Unit-II|Chapter 6|Advance Bodo Class 12 Solutions| Bodo Medium|मोदै आरो गोलोमदै Welcome to the Bodo Tutor Website. In this article, we are delighted to discuss the Class 12 Advance Bodo syllabus under the Assam Higher Secondary Education Council (AHSEC). Our focus will be on addressing all questions from the section ”Unit-II|Chapter 6|Advance Bodo Class 12 Solutions| Bodo Medium|मोदै आरो गोलोमदै
To assist students in mastering the Advance Bodo subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit-II|Chapter 6|Advance Bodo Class 12 Solutions| Bodo Medium|मोदै आरो गोलोमदै
गाहायनि सोंथिफोरखौ फंसे सोदोब एबा बाथ्राजों हो:
( गासैनिबो नम्बरआ 1 )
1) गोमबोरा लिरगिरिखौ बहा लोगो मोनदोंमोन ?
फिनः गोमबोरा लिरगिरिखौ अल इण्डिया टेक्सटाइल एकजिबिसनाव लोगो मोनदोंमोन।
2) दिगम्बर बसुमतारिया गोम्बोरखौ बबेयाव लोगो मोनजेनदोंमोन ?
फिनः दिगम्बर बसुमतारिया गोमबोरखौ गंसे हटेलाव हटेल बयनि खामानि मावबायथानाय समाव लोगो मोनजेनदोंमोन।
3) गोम्बोर मोसाहारिनि फार्मनि मुङा मामोन ?
फिनः गोम्बोर मोसाहारिनि फार्मनि मुङा ‘बरसा इन्दि टेक्सटाइल’ मोन।
4) मोदै आरो गोलोमदै सुंद’ सल’आव सोर गाहाइ आखल?
फिन: ‘मोदै आरो गोलोमदै’ सुंद’ सल’आव गोमबोरआनो गाहाइ आखल ।
5) गोमबोरआ दाहोना थानाय माहाजोननि मुङा मामोन?
फिनः गोमबोरआ दाहोना थानाय माहाजोननि मुङा मोनबारु।
6) मोनबारु माहाजोननि बिसिनि मुङा मा ?
फिन: मोनबारु माहाजोननि बिसिनि मुङा मैराय।
7) मोनबारु माहाजोननि फिसाजो गिबिनि मुङा मामोन?
फिन: मोनबारु माहाजोननि फिसाजो गिबिनि मुङा हायनास्रि।
8) मोनबारु माहाजोननि फिसाजो गदायनि मुङा मा ?
फिन: मोनबारु माहाजोननि फिसाजो गदायनि मुङा हांमास्रिमोन ।
9) मोनबारु माहाजोनहा साबेसे गथ’ गथाइ दंमोन ?
फिनः मोनबारु माहाजोनहा सानै फिसाजो आरो सासे फिसाला दंमोन।
10)मोदै आरो गोलोमदै सुंद’ सल ‘नि लिरगिरिया सोर ?
फिनः मोदै आरो गोलोमदै सुंद’ सल’नि लिरगिरिया नीलकमल ब्रह्म ।
11) गोमबोरआ सोरनि न ‘आव दाहोना बैनांदोंमोन ?
फिनः गोमबोरआ मोनबारु माहाजोननि नआव दाहोना बैनांदोंमोन ।
12) गोमबोरखौ गोसोथोनाय सिख्लाया सोर ?
फिनः गोमबोरखौ मोनबारु माहाजोननि फिसाजो गदाइ हांमानिया गोसो थोयोमोन ।
13) गोमबोरखौ सोर मुसुंसेबो सैयामोन ?
फिनः गोमबोरखौ मोनबारु माहाजोननि फिसाजो गिबि हायनास्रिया मुसुंसेबो सैयामोन ।
14) गोमबोरनि बिफानि मुङा मामोन ?
फिनः गोमबोरनि बिफानि मुङा जालाख ‘मोन ।
15) जालाख ‘खौ खैफोदाव खोखलैनायनि गुबै दायनिगिरिया सोर ?
फिनः जालाख’खौ खैफोदाव खोख्लैग्रा गुबै दायनिगिरिया गुनजेर देवानि ।
16)गोमबोरजों हांमास्रिया हाबा जानो मोनदोंमोनना?
फिनः गोमबोरजों हांमानिया उनावहाय हाबा जानो मोनदोंमोन ।
17) मोनबारु माहाजोननि फिसाज्लानि मुङा मा ?
फिन: मोनबारु माहाजोननि फिसाग्लानि मुङा रैदोन ।
18) बर’ सुंद’ सल ‘नि सम्राट होननानै सोरखौ बुंनाय जायो?
फिन: बर’ सुंद’ सल ‘नि सम्राट होननानै बुङोब्ला जों नीलकमल ब्रह्मखौनो मिथियो ।
19) गोमबोरआ सोरनि नआव दाहोना बैनांदोंमोन ?
फिनः गोमबोरआ मोनबारु माहाजोननि नआव दाहोना बैनांदोंमोन।
20) हायनास्रिया उनावहाय मा जादोंमोन ?
फिनः हायनास्रिया उनावहाय दाहोनाजों दोनखारलांदोंमोन।
21) गोमबोरआ बेसेबां बैसोआव दाहोना बैनांदोंमोन ?
फिनः गोमबोरआ जिब्रै बोसोर बैसोआवनो दाहोना बैनांदोंमोन ।
22) सोर गोमबोरनि जिउवाव सिलिंखार लाबोदोंमोन ?
फिनः गुनजेर देवानियानो गोमबोरनि जिउवाव सिलिंखार लाबोदोंमोन।
23. गोमबोरनि बिमानि मुङा मामोन ?
फिनः गोमबोरनि बिमानि मुङा अबाय।
24) मि. भर्गबआ सोर ?
