Texual Question and Answers:
1 सोर बिथिङारिया मा? बिनि थादेरसाफोरा मा मा?
फिन्नाय: सोरबिथिङारिया जादों जोंनि सोरगिदिं थानाय थासारिफोर आरो जिउजों गोहोम गोग्लैनाय आरो जिउसाफोरनि जौगानायनि जथाइ। सोरबिथिङारिनि थादेरसाफोर जाबाय:
- बार एबा बार मण्डल
- हा एबा हा मण्डल
- दै एबा दै मण्डल एबा
- जिब एबा जिबण्डल
2.सोरबिथिङारि सोलोंथाइ माखौ बुङो?
फिन्नाय: सोरबिथिङारि सोलोंथाइया जादों सोरबिथिङारिनि जोहै सोलोंथाइ, जेराव सोरबिथिङारि सोमोन्दै आरो सोरबिथिङारिनि थाखाय सोलोंथाइ होयो।
4.सोरबिथिङारि सोलोंथाइ होनायाव सोलोंथाइयारि फसंथानफोराव मा जायो खान्थिफोर बाहाय नांगौ हायो।
फिन्नाय: सोरबिथिङारि सोलोंथाइ होनायाव सोलोंथाइयारि फसंथानफोराव बाहाय नांगौ जानाय खान्थिफोर (principles) जाबाय:
i.सोरबिथिङारि सोलोंथाइया फरायसाफोरखौ सरासनस्रानिफ्राय जेथोसिम रोंगौथि बांहोनायाव हेफाजाब खालामो। बिदिन्थि महरै, गथ’साफोरा मासे दाउनि आदार आदार जानाय आरो बिरनाय हुदानि सोमोन्दै सांग्रां खालामनानै होयो।
ii. सोरबिथिङारि सोलोंथाइया सोलोंसाफोरखौ रोखा नङै मोन्दांथिनिफ्राय रोखा मोनदांथि सोलोंनायाव मदद खालामो । जेरै सासे गाबफोरनि गेजेराव थानाय फारागथिखौ बुंनो हाया। नाथाय बैसो बांनाय लोगो लोगोनो बियो बायदि गाबनि सोमोन्दै बुंनो हानाय जायो।
iii. सोरबिथिङारि सोलोंथाइया फरायसाफोरखौ मोगथां निफ्राय गोसोसंहायै सिम दावगालांनायाव हेफाजाब खालामो। खुदियाफोरा सोरबिथिंनि सम्पदफोरखौ नुनानै आनजाद आरो बाहागो खालामनो हायो आरो बेनि उनाव बिसोरो बाइदिसिना सम्पदफोरखौ बेखेवना होनानै गरन्थआव फैनो हायो।
iv. सोरबिथिङारि सोलोंथाइया समाजजों लोगोसे लोब्बा दं। मानसि आरो सोरबिथिंजों गोथौ सोमोन्दो थानायखौ नुनो मोनो समनि सोलायनायजों लोगोसे मानसिनि गोसो आखुवाबो सोलायलांदों। बायदिसिना हारि, गाब दोहोरोमखौ लानानै सुबुं माहारिनि गेजेराव गावजों गाव हिंसा आरो मुगैलायनाया दांलांनो हमदों।
5.सोरबिथिङारि सोलोंथाइनि नुस’हरनाय नोजोराव मा मा हाबनानै दं?
