Unit-IV|Short Story|Advance Bodo Class 12 Solutions| Bodo Medium|रोनाव फाग्ला Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ”Unit-IV|Short Story|Advance Bodo Class 12 Solutions| Bodo Medium|रोनाव फाग्ला
To assist students in mastering the Advance Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit-IV|Short Story|Advance Bodo Class 12 Solutions| Bodo Medium|रोनाव फाग्ला
गाहायनि सोंथिफोरखौ फंसे सोदोब एबा बाथ्राजों हो (गासैनिबो नम्बरआ 1)
1) रोनाव फाग्लानि गिबिनि मुङा मामोन ? (2008)
फिन: रोनाव फाग्लानि गिबिनि मुङा निलध्वजमोन।
2) रोनाव फाग्लानि गोदोनि मुङा मामोन ? (2012)
फिनः रोनाव फाग्लानि गोदोनि मुङा निलध्वजमोन।
3) रोनाव फाग्लानि गुबै मुङा मामोन ? (2014, 2017)
फिनः रोनाव फाग्लानि गुबै मुङा निलध्वजमोन।
4) रोनाव फाग्ला रोनावनायनि गुबै थांखिया मा ? (2009)
फिनः रोनाव फाग्ला रोनावनायनि गुबै थांखियानो जादों हारिनि इयुन जोलैफोरखौ सोराङाव लाबोनाय । बियो जेब्लाबो गाज्रि आखुनि मानसिफोरखौ फोसाबनो नाजानानै बोसोन होयोमोन।
5) रोनाव फाग्ला सुंद’ सल ‘नि लिरगिरिया सोर ? (2013)
फिनः रोनाव फाग्ला सल ‘नि लिरगिरिया हरिभुषण ब्रह्म ।
6. रोनाव फाग्ला सुंद’ सल ‘नि गाहाइ आखुवा सोर ?
फिनः रोनाव फाग्ला सुंद’ सल ‘नि गाहाइ आखुवा नीलध्वज, नीलध्वजनि गुबुन मोनसे मुंआनो जादों रोनाव फाग्ला ।
7) रोनाव फाग्लाया माबेसिम फरायनायमोन ?
फिनः रोनाव फाग्लाया थाखो जि सिम फरायनायमोन।
8) रोनावा सानसेखालि बबे दैसा सेराव गबथब थब सिरि जगासिनो दंमोन ? (2016)
फिनः रोनावा सानसेखालि गावसोरनि गामि सेरनि दाउमासार दैसा सेराव गबथब थब सिरियै जगासिनो दंमोन।
9) रोनाव फाग्लानि सिमांखौ सोर हौवासाया खोनासंदोंमोन?
फिनः रोनावनि सिमांखौ गामिनिनो बि.ए. फरायनाय निरमल मुंनि सासे हौवासाया खोनासंदोंमोन।
10)निरमलआ सोरमोन ? (2009, 2014)
फिनः निरमलआ रोनावमोननि गामिनिनो बि.ए. थाखोआव रांखान्थि आयदायाव honor लानानै फरायनाय सासे लेखा गोरों हौवासा। बियो पि.इउ. नि आनजादखौ सेथि थाखोआव (First Division) लानानै फास – खालामदोंमोन।
11) गामिनि सेंग्रा, दाहोना दिंग्राफोरा रोनावखौ मा महरै मिथियोमोन ?
फिनः गामिनि सेंग्रा, दाहोना दिंग्राफोरा रोनावखौ रोनावदलाबायग्राल’ होननानै मिथिगौमोन, बेनि बारा मिथिया ।
12) गावनि सम्रा सम्रि बैसोआव समानफ्राम मानसिफोरा रोनाव फाग्लाखौ मा होननानै गाबज्रियोमोन ?
फिनः गावनि बैसोआव समानफ्राम सम्रा सम्रि मानसिफोरा रोनाव फाग्लाखौ ‘रोनावल’ होननानै गाबज्रियोमोन, फाग्लाखौ बुंदेरामोन ।
13) रोनाव फाग्लानि गामि सेरजों बोहैलांनाय दैसानि मुङा मामोन ?
फिनः रोनाव फाग्लानि गामि सेरजों बोहैलांनाय दैसानि मुङा दाउमासार दैसामोन।
14) नीलध्वजनि रोनाव फाग्ला मुंखौ सोर गाबज्रिजेनदोंमोन ?
फिनः नीलध्वजनि रोनाव फाग्ला मुंखौ गामिनि सासे दुथां सेंग्राया गाबज्रिजेनदोंमोन।
15) रोनावनि बुंनाय बाथ्राफोरखौ सोरबा खोनासङोमोन दा?
फिनः रोनाव फाग्लाया बुंनाय बाथ्राफोरखौ बयबो एैरैनो रोनावदलाबायनाय होननासो सानग्रामोन।
16) रोनावा सिमाङाव नुनाय बुरैया सोरमोन ?
फिनः रोनावा सिमाङाव नुनाय बुरैया बर’ बिमामोन।
17) रोनावनि साननाय बादियैब्ला सोर नानि राजामोन ?
फिनः रोनावनि साननाय बादियैब्ला नानि राजाया जादों ना गांगाथफा ।
18) रोनावनि सिमांखौ सोर हौवासाया खोनासंदोंमोन ?
