Chapter 6: Bodo MIL Class 12 Solutions| Bodo Medium| जारिमिन आरो बर’ माहारि: Bodo Tutor is your trusted partner for AHSEC Class 12 Bodo MIL solutions in the Bodo medium. In this article, we provide comprehensive solutions for Chapter 6, जारिमिन आरो बर’ माहारि, designed to align perfectly with the latest AHSEC syllabus. Our detailed and well-organized answers ensure students gain a clear understanding of the concepts, helping them excel in their exams. Whether you’re searching for AHSEC Class 12 Bodo MIL Chapter 6 Solutions, HS Class 12 Bodo MIL Question-Answers, or resources for Bodo Medium studies, this guide caters to all your needs.
Explore top-quality solutions for Bodo MIL Chapter 6 जारिमिन आरो बर’ माहारि, expertly crafted to support your learning and preparation. Trust Bodo Tutor for the best Class 12 Bodo MIL resources and make your exam preparation more effective!
Chapter 6: Bodo MIL Class 12 Solutions| Bodo Medium| जारिमिन आरो बर’ माहारि
गुबै फारानि सोंथिफोरनि फिननाय:
1. सानसुमाफोरा जारिमिननि सोमोन्दै मा बुंदों?
फिन: सानसुमाफोरा जारिमिननि सोमोन्दै बुंदों- “History repeats itself”।
बे बाथ्राखौनो Critics एबा समाल’क (बिजिरगिरि) फोराबो गनायना लाबोदों। माहारिनि थाखाय जारिमिना जोबोर गोनांथारखा। मानोना जारिमिनानो माहारिनि फान्जामुथि। माहारिया गोथाङै दङ’ना गैया बेखौ जारिमिनानो दिन्थिना होयो।
2. ‘कालिका पुराण’ आरो ‘महाभारत’आव मुंख’नाय सुबुंफोरा मा फोलेरनि?
फिन: ‘कालिका पुराण’ आरो ‘महाभारत’आव मुंख’नाय सुबुंफोरा ‘किरात’ एबा ‘म्लेच्छ’ फोलेरनि।
बिसोरो गोदोनि कामरुप हादाबाव राइजो खुंदोंमोन होनना ‘कालिका पुराण’ आरो ‘महाभारत’आव लिरनाय दं।
3. अनार्जफोरखौ गोदो मा होन्ना लिरलांदोंमोन?
फिन: अनार्जफोरखौ गोदो ‘दानब’ एबा ‘असुर’ होननानै लिरलांदोंमोन।
4. बर’ माहारिया मा सुबुंफोलेरनि?
फिन: बर’ माहारिया ‘किरात’ एबा ‘म्लेच्छ’ सुबुंफोलेरनि जानो हागौ होनना आर्ज्य फोलेरनि लिरगिरिफोरा लिरलांदों।
5. मुंदांखा जारिमिनगिरि Sir Edward Gait साहेबा लिरनाय बिजाबनि मुङा मा?
फिन: मुंदांखा जारिमिनगिरि Sir Edward Gait साहेबा लिरनाय बिजाबनि मुङा जाबाय “History of Assam”।
6. कामरुप हादाबनि गिबिसिन राजानि मुङा मा?
फिन: कामरुप हादाबनि गिबिसिन राजानि मुङा जादों महीरंग’ दानबमोन। बियो सासे बर’ राजामोन जाय ‘किरात’ फोलेरनिमोन।
7. ‘महाभारत’आव मुंखनाय गोहो गोरा राजानि मुङा मा?