फिनः मि. भर्गबआ जादों इकनमिक बुलेटिननि स्तकं रिपर्टार ।
25) गोमबोरआ माबे थाखोसिम फरायनाय ?
फिनः गोमबोरआ थाखो द’ सिम फरायनाय ।
गाहायनि सोंथिफोरखौ सुंद’यै फिन (गासैनिबा नम्बरआ 2)
1. मोनबारु माहाजोनआ गोमबोरखौ मानो होखारहरदोंमोन ?
“एबा”
मोनबारु माहाजोनआ गोमबोरखौ होखारहरनायनि जाहोना मा ?
फिनः मोनबारु माहाजोननि फिसाजो गदाय हांमास्रिहा गोमबोरनि फारसे गोथौ अननाय दंमोन। नाथाय फिसाजो गिबि हायनास्रिया गोमबोरखो मुसुंसेबो नायनो हायामोन । बेखायनो सानसेखालि बैसागो रंजानायाव सिख्ला लोगोफोर जंखायलायनायखौनो हांमास्रि बिब’ हायनास्रिया बिफा मोनबारुजों गावनि बाग्रांसि आखलनि थाखाय सोंखारिजानायाव बिजि खान्दाखौनो साल रजं खालामनानै बांसावदों। मोनबारु माहाजोना फिसाजो गदाय हांमासिनि इयुनखौ गिनानै बैसागुनि उनावनो गोमबोरखौ होखारहरदोंमोन ।
2) गोमबोरआ सोरनि हेफाजाबाव माबोरै इन्दास्ट्रियलिस्ट जानो हादोंमोन ?
फिनः गोमबोरआ दिगम्बर बसुमतारि मुंनि सासे बिजनेस मेगनेटनि बिसि बिरगोस्रिनि अननायाव आरो हेफाजाबाव सासे इन्दास्ट्रियलिस्ट जाहैनो हादोंमोन । हतेल बयनि खामानिखौ नागारनानै गोमबोरआ जेब्ला दिगम्बर बसुमतारिनि नखराव थाहैनो लादोंमोन, बिनि थगायनो रोङि बानाय गैयि आरो गंग्लायलु आखुखौ नुनानै बिरगोस्रिया बिखौ गावनि फिसाबादि अनदोंमोन।फिसाइया गावनि मुङाव नाम जारि खालामनानै होनाय हा दखरसेखौ गोमबोरनो हगारना होदोंमोन। बेयावहायनो गोमबोरआ इन्दि बागान खालामनानै इन्दि सिनि फालांगि खालामजेननो लादोंमोन। उनावहाय सासे गेदेर इन्दास्ट्रिलिस्ट जाहैनो हादोंमोन।
3)जालाख ‘आ गुबुन जायगायाव थाहैनानै सोरनियाव थाहैथ ‘दोंमोन ?
फिनः जालाख’आ गुबुन जायगायाव थाहैनो थांनानै गुनजेद देवानिनि ‘न’आव थाहैथ’नो गोनां जादोंमोन। मानोना गुनजेद देवानिया जालाख’नो खालामनानै होनो गोनां हाया गुबुन सासेनिखासोमोन । गावनि इजोदखौ लाखिनो थाखाय गुनजेद देवानिया जालाख’खौ गावनि हायावनो मावनानै जाथ ‘होनांदोंमोन।
4) गोमबोरआ माबोरै दाहोना गाहाइ जानो हादोंमोन ?
फिन: जिब्रै बोसोर बैसोआव दाहोना थानानै बैनांनाय गोमबोरआ मोनबारु माहाजोननियावनो सेंग्रा गेदेर देरदोंमोन । उन्दैनिफ्रायनो गावनि मावथि ‘जांगिला आखुनि थाखायनो बियो मोनबारु माहाजोननि अनजालु दाहोना गाहाइ जाहैनो हादोंमोन ।
5) गोमबोर आरो हांमास्रिनि मोजां मोनलायनाया माबादिमोन आरो उनाव मा जादोंमोन?
फिनः गोमबोर आरो हांमास्रिनि मोजां मोनलायनाया गोथारमोन। हांमानिया गोमबोरखौ मोजां मोननाय बाथ्राखौ बिब’ हायनास्रिया बिफानो गाज्रियै एरसनना होनायनि उनाव गोमबोरआ माहाजोनजों होखारहरजादोंमोन। माहाजोनजों होखारहरजानायनि उनाव गोमबोरनि जिउ लामाया गुबुन फारसे दिग्रायलांदोंमोन। नोगोराव थांनानै गोमबोरआ गावनि नांथाबनाजानाय आरो थार गोसोजों जुजिनाय लोगोसे बरादनि दैबथिंनायाव उनावहाय सासे गेदेर इन्दास्ट्रियलिस्ट जाहैनो हादोंमोन। हांमास्रि आरो गोमबोरनि मोजां मोनलायनाया उनावहाय मोगथां महर मोनदोंमोन ।
6) गोमबोरआ सोरनि नखराव मा खामानि मावदोंमोन ?
फिनः जिब्रै बोसोर बैसोनिफ्राय गोमबोरआ मोनबारु माहाजोननि नखराव दाहोनानि खामानि मावदोंमोन। गावनि मावथि आखुनि गेजेरजों बियो अनजालु दाहोना गाहाइबो जाहैनो हादोंमोन।
7)हायनास्रिनि आखलआ माबादिमोन ?
फिनः हायनाम्रिनि आखलआ इसेबो मोजां नंङामोन, बियो सासे बाग्रांसि आखलनि सिख्लामोन, गोमबोरखौ बियो इसेबो सैनो हायामोन। गावनि बाग्रांसि आखलनि थाखायनो बियो बिफाजोंबो सोंखारिजायोमोन आरो उनथारावहाय गावसोरनियावनो थानाय सासे दाहोनाजों दोनखारलांदोंमोन।
8) बिरगोस्रिया सोरमोन ? बियो गोमबोरखौ माबादि हेफाजाब होदोंमोन ?
