Class 12 Geography Chapter 1|Bodo Medium|Human Geography Nature and Scope -सुबुं भुमखौरां आखु आरो खाबु: Bodo Tutor is your trusted partner for AHSEC Class 12 Bodo MIL solutions in the Bodo medium. In this article, we provide comprehensive solutions for Class 12 Geography Chapter 1|Bodo Medium|Human Geography Nature and Scope -सुबुं भुमखौरां आखु आरो खाबु designed to align perfectly with the latest AHSEC|ASSEB syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Geography Chapter 1|Bodo Medium|Human Geography Nature and Scope -सुबुं भुमखौरां आखु आरो खाबु Solutions, HS Class 12 Geography Question-Answers, or resources for Bodo Medium studies, this guide caters to all your needs.
Explore top-quality solutions for Class 12 Geography Chapter 1|Bodo Medium|Human Geography Nature and Scope -सुबुं भुमखौरां आखु आरो खाबु, expertly crafted to support your learning and preparation. Trust Bodo Tutor for the best ASSEB Class 12 Bodo MIL resources and make your exam preparation more effective!
Class 12 Geography Chapter 1|Bodo Medium|Human Geography Nature and Scope -सुबुं भुमखौरां आखु आरो खाबु
गाहायाव होनाय मोनब्रै फिननायफोरनिफ्राइ थार फिननायखौ सायख’:
i) गाहायाव होनाय बबे बिबुंथिया भुमखौरांखौ फोरमाया?
क) मोनसे खौसेथि आब्रुथि
ख) मानसि आरो आबहावानि गेजेराव थानाय
सोमोन्दोनि फरायसंनाय।
ग) व्दैतबादनि (dualism) सिङाव ।
घ) आरोंदायारि बिरोंदामिननि जौगानायनि थाखाय आथिखालनि समाव आरजाथाव नङा।
फिन : (घ) आरोंदायारि बिरोंदामिननि थाखाय आथिखालनि समाव आरजाथाव नङा।
ii)गाहायाव होनाय बबे मोनसे भुमखौराङारि फोरमायथिनि फुंखा नङा?
क) दावबायारिफोरनि फोरमानलाइ (accounts)।
ख) गोजाम मानसावगारिफोर ।
ग) अखाफोरनिफ्राय मोननाय अन्थाय मुवाफोरनि नमुनाफोर।
घ) गोदो गोदायनि सल ‘न्थायमाफोर।
फिन: (ग) अखाफोरनिफ्राय मोननाय अन्थाइ मुवाफोरनि नमुनाफोर।
(iii) सुबुंफोरनि आरो आबहावानि गेजेराव रायज्लायनायाव गाहायाव होनाय बबे मोनसेया बयनिख्रुइबो गोनांसिन जाहोन?
क) सुबुंनि सोलो
ख) बिरोंदामिन
ग) सुबुंफोरनि मोन्दांथि
घ) सुबुंनि बिदा-फंबाय जालायनाय
फिन: (क) सुबुंनि सोलो।
iv) सुबुं भुमखौराडाव गाहायाव होनाय बबे मोनसेया मोनसे नोजोरथि (Approach ) ना?
क) जायगायारि फारागथि
ख) अनजिमानि जांखिथाइ
ग) जायगायारि आफाद
घ) नायबिजिरनाय आरो बेखेवनाय
फिन: (क) जायगायारि फारागथि।
गाहायाव होनाय सोलुफोरनि फिननायखौ 30 सो सोदोबफोराव हो।
(i) सुबुं भुमखौरांखौ ओंथि बेखेव (define )
फिन: (i) सुबुं भुमखौरांनि ओंथि बुंफुरलुः
क) “सुबुं भुमखौराङा सुबुं समाज आरो बुहुमनि सा-बाहागोनि गेजेर सोमोन्दोनि सोरजिलु (बानायलु) फरायनाय।”-राटजेल।
ख) “सुबुं भुमखौराङा जिरायनाय गैयै सुबुं आरो दिदोमथि गैयै बुहुमनि गेजेराव सोलायनाय सोमोन्दोनि फरायसंनाय।’-इन सि सेम्पल।
ग) “जोंनि बुहुमखौ सामलायग्रा मिथिंगायारि आयेनफोर आरो बेयाव थानाय जिबफोरनि गेजेराव सोमोन्दोनि बांसिन सोरजिलु गियानजों जोनोम जानाय मोनसे फिथाइ ।”- पाउल भाइडेल डि-ला-ब्लेसि।
ii) सुबुं भुमखौरांनि खायसे लेङाइ आयदाफोरखौ मुं हो।
फिन : सुबुं भुमखौरांनि खायसे लेङाइ आयदाफोरा जादों-
(क) आखुआरि भुमखौरां
(ख) मोजां समाजारि भुमखौरां
(ग) आजिरोम भुमखौरां
(घ) हारिमुआरि भुमखौरां
(ङ) आथोनारि भुमखौरां
(च) जारिमिनारि भुमखौरां
(छ) सावस्रि भुमखौरां
(ज) बिसायख’थि भुमखौरां
(झ) सान्थ्रिआरि भुमखौरां
(ञ) फुंखाफोरनि भुमखौरां
(ट) आबादारि भुमखौरां
(ठ) दारिमिनारि भुमखौरां
(ढ) दावबायनायरि भुमखौरां
(ड) फालांगि भुमखौरां
(ण) हादोर गेजेरारि फालांगि भुमखौरां
iii) सुबुं भुमखौराङा गुबुन समाजारि बिगियानफोरजों माबोरै सोमोन्दो दङ ?
