ASSEB/SEBA Class 10 Bodo MIL Chapter 2 आंनि गामि

ASSEB/SEBA Class 10 Bodo MIL Chapter 2 आंनि गामि– In this post, you will find the complete question and answer solutions for Class 10 Bodo Chapter 2 – आंनि गामि, prepared according to the latest SEBA/ASSEB syllabus. These notes include important short-answer questions and their solutions to help students understand the chapter easily and perform well in examinations.

The ASSEB/ SEBA Class 10 Bodo Chapter 2: आंनि गामि Question Answers are presented in a simple and organized manner, allowing students to quickly access the topics they need for study and revision. These notes serve as a valuable resource for exam preparation and academic success.

ASSEB/SEBA Class 10 Bodo MIL Chapter 2 आंनि गामि

फरा बिजाबनि सोंथि

सों 1. गाहायनि सोंथिफोरखौ फंसे एबा सारिसे बाथ्राजों फिन होः

(क) आंनि गामि खन्थाइनि लिरगिरिया सोर? 

फिन : बे खन्थाइनि लिरगिरिया कमल कुमार ब्रह्म।

(ख) खन्थाइगिरिया बबे समाव गाथोनाव जिरायदोंन?

फिन : खन्थाइगिरिया बेलासि समाव गाथोनाव जिरायदोंमोन।

(ग) खन्थाइगिरिया बुहुमखौ माब्ला नुजेनो।

फिन : जोनोमनि गिबि फुङाव खन्थाइगिरिया बहुमखौ नुजेनों।

(घ) रायनाय सोलिनाय अगेन मुं सुनाया सोरनि आंगो जाखो?

फिन : रायनाय सोलिनाय अगेन मुंसुनाया सुबुंनि आंगो जाबाय।

(ङ) खन्थाइगिरिया सोरबादिखौ आंथिं सिङाव दोननो खावलायदों? 

फिन : इनाय हाबा मावग्राफोरखौ आथिं सिङाव गादबना दोननो खन्थाइगिरिया खावलायदों।

सों 2. गाहायनि सोंथिफोरखौ थामजिसो सोदोबनि गेजेराव फिननाय हो:

(क) खन्थाइगिरिनि गामियाव उन्दै समाव माबोरै रंजायोमोन?

फिन : उन्दै समाव खन्थाइगिरिया लोगो लेवाफोरजों रंजा-बाजा गेलेदोंमोन, हालो दैलो सम हगारहरदोंमोन। लोगोफोरजों बिफां साया दाथ ‘खा जिरायदोंमोन, दुब्लिबारिफोराव उदाङै बेरायथिंदोंमोन। हाबा-खेराय समाव, दमासि बैसागुफोराव रंजा-बाजानायजों बोदोर जादोंमोन। मोनसा मोनसि गैलायाबालानो अनलायोमोन, फोथायलायोमोन, देरसिननि मानियोमोन, बिमा-बिफानि बोसोना मानिजायोमोन।

(ख) बिफां साया लामा दथखाफोराव गोदोनि सुबुङा मा खालामोमोन?

फिन : गोदोनि सुबुङा बिफां साया लामा दथखाफोराव जिरायोमोन। उन्दैफोरा गेलेलायोमोन, सेंग्रा-सिख्लाफोरा ज’ ज’ जालायनानै गोसो होसारलायनानै मेल हमलायोमोन, बोराइ-बुरैफोरा उन्दैफोरनो सल ‘बाथा खिन्थायोमोन, आखाइनि हेबनाय आरिनाय गोरोंफोरा सान्दुगोसायाव बिफांनि साया सिङाव ज’नानै सानद्रि-संग्राय बायदि हे बोमोन। बिब्दिनो मोनसा मोनसि मोनलायनाय गैयामोन गोदोनि मानसिफोरनि गोसोआव। बेफोरनो गोगोनि सुबुंफोरनि खौसेथिनि नेरसोनमोन।

(ग) बैसागु, हाबा खेरायाव गोदोनि रंजानाया माबोरैमोन?

फिन : गोदोनि मानसिफोरा बैसागु, हाबा खेरायफोराव बोदोर जायोमोन। गोसो होसार होसार रंजायोमोन। बैसागु बोथोराव गथ’ -गथाइ, सेंग्रा-सिख्ला, बोराइ-बुरै हान्जा-हान्जा रंजायोमोन, मोसायोमोन। हाबा-खेरायाव रोंगो-थामसा खालामनायमोन।

(घ) दिनैनि सुबुङा माखौ सिनायो? 