फिनः बिरगोस्रिया, दिगम्बर बसुमतारिनि बिसिमोन।
बियो जोबोर अनसुलिमोन। बिरगोस्रिनि फिसाइया गावनि मुंआव नामजारि खालामना होनाय हा दखरसेखौ गोमबोरनो मावना जानो होदोंमोन। बिरगोस्रिनि गोथार अननाय, मदद आरो थुलुंगाजों गोमबोरआ बिहाय इन्दि बागान खालामनानै उनाव गेदेर इन्दास्ट्रियलिस्ट जाहैनो हादोंमोन।
9) हांमास्रिनि आखुवा माबादिमोन ?
फिनः हांमास्रिनि आखुवा जेब्लाबो नोरोममोन। बियो बिमा-बिफानि बाथ्राखौ मानिनानै सोलिग्रा सासे मानिसुलि आखुनि आरो मानसिखौ अननो हानाय मोजां गुना हांमास्रिनियाव दंमोन। बिब’ हायनासिया दाहोना गोमबोरनि फारसे मुगैनाय आरो नायनो बानाय दंमोनब्लाबो हांमानिनि गोसोनि बबेबा खनायाव दैमुसे अननाय दंमोन।
10)मोनबारु माहाजोनहा साबेसे फिसाजो आरो फिसाज्लाफोर दंमोन आरो सोर सोर ?
फिन: मोनबारु माहाजोनहा सानै फिसाजो दंमोन बिसोर जाबाय फिसाजो गिबिया हायनासि आरो गदायनि मुङा हांमानि । मोनबारु माहाजोनहा सासेल’ फिसाला दंमोन बिनि मुङा रैदोनमोन।
गाहायनि सोंथिफोरखौ फिन (गासैनिबो नम्बरा 4)
11)“ जायनि गोसोआ हांगार बे गोसोआ हाजार सुस्राब्लाबो सना फिथर बादि जोंथि जाया”- बे खोथाजों सोरनि मा खोथा बुंनाय जादों लिए। (2014, 2016)
फिनः “जायनि गोसोआ हांगार बे गोसोआ हाजार सुस्राब्लाबो सना फिथर बादि जोंथि जाया”- बे बाथ्राजों गुनजेद देवानिनि बाथ्रा बुंनाय जादों।
गोमबोरआ नेहाद गोरिबद्राय नङाब्लाबो गैजारोङि जालाख’ आरो अबायनि सासेल’ फिसामोन। हा-हु खालामनानै होनो होननानै गोरिब गुन्द्राफोरखौ थगाय थसि जालाखार-बिलाखारनि बेहेराव गब्रायोग्रा गुनजेद देवानिनि खैसाराव गोमबोर बिफा जालाख ‘आबो गाब्रदोंमोन आरो बिसि फिसानि जिउवाव सिलिंखार लाबोदोंमोन। हाल खदालजों रायजो जाबोनाय, नांगोल जंगालखौल’ जिउनि आंगो राहा होननानै सानबोनाय जालाख’आ थोसारजासे हा-हु सोरजिनाय आरो गावनि हाल सालखौ फोसाबनायनि सिमां नुदोंमोन। बेखायनो गुनजेद देवानिनि थुनज्लायनायाव ‘जालाख ‘आ गामिनिनो मोनबारु माहाजोननि खाथियाव गावनि फेरलेबसे हाखौनो बन्दकाव दोनलांनानै खारलांदोंमोन दाबसे गोदान बियाबाव। सौहैग्रोनमोना जालाख’नि खर’ आव सारन्थाइ गोग्लैदोंमोन। गुनजेद देवानिया जालाख ‘नो खालामनानै होनो गोनां हाया गुबुन सासेनिखासोमोन । गावनि इज्जतखौ लाखिनो थाखाय गुनजेद देवानिया उनाव गावनि हायाव जालाख ‘खौ मावनानै जाथ ‘होनांदों। नाथाय जाय गोसोआ हांगार बे गोसोआ हाजार सुस्राब्लाबो सना फिथरबादि जोंथि जाया। बोसोरसे उनावनो गुनजेद देवानिया जालाख’ मावनानै जाथ ‘नाय हाखौ जालदाब फानहरदों।”
उनावहाय आलाय – सिलाय जानानै जालाख’आ गाव नागारनानै थांनाय गामियाव गावनि फेरलेबसे हाखौ लाखिनाय मोनबारु माहाजोननियाव गाबथाब खुलुमथाब बिनानै नबथियाव थानो मोनदोंमोनब्लाबो जालाख ‘नाव बोसोर जिब्रे बैसोनि फिसाला गोमबोरखौ बैहोनांदोंमोन। गुनजेद देवानिनि बेफोरबादि आखलखौनो “जाय गोसोआ हांगार बे गोसोआ हाजार सुस्राब्लाबो सना, फिथर बादि जोंथि जाया’ बाथ्रानि गेजेरजों फोरमायनाय जादों।
12) मोनबारु माहाजोननि नखरनि हालसाला माबादि जालांदोंमोन ? (2017)
फिनः मोनबारु माहाजोननि नखरनि हालसाला उनावहाय जोबोर आलाय सिलाय जालांदोंमोन। मोनबारुनि उन बैसोनि जिउवा दुख-दाहाजों बुंफहैदों । नखरनि हाल साला लांखां सिंखां जालांदों। फिसाजो गिबि हायनास्रिया दाहोनाजों दोनखारलायदों, फिसाज्ला रैदोनआ जौ- जुवायाव गफबदों। बिसि मैराया दाहा-दिखाराव बेरामाव गोग्लैनानै लेलाय लेलाय थैदों । दाहोना-रुवाथिजों गोम गोम मोनबारु माहाजोननि नखरा उनावहालागे। दाउब’ बाम्रिनाय बादि प्रिं स्र जालांदोंमोन। हालिया ‘हाखौ मोनबार माहाजोना आदि सुखानि होनानैसो जानांदोंमोन। बेल’ नडा