फिनः रोनावनि सिमांखौ गामिनिनि बि.ए. थाखोआव फरायनाय निरमल मुनि सँग्राया खोनासंदोंमोन।
गाहायनि सोंथिफोरखौ सुंद ‘यै फिन (गासैनिबो नम्बरआ 2)
1) रोनाव फाग्लानि गिबिनि मुङा मामोन आरो माबोरै रोनाव फाग्ला जाखो ? (2009)
फिनः रोनाव फाग्लानि गिबिनि मुङा नीलध्वजमोन।
सानसेखालि सासे दुथां सेंग्राखौ बिफाजों नांज्लायबाय थानाय समाव फंनैसो बुंनानै बेंहोनो नाजानायावनो सेंग्राजों दाद्रि होनानै बुंजेनजायो फाग्ला जादों मामाब्रा मा रोनावलाबायखो, लोगोआ मोनलांगोनलै मालायबा मालाय खाथिनि लोगोफोरा मिनिग्लाबनानैल’ थादोंमोन आरो बै साननिफ्रायनो नीलध्वज मुंनि सोलायै बिखौ रोनाव फाग्ला होनना गाबज्रिग्रा जादोंमोन आरो बिदिनो बिनि मुंआ रोनाव फाग्ला जादोंमोन
2) रोनाव बुंनाय बाथ्राफोरखौ मानसिफोरा मानो गनायनानै लायाखैमोन ? (2013)
फिनः रोनाव बुंनाय बाथ्राफोरखौ मानसिफोरा एैरैनो रोनावनांयबादिल’ सानना लायोमोन। रोनावनि साननाय बुंनायफोरजों दानि सेंग्रा सिख्ला आरो गुबुन मानसिफोरनि साननाय, मावनाय रायनायफोराव बारा गोरोबथिनाय नूनो मोनामोन बेखायनो निलध्वजनि बुंनाय बाथ्राफोरखौ फाग्लानि रोनावनायवादि सानोमोन मानसिफोरा। बेखायनो रोनाव बुंनाय आश्राफोरखौ मानसिफोरा एरैनो रोनावनायबादिल’ सानना लायोमोन ।
3) रोनाव फाग्लाया माबोरै रोनाव फाग्ला मुं मोनदोंमोन ? (2012)
“एबा”
निलध्वजनि मुङा माबोरै रोनाव फाग्ला जादोंमोन?(2015)
फिनः निलध्वजआ सानसेखालि सासे दुथां सेंग्राखौ बिफाजों नांलायबाय थानाय समाव फंनैसो बुंनानै बेंहोनो जानायावनो सेंग्राजों दाद्रि होनानै बुंजेनजायो फाग्ला जादों नामाब्रा मा रोनावला बायखो, लोगोआ मोनलांगोनलै मालायबा मालाय। खाथियाव थानाय मानसिफोरा मिनिग्लाबनानैल’ थानायसै निलध्वजआ बिदिनोसै आरोमा होननानै दसे सिरि गंसिनानै आगान सुरलाङो गावनि लामाथिं गबज्रब गबज्रबनो। बे साननिफ्रायनो निलध्वज मुङा निलध्वजनिफ्राय सोलायनानै रोनाव फाग्लासिम सोलायलांदोंमोन। बिदिनो निलध्वजआ रोनाव फाग्ला मुं मोनदोंमोन।
4) ” जोंखौ फोजानो गामियावदि एसेबां दाउजोला दं” – बे बाथ्राखौ सोर मानो बुंदों ? (2016)
फिन: “जोंखौ फोजानो गामियावदि एसेबां दाउजोला दं” – “बे बाथ्राखौ रोनाव फाग्लाया बुंदोंमोन। रोनावा जेब्ला सिमां नुफुदोंमोन, सोरांनो समाव दाउजोलाया गिसिरना होनायाव सिमां नुनायनिफ्राय रोनावा सिरि मोनखांदोंमोन, बेखायनो बे बाथ्राखौ बुंदोंमोन।
5) रोनावा सोरखौ नानि राजा फाथिदोंमोन आरो मानो ?
फिनः रोनावा ना गांगा थेफाखौनो नानि राजा फाथिदोंमोन।
मानोना रोनावनि साननाय बादियैब्ला रायजोखौ बोलोजों खुंनो हाया, गोहो एबा सोलोजोंसो खुंनो हायो। बेखायनो ना बारलि एबा खांख्राइया नानि राजा जानो समाया, बेनि थाखायनो रोनावा ना गांगा थेफाखौनो नानि राजा फाथिदोंमोन।
6)रोनावनि गामिखौ निदान संग्राफोरा मा माया होननानै मख ‘नाय दं ?
फिनः सल’आव फोरमायनाय बादिब्ला रोनावनि गामिनि सेराव दैसा बारनानै गुवार फोथार दं। दुब्लि जोबथानायनिफ्राय सालबारि । दैसा, दुब्लि आरो सालबारि इसोर होनाय बे मोनथामानो रोनावनि गामिखौ गोदोनिफ्राय निदान सुंबोदों। दैसाया लाखिबोदों थाजिम खालामनानै । आरो दुब्लियावनो दैज्लांनि अखाया सालबारिनि गेसाव गोफोन बोगारबोनानै हासार खालामफैयो ।
7) गारां हसारनानै खननो मोजां मोननाय रोनावनि मेथाइ दोंसेखौ फोरमाय।
फिनः गारां हगारसारनानै खननो मोजां मोनग्रा रोनावनि मेथाइनि मादाव दोंसे मेथाइया गाहायाव होनाय बादि-
आय’ बर’ बिमा-
नों मानो फिसाखौ जौजों खाङा,
आब्रा फिसायाबो गारनो रोंलिया
जैरैबो जालांबाय लान्दा खान्दा,
बर ‘नि गेजेराव मानोबा आवा-फावा
‘आय’ बर’ बिमा….।
8) लामा सामाफोराव फरायसाफोर लोगो मोनब्ला रोनावा मा बुंनायमोन ?
फिनः लामा सामायाव फरायसाफोरखौ ज’ लोगो मोनब्ला, रोनाव फाग्लाया बुंनो नागारामोन-‘“मोजाङैलै बाबुफोर, फंबाइफोर, नोंसोरनोसै हारिखौ फोसाबगोना, बिमा बिफानि मानखौ लाखिगोना।”
9) सोरबा सिखलाया बिमाजों नांलायनाय नुयोब्ला रोनावा मा बुंनायमोन ?
फिनः सोरबा सिख्लाया सिनेमा नायनो थांफानो मोनैनि हस्रि हस्रि बिमाजों “नांग्लायनायखौ नुयोब्ला बुङो- “हामा बिनानाव बिमाखौ बिदि बुंनो, मोजां गाज्रि बिमाया साबसिन मिथिगौ ना।”
10) निरमलआ रोनावखौ माब्ला बबेयाव लोगो मोनहैदोंमोन ?
फिनः रोनावा दाउमासार दैसायाव ना बोनबाय थानानै बायदिसिना सानफुबाय थानाय समावनो दाउमासार दैसा सेराव निरमला रोनावखौ लोगो मोनहैदोंमोन।
11)रोनाव फाग्ला सल ‘आव मख ‘नाय बादियैब्ला आनजादाव फास जानायनि थाखाय नुनाय सिमाङा मा मा?
