Unit II Chapter 1: Advance Bodo Class 12 Solutions| Bodo Medium| आंनि दाबुं आफा Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ” आंनि दाबुं आफा in Chapter 1 of Class 12 Advance Bodo.
To assist students in mastering the Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit II Chapter 1: Advance Bodo Class 12 Solutions| Bodo Medium|आंनि दाबुं आफा
सोंनाय-फिननाय
गाहायनि सोंथिफोरखौ फंसे सोदोब एबा बाथ्राजों हो (गासैनिबो नम्बरा 1)
1) ” आंनि दाबुं आफा” खन्थाइनि खन्थाइगिरिया बे संसाराव माखौ मोनबायथाया होनना बुंदों? (2008)
फिनः दोहोनखौ मोनबायथाया होनना बुंदों।
2) ” आंनि दाबुं आफा” खन्थाइनि खन्थाइगिरिया सोर? (2013)
फिनः रुपनाथ ब्रह्म ।
3) “आंनि दाबुं आफा” खन्थाइया मा थाखोनि खन्थाइ ? (2015)
फिनः ‘“ आंनि दाबुं आफा” खन्थाइया बोसोन होनाय थाखोनि खन्थाइ।
4)” आंनि दाबुं आफाद” खन्थाइया मा सारिनि खन्थाइ? (2016)
फिनः ” आंनि दाबुं आफा” खन्थाइया बोसोन होनाय सारिनि खन्थाइ।
5) खन्थाइगिरिया आफा होननानै सोरखौ बुंदों?
फिनः खन्थाइगिरिया आफा होननानै जों दुलाराय सुबुं माहारिखौनो थांखिना बुंदों।
6) खन्थाइगिरिया दोहोनखौ लानानै मा खालामनो नाङा होनना बुंदों ?
फिनः खन्थाइगिरिया दोहोनखौ लानानै रावखौबो दुगा खालामनो नाङा होनना बुंदों ।
7) खन्थाइगिरिया मानसिनि जिउखौ माजों रुजुदों?
फिनः खन्थाइगिरिया मानसिनि जिउखौ थास’ बिलाइनि दैजों रुजुदों।
8) रुपनाथ ब्रह्मआ ‘खन्थाइ मेथाइ’ बिजाबखौ सोरजों लोगोनांनानै सुजुदोंमोन?
फिनः रुपनाथ ब्रह्मआ मदाराम ब्रह्मजों लोगोनांनानै ‘खन्थाइ मेथाइ’ बिजाबखौ सुजुना दिहुनदोंमोन।
9) खन्थाइगिरिया माखौ दिनैसो दं गाबोननो गैया होनना बुंदों?
फिनः खन्थाइगिरिया थाखा फैसाखौ दिनैसो दं गाबोननो गैया होनना बुंदों।
10) आंनि दाबुं आफा खन्थाइयाव खन्थाइगिरिनि मोनसे सोंलुवा
मा?
फिनः आंनि दाबुं आफा खन्थाइयाव खन्थाइगिरिनि सोंलुवा जादों माखौ लानानै मानसिया गावखौ सानो गिदिर ?
11) आंनि दाबुं आफा होननानै खन्थाइगिरिया सोरखौ थांखिदों?
फिनः आंनि दाबुं आफा होननानै खन्थाइगिरिया जों दुलाराय सुबुं माहारिखौनो थांखिदों।
12) आंनि दाबुं खन्थाइयाव खन्थाइगिरिया माखौ माया होननानै बुंदों?
फिन:आंनि दाबुं आफा खंन्थाइयाव खन्थाइगिरिया मानसिनि जिउखौनो माया होननानै बुंदों।
13) आंनि दाबुं आफा खन्थाइनि खन्थाइगिरिया दोहोनखौ लानानै मा जानाङा होनना बुंदों?