फिन: ‘महाभारत’आव मुंखनाय गोहो गोरा राजानि मुङा जादों ‘भगदत्त’ राजा।
8. दोहोरोमनि गोजाम बिजाब आरो जारिमिन बिजाबफोराव मुंख’नाय बर’ राजाफोरनि बागै सुंद’यै फोरमाय।
फिन: गुबुन गुबुन सानसुमै, जारिमिनगिरफोरा दोहोरोमनि गोजाम बिजाब आरो जारिमिन बिजाबफोराव मुंखनाय बादिब्ला, बर’फोरा गोदो गुबुन गुबुन मुं लानानै आसाम एबा कामरूप हादाबाव राइजो खुंदोंलांदोंमोन। बिथांमोननि बादियैब्ला बर’फोरखौ गोदो ‘किरात’ एबा ‘म्लेच्छ’ सुबुंफोलेरनि होननानै मिथिनाय जायोमोन। ‘कालिका पुराण’ आरो ‘महाभारत’आव ‘किरात’ एबा ‘म्लेच्छ’ होननाय सुबुंफ्रानो गोदोनि कामरुप हादाबाव रायजो खुंदोंमोन होनना आर्ज्य फोलेरनि लिरगिरिफोरा लिरनाय दं। बिसोर बर’ माहारिनि मानसिफोरखौ ‘दानब’ एबा ‘असुर’ होननानैबो लिरलांदों। बिंदिब्ला बै मुगानि राजा महाराजाफ्रा बर’ माहारिनि मंगलिय’ फोलेरनिमोन होनना बुंनो हायो।
मुंदांखा जारिमिनगिरि Edward Gait साहेबा बिथांनि “History of Assam” जारिमिन बिजाबाव कामरूप हादाबनि गिबिसिन राजानि मुङा महिरंग दानबमोन होनना लिरलांदों। बियो ‘किरात’ फोलेरनि मानसिमोन। बे ‘किरात’ फोलेरनि मानसिफोरनि आखल- आखाआ आथिखालनि बर’ कछारी मंगलिय’ फोलेरनि सुबुंफोरनि आखल आखुजों थारैनो गगोरोबोमोन होनना Gait साहेबा लिरलांदों। बिनिखायनो राजा महिरंग’ दानब आबो सासे बर’ सुबुंमोन। बिनि उनाव हटक असुर, सम्बार असुर, रत्नासुर, घटक असुर मुंनि अनार्ज राजाफोरा रायजो खुलांदोंमोन।
‘महाभारत’ बिजाबाव ‘भगदत्त’ मुंनि सासे गोहोगोरा राजानि मुङा मुंख’जादों। बिबो सासे किरात फोलेरनि मानसिमोन। मानोना बिनि बिफा ‘नरक’ (नार्खो) राजायाबो ‘असुर’ फोलेरनि मानसिमोन । बे भगदत्त राजाया कुरुक्षेत्र दावहामायाव ‘किरात’ आरो ‘चीना’ दावहारुफोरजों लोगो जानानै दुर्जधनखौ हेफाजाब हैदोंमोन। बे ‘नरक’ एबा ‘भगदत्त’ फोलेरनि मानसिफ्रा आर्ज फोलेरनि नङामोन। बिसोरखौ असुर होननानै बुंदों। नरक आरो भगदत्त मोननि उनाव आरोबाव सासे बर’ माहारिनि गोहो बोलोगोरा सुबुङा आर्जनि मुं लानानै कामरुप हादाबाव राइजो खुंदोंमोन। बिथांनि मुङानो जादों ‘शालस्तम्भ’। बिथांङाबो सासे म्लेच्छ हारिनि गोहोगोरा राजखुंगुरमोन होनना जारिमिनगिय Gait साहेबा गावनि जारिमिन बिजाबाव लिरलांदों।