फिनः रोनाव फाग्ला सल’आव फोरमायनाय बादियैब्ला रेल गारि गाखोनाय आरो दालां मोननाय सिमांफोरा आनजादाव फास जानायखौ खिनथाथिनाय जायो होननानै बुंदों।
12) निरमलआ सोरमोन आरो बियो मा खालामोमोन ? (2008)
फिनः निरमलआ रोनावमोननि गामिनि बि.ए. थाखोआव फरायनाय सासे लेखा गोरों सेंग्रा । बियो पि. इउ. थाखोआव सेथि डिभिजन लानानै पास खालामनाय सेंग्रा आरो बियो धुबुरिनि बि.एन. कलेजाव रांखान्थियाव Honor लानानै फरायगासिनो दं।
गाहायनि सोंथिफोरखौ फिन (गांसैनिबो नम्बरा 4)
1) रोनाव फाग्लानि ना बोननायनि गेजेरजों लिरगिरिया मा बाथ्रा फोरमायदों लिर। (2010, 2014)
फिनः रोनाव फाग्लानि ना बोननायनि गेजेरजों बर’ हारिनि बायदिसिना जेंना जेथोनि बाथ्राफोरखौनो फोरमायनो नाजानाय जादों। रोनाव फाग्लाया ना बोननाय समाव बर’ हारिनि सोमोन्दै बायदिसिना बाथ्रा साननाया हारिनि जेंना जेथोखौनो फोरमायदों। बे ना बोननायनि गेजेरजों बर’ हारिनि रायजो खुंनायाव थालांनाय गेना गोरोन्थि आरो जेंना जेंसिनि बाथ्राफोरखौनो फोरमायनो नाजानाय जादों।
रोनाव ना बोननाय समाव साननाय बाथ्राफोरा जादों नानि राजाया सोर? रोनावनि बादियैब्ला नानि राजाया जादों ना गांगा थेफा। मानोना हादोरखौ बोलोजों नङा गोहोजोंसो खुङो। बेखायनो ना गांगा थेफानियाव बे गोहोखौ नुनो मोनदों रोनावा। फारसेथिं नाथाय गुबुन गुबुन नाफोराबो राजा जानो नागिरदोंमोन, ना बारलि, खांख्राइ बायदिफोराबो, नाथाय रावबो हायाखैमोन। रोनावा ना बोननाय समाव बेफोर बाथ्राखौ साननायनिफ्राय रोखा जानो हायोदि बर ‘नि गेजेरावबो मोनसे समाव राजा आरो रायजो दंमोन। नाथाय गावजों गाव एना एनि नायलायनो हायि आरो मासि सेलायलायनायनि थाखायनो बर’नि रायजोआ जोबस्रांलांदों। बर ‘नि जारिमिननि बेफोर गोथौ बाथ्राखौनो ना बोननायनि गेजेरजों रोनावा बिजिरनो नाजादोंमोन। थारैनो बरनि रायजो गोमालांनायनि आन्दोआव मा गुमर हाबसोखोमानाने दं। रोनावनि ना बोननायनि गेजेरजों बेफोर बाथ्राखौनो जों मिथिना मोनो।
2) रोनाव फाग्ला सल ‘नि गाहाइ आखला सोर ? बिखौ मानो गाहाइ आखल बुंनो हायो ? (2015)
फिन: रोनाव फाग्ला सल ‘नि गाहाइ आखला निलध्वज, निलध्वजनिनो गुबुन मोनसे मुङा जादों रोनाव फाग्ला।
रोनाव फाग्लाखौ जों “रोनाव फाग्ला” सल’नि गाहाइ आखल बुंनो हायो। मानोना सल ‘नि जागायनायनिफ्राय जोबजासिम रोनाव फाग्लानि जाथाइखौनो लानानै सल’खौ लिरनाय जादों। रोनाव फाग्ला सल ‘आव रोनावनि मावनाय दांनाय, साननाय हनाय गासैबो जाथाइया जागायनायनिफ्राय जोबजासिम रोनाव फाग्लाखौनो मिरु खालामनानै फसंजादों। दोंसे सल’ आव जाय आखुवा सल’आव गाहाइयै जायगा आवग्रिनो हायो बेखौनो गाहाइ आखल बुंनो हायो। रोनाव फाग्ला सल’ आवबो रोनाव फाग्लायानो सल ‘नि गुबै जायगाखौ लादों। रोनावा माहारि फोसाबसुला, सुबुं सिबिसुला। रोनावा हारि आरो माहारिनि इयुनखौ सानग्रा । बेखायनो गामिनि लाइमोनफोरनि गेजेराव गाज्रि आखल नुयोब्ला जेब्लाबो फोसाबनो नाजानानै बुजायनो नाजायामोन नाथाय रोनावनि।
बुंनायफोरा रावजोंबो गनायजायामोन मानोना बेनो जादों बर’ समाजनि दानि गालाय गुजाय थांसारि। मोजांखौ जोंनि समाजाव लानो, सोलोंनो नाजानायनि आंखालावनो जोंनि हारिया दिनै आलाय सिलाय जानादों। नाथाय रोनावनो मोजां आखलनि बाथ्राखौ लेखा गोरों साफा सानै साननो गोरों मानसिया मिथिगौमोन। बेखौ गामिनिनो बि.ए. फरायनाय निरमलनि गेजेरजों फोरमायनाय जादों।
थामहिनबा सल ‘नि गासैबो खौरांखौ सल ‘गिरिया रोनावनि गेजेरजों फरायग्राफोरनो होनो नाजानायखौ नुनो मोनो आरो सल ‘खौ रोनाव फाग्लानि आखलखौनो गुदि खालामनानै लिरनाय जादों। बेखायनो रोनाव एवा निलध्वजखौनो सल ‘नि गाहाइ आखु होननानै बुंनो हायो ।
3) रोनाव फाग्लानि आखुथाइखौ बिजिरना लिर। (2016)