फिन: आंनि दाबुं आफा खन्थाइनि खन्थाइगिरिया दोहोनखौ लानानै दुगा दाजा होननानै बुंदों।
गाहायनि सोंनायफोरखौ फिननाय हो: (गासैनिबो नम्बरा 2 )
1. “आंनि दाबुं आफा” खन्थाइयाव दोहोनखौ लानानै मा खोथा बुंदों ? (2010)
फिनः ‘आंनि दा बुं आफा’ खन्थाइयाव खन्थाइगिरिया दोहोनखौ लानानै रावखौबो दुगा जानाङा होननानै फोरमायदों। मानोना दोहोन दौलद एवा रांखावरिखौ मानसिया मोनबाय थाया। मानसिनि दोहोन दौलद रांखावरिया दिनैनो दं गाबोननो गैया। बेखायनो दोहोनखौ लानानै दुगा दाजा होनना खन्थाइगिरिया फोरमायदों।
2) मानसिनि जिउखौ मानो थास’ बिलाइनि दैजों रुजुदों ? (2015)
फिनः मानसि माहारिनि जिउवा दानो दं दानो गैया । थास’ बिलाइयाव थानाय दैया जेरै इसे मावब्लानो गोलैयो बिदिनो मानसिनि जिउवाबो माब्ला मा समाव गोमोरलाडो बेखौ रावबो थियै बुंनो हाया। बेनि थाखायनो खन्थाइगिरिया मानसिनि जिउखौ थास’ बिलाइनि दैजों रुजुदों।
3)”हाबाब थास’ बिलाइ दै बादिस
दान दङ दान गैया “- बेयाव खन्थाइगिरिया थास’ बिलाइनि दै होनना माखौ मानि थाखाय फोरमायदों ? ( 2016, 2017)
फिन: हाबाब थास’ बिलाइनि दै बादिस।
दान दङ दान गैया”- बे खन्थाइ खोन्दोनि गेजेरजों खन्थाइगिरिया सुबुंनि जिउखौ थास’ बिलाइनि दैजों रुजुदों। थास’ बिलाइयाव थानाय . दैया जेरै इसे मावब्लानो गोलैयो बिदिनो मानसिनि जिउवाबो माब्ला मा समाव गोमोरलाङो बेखौ रावबो थियै बुंनो हाया । बेनि थाखायनो खन्थाइगिरिया’मानसिनि जिउखौ थास’ बिलाइनि दैजों रुजुदों।
4) आंनि दाबुं आफा’ खन्थाइयाव खन्थाइगिरिया ‘मैया’ सोदोबजों मा ओंथि फोरमायनो नागिरदों ?
“एबा”
‘मैया’ नि ओंथिया मा ?
फिनः मैयानि ओंथिया जादों माया । खन्थाइगिरिया मैया होननानै बे संसाराव सुबुं माहारिया मायानि दौलेंजों खाख़बजानाय होननानै फोरमायदों। संसाराव मायानि दौलेंजों सुबुं माहारिया खाख्रबजानाय। बेखायनो आंनि नोंनि साननाय एबा सोरखौबा अननाय, मोजां मोननाय, रागा जोंनायफोरा बेरखांदों।
5) ‘ आंनि दाबुं आफा’ खन्थाइयाव खन्थाइगिरिया ‘संसार’ होननानै मा ओंथि फोरमायनो नागिरदों?
फिनः ‘आंनि दा बुं आफा’ खन्थाइयाव खन्थाइगिरिया बे बुहुम बिखायाव सुबुं माहारिया बिसि-फिसा, बिदा-फंबाइ, गथ’-गथाइ लानानै जिउ खुंनायखौनो ‘संसार’ होननानै फोरमायदों।
6) बे संसाराव रावनिबो रावबो नङा होनना मा फोरमायदों?(2017)
फिनः बे संसाराव रावनिबो रावबो ना होननानै खन्थाइगिरिया बेखौनो फोरमायनो नागिरदोंदि बे संसाराव आंनि नोंनि होननाय जेबो गया। मानोना मानसिनि जिउवा साननैसोनिल’, बे साननैसोनि जिउखौ लानानै नोंनि आंनि फाराग खालामब्लाबो थैनायनि उनाव बेफोर जेबो सिन थाया। बेखायनो गोथौवै सानना नायोब्ला बे संसाराव रावबो रावनिबो ना होननानै खन्थाइगिरिया फोरमायदों।
7) संसारनि ओंथिया मा?
फिनः सुबुं माहारिया बिसि-फिसा, बिदा-फंबाइ, गथ’ – गथाइ लानानै बे बुहुमनि बिखायाव रायजो जायो एबा जिउ खुङो । सुबुंनि बिदि जिउ खुंनाय आरो रायजो जानायखौनो संसार होननानै फोरमायदों।
8) मैया सोदोबनि सोदोबथिया मा?