फिन : दिनैनि सुबुङा रांखौल’ सिनायो, दौलदखौल’ नागिरो। बेफोर जिरादानो जादों दिनैनि सुबुंनि गिबि नागिरजानाय मुवा आरो जिउनि थांखि जाना फैबाय। जायनि थाखाय मुलुगाव एना-एनि, रायखोमानाय, मुगैलायनाय, दानथार-सुथार निस्थुर खामानिफोरा सोलिनो हमदों। लोगोखौ सिनायरोंला गेदेर मानिला, गसाइखौ मानिला। खालि रां-रुफा, धोन-दौलदनि गलाम आथिखालनि सुबुं माहारिया। 

सों 3. गाहायनि सोंथिफोरखौ बाजिसो सोदोबनि गेजेराव फिन हो।

(क) खन्थाइगिरिया गामिनि दैमा जिङाव जिरायनानै दिनै गोसोआव मा मोनदों?

फिन : खन्थाइगिरिया बेलारोम समाव नांगोन भाङाजिंनि गाथोनाव ज’माय समाव बिनि गोसो सानस्रियाव जाखांफैदों उन्दै समनि सुख-दुखुनि रंजानाय मिनिनायनि बायदि गोथां सावगारि। खन्थाइगिरिनि जोनोम गामि भबानि पुरिया गाव उन्दै ‘समाव बेसेबा समायनामोन। सोमखोर हायनारि मिथिंगाजों जेरैबो समायफ्लेनाय बे गामियाव खन्याइगिरिया गावनि समरा-समरि बैसोनि लोगोफोरजों बेसेदि रंजा-बाजा मिनिबालायै हालो-दैलो सम थांहोदोंमोन बैफोर जाथाइया बिनि गोसो फरदायाव स्रा स्रा जाखांफैदों। 

दुब्लि बारिफोराव उदां उदां गिदिंथिंनाय, बिफां-साया दथखाफोराव जिरायनाय, मागो बैसागोआव बोदोर गोसोयै मोसानाय, खन्नाय-दामनाय, हाबा-खेरायाव गोसो गुदुङै हाइला-हुइला मोसानानै रोंगी-थामसा खालामनाय बेफोर गासै रंजाथाव जाथाइफोरा खन्थाइगिरिनि गोसोआव गोमोर रोङै नेरसोन जानानै थालांबाय। दिनै नांगोल भाङाजिंनि गाथोनाव ज’नाय समाव हुरा हुरायै जाखांफैदों बैफोर उन्दै समनि गारबोनाय जाथाइफारिफोरा।

(ख) खन्थाइगिरिनि उन्दै समनि लोगोफोरा दिनै खन्थाइगिरिखौ मानो सिनायलिया?

फिन : खन्थाइगिरि उन्दै समनि लोगोफोरा दा दस्रा जालांजोबबाय। बिसोर दिनै गावखौ लानानै मुखुब।

रां-रुफा, धोन दौलद आर्जिनायाव बिसोर दिनै गावनि लोगोफोरखौल’ नङा गावखौनो बावगोमा लांबाय। खन्थाइगिरिखौ नुब्ला बिसोर दा एरा एरा खालामो। आलासि दुमसि फैयोब्ला बिसोर सैया सैया खालामो। बिसोर रायनाय, मुं सुनाय, मुगैनाय बायदि खैसारि आखुफोरखौ सोलोंबाय जाय आखुफोरा गोदो नाथाय उन्दै समाव एसेबो बिसोरनियाव रेजेदाखैमोन। बिसोर दिनै गोबां सोलोंथाइ मोनबायबलाबो सोदोमस्रिनि सोरां मोनदोंब्लाबो नाथाय बांसिनै गोसोआ गुसेबसिन जालांदों, सोलिसुला जालांदों।