बोराइ बैसोआव मोनबार माहाजोनखौ आबार खालामनो फिसाजो गदाय हांमासिनि अनगायै रावबो गैयि जादोंमोन। बेबादिनो मोनबार माहाजोननि खरनि हालसालादि उनावहाय जोबोर दुखु नांथाव जाहैदोंमोन बे बाश्राखौ जो फोरमायनो हायो।
13) गोमबोरआ जिउ दावहायाव देरहानायनि गुबै जाहोनखौ फोरमाय। (2017)
फिनः गोमबोरआ जिउ दावहायाव देरहानायनि गुबै जाहोनानो जाबाय गावनि नांथाब नाजानाय आरो गोब्राब खस्थ सहायनो हानाय गुन, लोगोसे बिनि बराद। मानसिया जिउवाव देरहासार जानो गोनांबला नांगौ हाजासे नांथाब नाजानाय, संसारनि जेंना जेंसिजों जुजिनो हानाय गोहो। गोमबोरनि जिउवावबो बेफोर जेंना जेथोफोरखौ उन्थ्रिसारनो हानाय गुनखौ नुनो मोनो।
गोरिबद्राय नङाब्लाबो गोमबोरआ निखावरि जालाख ‘नि नखराव जोनोम लानानै जिब्रै बोसोर बैसोआवनो मोनबारु माहाजोननि नखराव दाहोना बैनांदोंमोन। मोनबारु माहाजोननि फिसाजो गिबि हायनास्रिया मानोबा गोमबोरखौ मुसुंमेबो सैयामोन । फिसाजो गदाय हांमास्रिया नाथाय गोसोनि दाबसे खनायाव दैमुसे अननाय दंमोन गोमबोरनि थाखाय। हायनास्रिया नाथाय इसे दाय मोनब्लानो बिफा मोनबारु माहाजोननो गाज्रियै एरसनना होयोमोन। बिदिनो सानसे बैसागो रंजानायाव हांमास्रिनि सिख्ला लोगोफोरा इसे जंखायलायनायखौनो हायनास्रिया बिफानि सेराव बिजि खान्दाखौनो साल रजं खालामनानै एरसनना हैयो। उनावहाय मोनबारु माहाजोना फिसाजो हांमानिनि इयून जिउखौ लाना गिखांनाय मोननानै बैसागुनि
उनावनो गोमबोरखौ होखारहरो।
बिमा रानदिखौ गामियाव गारबोनाने गोमबोरआ थांनानै थानायनि दावहायाव ओंखारो। दाहोना जिउनि फारसे मुगैनाय लानानै बियो गुबुन राहायै थांनानै थानो थाखाय नोगोराव फैयो। नोगोराव फैनानै बियो बन सिननायनिफ्राय लानानै थेला नारनाय, रिक्सा सालायनायसिम बायदि खिसिमनि हाबा मावनो हमो । उनथाराव बियो हटेल गंसेयाव हटेल बयनिबो खामानि मावदोंमोन ।
हटेल बयनि खामानि मावबायथानाय समाव सानसेखालि दिगम्बर मुंनि सासे बिजनेस मेगनेटआ गोमबोरखौ नोजोर होफ्लांदोंमोन आरो थांनोसै समाव माब्लाबाफोर हटेल बयनि खामानिखौ नागारनांगौ जायोब्ला गावनियाव नुजाथिहैनो बुंलांदोंमोन ।
हटेल बयनि खामानिनि फारसे आंगायनाय मोनखानाय गोमबोरआ सानसे दिगम्बर बसुमतारिनि नखराव नुजाथिहैदोंमोन। बिनि थगायनो रोडि, मावनो बानाय गैयि आरो गंग्लायल आखलाव गथ’-गथाइ गैजारोङि बिथां दिगम्बरनि बिसि बिरगोस्रिनि गोसोआव बिनि फारसे बिमानि अननाय साफिदों। गोमबोरनि गावनि जिउखौ फसंनायनि बोदोर हाबिलासखौ नुनानै बिरगोस्रिया फिसाइया गावनि मुङै नामजारि खालामनानै होखानाय हा दरसेखौ गोमबोरनो हगारनानै होदों। बेवहायनो गोमबोरा इन्दि बिफांनि बागान खालामनानै इन्दि खुन्दुंजों दानाय सिनि फालांगि खालामदोंमोन। गोमबोरनि जग्रबसेल’ फार्मआ उनावहाय बेसेबा गेदेर टेक्सटाइल कमप्लेक्ससिम महर सोलायलांदोंमोन। बेबादियैनो गोमबोरा गावनि सहायनाय गुन आरो नाजानायनि गेजेरजों जिउवाव जाफुंसार जानो हादोंमोन।
4) हायनामिनि आखलआ मांबादिमोन ? (2013)