फिनः मैयानि सोदोबथिया जादों माया । संसाराव मायानि दौलेंजों सुबुं माहारिया खाखबजानाय । बेखायनो आंनि नोंनि साननाय एबा सोरखौबा अननाय, मोजां मोननाय रागा जोंनायफोरा बेरखाङो मैया सोदोबजों खन्थाइगिरिया बेखौनो फोरमायदों।
गाहायनि सोंथिफोरखौ गुवारै फिन हो: (गासैनिबो नम्बरा 4 )
1)’आंनि दाबुं आफा’ खन्थाइनि खन्थाइगिरिया ‘जिउखौ खालि माया’ होनना मानो बुंदों ? (2009, 2013)
“एबा”
‘आंनि दाबुं आफा’ खन्थाइयाव खन्थाइगिरिया सुबुं जिउनि सोमोन्दै मा फोरमायदों लिर। (2014)
फिनः ‘आंनि दा बुं आफा’ खन्थाइनि गेजेरजों खन्थाइगिरिया मानसिनि जिउवा मायाजों बुंफबनाय होननानै फोरमायदों। मानोना मानसिनि जिउनि गुमुरखौ रावबो बिजिरख ‘नो हाया। मानसिनि जिउवा अरायजोर नडा, मानसिनि जिउवा मा समाव मा महर लायो बेखौ रावबो थियै बुंनो हाया। बेनिखायनो खन्थाइगिरिया सुबुंनि जिउखौ थास’ बिलाइनि दैजों रुजुनानै खालि मायाल’ होनना फोरमायदों। थास’ बिलाइयाव जेरै दैया थाथिरा, इसे मावबोलानो गोग्लैलाडो, जों सुबुं माहारिनि जिउवाबो बिदिनो रावबो मिथिस्लाबा जासे माबेबा समाव स्रोद गोमोरलाडो बेनि गुमुरखौ रावबो फोरमायस ‘नो हाया। बेखौनो खन्थाइगिरिया खन्याइनि गेजेरजों एरैहाय फोरमायदों-
मानसिनि जिउया खालि माया-
आय ! खालि माया।
हाबाब ! थास’ बिलाइनि दै बादिसो
दानो दं दानो गैया।
नाथाय बिदि साननैसोनि जिउखौ लानानै मानोदि जों सुबुं माहारिया सोरखौबा गावनि सोरबाया मालायनि होनना सानो बेयो खन्थाइगिरिनि थाखाय मोनसे गिदिर सोंलु। साननैसोनि जिउखौ लानानैनो मानसिया बियो अनि बिसि, बियो आंनि फिसा होनना जेखौबो गावनि गावनि खालामो । धोन-दौलद रांखावरि थाखा फैसाखौ लानानै दुगा जायो। नाथाय बेफोरखौ थैना थांबोला लोगोआव लांफोनो हाया । ‘थैनायजों लोगोसे जोंनि आंगो असे होननाय जेबो सिन थाया। होमब्लाबो मानसिया माखौ लानानैदि गावखौ गिदिर सानो बेखौ बुजिस ‘नो हाया। बेफोरनि थाखायनो
खन्थाइगिरिया मानसिनि ‘जिउखौ खालि माया’ होनना फोरमायदों। बेबादिनो खन्थाइगिरिया सुबुं जिउखौ माया गोनां दानदिसेयारि होननानै ‘आंनि दा बुं आफा’ खन्थाइनि गेजेरजों फोरमायदों।
2) ‘आंनि दाबुं आफा’ खन्थाइयाव खन्थाइगिरिया’ आफा’ होननानै सोरखौ बुंदों आरो मानो बुंदों? (2010)
