Unit-II|Chapter 6|Advance Bodo Class 12 Solutions| Bodo Medium| खारसुमै समबादि Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ”Unit-II|Chapter 6|Advance Bodo Class 12 Solutions| Bodo Medium| खारसुमै समबादि
To assist students in mastering the Advance Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit-III|Chapter 1|Advance Bodo Class 12 Solutions| Bodo Medium| खारसुमै समबादि
गाहायनि सोंथिफोरखौ फंसे सोदोब एबा बाथ्राजों हो:(गासैनिबो नम्बरा 1)
1)बारखौ मानो खारसुमै होनना बुंदों ?
फिनः खारनाय आखु गोनांखौनो खारसुमै होननाने बुंदों। बारआ थायसेयाव थाबाय थाया, थामहिनबा बारनियावबो बे खारनाय आखुवा दं, बेखायनो बारखौ खारसुमै होनना बुंदों ।
2) खारसमै सोदोबनि ओंथिया मा ?
फिनः खारसुमै सोदोबनि ओंथिया जादों खारनाय गोनां आखु, खारबाय थाग्रा ।
3) आर्थिंनि ओंथिया मा ?
फिनः आर्थिंनि ओंथिया जादों हायाव लगायना दोननाय तार।
4) अरबिन्द उजिरआ लिरनाय गांसे खन्थाइ बिजाबनि मुं लिर।
फिनः अरबिन्द उजिरआ लिरनाय गांसे खन्थाइ बिजाबनि मुङा जादों ‘मोनदांथिनि रोजोबथाय’ ।
5)’खारसुमै समबादि’ खन्थाइया मा बाहागोनि खन्थाइ?
फिन: ‘खारसुमै समबादि’ खन्थाइया दोंसे गोदान बाहागोनि खन्थाइ।
6) ‘खारसुमै समबादि’ खन्थाइयाव खन्थाइगिरिया माखौ खारसुमै होननानै बुंदों ?
फिन: ‘खारसुमै समबादि’ खन्थाइयाव खन्थाइगिरिया समखौ खारसुमै होननानै बुंदों आरो बे खारसुमै समजों मानसिनि जिउखौ रुजुदों। थामहिनबा मानसिनि जिउखौनो खन्थाइगिरिया खारसुमै समबादि होनना बुंदों।
7. ‘बायखुन’ नि ओथिया मा ?
फिनः ‘बायखुन ‘नि ओंथिया बायनो गोरलै।
गाहायनि सोंथिफोरखौ फिननाय हो: (गासैनिबो नम्बरा 2 )
1) खारसुमै समबादि’ खन्थाइयाव मा मा मिथिंगायारि सावगारि एरखांदों ?
फिन: ‘खारसुमै समबादि’ खन्थाइयाव एरखांनाय मिथिंगायारि सावगारिफोरा जादों खन्थाइगिरिया के बिलाद लाथानि बबेबा खनायाव जिरायथयोब्लानो नुनो मोनो सामखा सामखा बिलाइफोरनि गेजेर गेजेर समायना रमायना थब्ल’ बिबारफोर बारना थानायखौ । बेनि अनगायैबो खन्थाइगिरिहा गंसे बागान दं, एरैबादि बागान जेराव गोजाम बिलाइफोरा गावनो गाव सिरिलाङो आरो गोदान बिथराइफोरा खिलियो। बेफोरनो जादों खन्थाइयाव बेरखांनाय समायना मिथिंगायारि सावगारि।
2)’खारसुमै समबादि’ खन्थाइयाव खन्थाइगिरिया खारसमै होननानै माखौ फोरमायदों ?
फिनः ‘खारसुमै समबादि’ खन्थाइयाव खन्थाइगिरिया मानसिनि जिउखौनो खारसुमै होननानै फोरमायदों। समा जेरै खारबायथायो मानसिनि जिउवाबो जोनोमनि उनाव थैनायखौ थांखिनानै खारगासिनो थायो । जोनोम जानायनि उनाव मानसिनि जिउवादि जिरायनाय गैयाजासे बायदिरोखोमनि जेंना जेंसिनि गेजेरजों सोलिगासिनो थायो बेखौनो खन्थाइगिरिया खारबाय थानाय समजों रुजुदों। बेबादिनो मानसिनि जिउखौनो खन्थाइगिरिया खारसुमै समजों रुजुदों।
3)’खारसुमै समबादि ‘ खन्थाइयाव खन्थाइगिरिनि बागाना माबादि ?