फिनः हायनास्रिनि आखलखौ सल ‘गिरिया सासे बाग्रांसि आखलनि सिख्ला महरै सोरजिदों। हायनास्रिया मोदै आरो गोलोमदै सल ‘नि मोनबारु माहाजोननि फिसाजो गिबि।फिसाजो गिबि महरै नखरनि गेदेर फिसाज़ो महरै बिनियाव जाबादि आखुफोरा थानांगौमोन बेफोरखौ नाथाय हायनास्रिनि आखुवाव बेरखांनाय नुनो मोना। बियो दाहोना ग़ोमबोरखौ जेबो जाहोन गैयालासे इनायनो नायनो बासोगारोमोन। बेल’ नङा, इसे फिसा दायनि थाखायबो बियो गोमबोरखौ बिफानि सिगाङाव गाज्रि रोखोमै एरसननानै होयोमोन। गावनि बाग्रांसि आखलखौ बिफाया मिथिखानायखायनो एखनबा एखनबा हायनासिया बिफाजों रायजायोमोन। बेबादिनो सानसे बैसागो बोथोरनि रंजानायाव हांमास्रिखौ सिखोला लोगोफोरा गोमबोरजों जंखायनायखौ हायनास्रिया खोनादोंमोन। गावनि बाग्रांसि आखुनि थाखाय बिफाजों रायजानायाव बे जाथाइखौ बिजि खान्दाखौनो साल रजं बादि बेसेबा गेदेर जाथाइ साजायनानै बांसावना होयो। बेनि नंखाय बांसावनायावनो गावनि मावनाय दांनायजों दाहोना गाहाइ जालायनो हानाय गोमबोरआ मोनबारु माहाजोनजों होखारजानो गोनां जायो। उनावहाय हायनास्रिया गावहासो गावसोरनियावनो थानाय गुबुन दाहोना सासेजों दोनखारलांनायखौ सल ‘नि जोबथा बाहागोआव नुनो मोनो।
हायनास्रिनि मावनाय दांनायनि गेजेरजों हायनास्रिनि आखला थारैनो जोबोर थौले गोसोनि, जेखौबो साना हवालासे मावग्रा आरो रेजें गोसोनि सासे बाग्रांसि. सिख्ला महरै बेरखांदों। थौले गोसोनि थाखायनो बियो जेखौबो गावनि गियानजों साननानै नायामोन । गावखौ बिजिरना नायनाय आखुखौ हायनास्रिनि आखुवाव इसेबो नुनो मोननाय जायाखै। जेबो बाथ्राखौनो सा-साज्रां गोसोजों साननाय आरो थिरांथा लानाय, गावनि दायखौ सिखमानो थाखाय मालायखौ बांसावनाय बायदिनि गेजेरजों हायनास्रिनि आखुखौ थारैनो सासे बाग्रांसि सिख्लानि आखु महरै सावरायनो हायो।
5) मोदै आरो गोलोमदै सुंद’ सल ‘नि गेजेरजों बर’ समाजनि मा मा सावगारि बेरखांदों लिर। (2015)
फिन: मोदै आरो गोलोमदै सुंद’ सल ‘नि गेजेरजों बर’ समाजनि माखासे सावगारि बेरखांनायखौ नुनो मोनो। निखावरि नखरनि फिसाया माहाजोन एबा धोनि सुबुंनि नखराव दाहोना बैनाया बर’ समाजाव गोदोनिफ्रायनो ‘सोलिबोनाय हुदा । बर ‘फोरा मिथिंगाखौ मोजां मोनग्रा आबादनि सायाव सोनारनानै थांना थानो मिजिंथिग्रा हारि। दाबसेनिफ्राय गुबुन दाबसेयाव हादान सिफायनानै सोलिनो नाजानायाबो गोदोनिफ्रायनो सोलिबोनाय बर’ समाजाव जेब्लाबो नुफ्लेबाय थानाय सावगारि । बेल’ नङा, हादान सिफायनायनि बेलायाव हा गोदान लानायनिं मुङै सोरबा दुथां आखुनि देवानिनि खैसाराव सरासनस्रा थोंजों गोसोनि बर’ सुबुंफोरा गासननानै आलाय सिलाय जानायाबो बर’ समाजाव दंबोयो। मोदै आरो गोलोमदै सल ‘नि गेजेरजोंबो गोमबोरआ मोनबारु माहाजोननियाव दाहोना थानाय, जालाख ‘आ गुनजेद देवानिनि खैसाराव गासननानै हादान लाहैनो आलाय सिलाय जानायनि गेजेरजों बर’ समाजनि माखासे गोथां सावगारि बेरखांनायखौ नुनो मोनो। एन्दि एम्फौ फिसिनानै खुन्दुं लुनाया बर’ हारिनि ‘धोनि हारिमुनिल’ नेरसोन नङा, बेयो बर’ समाजनि मोनसे रोखा समाजारि सावगारि । बे सल ‘नि गेजेरजोंबो गोमबोरआ इन्दि आबाद मावनानै एम्फौ फिसिनायनि गेजेरजों बर’ समाजाव गोदोनिफ्रायनो सोलिबोनाय समाजारि सावगारिया रोखा बेरखांदों।
बर’ समाजाव सोरबा दाहोनाया फिसाजो गोनां माहाजोननियाव दाहोना थायोब्ला माहाजोननि फिसाजो आरो दाहोनानि गेजेराव मोजां मोनलायनाय सोमजिनाय, एखनबा माहाजोननि फिसाजोजों दाहोनाजों दोनखारलांलायनाय एबा माब्लाबा हाबा जालायनाय बायदिफोरा बर’ समाजाव गोदोनिफ्रायनो सोलिबोनाय समाजारि सावगारि । बर ‘नि बेफोरबादि समाजारि सावगारिफोरखौ बे सल’नि गेजेरजोंबो मोनबारु माहाजोननि फिसाजो गिबि हांमास्रिया दाहोनाजों दोनखारलांनाय आरो फिसाजो गदाय हांमास्रिया गोमबोरजों मोजां मोनलायनानै उनाव हाबा जाहैनाय बायदिनि गेजेरजों रोखा रोखा बेरखांनाय नुनो मोनो। बेबादिनो ‘मोदै आरो गोलोमदै” सल ‘नि गेजेरजों बेरखांनाय बर’ समाजनि समाजारि सावगारिनि सोमोन्दै जों सावरायनो हायो।
6) माहाजोनजों होखारजानानै गोमबोरआ बहा थांदोंमोन आरो मा मा हाबा मावदोंमोन ?