फिनः ‘आंनि दाबुं आफा’ खन्थाइयाव खन्थाइगिरिया ‘आफा’ होननानै दुलाराय सुबुं माहारिखौनो थांखिनानै बुंदों। मानोना दुलाराय बहुमनि सुबुं माहारियानो साननैसोनि जिउखौ लानानै बयखौबों गावनि गावनि साननायखौ दासिमबो गैया खालामनो हायाखै। रां-खावरि, धोन-दौलदखौ लानानै दुगा खालामनानै मानसिया दाबो सोरबाया गावनि सोरबाया मालायनि होनना सानो।बेखायनो खन्थाइगिरि प्रमद चन्द्र ब्रह्मआ सासे बिफाया जेरै गावनि फिसाफोरखौ आफा होननानै सोमोन्दो लानानै मिथिस’यि सानस’हायि बाथ्राफोरखौ बुजायनानै होयो, बेबादिनो जो दुलाराय बहुमनि सुबुंफोरखौ गावनि फिसाफोर बादि साननानै आफा सोमोन्दो लानानै जोंनि गोदोसोना थानाय गोसोखौ फोजाखांनो थाखाय खन्थाइनि गेजेरजों मोजां मोजां माखासे बोसोन होनो नाजादों आरो बुंदों-
आंनि दाबुं आफा
आंनि दाबुं आफा
बे संसाराव रावनि रावबो नङा।
खन्थाइगिरिनि बादियैब्ला जों सुबुनि जिउवा साननैसोनिल’। बेखायनो जो साननैसोनि जिउखौ लानानै सोरबाया गावनि सोरबाया मालायनि होनना साननाय थौले सानसिफोरखौ नागारनांगौ। मानोना थैबोला रावबो रावनिबो जानाने थाबाय थाया। रां-खावरि, धोन-दौलदफोरखौ मानसिया अरायनि थाखाय मोनबाय थाया, दिनैसो दं गावबोननो गोरिब, मानसिनि जिउवा मायाजों बुंफबनाय।
खन्थाइगिरिनि बादियैब्ला मानसिनि जिउनि गुमुरखौ रावबो फोरमायस’नो हाया।
बे गुवार संसारा मायाजों बुंफबनाय सोर मा समाव माब्ला मा जायो बेखौ रावबो थियै बुंनो हाया। थास’ बिलाइनि दैवादि दानो दं दानो गया। नाथाय बे मायाजों बुंफेबनाय, गुमुर मोनस’यि जिउखौ लानानै मानोदि मानसिया गावखौ लाना देरगायो खन्थाइगिरिनि थाखाय बेयो मोनसे गेदेर सोंलु। बेखायनो खन्थाइगिरिया बुंदों
मुनुस मैया मोनथिनानैबो
मानो मोनथिसवा!
मानो सानस ‘हाया ?
आय! माखौ लानानै मानसिया
गावखौ सानो गेदेर ?
बेफोरबादि थौले सानस्रिजों गोदोसोनानै थानाय जों सुबुं माहारिखौनो फोजाखांनो थाखाय खन्थाइगिरिया दुलारांय सुबुं माहारिनो मोजां मोजां बोसोन होनो थाखाय जों बयखौबो आफा होननानै बुंदों।
3) ‘आंनि दाबुं आफा’ खन्थाइयाव खन्थाइगिरिया मानो आंनि होननानै बुंनो बादा होदों लिर। (2012)
फिन: ‘आंनि दा बुं आफा’ खन्थाइयाव खन्थाइगिरिया आंनि होननानै बुंनो थाखाय बादा होदों। मानोना खन्थाइगिरिनि बादियैब्ला बे बुहुमाव रावबो सुबुङा रावनिबो नङा। जो जेसेबां सोरखौबा गावनि सोरबाया मालायनि सानबोलाबो गोथौवै साननो थाङोब्ला आंनि होननाय रावबो गैया। बिसि-फिसाफोरखौ बयबो गावनिल’ बादि खालामोब्लाबो गोथौवै सानना नायबोला रावबोदि रावनिबो अरायनि थाखाय नङा एबा अरायनि जानो हाया बे बाथ्राखौनो खन्थाइनि रावै खन्थाइगिरिया एरैहाय फोरमायदों
बिसि फिसाखौलाय मा सानदों ?