(ग) आंनि गामि खन्थाइनि गुबै रावखौ नोंनि रावजों लिर। 

फिन : खन्थाइगिरिया मोनस बुब्लियाव हारसिङै जिरायनानै गोसोखांदों सिगांनि मावबोनाय, नुबोनाय बाथ्राफोरखौ। उन्दै समाव मा सानोमोन, मा मावोमोन, माबोरै मोनसा मोनसि गैयालाबानो अनलायोमोन, फोथायलायोमोन, देरसिननि बोसोन मानियोमोन, बिमा-बिफानि बेसेना आबुङैमानिजायोमोन खौसेयै रायजो जायोमोन। नाथाय आथिखालाव खन्थाइगिरिया बेफोरनि उलथाखौसो नुनो मोनदों सानफा एफा। बेखायनो बेबादि इनाय हाबा मावग्राफोरखौ आथिं सिङाव गादबना दोननो खावलायदों खन्थाइगिरिया। लोगोसे उन्दै समाव मोनबोनाय बिमा-बिफा बुंनाय बेसेन गोसा आंगो गोसोनि रावानो इयुननि सुबुंखौ मोजां लामाजों दैदेननो हानाय गुबै सोलोंथाइ महरै सिनायथि जाथों। बेखौनो खन्थाइगिरिया मिजिंथिदों।

सों 4. गुदि खोथाजों सोमोन्दो लाखिनानै बेखेवना लिर। 

(क) दिनैनि बे बेलासिनि नांगोल भाङा जिंनि 

गाथोनाव जनाय समाव

उन्दै समनि आंनि दुखुनि मिनिनायनि

अराय खौराङा बेसे

जाखाङो सानस्रि गोसोआव।

(ख) गोसोआव फैजोबो          

 दंनायमानि जेबो

मा मावा उन्दै गोसोजों

गोदोनि गासिबो दङ             

माबा नाथाय गैया गया

मानोबा सिरि-सिराय

मानो आय मिनिनाय गैया।

(ग) रायनाय सोलिनाय               

अगेन मुं सुनाय

सुबुंनि आंगो जाबाय,

एना एनि जाजोबबाय           

रांखौल’ मोनथिबाय

सिनायनो अनज्लायनो

दौलदाल गुबै जाबाय।

(घ) सोदोमस्रि मुखा लाबाय         

सोलोंथाय मोननानै

जादोंबोला जों बिबादिखौ

बे बादि रोनायखौ सोलि सुला जानायखौ

थाहो आथिं सिङाव

नाङा नाङा बे रोंनायखौ।

(ङ) बेयावहानो थारै दङ          

आंगो गोसोनि राव

बे रावानो जाथों

मानसिनि गुबै सोलोंथाइ।

फिन : (क) दिनैनि बे बेलासिनि……… सानस्रि गोसोयाव।

गोजौनि खन्थाइ सिरिखौ कमल कुमार ब्रह्म लिरनाय ‘आंनि गामि’ खन्थाइनिफ्राय दैखांना लानाय जादों। बे खन्थाइ सिरिनि गेजेरजों खन्थाइगिरिया गाथोनाव ज’ नाय समाव गावनि गोसोआव जाखांफैनाय उन्दै समनि रंजाथाव बुब्लिफोरखौ जोंनो फोरमायदों।

सानसे बेलारोम समाव खन्थाइगिरिया नांगोल भाङा जिंनि गाथोनाव जनाय समाव उन्दै समनि बाथ्राफोरा बिनि गोसोखौ गारबोनाय बुब्लिसिम थांफिनहोयो। उन्दै समाव गावनि लोगोफोरजों खन्थाइगिरिया सुख-दुखुयै बोथोर बारहोदोंमोन। लोगोफोरजों दुब्लि बारिफोराव बेरायग्लांदोंमोन, लामा दथाखाफोराव जिरायलायदोंमोन, मागो दमासियाव रंजादोंमोन, हाबा-खेराय, बैसागुवाव मोसादोंमोन, मेथाइ खनदोंमोन। बिसोरनि गेजेराव इसेबो मोनसा-मोनसि मोनलायनाय, मुगैलायनाय गैयामोन। खौसेयै अनग्लायनानै हालो-दैलो समफोरखौ हगारहरदोंमोन खोन्दो खोन्दो। बेफोर गोदोनि उन्दै बैसोनि रंजाथाव थुलुंगाथाव सावगारिफोरा खन्थाइगिरिनि गोसोआव रोखा रोखा रिफिफैदोंमोन फारि फारि।

फिन : (ख) गोसोआव फैजेनो…………मिनिनाय गया।

गोजौनि खन्थाइ खलबखौ कमल कुमार ब्रह्म लिरनाय ‘आंनि गामि’ खन्थाइनिफ्राय दैखांना लानाय जादों। बेवहाय खन्थाइगिरिया उन्दै समनि बाथ्राफोरखौ गोसोआव गोग्लैजोबदोंब्लाबो नाथाय आथिखालावदि बियो माबा मोनसे गैया गैया मोनदों बेखौ बुंफ्रोददों।