“एबा”
गोमबोरआ माहाजोनजों होखारहरजानानै बबेयाव मा मा हाबा मावदोंमोन लिर। (2012)
फिनः मोनबारु माहाजोननि नंखाय गाज्रि एरसननायनि थाखायनो गोमबोरआ मोनबारु माहाजोनजों होखारहरजादोंमोन I
मोनबारु माहाजोनजों होखारहरजानायनि उनाव गोमबोरआ बिमा रानदिखौ गामियाव गारबोनानै थांनानै थानायनि दावहायाव ओंखारो। दाहोना जिउनि फारसे मुगैनाय लानानै बियो गुबुन राहायै थांनानै थानो थाखाय नोगोराव फैयो। नोगोराव फैनानै बियो बन सिननायनिफ्राय लानानै थेला नारनाय, रिक्सा सालायनायसिम बायदि खिसिमनि हाबा मावनो हमो । उनथाराव बियो हटेल गंसेयाव हटेल बयनिबो खामानि मावदोंमोन।
हटेल बयनि खामानि मावबायथानाय समावनो सानसेखालि हटेलाव फैनाय दिगम्बर मुंनि सासे बिजनेस मेगनेटआ गोमबोरखौ नोजोर होफ्लांदोंमोन आरो थांनोसै समाव माब्लाबाफोर हटेल बयनि खामानिखौ नागारनांगौ जायोब्ला गावनियाव नुजाथिहैनो बुंलांदोंमोन । हटेल बयनि खामानिनि फारसे आंगायनाय मोनखानाय गोमबोरआ सानसे दिगम्बर बसुमतारिनि नखराव नुजाथिहैदोंमोन। बिनि थगायनो रोङि, मावनो बानाय गैयि आरो गंग्लायलु आखलाव गथ’ गंथाइ गैजारोङि बिथां दिगम्बरनि बिसि बिरगोस्रिनि गोसोआव गोमबोरनि फारसे बिमानि अननाय साफिदोंमोन। गोमबोरनि गावनि जिउखौ फसंनायनि बोदोर हाबिलासखौ नुनानै बिरगोनिया फिसाइया गावनि मुडै नामजारि खालामनानै होखानाय हा दरसेखौ गोमबोरनो हगारनाने होयो। बेवहायनो गोमबोरा इन्दि बिर्फनि बागान खालामनानै इन्दि खुन्दुंजों दानाय सिफोरखौ फाननो थाखाय नागोराव सेल्स काउन्टार मोनसे बेखेवो। बेबादियैनो माहाजोनजों होखारहरजानायनि उनाव गोमंबोरआ गोबां रोखोमनि खामानि मावहैदोंमोन।
7) गोमबोर आरो हांमास्रिनि मोजां मोनलायनाया माबादिमोन आरो उनाव मा जाहैदोंमोन फोरमाय?
फिनः गोमबोर आरो हांमानिनि मोजां मीनलायनाया इसेबो मैला गैयि गोथारमोन। मोनबारु माहाजोननि फिसाजी गिबि हायनानिहा उन्दैनिफ्रायनो गावसोरनियाव दाहोना बैनांनाय गोमबोरखौ मुसुंसेबो नायनो हायामोनब्लाबो फिसाजो गदाय हांमास्रिहा गोमबोरनि फारसे उन्दैनिफ्रायनो गोसोनि बंबेबा दाबसे जायगायाव दैमुसे अननाय दंमोन । उन्दैनिफ्रायनो बियो गोमबोरनि फारसे अननायनि नोजोर लाखिबोदोंमोन। बैसो राबोनायजों लोगोसे बिनि गोमबोरनि फारसे अननाया गोथौनिफ्राय गोथौसिन जाबोयो आरो सानसे समाव गोमबोरनि दुखु- दाहाखौ रुजुनफानायनि हाबिलासबो गोसोआव फिसिदों । थामहिनबा बे अननाया मिथिस्लाबाजासे लाइमोननि गुबुन मोनसे मुडाव गुस्लायलांदोंमोन।
बुंनो थाङोब्ला हांमास्रिनि बोदोर हाबिलासानो गोमबोरनि जिउ दिडाखौ गुबुन दैथुनफारसे दिंग्रायहोदों । गोमबोरनि बिफा जालाख’ थैखालि बोसोरनि उननि बैसागो रंजानायाव सिख्ला लोगोफोर जंखायलायनायखौनो हांमास्रि बिब’ हायनास्त्रिया बिफा मोनबारु माहाजोनजों गावनि बाग्रांसि आखलनि थाखाय सोंखारिजानायाव बिजि खान्दाखौनो साल रजं खालामनाने बांसावदों। मानोना गोमबोर आरो हांमासिनि मोजां मोनलायनायखौबो बियो नायनो हायामोन । मोनबारु माहाजोना फिसाजोनि इयुनखौ गिखांनानै बैसागुनि उनावनो गोमबोरखौ होखारहरो।
खाफालनि दैबथिंनाय आरो गावनि नाजानायनि गेजेरजों गोमबोरआ उनावहाय सासे गेदेर इन्दास्ट्रियलिस्त जाहैनो हादोंमोन। गाव बेसेबा गेदेर इन्दास्ट्रियलिस्त जाह्रैनो हानायनि उनावबो माहाजोनजों नेवसिजानाय, मुगैजानायखौ बावनानै गोमबोरआ हांमास्रिखौ हाबा. लादोंमोन। बेनो जादों गोथार गोसोजों मोजां मोनलायनायनि नेरसोंन। गोमबोर आरो हांमास्रिनिमोजां मोनलायनाया मैला गैयि गोथारमोनखायनो मोगथाडाव जाफुंसार जानो हादोंमोन।
8) गुनजेद देवानिनि आखुवा माबादिमोन फोरमायना लिर।
