नोंथांमोनखौ जोंनि Bodo Tutor वेबसाइटआव बरायबाय। दिनै, जों नोंथांमोननो मिसनारि मुगानि बर’ थुनलाइ (1884-1919) नि सोमोन्दै सुंद’यै फोरमायगोन। आसा खालामो नोथांमोना जोंनि बे आरटिकलनि गेजेरजों एसेब्लाबो गियान आरजिनो हागोन। मिसनारि मुगानि बर’ थुनलाइनि सोमोनदै बिजिरनायाव माबाफोर गेना गिरोन्थि जादोंब्ला नोथांमोना गाहायाव होनाय कमेन्ट सेकसनाव लिरना फोरमायहरनो हागोन।
मिसनारि मुगानि बर’ थुनलाइ (1884-1919)
कासारनि जोबथा राजानि मुंआ राजा इरागदाउ।बिथाङा इं 1882 मायथाइयाव सुथुरजों सुथार जादोंमोन। राजा इरागदाउआ असे फिसा गैयामोन। बेनिखायनो इंराजफोरा Doctrine of Lapse नि हेफाजाबै बिथांनि रायजोखौ आखायाव लानायसै। लोगो लोगोनो बर’ रायजोआ इंराज साहेबफोरनि कम्पानिनि रायजो खुंनायाव थाङो।
बिगुर गोजाफोरा बर’फोरनि सायाव रांखान्थिआरि महरैल’ नंङा ,धोरोमारि ,समाजारि ,हारिमुवारि बाइदि बिथिंङाव सोबख’नो हमो।बर’फोरा बिग्रायदोंमोनब्लाबो नाथाय इंराजनि गोरा आखाइनि दबथायनायाव थनथ’नानै थानांङो। बिसोरो हारि फोसाबनायनि मुंआव दोहोरोम फोसावग्रा थावनि बेखेवनानै गोबां ख्रिस्टान दोहोरोम फोसाबग्राफोरखौ लिंहरो आरो ख्रिस्टान खालामनो नाजायो। बिब्दिनो आसामाव ख्रिस्टान मिस’नारिफोरा सफैयो।
आसामाव फैनानै मिसनारि साहाबफोरा बर’ राव आरो रावखान्थिनि सोमोन्दै बर’ गामि गफाफोराव हाबनानै बर’ राव आरो हारिमुनि सोमोन्दै सुलाद लानो हमो।सिडनि एण्डेला लिरना दिहुननाय An Outline Grammar of Kachari (Bodo) Language खौनो बर’ रावनि बागै लिरनाय गिबि बिजाब होनना बुंनाय जायो। बेनि उनावबो एण्डेल साहाबा A Short Grammar of Mech or Boro Language मुंनि गांसे बिजाब लिरना दिहुनबावो। जे.डि. एण्डारसनाबो बर’नि खुगा थुनलाइफोरखौ बुथुमै बुथुमै 1895 मायथाइयाव A Collection of Kachari Folktales and Rhymes बिजाबखौ दिहुनो। इं 1911 मायथाइयाव Rev. Sidney Endle आ The Kacharis मुंनि बिजाब दिहुनबावदोंमोन। The Kacharis आव बर’ हारिनि जारिमिन ,राव आरो हारिमुनि बाथ्राखौ मिथिना मोननाय जायो।
ख्रिस्टान मिस’नारिफोरनि गाहाय थांखिया जादोंमोन बर’फोरनि गेजेराव ख्रिस्टान धोरोम फोसावनाय आरो बिसोरखौ बे धोरोमखौ आजावहोनाय। बे थांखियैनो बिसोर बर’ गामि एलेकाफोराव गावसोरनि मावखुलि गायसनदोंमोन आरो फरायसालिबो लुनानै होदोंमोन।
बे सल’फोरखौ र’मान हांखोजों बर’आव लिरदोंमोन आरो इंराजियावबो लिरदोंमोन। सल’फोरजों माखासे गोरोबनाय Rhymes बो सरजाबनाय जादों।नाथाय Rhymes नि Text खौ बिनि बिजाबाव मोननाय जायाखै। बेफोर मा रोखोमनि Rhymes मोन मिथिनो हायाखै। जानो हागौ मेथाय एबा खन्थायनि गोरोबनाय खबाम।
बे बिजाबाव गाहायाव होनाय सल’फोरा दंमोन-
- दैमा-दैसानि खौरां
- सासे अलसिया गथ’नि खौरां
- बामुन आरो बिनि साकरनि खौरां
- रावना रावनिनि खौरां
- आब्रानि खौरां
- मोख्रा आरो सेसानि खौरां
- बोराय बुरैनि खौरां
- सा स्नि आब्रानि खौरां
- एम्बु बंग्लानि खौरां
- बिदा बिनानावनि
- सासे आब्रा बोराइनि खौरां
- खाना- खुजानि खौरां
- खुसुं आरो मोख्रानि खौरां
- सासे बोराइनि खौरां
- मै आरो दावखा दनदिनि खौरां
- गथ’ मामरानि खौरां
- सासे फालांगि गथ’नि खौरां
इंराजि रावजों बर’नि सोमोन्दै लिरनाय गोबां बिजाब नुनो मोनो। बेफोरनि गेजेराव –
- Rev. L.O. Skrefsrud नि Mech or Boro Language Grammar together with small vocabulary ,1889.