फिनः रोनावा सासे जोबोर मोजां आरो नोरोम आखुनि मानसिमोन। बियो जेब्लाबो हारि आरो माहारिनि मोजांनि बाथ्रा सानोमोन। बिहा जोबोर सहायनो हानाय गुन थानाय आखलखौबो नुनो मोनो। हारिनि इयुन जोलैनि मोजांखौ बियो जेब्लाबो हास्थायनायमोन। मानोना बियो मिथिगौमोनदि इयुन जोलैयानो जादों हारिनि गोजों इयुन लाबोगोरा । बेखायनो लामा सामा फरायसाफोरखौ ज’ लोगो मोनोब्ला बियो बुंनो नागारामोनदि- मोजाङैलै बाबुफोर, फंबाइफोर, नोंसोरनोसै हारिखौ फोसाबगोना, बिमा बिफानि मानखौ लाखिगोना। सोरबा सिख्लाया सिनेमा नायनो थांफानो मोनैनि हस्रि हनि बिमाजों नांलायनायखौ नुयोब्ला बुङो- हामा बिनानाव बिमाखौ बिदि बुंनो, मोजां गाज्रि बिमाया साबसिन मिथिगौ नङा। सोरबा संग्राखौ बारा जौ फेनानै हवा हवा गोदाव सोराव गान खनलाबायनाय नुयोब्ला बुंनायमोन- हामालै ‘फंबाइ, गावनिखुइ गिदिर गोलावफोरनि सिगाङाव बिदि खालामनो। नाथाय रावजोंबो खेर खेरायजायामोन रोनावा, उलथायै गावसो दाद्रि होजानायमोन। होमब्लाबो रोनावा रावखौबो जेबो बुंनायफोरा रावजोंबो गनायजायामोन मानोना बेनो जादों बर’ समाजनि दानि गालाय गुजाय थासारि। मोजांखौ जोंनि समाजाव लानो, सोलोंनो नाजानायनि आंखालावनो जोंनि हारिया दिनै आलाय सिलाय जानादों। नाथाय रोनावनो मोजां आखलनि बाथ्राखौ लेखा गोरों साफा सानै साननो गोरों मानसिया मिथिगौमोन। बेखौ गामिनिनो बि.ए. फरायनाय निरमलनि गेजेरजों फोरमायनाय जादों।
थामहिनबा सल ‘नि गासैबो खौरांखौ सल ‘गिरिया रोनावनि गेजेरजों फरायग्राफोरनो होनो नाजानायखौ नुनो मोनो आरो सल ‘खौ रोनाव फाग्लानि आखलखौनो गुदि खालामनानै लिरनाय जादों। बेखायनो रोनाव एबा निलध्वजखौनो सल ‘नि गाहाइ आखु होननानै बुंनो हायो ।
4) रोनाव फाग्लाया सोर ? बियो माबोरै रोनाव फाग्ला जाखो ? बिनि आखुथाइखौ बिजिर ?
फिनः. रोनाव फाग्लानि गुबै मुङा निलध्वजमोन। बियो बिफा थैजानायनि “जाहोनाव जि थाखोसिमल’ फरायनाय सासे साननो हनो गोरों सेंग्रा।
सानसेखालि सासे दुथां सेंग्राखौ बिफाजों नांज्लायबाय थानाय समाव फंनैसो बुंनानै बेंहोनो नाजानायावनो सेंग्राजों दाद्रि होनानै बुंजेनजायो फाग्ला जादों नामाब्रा मा रोनावद्लाबायखो, लोगोआ मोनलांगोनलै मालायबा मालाय । खाथिनि लोगोफोरा मिनिग्लाबनानैल’ थादोंमोन आरो बै साननिफ्रायनो नीलध्वज मुंनि सोलायै बिखौ रोनाव फाग्ला होनना गाबज्रिग्रा जादोंमोन आरो बिदिनो बिनि मुंआ रोनाव फाग्ला जादोंमोन।
रोनावा सासे जोबोर मोजां आरो नोरोम आखुनि मानसिमोन। बियो जेब्लाबो हारि आरो माहारिनि मोजांनि बाथ्रा सानोमोन। बिहा जोबोर “सहायनो हानाय गुन थानाय आखलखौबो नुनो मोनो। हारिनि इयुन जोलैनि मोजांखौ बियो जेब्लाबो हास्थायनायमोन। मानोना बियो मिथिगौमोनदि इयुन जोलैयानो जादों हारिनि गोजों इयुन लाबोगोरा बेखायनो लामा- सामा फरायसाफोरखौ ज’ लोगो मोनोब्ला बियो बुंनो नागारामोनदि-
मोजाङैलै बाबुफोर, फंबाइफोर, नोंसोरनोसै हारिखौ फोसाबगोना, बिमा बिफानि मानखौ लाखिगोना। सोरबा सिखलाया सिनेमा नायनो थांफानो मोनैनि हस्रि हस्रि बिमाजों नांलायनायखौ नुयोब्ला बुङो- हामा बिनानाव बिमाखौ बिदि बुंनो, मोजां गाज्रि बिमाया साबसिन मिथिगौ नङा। सोरबा सेंग्राखौ बारा जौ फेनानै हवा हवा गोदाव सोराव गान खनलायबायनाय नुयोब्ला बुंनायमोन- हामालै फंबाइ, गावनिख्रुइ गिदिर गोलावफोरनि सिगाङाव बिदि खालामनो । नाथाय रावजोंबो खेर खेरायजायामोन रोनावा उलथायै गावसो दाद्रि होजानायमोन होमब्लाबो रोनावा रावखौबो जेबो उल्था बुंफेरा। मानोना रोनावनियाव सहायनो हानाय गुनबो गोबाङैनो दंमोन। बेखायनो मालायजों बियो नांग्लाय खमज्लाय खालामामोन।
गोसो सिङाव गाव हारसिंनो सानोल ‘मोन, खैफोदाव गोग्लैनाय, हाखराव गब्रायना थानाय बर’ हारिखौ माबोरै बोखांनो हागोन बेफोरनि राहाखौ हारसिंनो सानखोमाबाय थायोमोन मानोना रोनाव फाग्लानि फारसे गावनि बर’ हारिनि थाखाय गोबां जिंगा दंमोन। बेखायनो बियो हारि फोसाबनायनि बाथ्राखौ जेब्लाबो सानबाय थायोमोन। बेबादियैनो रोनाव फाग्लाखौ जों सासे मोजां आखुनि हारि सिबिसुला महरै फोरमायनो हायो ।
5) रोनाव फाग्लाया मा सिमां नुदोंमोन ? बे सिमाङा मोगथांजों माबादि सोमोन्दो दं ?
