संसारा गोजोन जागोन।
ङ) खन्थाइगिरिया रावबो आंनि नोंनि नडर होनना मानो बुंदों?
फिन : खन्थाइगिरिनि बादियैब्ला बे बुहुमाव रावबो आंनि नौनि गया। थामहिनबा •जों गासै सुबुं माहारियानो सासे इसोरनिनो फिसा । बिमा-बिफाया जुदाब्लाबो जोंनि सोरजिगिरिया सासेयानो। बियो बिनि बियो आंनि होनना जुदा जुदा सानलायनाया संसाराव गोजोन गैयि अनंग्लायनाय गैयिसो सोमजिहोयो। बेखायनो खन्थाइगिरिया रावबों आंनि नोंनि नङा होनना बुंदों।
गोलाव सोंथिनि फिननाय हो
1) सरखौ नंसर मालाय नंद” होन्नानै खन्थाइगिरिया बयजोंबो गोरोबज्लायनो मा दिन्थि होदों ?
फिन : “सरखौ नंसोर मालाय नंदं” खन्थाइयाव खन्थाइगिरिया सुबुंखौ बयजोंबो गोरोबज्लायना थानो थाखै दिन्थि होदों । जेरै- जों बयबो सासेल’ सोरजिगिरिनि फिसा। सोरजिगिरि आनान ग ‘साइआ जोंखौ थिनाखै आंनि नोंनि सान्नायखौ गोसोआव जायगा होनो। बिथांनि नोजोराव जों बयबो समान मोनसेल’ माहारि-सुबुं माहारि।
सोरजिगिरिनिनो सोरजिनायाव बुहुमा गंसे नख’र आरो जों बयबो बे नख ‘रनि सोद्रोमा। जों बयबो बिदा-फंबाय, बिंब’ बिनानाव। मानोना, जोनोम जानायावबो सुबुंआ गं ‘साइनि आखायनिफ्रायनो फैयो आरो थैबोलाबो बयबो समान। बे जायगायावनो एबा ग ‘साइनि आखायावनो ग्रोब गोग्लैहैफिनो। दैया जेरै लैथो-लैथोमानि जुदा नडा। गावनियाल’ गावनि, मालायनिया मालाय एबा गुबुननि बिदि सान्नानै गोसोआव हिंसा-हिंसिखौ जायगा होनाडा होन्ना खन्थाइगिरिया सुबुंखौ खावलायदों। मालायनि फिसायानो गावनि फिसा, जों रावबो मालाय नङा। मानोना इसोरआ जोंनि जुदा नङा।
2) फैदों जेरावनिफ्राय, थैब्ला बेयावनो थाडो होनना मा जायगा एबा सोरखौ इसारा होदों फोरमायना लिए।
फिन : सुबुंआ आनान ग ‘साइनि रायजोनिफ्राइ, थामहिंनबा सोरजिगिरिनि बिलिरनायाव बुहुमाव मानसि महरै जोनोम जाफैदों आरो अराय गोजोर नडै सुबुं – जिउआ गोमोरलांब्लाबो ग ‘साइनि रायजोआवनो एबा सोरजिगिरिनि आखायावनो ग्रोब गोग्लैहैफिनो होन्ना खन्थाइगिरिया सुबुं माहारिखौ इसारा होदों।
मानोना, आनान गसायानो जोंखौ सोरजिदों आरो थैनोसै समावबो आनान ग’सायानो जोंखौ लांफिनो। बेनिखायनो, सुबुं माहारिया माब्लाबाबो जुदा जानो हाया इसोरनिफ्राय । दैमा दैसानि दैया जेरै सागरनि जुदा नङा। गसाइ आरो सुबुंनि सोमोन्दोआ बेसेबा खाथि, बेनिखायनो साफ्रोमबो सुबुडानो ग’साइनि समान सोरजिथाय । बे सोरजिथायफोरनि गेजेराव रावबो मालाय गया होन्नानै खन्थाइगिरिया साफ्रोमबो सुबुंखौनो खौसेयै अनज्लायना थांना थानायनि इसारा होदों।
गुदि खोथाजों सोमोन्दो लाखिना बेखेवना लिर
क) फैदों बेयावहा जेरावनिफ्राय
थैब्ला नोंसोर बेयावनो थाङो।
फिन : “फैदों बेयावहा……..बेयावनो थाङो।”
गोजौनि खन्थाइ खल’बखौ रुपनाथ ब्रह्म लिरनाय “सरखौ नंसर मालाय नंद ?” खन्थाइनिफ्राय दिखांना लानाय जादों। बे खन्थाइ खलबसेनि गेजेरजों खन्थाइगिरिया मानसिनि जिउवा जाय जायगानिफ्राय फैदों, थैनायनि उनावबो बै जायगायावनो थाहैफिनो बे सैथो बाथ्राखौनो फोरमायनो नाजादों।
सुबुङा बुहुमाव जोनोम जाफैनायावबो ग’साइनिफ्रायनो फैयो आरो थैनानै थांब्लाबो बे सासे आनान ग’साइनियावनो ग्रोब गोग्लैहैफिनो मानोना, आनान ग ‘सायानो जोंखौ बुहुमाव मानसि महरै सान्नैसो जिउ खुंनो सोरजिहरदों आरो सम सफैनाय लोगो ग ‘साइआ जोंखौ लांफिनो। बेनिखायनो सुबुआ आनान ग’साइनिफ्राय एसेबो जुदा नङा। दैया जेरै लैथोनि जुदा नङा।