फिनः सुबुं भुमखौरांजों गुबुन गुबुन समाज बिगियाननि सोमोन्दोआ गाहायाव मख’नाय बादि-
(क) सुबुं भुमखौरांआ समाजारि खान्थिजों लोब्बा गोनां समाजारि जिउखुंनाय, सुबुं अनजिमा रानसारनाय, रोजाथि, सुबुं थाखुलिनि गोसारनाय, न’ बां लुनाय आरिनि गेजेरजों सोमोन्दो दं।
(ख) सुबुं भुमखौराङा रांखान्थियारि जाथाइ, जेरै-आबादनि खामानि, दारिमिनारि खामानि, बेफार-फालांगि, बुहुमनि बिखायाव थुबुर जानाय सम्पदनि गेजेरजों ओनसोल मोनसेनि रांखान्थि-समाजारि बिथिंजों लोब्बा गोनां।
ग) सुबुं भुमखौराङा राजखान्थियारि बाहागो, सोरखारनि खुंथाइयारि आयदा, सोलायनाय, अफिस-आदालत गायसननाय-फसंनाय आरिजों हादोरनि गावजों गाव सोमोन्दो गोनां आयदानि सायाव सावरायलायनाय जायो।
गाहायाव होनाय सोलुफोरनि फिननायखौ 150 सोदोबनि गेजेराव हो।
i) मानसिफोरनि मिथिंगायारि जानायखौ बेखेवना हो।
फिन : मानसिफोरनि बिरोंदामिननि हेफाजाबजों गावसोरनि मिथिंगायारि आबहावाजों रायज्लायो । बेयो गोनांथार नङादि मानसिफोरा मा दिहुनो आरो सोरजियो । नाथाय बेयो जोबोद गोनांथार- “बिसोर मा आगजु आरो आदबफोरजों दिहुनो आरो सोरजियो। नाथाय बेयो जोबोद गोनांथार ‘बिसोर मा आगजु आरो आदबफोरजों दिहुनो आरो सोरजियो ?”
बिरोंदामिना समाजनि हारिमुवारि जौगानायनि दाखोखौ दिन्थियो । मिथिंगायारि आयेनफोरनि सायाव साबसिन बुजिनाय जौगाखांनायनि उनाव बिरोंदामिन जौगाहोनो हादोंमोन। बिदिन्थि बादियै, हुथ्रोदनाय आरो दुथाइनि मोन्दांथिफोरखौ बुजिनाया मानसिनो अर नागिरनायाव मदद होदोंमोन । बे बायदिनो DNA आरो हारिनि गुमुरखौ बुजिनायाव मानसिनो गोबां बेरामफोरजों देरहाहोनो हादोंमोन । मानसिनो गोखों एबा गोख्रै बिरखंफोर जौगाहोनो थाखाय बिरनायनि गियाननि सोमोन्दै आयेनफोरखौ बाहायो । बिरोंदामिन जौगाहोनो थाखाय मिथिंगानि सोमोन्दै गियानआ जोबोद गोनांथार आरो बिरोंदामिनआ मानसिफोरनि सायाव आबहावानि बेन्दोंखौ गैया एबा गुरुं खालामो । गावसोरनि मिथिंगायारि आबहावाजों गावसोरनि सोमोन्दोनि गिबि थाखोआव मानसिफोरा बेजों जोबोद गोहोम खोख्लैजादोंमोन । बिसोर मिथिंगानि बिथोनफोरजों गोरोबनायमोन । मानोना बिरोंदामिननि थाखोआ जोबोद गाहायमोन। सुबुं समाजारि जौगाथाइनि थाखोआबो गुदिमोन। गोदो- गोदायनि सुबुं समाज आरो मिथिंगानि गोखों गोहोफोरनि गेजेराव बे रोखोमनि सोमोन्दोखौ आबहावायारि थिरांथायारि बुंनाय जायोमोन । जोबोद गाहाय बिरोंदामिनारि जौगाथाइनि बै थाखोआव जों सासे मिथिंगायारि सुबुनि नुजाथिनायखौ साननो हायो, जाय मिथिंगानि खोथाखौ खोनासंदोंमोन, बिनि रागाखौ गिदोंमोन आरो बेखौ सिबिदोंमोन। मिथिंगायारि जौगाथाइया बेफोरबादि समाजारिफोरनि थाखाय मिथिंगाया बिमा महर लायो।
ii) सुबुं भुमखौरांनि खाबुनि सायाव मोनसे लिरबिदां लिर।