उन्दै समाव खन्थाइगिरिया गावनि लोगोफोरजों मिथिंगानि गेजेराव गेलेदोंमोन, मागो-बैसागो, हाबा खेरायाव ज’ ज’ मिनिबाला बाला रंजादोंमोन, मोसादोंमोन। बेफोरनि गोसोखांथिया बिनि गोसो आयनायाव दाबो नुजाफैयो। नाथाय आथिखाल समसिम फैफिनब्ला बियो माबा मोनसे गैया गैया मोनदाङो। गोदोनि गोगोम रंजानाय-बाजानाया दिनै सिरि-सिराय, सोम सोम हास्रि-हास्रि। गोदोनि गोसो होसार होसार मिनिग्लाबनाय, रोंगो-थामसा खालामनाया दा नाथाय बहाबा जायखारलांजीबबाय। रावनिबो मोखाङाव मिनिनाय बेरखांला। खन्थाइगिरिया गोदोनि बै समजों आथिखालनि समजों रुजुना नायनानै दुखु मोन्दों। 

फिन : (ग) रायनाय सोलिनाय………दौलदाल गुबै जाबाय।

गोजौनि खन्थाइसिरिखौ कमल कुमार ब्रह्म लिरनाय’ आंनि गामि’ खन्थाइनिफ्राय देखांना लानाय जादों। बे खन्थाइनि गेजेरजों खन्थाइगिरिया गावनि लोगोफोरनि गोदोनि आरो आथिखालनि आखुनि बिथिङाव द्लाम सोलायनाय नुनाय बाथ्राखौ जोंनो मिथिहोदों।

गोदो उन्दै समाव खन्थाइगिरिनि लोगोफोरनि गेजेराव आंगो सानलायनाय, रंजालायनाय, खौसेयै रुजु रुमु थालायनाय दंमोन। नाथाय देरनानै बिसोरनि आखला दस्रा जालांबाय। बिसोर दा रायखोमानो, मुं सुनो मुगैनो सोलोंबाय। रां-रुफा धोन-दौलदखौल’ सिनाय हानाय जाबाय। दिनै बिसोर रां, धोन सम्फदनि उन उन खारथिंदों जावलिया बायदि। मोनब्लाबो नाथाय गोजोनाखै आरोबाव नांबावगौसो नांबावगौ। गावनि आंगोफोरजों रंजानो बाजानो, गोसोनि खोथा फोरमायलायनो बिसोरहा सोलाबा जाबाय। एखनबा आंगोखौनो सोलिनानै फानजारियाव खोख्लैनो बिसोर उसु-खुथु खालामा जाबाय। 

फिन : (घ) सोदोमस्रि मुखा लाबाय………नाङा नाङा बे रोंनायखौ।

गोजौनि खन्याइसिरिखौ कमल कुमार ब्रह्म लिरनाय’ आंनि गामि’ खन्याइनिफ्राय दैखांना लानाय जादों। दिनैनि सुबुंफोरादि सोदोमस्रिनि मोनदोंब्लाबो, गोरोंगोरा जादोंब्लाबो सोलिग्रा थगाय थसि खालामग्रा जाबाय खन्थाइगिरिया बेखौनो दुखुयै फोरमायदों आरो बेबादि रोंनायखौ नाङा होननानै बुंदों।

खन्थाइगिरिनि उन्दै समनि लोगोफोरा दा देरबाय लावबाय लेखागोरों जाबाय, सोदोमस्रिनि सोरां मोनबाय। नाथाय बेनि उलथायै बिसोरनि आखलाव गुन खुरनो हमबाय। दिनै बिसोर लोगोखौ सिनायरोङै जाबाय। गेदेरखौ मानिनाय, बिमा बिफाखौ मानिनाय, गसाइखौ फोथायनाय बेफोर सुबुङारि आखुफोरा सानफा एफा खमायलांबाय। आंगोखौ थगायनाय सोलिनाय, मुं सुनाय, बायदि गाज्रि आखुफोरखौ बिसोर सोलोंबाय। धोन दौलद, थाखा-फैसायासो बिसोरनि गुबै थांखि जाना फैबाय। नाथाय बेफोरबादि गाज्रि रोंनायफोरा खैफोदाव खोख्लैगोन, जिउवा सिलिंखार जालांगोन, गासैबो जोबनायाव जोबस्रांजोबगोन। बिब्दि रोंनायखौ नाङा होननानै बेनिखायनो खन्थाइगिरिया बुंदों। आरो बे बादि इनाय हाबा मावग्राफोरखौ आथिं सिङाव गादबना दोननो खन्थाइगिरिया बयखौबो खावलायदों। 