बेनि उनाव नरक असुर बंसनिनो सासे गोहोगोरा जोहोलावा ‘ब्रह्मपाल’ मुं लानानै 1000 A.D. मायथायाव रायजो खुदोंमोन। बिथांनि बंश’ ‘असुर बंस’मोन। बेनि अनगायैबो थामजि जौथायाव सासे गोहोगोरा गाहाइ दावहारु जोहोलावा ‘बाथु’आ राइजो खुंदोंमोन जायनि मुंखौ गुबुन गुबुन सारिनि जारिमिनगिरिफोरा ‘पृथु’ एबा ‘बार्थु’ मुं होनानै लिरलांदों जाय सासे बर’ एबा म्लेच्छ हारिनि सासे गोहोगोरा दावहारु जोहोलावमोन। बिथाङानो थामजि जौथायाव तार्किसनि हादोर गाग्लोबग्रा बकटियार खिलजिजों दावहायाव मोगा-मोगि जानानै होबथादोंमोन। बेबादिनो जों दोहोरोमनि गोजाम बिजाब आरो जारिमिन बिजाबफोराव मुंख’नाय बर’ राजाफोरनि बागै फोरमायनो हायो।
9. थामजि जौथाइनि सासे गोहो गोरा दावहारु गाहाइ जोहोलावा सोर? बिथांनि सोमोन्दै सुंथाबै लिर।
फिन: थामजि जौथाइनि सासे गोहोगोरा दावहारु गाहाइ जोहोलावानो जादों- ‘बाथु’।
बिथांनि मुंखौ गुबुन गुबुन हारिनि जारिमिनगिरिया ‘पृथु’ एबा ‘बार्थु’ मुं होनानै लिरलांदों। मोजाडै बिजिरना नायब्ला बुंनो हायो दि बे ‘बार्थ’ एबा ‘पृथु’ आ आर्ज्य फोलेरनि नङामोन। बियो सासे बर’ एबा मेछ हारिनि गोहोगोरा दावहारु जोहोलावमोन, जाय थामजि जौथायाव तार्किसनि हादोर गाग्लोबग्रा बकटियार खिलजिजों दावहायाव मोगा-मोगि जानानै होबथादोंमोन।
10. माबे मायथाइनि उनाव मा फोलेरनि माहारिफ्रा कामरुपाव हाबफैनानै बर’ राजाफोरखौ फेजेनफैदोंमोन?
फिन: 1228 मायथाइनि उनाव थाइ आह’म फोलेरनि माहारिफोरा कामरूप हादाबाव हाबफैनानै उतखारि जानानै बर’ राजाफोरखौ बायदि आदब खायदाजों फेजेनफैदोंमोन आरो कामरुप राइजोखौ सेनानै लादोंमोन।
सियान (चतुर) आह’मफोरा हारिनि जारिमिनखौ लिरना दोनदोंमोन। बे समाव बिसोरो बर’ माहारिनि सोमोन्दै एफा एनै लिरलांफादोंमोन। नाथाय बिसोर लिरनाय जारिमिनाव बर’ महारिनि सोमोन्दै बेखेवना गुवारै लिरनाय गैया। गावसोरजों दावहायाव जेननानै खारखोमानाय, गोजाम राजथावनिखौ नागारनानै दाबसे गोदान जायगायाव राजथावनि फाथिहैनाय, राइजो गोमा जानाय बायदि बायदिखौल’ लिरलांदों। बर’ राजाफोरा गावसोरनि सोमोन्दै एबा माहारिनि सोंमोन्दै लिरथुमना दोननांगौनि सोमोन्दै साननो रोङामोन। बिब्दिनो बर’नि जारिमिना गोमाबोदों। दाबो बर’आ बेनिफ्राय बारग’नो हायाखै।
बेखेवथि लिर
(क) बुंनो थांब्ला बर’ माहारिहा जारिमिन गैजाया।
फिन: “बुंनो थांब्ला बर’ माहारिहा जारिमिन गैजाया”
गोजौआव होनाय बाथ्रा खोन्दोखौ ड° कामेस्वर ब्रह्मआ लिरनाय “जारिमिन आरो बर’ माहारि” मुंनि रायथाइनिफ्राय दैखांना होनाय जादों।