फिनः गुनजेद देवानिनि आखुवा इनायनो गाज्रिमोन। बियो मालायखौ थगाय थसि खालामनानै जाग्रा, सासे देवानिमोन। गोमबोरनि नखर, गोमबोरनि बिफा जालाख ‘खौबो गुबुन बियाबाव हा-हु खालामनानै होनो होनना थगाय थसि लाना थांनानै गुनजेद देवानिया खैफोदाव खोख्लैदोंमोन । मालायखौ थगायनानै जाग्रा गुनजेद देवानिनि खैसाराव गोग्लैनानै जालाख’आ बिसि अबाय आरो फिसाज्ला गोमबोरनि जिउवाव सिलिंखार लाबोदोंमोन।
हाल-खदालजों रायजो जाबोनाय, नांगोल जंगालखौल’ जिउनि आंगो राहा सानबोनाय फोथायबोनाय जालाख ‘आ हा-ह सोरजिनाय आरो गावनि हाल- सालखौ फोसाबनायनि सिमां नुनानै गुनजेद देवानिनि थुनज्लायनायाव गावनि फेरलेबसेल’ हाखौनो मोनबारु माहाजोननो बन्दकाव दोनलांनानै दाबसे गोदान बियाबाव खारलांदोंमोन । हजों थांनानै मिथिबायदि गुनजेद देवानिया जालाख’नो खालामनानै होनो गोनां हाया गुबुन सासेनिखासोमोन । गावनि इज्जोतखौ लाखिनो थाखाय गुनजेद देवानिया उनाव गावनि हायावनो जालाख ‘खौ मावनानै जाथ ‘होनांदोंमोन । नाथाय जाय गोसोआ हांगार बे गोसोआ हाजार सुस्राब्लाबो सना फिथरबादि जोंथि जाया। बोसोरसे उनावनो जालाख’आ मावनानै जाथ ‘नाय हाखौ गुनजेद देवानिया जालदाब फानहरनानै जालाख’नि नखरखौ आलाय सिलाय खालामदोंमोन। बिदिनो गुनजेद देवानिया मालायखौ थगाय थसि खालामनानै जाग्रा लांसुनिया आखुनिमोन।
10) गुनजेद देवानिया जालाख’नि नखराव माबादियै सिलिंखार लाबोदोंमोन सल’नि हेफाजाबै फोरमाय।
फिन: गुनजेद देवानिया जालाख’नि नखरखौ सिलिंखार खालामदोंमोन । मानोना मालायखौ थगाय थसि खालामनानै जाग्रा बियो सासे देवानिमोन । गोमबोरनि नखर, गोमबोरनि बिफा जालाख ‘खौ गुबुन बियाबाव हा-हु खालामनानै होनो होनना थगायथसि लाना थांनानै गुनजेंद देवानिया खैफोदाव खोख्लैदोंमोन। मालायखौ थगायनानै जाग्रा गुनजेद देवानिनि खैसाराव गोग्लैनानै जालाख ‘आ बिसि अबाय आरो फिसाला गोमबोरनि जिउवाव सिलिंखार लाबोदोंमोन।
हाल-खदालजों रायजो जाबोनाय, नांगोल जंगालखौल’ जिउनि आंगो राहा सानबोनाय फोथायबोनाय जालाख ‘आ थोसारजासे हा हु सोरजिनाय आरो गावनि हाल-सालखौ फोसाबनायनि सिमां नुदोंमोन। गुनजेद देवानिनि थुनज्लायनायाव गावनि फेरलेबसेल’ हाखौनो मोनबारु माहाजोननो बन्दकाव दोनलांनानै दाबसे गोदान बियाबाव खारलांदोंमोन। नाथाय सहैग्रोनमोना जालाख ‘नि खर’आव सारन्थाइ गोग्लैदोंमोन । मानोना हजों थांनान मिथिबायदि गुनजेद देवानिया जालाख ‘नो खालामनानै होनो गोनां हाया गुबुन सासेनिखासोमोन। गावनि इज्जोतखौ लाखिनो थाखाय गुनजेद देवानिया उनाव गावनि हायावनो जालाख ‘खौ मावनानै जाथ ‘होनांदोंमोन। नाथाय जाय गोसोआ हांगार बे गोसोआ हाजार सुस्राब्लाबो सना फिथरबादि जोंथि जाया। बोसोरसे उनावनो जालाख ‘आ मावनानै जाथ ‘नाय हाखौ गुनजेद देवानिया जालदाब फानहरदोंमोन।
आफाय-उफाय जेबो खालामनो हायियाव जालाख ‘आ गाव नागारनानै थांनाय गामियाव फैफिनदों। गावनि फेरलेबसे हाखौ बन्दकाव लाखिनाय मोनबारु माहाजोननाव गाबथाब खुलुमथाब बिनानै नबथियाव थानो मोनदोंब्लाबो जालाख’आ बोसोर जिब्रे बैसोनि फिसाला गोमबोरखौ बैहोनांदों। बेबादियैनो गुनजेद देवानिया जालाख ‘नि नखराव सिलिंखार लाबोदोंमोन।
10) “मोदै आरो गोलोमदै” सल ‘नि गेजेरजों गोमबोरनि जोहोलाव आखुवा माबादियै बेरखांदों फोरमायना लिर।