फिनः रोनाव फाग्लाया मोनसे दुखु नांथाव सिमां नुदोंमोन। रोनावनि नुनाय सिमाङा एैरै मोनाबिलि सम, सानरोमा रोमि। रोनावा गामिनि साहाथिंजायै सालजग्रब सेरनि दुबिलिनि खनायाव न’नि मोसौ हालुवाखौ नागिरनो थांदों साल आरो बायदि बायदि बंफां लाइफांजों साना होथे जानायलाय जायगाया दरसि, निजोमसिन जाबाय। साखाथि फाखाथियाव रावबो गैया। मोनाद्रायजानो गिनानै रोनावा खर खर नायथिं नायथा खालामदोंलायनो। सालबारि गेजेराव दाउमासार गेसेर नायखौबो खोनाजेनहांबाय। लोगोफोरखौसो जेनो लेंहरदों- फैदो माबार बयबो फैदो गावबा गाव जायगाया लाफैखादो। रोनावाबो आगानखौ खर खर गोलाउ गोलाउ सुरदों। बे समावनो हो, थिग बे समावनो मानसिनि मुर्ति, नङा, हिनजाव मुर्ति माने सासे, बुरै गंखु जानानै हाग्रायाव हाबहैनाय लिं लिं लामाजों दावगाबोयो। बुंनो थाङोब्ला गुबै लामा नङा, सालबारियाव मैसो मोसौ हाबलांग्रा आरो ओंखारग्रा दोंसे सर ।
बुरैनि खर ‘आ गुफुर। खासि बिबारखौ ज’ खाथुमनानै रुजुननाय बादि नुयो । खानाइ फिथरा खाखोनाय – फिथौथौ ।
खोमसिहां निजोम जायगायाव मानसि नुनायलाय रोनावा खाथियाव दावगालाङो सिनायनाय सोरखौबा नंनानै। नाथाय सिनायनाय राबनो नङा। गाननायाव दखना सुरि । हान्थुल’ एसे बारग ‘नाय, फाथं, गेजेर गेजेर गब्लं । साखानायाबो आगरनि दानाय । बिजिजों सुथेनानै गेजेर गेजेर खावनै थुब्ला `जानायखौ लाखिसाबदों। थेवबो रुगुनि गिजि उवां थानायखौ नुसारो। नायब्लानो रागा जोंरोङै मानसियाबो सानफ्लांगोन, सोर अगेन, बिमाखौ नायसन रोङि फिसानि बिमा जाखो बिलाय ? होननानै। बुरैया रोनावनिथिंजाय जों नायहाबनानै बुंलाङो।
“फिसा रोनाव, नोंखौ लोगो मोनबाय हामबाय। थांनाय समाव फंनैसो बुंलांनोसै आं। दिनै नोंखौ रोनाव फाग्ला होननानै बयबो सै सै खालामदों। सानसे समाव नोंखौ बयबो अनसायगोन। बर’ हारिया दा लामा आनदायनानै दं। गाज्रि हुदायाव़ गफबनानै थानाय बर’ हारिया मोजां गाज़ि बिजिरनानै नायनो गोहो जाथ’आखै। थेबगां थिफुदला गोसोनि फाखनावनो गिदिं गासिनो दं। बे फाखननिफ्राय बारग’नो हाब्लासो फिद फिद गोसोखांगोन सिंगांनि गोरोन्थिफोरखौ ।
आं बर’ बिमा। बुरैया दान्दिसे थाद ‘नानै बुंबावदोंमोन, नोंसोर जायखौ माइनाव होननानै बुङो। आंखौ नायब्लानो मिथिगोन बर’ फिसाफोरा आंखौ बोरै सिबिदों। बिमा बिफा सिनायनो रोङि, सिबिनो रोङि फिसाफोरनि गेजेराव थानो नांलिया होननानै बाथौ बोराइयाबो आंखौ लेंहरबाय हाजो खर ‘आव।
हांमा गोलाउ सुरनानै बुरैया बुंबावो फिसा गारनानै थांनाय आंनि बे “खौरांखौ नों बयनिबो सिगाङाव बुंब्लाबो रावबो फोथायनाय नङा। रोनाव फाग्लानि आवनायनायसो होनगोन। थेवब्लाबो नों खिन्थानांगोन। आं नोंनो बोर सारस्रिलाङो गाज्रि लामायाव आगान सुरनो सम नाङा। मोजांथिंजाय सम लायो सानसे समाव नोंनि खाथियाव मानसिफोरा फैगोन स’ स’। बिसोरनि थाखाय नोंनि खुगानिफ्राय ओंखारनाय रावफोरा बेरे मोदैनिख्रुइ गोदैसिन जागोन। अब्लासो थैहाबनायनिफ्राय लासैनो जिउ दान मोनखांनायबादि सुथि मोनजोबगोन गासिबो आं बुंनाय बाथ्राखौ फोसावनो नाजादों नों।
बुरैया गंस्रिनानै थाद’ हाबो आरो लासैनो बाथ्राखौ जुरिफिनो- बर’ फिसाफोरा हारिखौ फोसाबनोब्ला, जेरैबो गोख्रों गोरा देरहासाद खालामनोब्ला गाव गावखौनो रोंसिन साननाय अहंखौ गारनांगोन। दावगालांनांगौनि लामायाव अहं साननाय आखला जोबोर गिदिर हेंथा, गावखौनो गाव सिनायनो रोंङा जायो जाय गावखौ सिनायरोङा मालायखौबो सिनायनो हाया। बर’ हारिनियाव दा बेखायनो गुलाय गुजाय, जालाखाद बिलाखाद गावनिख्रुइ रोंसिन रासिन गुरु थाखोनि मानसिखौ सिनायनो रोङा जानानै दं। रावनिबो बाथ्राया रावनिबो खोमायाव हाबा रावजों फावजों गोरोबा फिसाया बिमा बिफानि बोसोन लाया। बिमा बिफाया सोरबा रोंसिन रासिनखौ मानिया। गावजों गाव थाव थेलेफा थगाय थसि। बेफोर गासिबो गाव गावखौ सिनायनो रोङिनि थाखाय बेरखांनाय ‘आखलबोल’। बे आन्दायनायनिफ्राय बारग ‘नानै बर’आ गुबै लामाखौ हमफिननोब्ला लामा दथायाव जनानै गोसोखांहाबनांगोन मेगन मिसिबनानै । अल्लासो नंखाय लामाया स्रा स्रा गुगुलांगोन, गुबै लामाया बेरखांफैगोन गोसोनि मेगनाव। आं थांनोसै फिसा रोनाव, निदानाव आंनि महरखौल’ गोसोखां, लोगोआव बाथौ बोराइनि ।
रोनावा नुनाय बे सिमाङा मोगथांजों इनायनो खाथि सोमोन्दो दं। मानोना रोनावा नुनाय सिमांनि बाथ्राया बर’ हारिनि गेजेराव गोरोबो। बर ‘फोरा बिमा एबा गेदेरखौ मान होनाय सिबिनाय आखलखौ दाबो सोलोंनो रोङाखिसै। जाहोनाव बर’ हारिया जेरैबो आलाय सिलाय जानांबाय। बे बाथ्राखौनो सिमांनि गेजेरजों फोरमायनाय जादों ।
6)”जोंखौ फोजानो गामियाव जे एसेबां दाउजोला दं’ सोर मानो बिदि सानखांदोंमोन ?