ख) आय’ दैया जायो सागरनिफ्राय,
बेयावनो गोरोब गोग्लैहैयो।
फिन : “आय’ दैया जायो……..गोरोब गोग्लैहैयो।”
गोजौनि खन्थाइ खल ‘बखौ रुपनाथ ब्रह्मआ लिरनाय “सरखौ नंसर मालाय नंद” खन्इथाइनिफ्राय लानाय जादों। बे दुलाराय बुहुमाव सुबुं माहारिया नख ‘रसेनि बादि गोरोबज्लायनानै थानो नांगौ होन्ना खन्थाइगिरिया सुबुं माहारिखौ खावलायनो थांनायावनो गोजौनि बाथ्राखौ बिदिन्थि होदों।
फैनायाव उन, सिगांब्लाबो सुबुंआ मोनसे जायगानिफ्रायनो बुहुमाव उजि फैयो आरो सानसे बेलासेब्लाबो बे समाव जायगायावनो थाहैखानांखायो। बे गोरा नेमनिफ्राय जों माब्लाबाबो बारग’नो हाया। मानोना, ग’साइयानो जोंखौ जोनोम होयो आरो ग ‘साइयानो जोंखौ लांफिनो। बेनिखायनो जोंग ‘साइनि बायहा नङा। दैमा-दैसानि दैया जेरै लैथोनिफ्राय सोमजियो आरो बे दैमा-दैसानि दैयांनो गावबा- गावनि मिजिं- हाबिलाखौ जाफुं होनो बोहैयै-बोहैयै लैथो-लैथोमाखौनो लोगो ह ‘महैफिनो । थामहिनबा बेवहायनो ग्रोब गोग्लैहैफिनो। ब ‘बेखानि, जों जेरावनिफ्राय फैया मानो बे जायगायावनो सांनसेब्लाबो सहैफिनो बे बाथ्राखौ फोरमायनोनो खन्थाइगिरिया गोजौनि बाथ्राखौ बुंदों।
ग) दैया जैरै सागरनि जुदा नङा,
जादों और बिनो जों, जोंनो बि।
फिन : “दैया जेरै……… जोंनो बि।”
गोजौनि खन्थाइ खल ‘बखौ रुपनाथ ब्रह्म लिरनाय “सरखौ नंसर मालाय नंद” खन्थाइनिफ्राय दैखांना होनाय जादों। जों जेरावबो मालाय नङा, बे बाथ्राखौ फोरमायनो थांनायावनो खन्थाइगिरिया गोजौनि खन्थाइ खल ‘बखौ बिदिन्थि होदों
दै आरो लैथो-लैथोमानि गेजेराव जेबो फाराग गया। मानोना, लैथो-लैथोमाफोरावनो ज’ जाहैफिनो। बेखायनो दैयानो सागर (लैथो) आरो सागरानो है। धिक बेबादिनो, सोरजिगिरि आरो सोरजिथायनि गेजेरावबो थामहिनबा ग ‘साइ आरो मानसिनि गेजेराव जेबो फारागथि गया। सोरजिगिरिया जोंखौ मानसि महरै सोरजिहरदों आरो थैनायनि उनाव जोंनि जिउमाया सोरजिगिरिजोंनो गोरोबहैफिनो । मानोना जों बयबो आनान ग ‘साइनिनो सोरजिथाय। बेनिखायनो सोरजिगिरि आनान ग’साइयानो जों आरो जोंनो सोरजिगिरि आनान ग ‘साइ, होन्नानै खन्थाइगिरिया गोजौनि खन्थाइ खल ‘बनि गेजेरजों बुंदों ।
घ) होखारदो बयबो गावनि निसा
जोंलाय इसोरनि बाइह्रा नङा ।
फिन : “होखारदो बयबो…….बाइह्रा नङा।”
गोजौनि खन्थाइ खल ‘बखौ रुपनाथ ब्रह्म लिरनाय “सोरखौ नोंसोर मालाय नंदों” खन्थाइनिफ्राय लानाय जादों। बे खन्थाइ खल ‘बाव खन्थाइगिरिया सुबुंनि गोसोनि बायदिसिना सान्नायखौ नोजोर होन्नानै बेखौ गोसोनिफ्राय होखारनो सुबुं माहारिखौ खावलायनाया रोखायै बेरखांदों।
‘जों बयबो गंसेल’ नख ‘रनि सोद्रोमा। मानोना, जोंखौ सासेल’ सोरजिगिरिया सोरजिहरदों आरो बे सोरजिहरजानाय सोरजिथाय सुबुंनि गेजेराव जेबो फाराग गया। नाथाय, सुबुंनि गेजेराव मालाय होन्नानै सानज्लायनाय, हिंसा-हिंसि मोननाय, गाज्रि सान्नाय आखुथाय दङ । थारैनो बेफोर गावबा गावनि गोसोआव बानायना लानायसो। बेफोरनो सुबुंनि खौसेथि गोसोखौ होखारदों। नाथाय, जोनोम जानायावबो जेरै सोरजिगिरिनि रायजोनिफ्रायनो फैदों, थैनायनि उनावबो बेवहायनो ज’ जाहैफिनांगोन। बेनिखायनो, सुबुंनि गेजेराव सुबुङा सोरजिनानै लानाय गाज्रि सान्नायखौ (निसाखौ) होखारनानै बयखौबो खौसेयाव थानो खन्थाइगिरिया खावलायदों। मानोना जों रावबो ग ‘साइनि बाइह्रा (जुदा) नङा।