फिन : (ङ) बेयावहानो थारै दं…….. .. गुबै सोलोंथाइ।

गोजौनि खन्थाइसिरिखौ कमल कुमार ब्रह्म लिनाय ‘आंनि गामि’ खन्थाइनिफ्राय दैखांना लानाय जादों। उन्दै समाव मोनबोनाय बिमा-बिफा बुंनाय बेसेन गोसा आंगो गोसोनि रावानो इयुननि सुबुंखौ मोजां लामाजों दैदेननो हानाय गुबै सोलोंथाइ जाथों होनना मिजिंथिदों।

आथिखालाव खन्थाइगिरिया नुनो मोनदों बै गोदो उन्दै समनि गासैबो उलथा। गोदो उन्दै समाव खन्थाइगिरिया गामियाव नुनो मोनदोंमोन गोजोन, अनज्लाय सानज्लाय खौसे रायजो जालायनाय। लोगोफोरजों बियो गोसो होसार होसार गेलेदोंमोन, रंजादोंमोन, मोसादोंमोन, मुसुरदोंमोन। बै समाव दंमोन गेदेरखौ मानिनाय, बिमा-बिफाखौ मानिनाय, गसाइखौ मानिनाय। नाथाय दिनै बिनि लोगोफोरा बेफोर गासैखौबो हेव खालामनानै रां-रुफा, धोन दौलदखौल’ सिनाय रोंबाय। बिसोर सोदोमस्रि मोनदोंब्लाबो, लेखा गोरों जादब्लाबो नाथाय सोलिसुला जानो हमदों, गाज्रि हाबा मावग्रा जादों। बेफोर नाथाय मोजां सोलोंथाइ नङा। उन्दै समाव बिमा बिफाया बेसेन गोसा बोसोन होयो फिसानि मोजांनि थाखाय आरो बे रावानो इयुननि सुबुंखौ मोजां लामाजों दैदेननो हानाय गुबै सोलोंथाइ महरै सिनायथि जाथों बेखौनो खन्थाइगिरिया मिजिंथिदों।

उफेरा सोंथि

सों 1. खन्थाइगिरिया बबे गाथोनाव ज ‘ना दंमोन? 

फिन : खन्थाइगिरिया नांगोल भाङा जिंनि गाथोनाव ज ‘ना दंमोन।

सों 2. मानि सानस्रिया खन्थाइगिरिनि गोसोआव जाखांफैदोंमोन? 

फिन : खन्थाइगिरिनि उन्दै समनि दुखुनि मिनिनायनि सानस्रिया बिनि गोसोआव जाखांफैदोंमोन।

सों 3. खन्थाइगिरिया बबे गामिनि बाथ्रा मुंख‘दों?

फिन : खन्थाइगिरिया भबानिपुर गामिनि बाथ्रा मुख ‘दों।

सों 4. खन्थाइगिरिया माखौ मुलुगनि गोदै बिदै होन्ना बुंदों? 

फिन : खन्याइगिरिया अननायखौ मुलुगनि गोदै बिदै होनना बुंदों। 

सों 5. आथिखालनि मानसिया मायाव बोदोर जालिया होनना खन्थाइगिरिया बुंदों?

फिन : आथिखालनि मानसिया हाबा-खेराय, दमासि-बैसागुफोराव बोदोर जालिया होनना खन्थाइगिरिया बुंदों।

सों 6. मा मा आखुफोरा सुबुंनि आंगो जाखो होनना खन्थाइगिरिया बुंदों? 

फिन : रायनाय, सोलिनाय, अगेन मुं सुनाय बेफोर सुबुंनि आंगो जाबाय होनना खन्थाइगिरिया बुंदों।

सों 7. आथिखालाव मा मा मुवाफोर खन्थाइगिरिनि लोगोफोरनि आंगो जाखो?

फिन : आथिखालाव रां, दौलदफोराल’ खन्थाइगिरिनि लोगोफोरनि आंगो जाबाय।

सों 8. बबे रावाव गोदै दैमु दंमोन होनना खन्थाइगिरिया बुंदों? 