फिन: “मोदै आरो गोलोमदै” सल’नि गेजेरजों गोमबोरनि जोहोलाव आखखौ बेरखांनाय नुनो मोनो। गोमबोरआनो सल’नि गाहाइ आखु मानोना सल ‘नि गासैबो जाथाइया गोमबोरखौ गुदि संनानैनो । गोमबोरआ सासे दाहोना थाबायनानै जाग्रा सुबुं । बिफा हावरियाया मोनबारु ‘माहाजोननियाव हावलाद लानानै सुख’नो हायिनि जिब्रे बोसोर बैसोनिफ्रायनो दाहोना बैनांनाय गोमबोरनि आखुवाव दं सहायसुला गोसो, जिउखौ गुवार नोजोरजों नायनो हानाय गोहो। सल ‘नि खारथाइया जुरिजेनदों मोनबारु माहाजोननियाव दाहोना थानायनि गेजेरजों। दाहोना थानाय समाव बिनि मावनाय -दांनाय, साननाय हनायनि गेजेरजोंबो बिनि जोहोलाव आखुवा बेरखांखादों। जानो हागौ बेखायनो मोनबारु माहाजोनाबो बिखौ मोजां मोननानै अनजालु दाहोना गाहाइ खालामदोंमोन। गोमबोरनि मोदोमाव बाग्रांसि हायनासि सिख्लाया गाज्रि बदनाम जाबसिनना होनायावसो गोमबोरनि जिउवाव दिंग्राय बिन्दो फैयो । मोनबारुनि फिसाजो गदाय हांमास्रिया गोमबोरनि फारसे गोथार अननाय थानायखौ सिख्ला लोगोफोरा मिथिगौ, बेखायनो बैसागो रंजानायाव जंखायलायनायखौनो हायनास्रि सिख्लाया गावगायनि बाग्रांसि आखुनि थाखाय बिफाजों सोंखारिजानायाव हांमास्रि आरो गोमबोरनि गेजेराव थानाय अननायनि सोमोन्दोखौ गाज्रियै एरसननानै होदों। हायनास्रिनि एरसनना होनायाव मोनबारु माहाजोनाबो गोमबोरखौ दायनिगिरि सानो आरो उनाव गोमबोरखौ गावसोरनि ननिफ्राय अना-खाना होखारहसे। नाथाय गोमबोरनि सायाव बिसोरनि गाज्रि साननाय आरो होखारहरनाया गोमबोर जोहोलावनि मावनाय एबा जाथाइखौ दावगानायाव हेफाजाबसो होदों। लोगोसेनो सल ‘खौ गुबुन मोनसे थाखोआव आवगायहोदों।
गोमबोरआ मोनबारु माहाजोनजों होखारहरजानायनि उनावबो जेबो गोसो बायाखै, बरं बियो जिउवाव गोदान गोहोजोंसो जुजिनो लादोंमोन । नोगोराव थांनानै बियो बन सिननायनिफ्राय लानानै थेला नारनाय, रिक्सा सालायनाय बायदि रोखोमनि खामानि मावहैयो, उनावहाय गंसे हटेलाव हटेल बयनि खामानि मावहैयो। बेवहायनो सासे अनसुला बिसनेज मेगनेट दिगम्बर आरो बिनि बिसिनि अननाय आरो हेफाजाब मोननानै बियो सासे गेदेर फालांगिरि जानो हादोंमोन। बेवहायबो नाथाय गोमबोरनि बाखनायथाव आखुखौ नुनो मोनो। गोमबोरनि मावनो बानाय गैयि थगायनाय फोलानाय गैयि जेब्लाबो गंग्लायग्लु आखुनि गोमबोरा गावनि मोजां गुननि थाखायनो मानसिंनि अननायखौबो मोननो हादोंमोन आरो जिउवाव देरहासार जानो हादोंमोन। बेबादियै मोदै आरो गोलोमदै सुंद’ सल ‘नि गेजेरजों गोमबोरनि जोहोलाव आखुखौ बेरखांनाय नुनो मोनो।
गोमबोरआ माबोरै मोनबारु माहाजोननि अनजालु दाहोना जानो
हादोंमोन आरो बियो मानो होखारजादोंमोन ? (2008)
फिनः जिब्रै बोसोर बैसोनिफ्रायनो सोनबारु माहाजोननियाव दाहोना थानाय गोमबोरआ गावनि मावथि जांगिला आखुनि थाखायनो अनजालु दाहोना गाहाइ जाहैनो हादोंमोन ।
मोनबारु माहाजोना सानै फिसाजो दंमोन। फिसाजो गिबि हायनास्रि आरो फिसाजो गदाय हांमानि । मोनबारु माहाजोननि फिसाजो गिबि हायनास्रिया गोमबोरखौ मानोबा मुसुंसेबो सैयामोन। एसे दाय मोनब्लानो बिफा मोनबारु माहाजोननो एरसन एरसन होनायमोन । नाथाय बाग्रांसि फिसाजो गिबिनि बाथ्रायाव बिफाया खेरखेरायबाङामोन।
नाथाय फिसाजो गदाय हांमास्रिनि गोसोनि दाबसे खनायाव गोमबोरनि फारसे दैमुसे अननाय दंमोन। बैसो राबोनायजों लोगोसे हांमानिनि बे अननाया गोथौनिफ्राय गोथौसिन जाबोयो। सानसे समाव गोमबोरनि दुखु- दाहाखौ रुजुफानायनि हाबिलासाबो गोसोआव फिसिदों हांमास्रिया।
बुंनो थाङोब्ला हांमास्रिनि बोदोर हाबिलासानो गोमबोरनि जिउवाव दिग्राय बिन्दो लाबोदोंमोन। गोमबोर बिफा जालाख’ थैखालि बोसोरनि उननि बैसागोआव बैसागो रंजानाय सिख्ला लोगोफोर जंखायलायनायखौनो ‘हांमास्रि बिब’ हायनास्रिया गावनि बाग्रांसि आखुनि थाखाय बिफाजों सोंखारिजानायाव हांमासि आरो गोमबोरनि बाधाखौसो गाज़ियै बदनाम खालामनानै बिफानि सेराव एरसनना होयो। मोनबारु माहाजोना बेवहायनो फिसाजो हांमासिनि इयुनखौ लानानै गिखांनाय मोनना गोमबोरखौ दायनिगिरि साननानै गोमबोरखौ होखारहरो । बेबादिनो गोमबोरआ मोनंबारु माहाजोनजों होखारहरजादोंमोन।