बेयाव बर’ माहारियादि गोदो जारिमिन लिरनो रोङामोन एबा लिरनांगौ होनना सानाखैमोन नाथाइ गुबुन माहारिनि लिरगिरिफ्रा एफा एनै लिरना गालांदोंब्लाबो गुदिनिफ्राय फारि लानानै लिरनाय गैया, बे बाथ्राखौनो गोजौनि बाथ्रा खोन्दोनि गेजेरजों फोरमायनो नाजादों।
जारिमिना मोनसे हारिनि एबा आं माहारिनि धाखाय जोबोद गोनांथार। मानोना जारिमिनानो माहारिनि फान्जामुथि। माहारिया गोथाङै दङ’ना गैया बेखौ जारिमिनानो दिन्थिना होयो। आसाम हादारसानि गोदोनि कामरुप हादाबाव बर’फोरा गुबुन गुबुन मुं लानै रायजो खुंदोंमोनब्लाबो बर’ राजाफोरा जारिमिन लिरनो रोङाखैमोन एबा लिरनांगौ होननैबो सानाखैमोन। नाथाइ सियान आहमफोरा एबा गुबुन गुबुन माहारिनि लिरगिरिफोरा गावसोरनि हारि एबा माहारिनि सोमोन्दै जारिमिन लिरना गालांमदोंमोन। बिसोरो बर’फोरनि सोमोन्दै एफा एनै लिरना गालांदोंब्लाबो गुदिनिफ्राय फारि लानानै लिरनाय गैया। बेनिखायनो “जारिमिन आरो बर’ माहारि” मुंनि रायथायाव ड° कामेस्वर ब्रह्मआ गोजौनि बाथ्रा “बुंनो थांब्ला बर’ माहारिहा जारिमिन गैजाया” होननानै बुंदों।
(ख) महाभारत बिजाबाव ‘भगदत्त’ मुंनि सासेबाव गोहो गोरा राजानि बाथ्रा दङ’।
फिन: “महाभारत बिजाबाव ‘भगदत्त’ मुंनि सासेबाव गोहो गोरा राजानि बाथ्रा दङ’”
गोजौआव होनाय बाथ्रा खोन्दोखौ ड° कामेस्वर ब्रह्मआ लिरनाय “जारिमिन आरो बर’ माहारि” मुंनि रायथाइनिफ्राय दैखांना होनाय जादों।
बेयाव “महाभारत” बिजाबावदि ‘भगदत्त’ मुंनि सासे गोहोगोरा राजानि बाथ्राखौ मुंखनाय दं जाय ‘किरात फोलेरनि मानसिमोन, -बे बाथ्राखौ जारिमिनगिरिफोरा नंङा बुंनो हायाखै होनना रायथाइगिरिया बुंनो नाजादों।
महिरंग’ दानाबनि उनाव गुबुन गुबुन राजाफोरनि अनगायैबो ‘महाभारत’ बिजाबाव ‘भगदत्त’ मुंनि सासे गोहोगोरा राजानि बाथ्रा मुंखनाय दं। बे बाथ्राखौ जारिमिनगिरिफोरा नङा बुंनो हायाखै। मानोना बिनि बिफा ‘नरक’ (नार्खो) राजायाबो असुर फोलेरनि सासे मानसिमोन। बिब्दिनो ‘माहाभारत’ बादि बिजजाबाव आरो जारिमिननि बिलायाव गुबुन गुबुन मुंजों बर’ माहारिनि मानसिफोरा रायखांजादोंब्लाबो जारिमिन गैयिनि थाखाय नंगौ नङादि गेजेराव थांनांगौ जानानै फैबाय होनना रायथाइगिरिया गोजौनि रायथाइ खोनदोजों फोरमायनो नाजादों।
(ग) दोहोरोमनि गोजाम बिजाब आरो जारिमिन बिजाबफोरखौ बोदलाबा नुनो मोनो, -बर’ माहारिनि गोबां राजाफोरानो गुबुन आर्ज्य मुं लानानै बायदि बायदि मुगायाव नुजाथिदोंमोन।
फिन: “दोहोरोमनि गोजाम बिजाब आरो जारिमिन बिजाबफोरखौ बोदलाबा नुनो मोनो, -बर’ माहारिनि गोबां राजाफोरानो गुबुन आर्ज्य मुं लानानै बायदि बायदि मुगायाव नुजाथिदोंमोन”