फिन : उन्दै समाव आइ-आफाया बुंनाय बेसेन गोसा बोसोनफोराव गोदै दैमु दंमोन होन्ना खन्याइगिरिया बुंदों।

सों 9. बबे रावखौ मानसिनि गुबै सोलोंथाइ जाथों होन्ना खन्थाइगिरिया बुंदों? 

फिन : उन्दै समाव मोनबोनाय बिमा-बिफा बुंनाय बेसेन गोसा आंगो गोसोनि रावानो गुबै सोलोंथाइ जाथों होनना खन्याइगिरिया बुंदों। 

सों 10. सोदोबथि लिर:

सानस्रि, सोलिनाय, भुम, सोदोमस्रि, मुं सुनाय, अगेन, हालो-दैलो।

फिन :

सानस्रि– गोथौवै साननाय।

सोलिनाय– थगायनाय।

भुम– बुहुम।

सोदोमस्रि– जौगानाय। 

मुं सुनाय– गाज्रि मुं लानाय।

अगेन– इनाय।

हालो-दैलो– रंजा खुसि।

सों 11. ‘गोनां रावखान्थि’ बिजाबखौ सोर लिरदोंमोन?

फिन : ‘गोनां रावखान्थि’ बिजाबखौ कमल कुमार ब्रह्मआ लिरदोंमोन।

सों 12. कमल कुमार ब्रह्मनि थुनफावथाइफोरा मा मा?

फिन : कमल कुमार ब्रह्म लिरनाय थुनफावथाइफोरा जाबाय –राजा इरागदाव गोदान फैसालि, मिमांनि सिमां।

सों 13. खन्थाइगिरिनि सिनायथि हो। 

फिन : बर’ थुनलाइ मुलुगाव कमल कुमार ब्रह्मआबो सासे सिगां सारिनि लिरगिरि आरो खन्थाइगिरि। 1929 मायथाइनि 2 आगष्टखालि धाबलिगुरी गामियाव बिथाङा जोनोम मोनदोंमोन। बिथांनि बिफाया जाबाय बर ‘फोरनि गेजेराव भारत सोरखारनि ‘ ‘पद्मश्री’ बान्था मोनगिरि मदारोम ब्रह्म। फरायनाय समखौ फोजोबखांनानै बिथाङा गिबियै ककराझार हायार सेकेण्डारी स्कुलनि फोगोंगिरि जानो। 

बेनिफ्राय 1968 मायुथाइयाव बेसिक ट्रेइनि सेन्टारनि फोरोंगिरि जानानै बिनिनो गोरायुं जायो आरो 1991 मायथाइयाव आजिरा मोनो। बर’ थुनलाइ मुलुगाव बिथांनि बिहोमाखौ बुंनानै बुंजोबहायि, फोरमायनानै फोरमायजोब हायि। बिथांनि थुनलाइयारि सोरजिफोर जाबाय—

(क) थुनफावथाइ : राजा इरागदाव, गोदान फैसालि, मिमांनि सिमां बायदि बायदि।

(ख) रावखान्थि : गोनां रावखान्थि। 

(ग) खन्थाइ : अमरनि मेथाइ (राव सोलायनाय) बिथाङा 2006 मायथाइयाव बे बहुमनिफ्राय आनज्रायलाङो। 

सों 14. खन्थाइनि गुबै रावखौ लिर। 

फिन : खन्थाइगिरिया मोनसे बुब्लियाव हारसिङै जिरायनानै गोसोखांदों सिगांनि मावबोनाय, नुबोनाय बाथ्राफोरखौ। उन्दै समाव मोनसा मोनसि गयाब्लानो अनलायोमोन, फोथायलायोमोन, देरसिन्नि बोसोन मानियोमोन, बिमा-बिफानि बोसोना आबुङै मानिजायोमोन, खौसेयै राइजो जायोमोन। नाथाय आथिखालाव खन्थाइगिरिया बेफोरनि उलथाखौसो नुनो मोनदों। बेखायनो बेबादि इनाय हाबा मावग्राफोरखौ आथिं सिङाव गादबना दोननो, खावलायदों खन्थाइगिरिया। लोगोसे उन्दै समाव मोनबोनाय बिमा बिफा बुंनाय बेसेनगोसा आंगो गोसोनि रावानो इयुननि सुबुंखौ मोजां लामाजों दैदेननो हानाय गुबै सोलोंथाइ महरै सिनायथि जाथों होनना खन्थाइगिरिया मिजिंथिदों।