फिनः ‘खारसुमै समबादि’ खन्थाइयाव खन्थाइगिरिनि बागानखौ एरैबादि फोरमायदोंदि जेराव गोजाम बिलाइफोरा सिरिलाङो गावबा गावनो गोजाम सानस्रिफोर बादि, गोदान बिथराइफोरा खिलियो जेबो सोदोब खालामाजासेनो मिजिंफोर बादि आरो बिबारफोरा गावखौ साजायो बारनायनि थाखाय खन्थाइफोरबादि ।
गाहायनि सोंथिफोरखौ गुवारै फिन होः (गासैनि नम्बरा 4 )
1)’खारसुमै समबादि’ खन्थाइयाव’ आं गोजोननाय मोनो’ होननानै मा गोजोननायनि खोथा बुंदों लिए।
“एबा”
‘खारसुमै समबादि’ खन्थाइयाव खन्थाइगिरिया बुहुमनि गोदान थासारियाव गावनि गोसोखौ मा बादियै गोरोबहोना गोजोन होनो हादों लिर।
फिनः ‘खारसुमै समबादि’ खन्थाइयाव ‘आं गोजोननाय मोनो’ होननानै बुहुमनि गोदान मुगानि थासारिजों गावनि गोसोखौ गोरोबहोनो हानानै गावनि गोजोननाय मोननाय बाथ्राखौनो खन्थाइगिरिया फोरमायदों। खन्थाइगिरिनि बादियैब्ला सुबुंनि जिउवा बे बुहुमाव जोनोम लाखांनायनि उनाव बुहुमनि बायदिसिना रोखोमनि थासारिजों गोरोबनानै सोलिनांगौ जायो। साफ्रोमबो सुबुङानो बे बुहुमाव जोनोम जाखांनायनि उनाव गावनि life span आव गोजाम आरो गोदान गोबां रोखोमनि थासारिजों मोगा मोगि जानो गोनां जायो। आरो बे थासारिजों गावखौ गोरोबहोनानै थांना थानायानो जादों जिउनि आखुथाइ। बेवहायनो जों खन्थाइगिरिनि सानस्रिखौ मुंदांखा गोनोखोगिरि, चार्लस डारउइननि survival of the fittest बुंफुरलुजों गोरोबनाय मोनो।
खन्थाइगिरिनि बादियैब्ला बे बिलाद लाथायाव जोनोम जाखांनायनि उनावनो मानसिनि खामानिया जागायो। मानसिनि जिउवा अरायबो जेब्लाबो सुखु दुखजों आबुं। होमब्लाबो मानसिया गाव जेखि साना जेखि मावा बेखौ लानानैनो बयबो गोजोन मोननो हास्थायो आरो गोजोननानै थायो । जोंनि खन्थाइगिरियाबो गावनि थांखांनाय माखासे बुब्लिखौ गोसोखाङोब्ला गोजोननाय मोनो बेखौनो खन्थाइनि रावै एरैहाय फोरमायदों-
आंनि बिखानि दुब्लियाब आर्थिं खालामफैनाय सिमांफोर बादिनो
सान बारलांनाय रुगुनि फारसे
थाबायग्लाङो मोनसे गुफुर गोजोननि सिमां ।
नाथाय समा जेब्लाबो खारसुमै, बे खारसमै समजों लोगोसे जोंनि जिउवाबो खारबायथायो आरो बेजों लोगोसे गोबां सोलाय सोल’ जायो। गोदो गोदायनि सुबुङा बारि बागानाव हाल मावनायजोल’ थांना थायोमोनब्लाबो गोदान जोलैनि जिउ खुंनाय आदब माइ माइरं, मैग थाइगंफोरनि बारि बागानावनोल’ नांथाबनानै थायाखै। बिलासिथा जिउ (Luxurious life) खौ मोजां मोनग्रा गोदान मुगानि सुबुंफोरा गारियै मथरै, फालांगियारि जिउनिफ्राय लानानै आर्टिफिसियल लाइफसिम गोदान मुगानि आदब खायदाजोंसो जिउ खुनो मोजां मोनसै। बेखौनो खन्थाइगिरिया खन्थाइनि रावै एरै फोरमायदों-
माइ माइरंनि बस्था, मैगं थाइगंनि बारि, मथरगारि
ष्टक मार्केट, बाइखुन, सिरिनाय बिलाइ ।
बेखायनो खन्थाइगिरियाबो बुहुमनि बिदि गोदान थासारिजों गावखौ गोरोबहोनानै गोजाम सानस्रिफोरखौ गोदान साननाय हनायनिफ्राय दानख’यो होननानै खन्थाइनि रावजों एरैहाय फोरमायदों-
बि समाव गोजाम बुहुमा मोनसे गोजाम हर
नाजावनायनि थाखाय थियारि जायो गोदानै ।
आं दानख ‘यो मोनसे गोजाम दिन आयुनिफ्राय ।