फिन: “जोंखौ फोजानो गामियाव जे एसेबां दाउजोला दं”- बे बाथ्राखौ रोनाव फाग्ला एबा निलध्वजआ सानखांदोंमोन सानसेखालि हराव बियो मोनसे दुखु गोनां सिमां नुदोंमोन गाव नुनाय सिमांखौ बियो गामिनि बि.ए. थाखोआव फरायनाय निरमल मुंनि सासे सेंग्रानो खिन्थादोंमोन एरै-
मोनाबिलि सममोन। बियो लायनो गामिनि साहाथिंजायै साल जग्रव सेरनि दुब्लिनि खनायाव ननि मोसौ हालुवाखौ नागिरनो थांदों साल आरो बायदि बायदि बिफां-लाइफांजों साना होथेजानायलाय जायगाया दरसि निजोम जादों। साखाथि फाखाथियाव रावबो गैया। रोनावाबो आगानखौ खर खर गोलाउ गोलाउ सुरदों। थिग बे समावनो मानसिनि मुर्ति, नङा, हिनजाव मूर्ति माने सासे बुरै गंखु जानानै हाग्रायाव हाबनाय लिं लिं लामाजों दावगाबोयो। बुंनो थाङोब्ला गुबै लामा नङा, सालबारियाव मैसो मोसौ हाबलांग्रा आरो ओंखारग्रा दोंसे लामा फिसा बुरैनि खर ‘आ गुफुर। खासि बिबारखौ ‘ज खाथुमनानै रुजुननाय बादि नुयो । खानाइ, फिथरा खाखोनाय फिथौथौ ।
खोमसिहां निजोम जायगायाव मानसि नुनायलाय रोनावा खाथियाव दावगालाङो सिनायनाय सोरखौबा नंनानै नाथाय सिनायनाय राबनो नङा। गाननायाव दखना सुरि हान्थुल’ एसे खारग ‘नाय, फाथं, गेजेर गेजेर गब्लं । साखानायाबो आगरनि दानाय । बिजिजों सुथेनानै गेजेर गेजेर खावनै थुब्ला जानायखौ लाखिसाबदों। थेवबो रुगुनि गिजि उवां थानायखौ नुसारो । नायब्लानो रागा जोंरोङै मानसियाबो सानफ्लांगोन, सोर अगेन, बिमाखौ नायसनरोङि फिसानि बिमा जाखो बिलाय ? होननानै बुरैया रोनावनिथिंजाय जों नायहाबनानै बुंलाङो।
” फिसा रोनाव, नोंखौ लोगो मोनबाय हामबाय। थांनाय समाव फंनैसो बुंलांनोसै आं। दिनै नोंखौ रोनाव फाग्ला होननानै बयबो सै सै खालामदों। सानसे समाव नोंखौ वयबो अनसायगोन। बर’ हारिया दा लामा आनदायनानै दं। गाज्रि हुदायाव गफबनानै थानाय बर’ हारिया मोजां गाज्रि बिजिरनानै नायनो गोहो जाथ ‘आखै। थेबगां थिफुदला गोसोनि फाखनावनो गिदिं गासिनो दं। बे फाखननिफ्राय बारग’नो हाब्लासो फिद फिद गोसोखांगोन सिंगांनि गोरोन्थिफोरखौ।
आं बर’ बिमा । बुरैया दानदिसे थाद’नानै बुंबावदोंमोन, नोंसोर जायखौ माइनाव होननानै बुङो आंखौ नायब्लानो मिथिगोन बर’ फिसाफोरा आंखौ बोरै सिबिदों । बिमा बिफा सिनायनो रोङि, सिबिनो रोङि फिसाफोरनि गेजेराव थानो नांलिया होननानै बाथौ बोराइयाबो आंखौ लेंहरबाय हाजो खर ‘आव ।
हांमा गोलाउ सुरनानै बुरैया बुंबावो फिसा गारनानै थांनाय आंनि बे खौरांखौ नों बयनिबो सिगाङाव बुंब्लाबो रावबो फोथायनाय नङा। रोनाव फाग्लानि आवनायनायसो होनगोन थेवबलाबो नों खिन्थानांगोन। आं नोंनो बोर सारखिलाङो। गाज्रि लामायाव आगान सुरनो सम नांगौ मोजांथिंजाय सम लायो। सानसे समाव नोंनि खाथियाव मानसिफोरा फैगोन स’ स’। बिसोरनि थाखाय नोंनि खुगानिफ्राय ओंखारनाय रावफोरा बेरे मोदैनिख्रुइ गोसिन जागोन। अब्लासो थैहाबनायनिफ्राय लासैनो जिउ दान मोनखांनायबादि सुथि मोनजोबगोन गासिबो आं बुंनाय बाथ्राखौ फोसावनो नाजादो नों।
बुरैया गंस्रिनानै थाद’ हाबो आरो लासैनो बाथ्राखौ जुरिफिनो- बर’ फिसाफोरा हारिखौ फोसाबनोब्ला, जेरैबो गोख्रों गौरा देरहासाद खालामनोब्ला गाव गावखौनो रोंसिन साननाय अहंखौ गारनांगोन। दावगालांनांगौनि लामायाव अहं सान्नाय आखला जोबोर गिदिर हेंथा, गावखौनो गाव सिनायनो रोङा जायो। जाय गावखौ सिनायरोङा मालायखौबो सिनायनो हाया। बर’ हारिनियाव दा बेखायनो गुलाय गुजाय, जालाखाद बिलाखाद गावनिख्रुइ रोंसिन रासिन गुरु थाखोनि मानसिखौ सिनायनो रोङा जानानै दं। रावनिबो बाथ्राया रावनिबो खोमायाव हाबा रावजों फावजों गोरोबा फिसाया बिमा बिफानि बोसोन लाया। बिमा बिफाया सोरबा रोंसिन रासिनखौ मानिया। गावजों गाव थाव थेलेफा थगाय थसि। बेफोर गासिबो गाव गावखौ सिनायनो रोङिनि थाखाय बेरखांनाय ‘आखलबोल’। बे आन्दायनायनिफ्राय बारग ‘नानै बर’आ गुबै लामाखौ हमफिननोब्ला लामा दथायाव जनानै गोसोखांहाबनांगोन मेगन मिसिबनानै । अब्लासो नंखाय लामाया सा सा गुगुलांगोन, गुबै लामाया बेरखांफैगोन गोसोनि मेगनाव। आं थैनोसै फिसा रोनाव, निदानाव आंनि महरखौल’ गोसोखां, लोगोआव बाथौ बोराइनि।