फिन्नाय: सोरबिथिङारि सोलोंथाइनि गोसारथिया जोबोर बेयो मिथिंगानि गासैबो आइदाखौनो आवग्रिनानानै लायो।सोरबिथिङारि सोलोंथाइयाव समाजारि, हारिमुवारि, गोनोखोआरि, ओरोंदायारि, रांखान्थियारि, आयेनारि, रांखाउरियारि आरो सोलोंथाइयारि बाइदिसिना गासैबो बिथिंफोरखौनो लाफादेरो। सोरबिथिङारि सोलोंथाइया जाबाय सोरबिथिंनि हेफाजाबाव, सोरोबिथिंनि सोमोन्दै आरो सोरबिथिंनि थाखाय होनाय सोलोंथाइ।
सोरबिथिंनि बिजोंजों गोरलैयैनो फरायसाफोरनो सोलोंथाइ होनो हायो। मिथिंगायारि आबहावानि बागै जेरै – बिबार, एम्फौ – एनला, दाउ आरो जारिमिनारि, हारिमुवारि आरो समाजारि जायगानि सोमोन्दै फरायफारिनि अनगायैबो सोरबिथिंनि गेजेरजों थोंजोङैनो फरायसाफोरखौ फोरोंनांगौ।
मानसिया सोरबिथिं नङाब्ला थांना थानो हाया। साफ्रोमबो मानसिया गावनि थांना थानाय आरो जौगानायनि थाखाय सोरबिथिंखौ रैखाथि होनांगौ जायो। जोनोमनिफ्राय थैजासिम मानसिया बेनिफ्राइ बारग’नो हाया। खुदियाआ नख’राव जोनोम लानायनिफ्रारायनो बायदिसिना थाखो जेरै खुदिया सम, गथ’सा सम, आलायसा समखौ बारहोनो गोनां जायो। मोनफ्रोमबो थाखोआवनो सोरबिथिंनि बागै मिथिनाया गोनांथार। फरायसाफोरा बेखौ मिथिना लानाया गोनांदि मिथिंगायारि आबहावाया मानसिनि देहा आरो सावस्रिनि सायावबो गोबारैनो गोहोम खोलैयो। सोरबिथिङानो जाबाय मानसिनि गोजोनायनि फुंखा। मानोना मानसिया मिथिंगाखौ मोननो हाब्लासो गोसोआव थार गोजोननाय फैयो।
सोरबिथिङारि सोलोंथाइनि गुबुन मोनसे बिथिङानो जाबाय सोरबिथिंनि थाखाय होनाय सोलोंथाइ। आथिखाल मुगायाव गोबां जेंना सोमजिनायखौ नुनो मोनदों, जेरै – सुबुं अनजिमा बांनाय, मिथिंगायारि सम्पद फोजोब स्रांनाय, बिगियान आरो बाहाय बिगियानजों सोमजिनाय बार, दै आरो हा गुबुंले जानाया मानसि माहारिखौ खैफोदाव खोख्लैदों। बेफोर जेंनानिफ्राय रैखाथि मोननो थाखाय बाइदिसिना राहा लानाया गोनांथार जानांगौ फैदों।
बेफोरनि अनगा, सोरबिथिङारि सोलोंथाइनि गुबुन गुबुन गोसारथिफोरा जाबाय, आबहावा गुबुंले जानाय , सुबुं अनजिमा बेफ्रुनाय, मिथिंगायारि सम्पद जोबस्रांनाय, गुबुंले जानायनि जाहोनफोर आरो बिगियान आरो गोनोखोनि गोहोम।
6.सुबुं सानखो सोलोंथाइनि रोखा गियानखौ सोर जौगाहोदोंमोन ?एबा सुबुं अनजिमा सोलोंथाइनि सानदांथिखौ सोर जौगाहोदोंमोन?
फिन्नाय: सुबुं सानखो सोलोंथाइ (सुबुं अनजिमा सोलोंथाइ) नि सानदांथिखौ आलभा मिरदाल ( Alva Myrdal) आ जौगा होदोंमोन।
7.सुबुं सानखो सोलोंथाइनि बुंफुरलु हो। बिनि थांखिफोरा मा मा? एबा सुबुं अनजिमा सोलोंथाइनि बुंफुरलु हो। बिनि थांखिफोरा मा मा?
फिन्नाय: ग’पाल रावनि बादिब्ला,” सुबुं सानखो सोलोंथाइया (सुबुं अनजिमा सोलोंथाइया) जाबाय मोनसे सोलोंथाइयारि हाबाफारि जाय सुबुं अनजिमानि सोमोन्दै फरायसंनाय होयो जाहाथे फरायसाफोरा सुबुं अनजिमा बांनायनि जाउनाव सोमजिनाय जेंनाफोरनि बागै जुगामियारि थिरांथा लानो हायो।
सुबुं सानखो सोलोंथाइ एबा सुबुं अनजिमा सोलोंथाइनि थांखिफोरा जाबाय:
- सुबुं अनजिमा आरो समाजारि आरो रांखान्थियारि थासारिनि गेजेराव थानाय सोमोन्दैखौ फरायसाफोरनो मिथिहोनाय।
- सुबुं अनजिमा बांनायनि जाहोनफोरनि बागै फरायसाफोरखौ मिथिहोनाय।
- बिगियान आरो गोनोखोआ जोनोम आरो थैनायनि हारखौ बाङाय जाहोनायनि बागै फरायसाफोरखौ मिथि होना सांग्रां खालामनाय।
- सुबुं अनजिमा बेफ्रुनाया सोरबिथिं एबा आबहावानि सायाव गोहोम खोखलैनायनि बागै फरायसाफोरनो गियान होनाय।
- फिसा नख’रा थाजिमै एबा मोजांयै जिउ खुंनायाव मदद खालामनायनि बागै फरायसाफोरनो गियान होना सांग्रांथि फोसावनाय।
- फिसा नख’रा गोजोन आरो मोजां जिउ खुंनायाव मदद खालामनायनि बागै फरायसाफोरनो गियान होनाय।
8.सुबुं सानखो सोलोंथाइखौ ( सुबुं अनजिमा सोलोंथाइखौ) मानो नांगौ?