बेनो जादों खन्थाइगिरिनि बुहुमनि जायखिजाया थासारिजों गावखौ गोरोबहोनाय । बेयो खन्थाइगिरिनि जिउखौ लानानै Compromise लाना बेयो practical life जों खन्थाइगिरिनि adjustment गुनबो। बेनिखायनो खन्थाइगिरिया गावनि गोजोननायखौ फोरमायदों। बेबादिनो ‘खारसुमै समबादि’ खन्थाइयाव ‘आं गोजोननाय मोनो’ होननानै खन्थाइगिरिया बुहुमनि बायदिसिना थासारिजों गावनि गोसोखौ गोरोबहोनो हानायनि गोजोननायखौनो खन्थाइनि गेजेरजों फोरमायदों।
3) खारसुमै समबादि’ खन्थाइयाव माखौ खारसुमै बुंदों फोरमायना लिर।
फिनः ‘खारसुमै समबादि’ खन्थाइयाव खन्थाइगिरिया समखौनो खारसुमै होननानै बुंदों।’ खारसुमै समबादि’ खन्थाइया दोंसे गोदान खन्थाइ। बेवहाय खन्थाइगिरिया माखासे नेरसोन दिन्थिनि गेजेरजों मानसिनि जिउखौ खारसुमै समजों रुजुदों। खन्थाइगिरिनि बादियैब्ला सम आरो बारआ जेरै खारबाय थानाय आखु गोनां खारसुमै, बिदिनो मानसिनि जिउवाबो खारसुमै। मानोना मानसिनि जिउवा जोनोम जानायनि उननिफ्रायनो अरायसम जिरायनाय गैयि खारबाय थायो आरो बे खारनाय खामानिया मानसिनि थैनायसमखौ सहैनायसिम सोलिगासिनो थायो।
खन्थाइगिरिनि बादियैब्ला मानसिया बे बुहुमाव जोनोम लानाय लोगो लोगो आरो बेनि उननि समनिफ्रायनो मानसिनि खामानिया जागायो । समा जेरै खारबाय थायो मानसिनि जिउवाबो जोनोमनि उननिफ्रायनो बैसो रालांबाय थायो आरो थैनाय- बुब्लिसिम आवगायलांबाय थायो । मानसिनि जिउनि बिदि आखुथाइनि थाखायनो खन्थाइगिरिया मानसिनि जिउखौ खारसुमै समजों रुजुदों। जोनोम जाखांनायनि उनाव मानसिया बायदिसिना रोखोमनि खामानि मावनानै जानांगौ जायो । बे खामानि मावनायनि बुब्लियाव मानसिया बायदिसिना रोखोमनि थासारिजों मोगा मोगि जानांगौ जायो। जिउनि खारनाय गोनां आखुनि थाखायनो मानसिया बिदि गोबां रोखोमनि थासारिजों लोगो मोनज्लायो । बेनिखायनो खन्थाइगिरिया बुंदों-
बि समाव गोजाम बुहुमा मोनसे गोजाम हर
नाजावनायनि थाखाय थियारि जायो गोदानै ।
आं दानख ‘यो मोनसे गोजाम दिन आयुनिफ्राय ।
जोंनि खन्थाइगिरि बिथाङाबो थांना थानायनि गोजाम आदबखौ नागारनानै गोदान आदबखौ बजबना लादों। जिउनि सानफ्रोमबोनि सान बारलांनायजों जिउवाव गोदान गोदान थासारिया गावनो गाव फैखाबाय थायो। मानोना बेनो जिउनि आखुथाइ बादि मानसिया थांना थानाय समाव गोदान बहुमनि बायदिसिना रोखोमनि आबहावाजों लोगो मोनज्लायो आरो बेफोरजों गोरोबनानै थांना थानांगौ जायो। गोसो गैयाब्लाबो मानसिया समनि थिननायजों Compromise खालामनांगौ जानानै फैयो, बेखौनो खन्थाइगिरिया बुंदों-
आं बिसोरनि थाखाय नङामोन जानांगौ
जायफोरा आंखौ दान्थि खालामा ।
नाथाय गोजाम गोदान गासैखौबो लानानै मानसिनि जिउ । जिरायनाय गैयि जोंनि जिउनि बुब्लियाव जों गोबां रोखोमनि खामानिजों जिउखौ दैदेनलांनांगौ जायो । मानोना जिउनि बुब्लिखौ जों हमथानानै लाखिनो हाया। जोनोमनि उननिफ्रायनो मानसिनि जिउनि आयुवा हिसाब जायो आरो थैनाय समसिम खारबाय थानाय जिउवा थैनायजों लोगोसे जिरायहैयो । बेखौनो खन्थाइगिरिया खन्थाइनि जोबनायाव एरैहाय फोरमायदों-
आं गोजोननाय मोनो। आंनि सोरगिदिं