साननानै नाय सोरनि सोर जादों।
मानोना बेफोर गासैबो थांना थासानदिल’। थैना थांनायनि उनाव रावनिबो थाखाय गावनि होननाय जेबो थाया। खायसे सुबुंडा गावनि रां खावरि धोन दौलदफोरखौ लानानै दुगा जानो हागौ। नाथाय धोन-दौलद, थाखा फैसाया मानसिजों अराय थाबाय थाया, दिनैसो धोनि गाबोननो गोरिब । बेखायनो खन्याइगिरिया धोन दौलद रां खावरि थाखा फैसाफोरखौ लानानै रावबो दुगा दा जा होनना बुंदों।
मानसिनि जिउवा मायाजों बुंफबनाय । माब्ला मा समाव मा जायो रावबो बुंस ‘हाया। थास ‘बिलाइनि दैबादिसो दानो दं दानो गया। जिउनि इयुनखौ मा समाव मा जानानै थाडो बेनि माया गुमुरखौ बुंस ‘हाया। बेखौनो खन्थाइगिरिया थास’ बिलाइनि दैजों मानसिनि जिउखौ रुजुनानै एरैहाय फोरमायदों-
मानसिनि जिउया खालि माया-
आय ! खालि माया ।
हाबाब ! थास’ बिलाइनि दै बादिसो
दानो दं दानो गैया।
बेखायनो साननैसोनि जिउखौ लानानै जों सुबुं माहारिया सोरखौबा गावनि गावनि होनना साननायनि जेबो मुलाम्फा गैया। मानोना सोरखौबा गावनि सानबोलाबो एबा धोन-दौलदखौ लानानै गावखौ देदगा सानब्लाबो बेफोर गासैबो साननैसोनिल’। थैबोला बेफोरखौ गावनि होनना रावबो लांफानो हाया। थैनायनि उनाव आंनि होनना साननाया जेबो ओंथि गैयैसो जायो । बेफोरनि थाखायनो खन्थाइगिरिया दुलाराय सुबुं माहारिखौनो आंनि होननानै बुंनो बादा होदों।
4) “आय’ माखौ लानानै मानसिया सान गावखौ गिदिर”-बे खन्थाइ सिरिखौ माबे खन्थाइनिफ्राय लानाय जादों बेखेवना लिर। (2016)
“एबा”
‘आंनि दाबुं आफा’ खन्थाइयाव माखौ लानानै मानसिया सानो गावखौ गिदिर होनना खन्थाइगिरिया मा फोरमायदों ?
फिन: ‘आंनि दा बुं आफा’ खन्थाइयाव खन्थाइगिरिया दुलाराय सुबुं माहारिखौनो थांखिनानै ‘माखौ लानानै मानसिया सानो गावखौ गिदिर’ होनना सोंदावदों। मानोना, खन्थाइगिरिनि बादियैब्ला बे बुहुमाव रावबो सुबुडा रावनिबो नङा। जों जेसेबा सोरखौबा गावनि सोरबाया मालायनि सानबोलाबो गोथौवै सानना नायनो थाङोब्ला आंनि होननाय रावबो गया। बिसि-फिसाफोरखौ बयबो गावनि गावनि खालामोब्लाबो गोथौवै सानना नायबोला रावबो रावनिबो अरायनि थाखाय नङा। मानोना बेफोर गासैबो थांना थासानदिल’।थैना थांनायनि उनाव रावनिबो थाखाय गावनि होननाय जेबो थाया।
खायसे सुबुङा गावनि रां खावरि धोन दौलदफोरखौ लानानै दुगा जानो हागौ । नाथाय धोन-दौलद, थाखा- फैसाया मानसिजों अराय थाबाय थाया, दिनैसो धोनि गाबोननो गोरिब । बेखायनो खन्थाइगिरिया धोन दौलद रां-खावरि थाखा फैसाफोरखौ लानानै रावबो दुगा दा जा होनना खन्थाइनि गेजेरजों एरैहाय खावलायदों-
दोहोनखौ लानानै दा दु आफा-
नोंलाय दादु आफा
बे संसाराव दोहोनखौ मोनबाय थाया।
मानसिनि जिउवा मायाजों बुंफबनाय । माब्ला मा समाव मा जायो रावबो बुंस ‘हाया। थास’ बिलाइनि दैबादिसो दानो दं दानो गैया। जिउनि इयुनखौ मा समाव मा जानानै थाङो बेनि माया गुमुरखौ बुंस ‘हाया। बेखौनो खन्थाइगिरिया थास’ बिलाइनि दैजों मानसिनि जिउखौ रुजुनाने एरैहाय फोरमायदों-
मानसिनि जिउया खालि माया
आय ! खालि माया।
हाबाब ! थास’ बिलाइनि दै बादिसो
दानो दं दानो गैया।
बेखायनो साननैसोनि जिउखौ लानानै जों सुबुं माहारिया सोरखौबा गावनि गावनि होनना साननायनि जेबो मुलाम्फा गया। मानोना थैना थांनायनि उनाव रावबो रावजोंबो लोगोआव थांफाया आरो रावखौबो लांफानोबो हाया। सोरखौबा गावनि सानबोलाबो एबा धोन दौलदखौ लानानै गावखौ देदगा सानब्लाबो बेफोर गासैबो साननैसोनिल’, थांना थासानदिल’ । थैनायजों लोगोसे बेफोरखौ रावबो मोनलांफाया। होमब्लाबोदि जो सुबुं माहारिनि गेजेराव माखौ लानानै गावनि मालायनि खालामो आरो माखौ लानानै गावखौ गेदेर सानो बेफोरखौ खन्थाइगिरिया जेबो सानस ‘नो हाया। बेखायनो खन्थाइगिरिया दुलाराय सुबुं माहारिखौनो थांखिनानै एरैहाय सोंदावदों-
आय! माखौ लानानै मानसिया
गावखौ सानो गिदिर?