फिन : सुबुंफोरा सम बारलांनायजों लोगोसे गावसोरनि आबहावा आरो मिथिंगानि गोहोफोरखौ बुजिनो हमो समाजारि आरो हारिमुवारि जौगानायजों मानसिफोरा साबसिन आरो बांसिन आखा-फाखा बिरोंदामिन जौगाहोयो । बिसोर गोनांथिनि मोननाय फुंखाफोरजों जाथावनाफोर सोरजियो । सुबुंनि आखुथाइफोरा हारिमुवारि नुथाय सोरजियो। जेरावबो सुबुंनि हाबा मावनायनि नेरसोनफोरा सोमजियो।गोजौ हालामफोराव सावस्रियारि जायगा, गिदिर नोगोरारि गोसारनाय, फोथारफोर, फैलाव हायेनफोर आरो दुद्रुनाय हाजोफोराव गांसो फोथार, बोरिमायाव जाहाज (दिङा) गाथोन, लैथोआरि बिखंआव लैथोआरि लामाफोर आरो अखांमायाव ग्रहसाफोर। सिगांनि फरायसंगिरिफोरा बेखौ जाथावना होनना बुंदोंमोन। मिथिंगाया बेफोरखौ खाबु होयो आरो मानसिया बेफोरखौ बाहायो आरो लासै लासै मिथिंगाया मानसिआरि जायो आरो सुबुंनि नाजानायनि गोहोम खोख्लैनो हमो।
उफ्रा सोंथिनि फिननाय: मोनफ्रोमबो नम्बर-1
1)बुहुमनि गुबै मोननै दाफुंग्रानि मुं लिर।
फिन : मिथिंगायारि आबहावा आरो जिउनां दाथाइ।
2) जाथावनाबादनि गायसनगिरिआ सोर ?
फिन : भाइडेल डि-ला- ब्लेसि।
3) सुबुं भुमखौरांनि बिफाया सोर ?
फिनः फेड्रिक राटजेल।
4) फेड्रिक राट्जेलनि गांसे बिजाबनि मुं लिर।
फिन: Anthropo Geography.
5)भाइडेल दा-ला- ब्लेसिआ माबे हादोरनि नोगोरारिमोन?
फिनः फ्रान्स हादोरनि नोगोरारिमोन।
6) सोर पण्डितआ आबहावायारि थिरांथाबादखौ मदद होदोंमोन ?
फिनः हान्टिंटनआ मदद होदोंमोन।
7) सुबुं आरो आबहावानि गेजेरनि सोमोन्दै फरायसंनायनि थामथि नोजोरथाइया मा ?
फिनः गोदान-थिरांथाबाद।
8) सम्पदारि भुमखौरांआ, सुबुं भुमखौरांनि माबे आयदानि सिङाव दं ?
फिन : रांखान्थियारि भुमखौरां।
9) ग्रिफिट टेइलर आ माबे हादोरनि नोगोरारिमोन ?
फिनः ब्रिटिश जथाइराज्योनि नोगोरारिमोन।
10) “The principles Human Geography” बिजाबखौ सोर रनसायदोंमोन?
फिनः हान्टिंटनआ रनसायदोंमोन।
11) गोदान मुगानि सुबुं भुमखौरांनि बिफा होनना सोरखौ बुंनाय जायो ?
फिनः फेड्रिक राटजेलखौ बुंनाय जायो।
12) समाजारि भुमखौरांआ माबे भुमखौरां आयदानि सिङाव ?
फिनः सुबुं भुमखौरां ।
13)आबहावायारि थिरांथाइयारि बिजाउनाव सोमजिनाय हारिसाया मा ?
फिनः थासारथाइयारि हारिसा
14) सुबुं भुमखौरांनि मोनसे बुंफुरलु लिर।
(2012/2018)
फिनः राटजेलनि बादिब्ला, “सुबुं समाज आरो बुहुमनि सा-बाहागोनि गेजेरनि सोमोन्दोनि सोरजिलु (बानायलु) फरायनाय।”
15) गोदोन थिरांथाबाद नोजोरथाइनि गायसनगिरिआ सोर?
फिनः ग्रिफिट टेइलर ।
16)बेन्डानि सल’आ मिथिंगाजों माबादि थासारिनि सोमोन्दोखौ दिन्थिदों ?
फिनः मिथिंगाजों मोनसे रांखान्थियारि गोजाम समाजजों सोमोन्दो थानाय न ‘खरनि थोंजों सोमोन्दोखौ दिन्थिदों ।
17) जार्माननि भुमखौरांगिरिफोरा माखौ “गोथांनि जिउ” महरै फोरमायदों ?
फिनः राइजो एबा हादोरखौ ।
18) माधाइया मा ?
फिनः माधाइया जादों ट्राइबेल हारिसायारि मेला ।
19) अनजिमायारि सोमावसारनायनि समफारिआ मा?
फिन : 1950 जौथाइनिफ्राय 1960 जौथाइनि जोबनायसिम।
20) माबे जौथाइयाव सुबुं भुमखौरांनि मोन्थाम गोदान सानथौनि जौगानाय जादोंमोन ?
फिन: 1970 जौथाइयाव।
21) आथोनारि भुमखौरांआ सुबुं भुमखौरांनि माबे आयदानि सिङाव?
फिन:समाजारि भुमखौरां।