गोजौआव होनाय बाथ्रा खोन्दोखौ ड° कामेस्वर ब्रह्मआ लिरनाय “जारिमिन आरो बर’ माहारि” मुंनि रायथाइनिफ्राय दैखांना होनाय जादों।
बेयाव रायथाइगिरिया बर’ माहारिनि गोबां राजाफोरानो गुबुन आर्ज्य मुं लानानै बायदि बायदि मुगायाव नुजाथिदोंमोन, -बे बाथ्राखौ दोहोरोमनि गोजाम बिजाब आरो जारिमिन बिजबफोरखौ बोदलाबानो नुनो मोनो होननानै गोजौनि बाथ्राखोन्दोनि गेजेरजों फोरमायनो नाजादों।
बर’ माहारिनि गोबां राजाफोरा गुबुन आर्ज्य मुं लानानै गुबुन गुबुन मुगायाव नुजाथिदोंमोन। नाथाइ बर’ माहारिया जारिमिन गैजायिनि थाखाय बे बाथ्राया नंगौ नङानि गेजेराव थांनांगौ जानानै फैबाय। बेनिखायनो बर’ माहारिनि गोबां राजाफोरानो गुबुन आर्ज्य मुं लानानै बायदि बायदि मुगायाव नुजाथिदोंमोन आरो बे बाथ्राखौ दोहोरोमनि गोजाम बिजाब आरो जारिमिन बिजाबफोरखौ बोदलाबानो नुनो मोनो होननानै रायथइगिरिया “जारिमिन आरो बर’ माहारि” मायथाइनि गेजेरजों फोरमान खालामनो नाजानानै गोजौनि बाथ्रा खोन्दोखौ बुंदों।
(घ) सियान चतुर आह’मफोरा हारिनि जारिमिनखौ लिरना दोनदोंमोन।
फिन: “सियान चतुर आह’मफोरा हारिनि जारिमिनखौ लिरना दोनदोंमोन”
गोजौआव होनाय बाथ्रा खोन्दोखौ ड° कामेस्वर ब्रह्मआ लिरनाय “जारिमिन आरो बर’ माहारि” मुंनि रायथाइनिफ्राय दैखांना होनाय जादों।
बे बाथ्रायावनि गेजेरजों सियान आहमफोरादि हारिनि जारिमिनखौ लिरना दोन्दोंमोन आरो बर’ माहारिनि बाथ्राखौ बेखेवना गुवारै लिरालासेएनो एफा एनैल’ लिरलांफादों बे बाथ्राखौ लिरगिरिया फोरमायनो नाजादों।
1228 मायथाइनि उनाव सियान थाइ आह’म फोलेरनि माहारिफ्रा कामरुप हादाबाव हाबफैनानै बर’ राजाफोरखौ आदब खायदाजों फेजेननानै बर’नि रायजोखौ सेनानै लाफैदोंमोन। सियान आह’मफोरा गावसोरनि हारिनि जारिमिनखौ गुवारै लिरना दोन्दोंमोन। बे समाव बिसोरो बर’ माहारिनि सोमोन्दै लिरलांदोमोनब्लाबो एफा एनैल’ लिरलांदोंमोन। बिसोरो बर’ माहारिनि सोमोन्दै बेखेवना गुवारै लिराखैमोनमोन। बेवहाय बिसोर गावसोरजों बर’फोरा दावहायाव जेननानै खारखोमानाय, गोजाम राजथावनिखौ नागारनानै दाबसे गोदान जायगायाव राजथावनि फाथिहैनाय, रायजो गोमाजानाय बायदि बायदिखौल लिरलांदों। बिब्दिनो बर’नि जारिमिना गोमालांदोंमोन। बेनिखायनो लिरगिरिया सियान चतुर आह’मफोरा गावसोरनि हारिनि जारिमिनखौ गुवारै लिरना दोनदोंमोन आरो बर’माहारिनि सोमोन्दै एफा एनैल’ लिरलांदोंमोन होनना गोजौनि बाथ्रा खोन्दोनि गेजेरजों फोरमायदों।