गंसे बागान। आं जिरायथयो खारसुमै समबादि ।
मानोना समा जेरै खारबाय थायो मानसिनि जिउवाबो खारबायथानायनि उनाव सानसे थैनायजों लोगोसे जिरायहैनांगौ जायो। बेबादिनो खन्थाइगिरिया ‘खारसुमै समबादि’ खन्थाइयाव मानसिनि जिउखौनो खारसुमै समजों रुजुनानै खारसुमै होनना फोरमायदों।
4) ‘खारसुमै समबादि’ खन्थाइयाव फोरमायनाय बादिब्ला गोजाम आरो गोदान समनि जरायाव खन्थाइगिरिनि गोसोआव माबादि सानस्रिनि गुथाल जाखांदों ? खन्थाइनि हेफाजाबै फोरमाय।
फिनः ‘खारसुमै समबादि’ खन्थाइयाव फोरमायनाय बादिब्ला गोजाम आरो गोदान समनि जरायाव खन्थाइगिरिनि गोसोआव बायदिसिना सानस्रिनि गुथाल सोमजिदों। गोज़ाम आरो गोदान समनि जरायाव खन्थाइगिरिया थांना थानायनि जिउ दावहायाव गोजामखौ गारनानै गोदानखौ नाजावनायनि थाखाय थियारि जानो नाजानाय सानस्रिनि गुथालनो खन्थाइनि गेजेरजों बेरखांदों। खन्थाइगिरिनि बादियैब्ला मानसिनि जिउवा खारसुमै समबादि जिरायनो रोङा। जोनोम जानायनि उननिफ्रायनो बुहुमाव मानसिनि खामानिया जागायनानै थैनाय समसिम सोलिगासिनो थायो आरो थैनायनि उनावसो मानसिया जिरायनो मोनहैयो। थांना थानाय जिउनि बुब्लियाव मानसिया गोबां रोखोमनि थासारिजों मोगा-मोगि जानांगौ जायो। आरो बैसोजों लोगोसे गासैबो थासारियानो मानसिनि थाखाय गोदाननि सायाव गोदानसिन जालांगासिनो जायो । होमब्लाबो जोंनि खन्थाइगिरिया थांखांनाय जिउनि गोजोन बुब्लिफोरखौ बावगारनो हाया, बेखौनो खन्थाइनि रावजों बुंदों-
आंनि बिखानि दुब्लियाव आर्थिं खालामफैनाय
सिमांफोर बादिनो
सान बारलांनाय रुगुंनि फारसे
थाबायग्लाङो मोनसे गुफुर गोजोननि सिमां ।
साफ्रोमबो सुबुङानो बे बुहुमाव जोनोम जाखांनायनि उनाव गावनि life span आव गोजाम आरो गोदान गोबां रोखोमनि थासारिजों मोगा मोगि जानो गोनां जायो। आरो बे थासारिजों गावखौ गोरोबहोनानै थांना थानायानो जादों जिउनि आखुथाइ। बेवहायनो जों खन्थाइगिरिनि सानस्रिखौ मुंदांखा गोनोखोगिरि, चार्लस डारउइननि Survival of the fittest बुंफुरलुज़ों गोरोबनाय मोनो। बेनिखायनो खन्थाइगिरिया गोजाम साननिफोरखौ नागारनानै थांना थानायनि गोदान आदबफोरखौ नाजावनो थियारि जायो गोदानै-
बि समाव गोजाम बुहुमा मोनसे गोजाम हर
नाजावनायनि थाखाय थियारि जायो गोदानै ।
आं दानखयो मोनसे गोजाम दिन आयुनिफ्राय ।
समा जेब्लाबो खारसुमै, बे खारसुमै समजों लोगोसे जोंनि जिउवाबो खारबाय थायो आरो बेजों लोगोसे गोबां सोलाय सोल’ जायो। गोदो गोदायनि सुबुङा बारि बागानाव हाल मावनायजोंल’ थांना थायोमोनब्लाबो गोदान जोलैनि जिउ खुंनाय आदबा माइ माइरं, मैगं थाइगंफोरनि बारि बागानावनोल’ नांथानानै थायाखै। बिलासिथा जिउ (Luxureous life) खौ मोजां मोनग्रा गोदान मुगानि सुबुंफोरा गारियै मथरै, फालांगियारि जिउनिफ्राय लानानै आर्टिफिसियल लाइफसिम गोदान मुगानि आदब खायदाजोंसो जिउ खुंनो मोजां मोनसै। जोंनि खन्थाइगिरियाबो जिउनि गोजाम आरो गोदान समनि जरायाव गोजामखौ नागारनानै बेखौनो गोदान महर होनानै गोदान खायदाजों थांना थानो गोसो-मेलेमारियै थियारि mentaly preparation) जानो नाजानायखौ फोरमायदों।