बेफोरबादि सिमां नुफुगासिनो थानाय समावनो गां बुब्राबनानै न’नि दाउ जोलाया गेसेबो। सिरि जाहाद मोनखाडो बियो। अब्लानो रोनावा “जोंखौ फोजानो जे गामियाव एसेबां दाउजोला दं” वे बाथ्राखौ सानखांदोंमोन। बेनि गेजेरजों बेखौनो फोरमायदोंदि दाउजोलायाबो मानसिखौ फोजानो गियान दं नाथाय उन्दुहाबनानै थानाय बर’ हारिनि फिसाफोरा हारिखौ फोजाखांनो सिखारनो रोङाखै। बेखायनो फुंबिलियाव गेसेरनाय दाउजोलाया उन्दु गादुरा बर’ हारिखौ फोजानो माबोला हागोन बेयो मोनसे गिदिर सोंलु ।
7) रोनाव फाग्लाया सुबुनि सेराव माबादि बाथा बुंदोंमोन ? सुबुंफोरा रोनाव फाग्लानि बाथ्राखौ माबोरै नाजावदोंमोन ?
फिनः रोनाव फाग्लाया सुबुंफोरनि सेराव जेब्लाबो मोजां मोजां बोसोननि – बाथ्रा बुंदोंमोन। गुबैयै जों जायखौ हारि आरो समाजनि उनजोलै होनना गनायो, बिदि लाइमोनफोरखौ रोनावा जेब्लाबो मोजां खामानि एबा मोजां लामा फारसे दिथा होनो नागारामोन। सानसेखालि सासे दुथां सेंग्राखौ बिफाजों नालायबाय थानाय समाव फंनैसो बुंनानै बेंहोनो नाजानायावनो सेंग्राजों दाद्रि होनानै बुंजेनजायो फाग्ला जादों नामाब्रा मा रोनावला बायखो, लोगोआ मोनलांगोनलै मालायबा मालाय। खाथियाव थानाय मानसिफोरा मिनिग्लाबनानैल’ थानायसै ।
लामा सामा फरायसाफोरखौ ज’ लोगो मोनब्ला रोनाव फाग्लाया बुंनो नागारा- मोजाङैलै बाबुफोर, फंबाइफोर, नोंसोरनोसै हारिखौ फोसाबगोना, बिमा बिफानि मानखौ लाखिगोना। हानथुबारै गामसा फिसा गाननाय रोनाव फाग्लाखौ बांसिनानो मिथियादि बिबो सानसे समाव मेट्रिकनि जोबथानाय थाखोआव फरायदोंमोन, माइनारायाव सात्र बृत्ति लानानै पास खालामदोंमोन।
गामिनि फरायसाफोराबो मिथिया जाम्बा जाम्बा मा बुंलाबायखोब्रा नोलाय रोनाव फाग्ला-एरै होननानै खायफाबा जंखायलांनायमोन।
गामिनि सेंग्रा दाहोना दिग्राफोराबो रोनावखौ रोनावद्लाबायग्राल’ होननानै मिथिगौ, बिनि बारा मिथिया सोरबा सेंग्राखौ बारा जौ फेनानै हा हा गोदाव सोराव गान खनलाबायनाय नुयोब्ला बुंनायमोन- “हामालै फंबाइ, गावनिख्रुइ गिदिर गोलावसिनफोरनि सिगाङाव बिदि खालामनो।” नाथाय खेरखेरायजाया । दोर बावदा रोनाव फाग्ला नों मा मिथिगौब्रा मालाय रंजानायखौलाय होननानै ब्लद थांजायो हब्रा-हब्रा।
सोरबा सिखलाया सिनोमा नायनो थांफानो मोनैनि हस्रि हसि बिमाजों नांलायनायखौ नुयोब्ला बुङो- “हामा बिनानाव बिमाखौ बिदि बुंनो, मोजां गाज्रि बिमाया साबिसन मिथिगौ नङा।”
गामिनि गावजों समरा समरि लोगोफोरा रोनावनि बुंनाय बाथ्राफोरखौ एसे खोमा सुनायबादि खालामो गावजों गाव गामिखौ फोसाबलांनांगौ जाबाय। नङाब्ला गामिनि मुस्रिया गोमालांसिगोन। मानसि बांनाय लोगो लोगो हा-हुवाबो सेबबोबाय। हारियाव नुनो मोनफेरि मागिनानै जाग्रा हृदायाबो सोमजिबाय। थानो थाखाय मोजां गंसे न’ गैलिया। थाबायनो दोंसे मोजां लामा गैलिया। थास गेलेनाय, जौ लोंना गाज्रि फावफोरा रोजानिफ्राय रोजा जाबोबाय।
रोनाव बुंनाय बेफोर बाथ्राफोरखौ लोगोफोरा खर’ थिखांनानै नंगौ बुङो ,नाथाय मावफुंनो थाखाय रावबो दावगाबोआ ।
रोनावनि बुंनाय बाथ्राफोरखौ सावरायनानै खायफाबा रायखोमायो, जाम्बाबादि रोनावनायखौनो नागारलालै बियो, नामजों मानसिजों गोरोबथारबाय । रोनावनि साननाय बुंनायफोरजों दानि सेंग्रा सिख्ला आरो गुबुन मानसिफोरनि साननाय, भावनाय रायनायफोराव बारा गोरोबथिनाय नुनो मोनबाङा। बेखायनो रोनावनि बुंनायफोरखौ बांसिन सुबुंफोरानो फाग्लानि रोनावनाय बादि सानोमोन। रोनावनि बुंनाय बाथ्राफोरखौ बेबादिनो नाजावनायमोन सुबुंफोरा ।