सोलु 4. बेखेवना लिर
(क) बिसि-फिसाखौलाय
सरनि सरजादों।
फिनः गोजौनि खन्थाइ खलबखौ रुपनाथ ब्रह्म लिरनाय “आंनि दाबुं आफा” खन्थाइनिफ्राय दैखांना होनाय जादों। बेवहाय खन्थाइगिरिया बिसि-फिसाखौबोदि मानसिया अराय मोननो थाङा बे बाथ्राखौ बुंनो थादों। थाखा- फैसा, धोन-दौलदफोरा जेरै अरायनि थाखाय नङा बिदिनो बिसि फिसायाबो अरायनि थाखाय नङा। बे बाथ्राया सैथोदि संसाराव थाब्ला मानसिया जुलि जायो, बिसि फिसा मोनो। नाथाय बिदि होननानै बिसि फिसानि थाखायल ‘दि मावनांगौ बेयो जानो हाया। बिसि-फिसाया दानदिसेनि थाखायल’सो । बिसि फिसाया सोरनि सोर जालांदों बेखौ मोजा सानना नायब्ला जो नुगोन । बे संसाराव रावबो अरायथा नङा, रावबो रावनिबो थाखाय नङा। आंनि नोंनि होनना दुगानाय बेफोर गासैबो नंखायसो।
(ख) मानसिनि जिउवा
………दान’ गैया।
फिनः गोजौनि खन्थाइ खलबखौ रुपनाथ ब्रह्म लिरनाय “आंनि दाबुं आफा” खन्थाइनिफ्राय दैखांना होनाय जादों। बे खन्थाइ सिरिजों खन्थाइगिरिया मानसिनि जिउवा मा बेखौ बुंफोरना होदों आरो बेयोदि द’से समनि थाखायल’ बे सैथो बाथ्राखौ फोरमायना होदों। मानसिनि जिउवा मोनसे माया। थास’ बिलाइनि दै बायदि मानसिनि जिउवा दानो दं दानो गैया। मानसिया गावनि जिउखौनो फोथायनो हाया। दानो गोमोरलांनो हागौ जेबोआनो गैया। खन्थाइगिरिया सुबुं जिउनि बे दुखु गोनां गुमुरखौ बे खन्थाइ सिरिनि गेजेरजों बेखेवना होनो नाजादों।
(ग) मुनुस मैया
गावखौ गेदेर।
फिनः गोजौनि खन्थाइ खलबखौ रुपनाथ ब्रह्म लिरनाय “आंनि दाबु आफा” खन्थाइनिफ्राय दैखांना होनाय जादों । खन्थाइगिरिया बे खन्थाइसिरिनि गेजेरजों बेखौनो बुंनो थांदोंदि मुनुस मैयाया संसाराव गासैबोदि अरायनि थाखाय आरो रावनिबो थाखाय नडा बे बाथ्राखौ मिथिनानैबो गावखौ जाम्बा बायदियै गेदेर सानना लायो।
सुबुंनि जिउवा जोरसार नङा। बिसि-फिसा, थाखा फैसा, धोन- दौलदखौबो मोनबाय थाया। संसारनि गासैबो दानदिसेनि थाखायल’ । बेफोर बाथ्राखौ मुनुस मैयाया मिथिनानैबो गावखौ दुगायो, आंनि-नोंनि होनना सानना लायो। थास’ बिलाइनि दै बायदि जिउखौ लानानै मानसिया मानो देरगानो सानो । थारैनो दुगानो गोनां जेबो गैथारा। खन्थाइगिरिया दुगानो मोना होननानै बानबुंथाय होदों।
Your feedback is always appreciated. Let me know about any mistakes in the comments below. 🖊️📚
Please give me