- W.M. Dundas नि Grammar and Dictionary of the Kachari Langauge.
- Rev.A. Kristianser नि Boro Text Books.
- G.A. Grierson साहाबनि Linguistic survey of India (Vol-III ,Part -2).
- Gurdon साहाबनि Journal of the Asiatic Society of Bengal (Vol-73,Pt-1,1904).
- Rev.A. Kristianer नि बर’ रावनि Forai Jennai Bijab आरो बर’नि साननाय बिजाब।
- Playfair नि The Graos (1909).
- E.A. Gait साहाबनि Census of India (1892)आरो A History of Assam (1963).
- Robinson नि Journal of the Asiatic Society of Bengal (Vol.18,1847)
- Shafer नि Journal of the Bihar Research Society (Vol -IXI ,pt.3,1953).
- Holvorsud नि Boro Grammar (1959)
- Wolfenden नि Journal of the Royal Asiatic Society.
मिसनारि मुगानि बर’ थुनलाइनि सोंनाय फिननाय (1884-1919)
1)मिसनारि मुगाया –
क)1884 निफ्राय 1919
ख)1920 निफ्राय 1951
ग)1920 निफ्राय 1937
घ) गोजौनि मोनसेबो नंङा
फिननाय: क
2)A collection of Kachari Folk Tales and Rhymes बिजाबा ओंखारदों-
क)1892 मायथाइयाव
ख)1890 मायथाइयाव
ग)1895 मायथाइयाव
घ) गोजौनि मोनसेबो नंङा
फिननाय:ख
3)A short Grammar of Mech or Boro Language (1884) मुंनि बिजाबखौ लिरदोंमोन –
क)मेजर जन बाटलार
ख)रेभारेण्ड सिडनि एण्डेल
ग)जन पिटारा वाद
घ) गौजौनि मोनसेबो नंङा
फिननाय:ख
4)A short Grammar of Mech or Boro Language बिजाबखौ लिरना दिहुनदोंमोन –
क)1880 मायथाइयाव
ख)1884 मायथाइयाव
ग)1890 मायथाइयाव
घ) 1891 मायथाइयाव
फिननाय: ख
5)A collection of Kachari Folktales and Rhymes बिजाबखौ सुजुनानै दिहुनदोंमोन –
क)रेभारेण्ड सिडनि एण्डेला
ख)बि.एन.ह’डसन
ग)जे.डि. एण्डारसन
घ)गौजौनि मोनसेबो नंङा
फिननाय: ग
6)A collection of Kachari Folktales and Rhymes बिजाबखौ दिहुननाय जादोंमोन –
क)1890 मायथाइयाव
ख)1884 मायथाइयाव
ग) 1895 मायथाइयाव
घ)1896 मायथाइयाव
फिननाय: ग
7)Census of India (Vol-I) खौ दिहुनदोंमोन –
क)रेभारेण्ड सिडनि एण्डेल
ख)जे.डि. एण्डारसन
ग) जि.ए. गेयारसन
घ) इ.ए. गेइट
फिननाय:घ
8)बेसेबां मायथाइयाव Census of India (Vol. I)खौ साफायना दिहुनदोंमोन?
क)1890 मायथाइयाव
ख)1894 मायथाइयाव
ग) 1892 मायथाइयाव
घ)1898 मायथाइयाव
फिननाय:ख
9)The Kacharis बिजाबखौ सोर लिरदोंमोन?
क)B.N. Hodson
ख)Rev. Sidney Endle
ग)J.D. Anderson
घ)गौजौनि मोनसेबो नंङा
फिननाय:ख
10)The Kacharis बिजाबखौ बेसेबां मायथाइयाव साफायना दिहुननाय जादोंमोन?
क) 1910 मायथाइयाव
ख)1912 मायथाइयाव
ग) 1911 मायथाइयाव
घ)1915 मायथाइयाव
फिननाय: ग
11)The Kacharis बिजाबखौ लिरनायाव आरो साफायनानै दिहुननायाव Rev. Sidney Endle खौ सोर हेफाजाब होदोंमोन?
क) B.N. Hodson
ख)J.D. Anderson
ग)G.A.Gierson
घ)गौजौनि मोनसेबो नंङा
फिननाय:ख