8) रोनाव फाग्लाया नुनाय सिमांनि गेजेरजों मा बाथ्रा बेरखांहोनो नाजानाय जादों फोरमायना लिए।
फिनः रोनावा नुनाय सिमांनि गेजेरजों बर’ हारिनि मोगथांनि गारलाय गुजाय समाजारि थासारिनि बाथ्राखौनो फोरमायनो नाजानाय जादों। सल’आव फोरमायनाय रोनावनि सिमाङा एरै-
थिग मोनाबिलि सममोन। बियो लायनो गामिनि साहाथिंजायै साल जग्रब सेरनि दुब्लिनि खनायाव ननि मोसौ हालुवाखौ नागिरनो थांदों। ‘बे समावनो सासे खर’ गुफुर बुरै गंखु जानानै हाग्रायाव हाबहैनाय लिं लिं
लामाजों दावगाबोयो।
गाननायाव दख’ना सुरि। हान्थुल’ एसे बारग ‘नाय, फाथं, गेजेर गेजेर गब्लं। साखानायाबो आगरनि दानाय । बिजिजों सुथेनानै गेजेर गेजेर खावनै थुब्ला जानायखौ लाखिसाबदों। थेवबो रुगुनि गिजि उवां थानायखौ नुसारो। नायब्लानो रागा जोंरोङै मानसियाबो सानफ्लांगोन, सोर अगेन, बिमारि नायसनरोङि फिसानि बिमा जाखो बिलाय होननानै। बुरैया रोनावनिथिंजाय जों नायहाबनानै बुंलाङो।
” फिसा रोनाव, नोंखौ लोगो मोनबाय हामबाय। थांनाय समाव फंनैसो बुंलांनोसै आं। दिनै नोंखौ रोनाव फाग्ला होननानै बयबो सै सै खालामदों। सानसे समाव नोंखौ बयबो अनसायगोन। बर’ हारिया दा लामा आनदायनानै दं। गाज्रि हुदायाव गफबनानै थानाय बर’ हारिया मोजां गाज्रि बिजिरनानै नायनो गोहो जाथ ‘आखै। थेबगां थिफुदला गोसोनि फाखनावनो गिदिं गासिनो दं। बे फाखननिफ्राय बारग’नो हाब्लासो फिद फिद गोसोखांगोन सिंगांनि गोरोन्थिफोरखौ ।
आं बर’ बिमा । बुरैया दानदिसे थाद ‘नानै बुंबावदोंमोन, नोंसोर जायखौ माइनाव होननानै बुङो आंखौ नायब्लानो मिथिगोन बर’ फिसाफोरा आंखौ बोरै सिबिदों। बिमा बिफा सिनायनो रोङि, सिबिनो रोङि फिसाफोरनि गेजेराव थानो नांलिया होननानै बाथौ बोराइयाबो आंखो लेंहरबाय हाजो खर ‘आव।
हांमा गोलाउ सुरनानै बुरैया बुंबावो फिसा गारनानै थांनाय आंनि बे खौरांखौ नों बयनिबो सिगाङाव बुंब्लाबो रावबो फोथायनाय नङा। रोनाव फाग्लानि आवनायनायसो होनगोन। थेवब्लाबो नों खिन्थानांगोन। आ नोंनो बोर सारस्रिलाङो । गाज्रि लामायाव आगान सुरनो सम नाङा मोजांथिंजाय सम लायो। सानसे समाव नोंनि खाथियाव मानसिफोरा फैगोन स’ स’।
बुरैया गंस्रिनानै थाद’ हाबो आरो लासैनो बाथ्राखौ जुरिफिनो बर’ फिसाफोरा हारिखौ फोसाबनोब्ला, जेरैबो गोख्रों गोरा देरहासाद खालामनोब्ला गाव गावखौनो रोंसिन साननाय अहंखौ गारनांगोन।। दावगालांनांगौनि लामायाव अहं साननाय आखला जोबोर गिदिर हेंथा।
गावखौनो गाव सिनायनो रोङा जायो। जाय गावखौ सिनायरोङा मालायखौबो सिनायनो हाया। बर’ हारिनियाव दा बेखायनो गुलाय गुजाय, जालाखाद बिलाखाद गावनिख्रुइ रोंसिन रासिन गुरु थाखोनि मानसिखौ सिनायनो रोंङा जानानै दं। रावनिबो बाधाया रावनिबो खोमायाव हाबा। रावजों फावजों गोरोबा फिसाया बिमा बिफानि बोसोन लाया। बिमा बिफाया सोरबा रोंसिन रासिनखौ मानिया। गावजों गाव थाव थेलेफा थगाय थसि।
रोनाव फाग्लाया नुनाय बेफोर सिमांनि गेजेरजों बर’ हारिनि दानि थासारिखौनो फोरमायनो नाजानाय नुनो मोनो। थारैनो बर’ हारिनि गेजेराव उन्दैया गेदेरखौ मानिनाय, गेदेरा उन्दैखौ अननाय, बायदि आसार आखुवा गलिया। गावजों गाव अहं साननाय, बुजिलायि गोरोबलायियासो आबुं जानानै दं। बेनिखायनो हारिया दासिमबो जौगानायनि लामाखौ सिनायनो रोंङाखै। सोरबा गोरोङा बुङोब्ला बेखौ गोथौवै सानना बिजिरना नायना जिउआव वाहायनो रोङै आखुवा बर’ हारिनि गेजेराव बुंफबनानै दं । होमब्लाबो साफा सानै जा गोरों आरो मिथिनाय दं बिसोरनो हारिनि थाखाय जुजिनांगोन। मानोना सैथोआ लासैब्लाबो नुजासारो, मोजाङै जानो थाखाय गोबाव सम लायो होमब्लाबो थारखौ मानसिफोरा लासैयैब्लाबो संनो हायो होननानै मोजां साननो हनो गोरों मानसिखौ हारिनि गेजेराव गियाननि लामाखौ दिन्थिलांनो थुलुंगा होनाय बाथ्राखौ नुनो मोनो। रोनावनि सिमांजों बेफोर बाथ्राफोरखौनो बेरखांनाय नुनो मोनो।