फिन्नाय: सुबुं सानखो सोलोंथाइ सुबुं अनजिमा सोलोंथाइनि गोनांथिफोरा जाबाय:
(i) सुबुं सानखो सोलोंथाइ एबा सुबुं अनजिमा सोलोंथाया सुबुंफोरनि गेजेराव थानाय खोमसि फोथायनायफोरखौ जानखार खालामो।
(ii) गुन गोनां जिउ खुंनो थाखाय सुबुं सानखो सोलोंथाइया गोनांथार।
(iii) सरासनस्रा सोलोंथाइनि गुनखौ एबा मानखौ फोसाबनो थाखाय सुबुं सानखो एबा सुबुं अनजिमा सोलोंथाइया गोनांथार।
(iv) सुबुं अनजिमा बेफ्रुनाया सोमजिहोनाय जेंना आरो बेनि राहाफोरनि सायाव सुबुं सानखो एबा सुबुं अनजिमा सोलोंथाइया गोथौयै फरायसङो।
(v) सुबुं सानखो एबा सुबुं अनजिमा सोलोंथाइया आइजो आरो हौवा मानसिफोरनि गेजेराव समानथि लाबोनायाव हेफाजाब खालामो आइजोफोरखौ बिसोरनि मोननो गोनां मोनथाइ आरो थासारिनि बागै मिथि होनानै।
(vi) सुबुं सानखो एबा सुबुं अनजिमा सोलोंथाइया मोजां एबा गाहाम हायुंसा सोरजिनायाव मदद खालामो।
9.सोलोंथाइनि गुबुन गुबुन थाखोआव सुबुं सानखो (सुबुं अनजिमा) सोलोंथाइखौ माबोरै होनाय जायो?
फिन्नाय: सोलोंथाइनि गुबुन गुबुन थाखोआव सुबुं सानखो ( सुबुं अनजिमा) सोलोंथाइखौ होनायनि राहाफोरा जाबाय:
i. 1971 मायथाइयाव, NCERT आ सुबुं सानखो (सुबुं अनजिमा) सोलोंथाइखौ गुदि फरायसालि थाखोआव जागायना गेजेरारि थाखोसिम सोलिनांगोन होनना फोसावदों।
ii. गुदि सोलोंथाइ खल’बाव फरायसाफोरनो फिसा नख’रनि बागै रोखा गियान होनांगौ।
iii. गेजेरारि सोलोंथाइ खल’बाव सुबुं अनजिमा बांनायनि जारिमिनारि बिथाजों लोगोसे गुबुन गुबुन हादोरफोरनि सुबुं अनजिमा बांनायनि हारिनि बागै सोलोंथाइ होनांगौ।
iv. खाइसे सानथौगिरिफोरनि बादिब्ला गेजेरारि सोलोंथाइ खल’बाव सुबुं अनजिमा सोलोंथाइखौ आलादा आयदा महरै फोरोंनांगौ।
v. सोलोंसालिमा खल’बाव सोलेरनि गुबुन गुबुन बाहागो एबा अंग’फोरनि बागै फोरोंनांगौ। फरायफारिफोराव जोनोम होनाय बिखान्थि आरो फारिखान्थिनि सान्दांथिखौ होनांगौ।
vi. बिजिरसंगिरिफोरखौ सुबुं अनजिमानि बागै बिजिरसंहोनांगौ एबा फरायसं होनांगौ।
vii. बायदिसिना फोरोंथाइ फसंथानफोराव सुबुं सानखो एबा सुबुं अनजिमा सोलोंथाइखौ मोनसे गोनांथार आलादा आयदा महरै फोरोंनांगौ।
Read also….
Class 12 Unit 2 Education Bodo Medium Questions Answers|गोरा नङै खान्थिलेखा सोलोंथाइ
