Class 11 Unit 2 Education Bodo Medium|सुबुङारि जौगानायनि थाखोफोर: Hi friends, welcome to our Bodo Tutor Website.Here, we are going to provide you some important questions and answers.
फरा आयदानि सोंनाय फिननाय
सोंनाय:1. देरनाय आरो जौगानायनि गेजेरनि फारागथिया मा?
फिननाय:देरनायखौ देहायारि बेलायाव बाहायनाय जायो आरो जौगानायखौ गासैबो बिथिंखौ लानानै बाहायनाय जायो। जेरै -महर, दाथाय बांबोनाय आरो मावनाय दांनाय।
सोंनाय – 2. सुबुं जिउआव जौगानायनि बेसेबां थाखोफोर दङ’ ?
फिननाय: सुबुं जिउआव जौगानायनि मोनब्रै थाखोफोर दङ’ जेरै -1.खुदिया सम
2.गथ’ सम
3.आलाइसा सम
4.बोराइ सम
सोंनाय-3.जोनोमनिफ्राय 5 बोसोरसिम थाखोखौ बुङो?
फिननाय: जोनोमनिफ्राय 5 बोसोरसिम थाखोखौ खुदिया एबा गोरलै गथ’ (Infancy) होन्ना बुंनाय जायो।
सोंनाय -4.12 बोसोरनिफ्राय18 बोसोरनि थाखोखौ मा बुङो?
फिननाय: 12 बोसोरनिफ्राय18 बोसोरसिम आलायसा एबा लाइमोन (Adolencence) बुङो।
सोंनाय:5.जौगानायनि मोनथाम आखुथाइफोरखौ लिर ?
फिनाय: मोनथाम आखुथाइफोरा जादों-
1. जोलैयारि जाहोन आरो आबहावारि जाहोनआ सुबुं जौगानायाव गोहोम खोख्लैयो।
2.जौगानायनि बेरोन आरो खारथाइया समान नङा।
3. जौगानाया अराय सोलिबाय थानाय खान्थि।
सोंनाय-6.गथ’सा समखौ मानो फरायसालि सम बुङो?
फिननाय: गथ’सा समा गुदि फरायसालियाव जागायजेनो।बे समाव गथ’आ खान्थि सोलोंथाइ आजावनो थाखाय मेलेमआ थि जायो। बेखायनो बेखौ फरायसालि बैसो(School age) बुंनाय जायो।
सोंनाय-7.खुदिया गथ’आ मानो सोंथिफोर सोङो?
फिननाय: खुदिया समाव गथ’आ गोबां मिथिनो लुबैयो। बेखायनो बे समखौ सोंलुनि बैसो(Questioning age) बुंनाय जायो।
सोंनाय-8.खुदिया समा मा ?
फिननाय: खुदिया समा सुबुं जिउनि गिबि थाखो।बेयो जोनोमनिफ्राय 5 बोसोरसिम जायो।
सोंनाय-9.खुदिया गथ’नि मोनबा आखुथाइ लिर।
फिननाय:खुदिया गथ’नि मोनबा आखुथाइया जाबाय-
क) गोख्रै देहायारि देरनाय।
ख) गेलेनाय।
ग) मिथिनो लुबैनाय ।
घ) राव जौगानाय ।
ङ) सोनारनाय ।
सोंनाय-10. गथ’साया मा? गथ’सानि मोनथाम आखुथाइ लिर?
फिननाय: गथ’सा समा सुबुं जिउनि जौगानायनि नैथि थाखो। गथ’सानि बैसोआ 6 बोसोरनिफ्राय 12 बोसोरसिम जायो।
गथ’सानि मोनथाम आखुथाइफोरा जादों-
क) देहा जौगानाय ।
ख) सोलो एबा गियान जौगानाय।
ग) सोंलोंनो हानाय गुन।
सोंनाय- 19.गथ’सा समनि सोलोंथाइयारि राहाफोरखौ सुंद’यै लिर।
फिननाय:गथ’सा समनि सोलोंथाइयारि राहाफोरखौ गाहायाव होनाय जाबाय-
- जोनोमजों फैफानाय गथ’नि आखल-आखुखौ जौगाहोनायाव गोनांथि होनांगौ।
- ज’यै गेलेनाय आरो ज’ज’जानाय खामानि मावनायाव गोनांथि होनांगौ।बेयो देहा आरो समाज जौगानायाव हेफाजाब खालामो।
- बे समाव देहायारि सोलोंथाइबो होनांगौ आरो गावखौ साफा आरो मोजाङै सामलायनो बिथोन होनांगौ।
- गथ’नि मिथिनो लुबैनायखौ आबुं खालामनो गुबुन जायगायाव बेरायनो माखासे फारिलाइ लानांगौ।
- फोरोंगिरिया गथ’फोरनि गोजोन आरो गोसो जानाय बादि होनांगौ।
सोंनाय-20.आलाइसा समनि सोलोंथाइयारि राहाफोरखौ लिर।
फिननाय:आलाइसा एबा लाइमोन समनि सोलोंथाइनि राहाफोरखौ गाहायाव होनाय जाबाय-
- लाइमोनफोरनि एबा आलाइसानि साननाय आरो मावनाया गुवार बेखायनो फराफारियाबो गुवार जानांगोन।
- लाइमोनफोरा मिथिंगायारि जौगानायजों देहानि बोलोखौ मोननो हायो। बेनिखायनो बायदि रोखोमनि गेलेनाय आरो Yoga खालामनायनि राहाखौ दोननांगोन।
- गोजौ सोलोंथाइया जिउ राहा दानायाव सोनारनांगोन। माखासे जिउ दानाय आयदाफोरखौबो होनाय जानांगोन जाहाथे लाइमोननि गोसोखौ बोनो हायो।
- फरायसालियाव सोलोंथाइयारि,जिउ राहा बायदि फरायसाफोरनो बिथोन होनायनि राहा होनांगोन। ओरैनो थानाय समाव सोलोंथाइ होनो नांगौसेबां राहाफोर थानांगोन।
सोंनाय-21.गथ’नि जौगानायाव न’खरनि गोहोमखौ सुंद’यै लिर।
फिननाय:गथ’नि जौगानायाव न’खरनि गोहोमखौ गाहायाव होनाय जाबाय-
- देहायारि गोहोम: सासे गथ’आ जोनोमनि उननिफ्रायनो बिमानियाव सोनारनो गोनां जायो।जेरै-जानाय आदार बायदि बायदि।
- आबेगारि गोहोम: न’खरनि बिमा-बिफानि गेजेराव मोजां बुजिलायनाय थानांगोन अब्लाना गथ’नि आबेगारि आरो देहायारि जौगानायाव मोजां गोहोम गोग्लैगोन।
- हारिमुवारि गोहोम: सासे गथ’आ समाजनि धोरोम फोथायनाय आरो समाजनि नेम खान्थिफोरखौ बजबना लायो।
- आखल-आखुनि गियान: सासे गथ’आ मावनाय दांनाय आरो आखल-आखुखौ न’खरनिफ्रायनो सोलोंङो।
- आखुवारि गोहोम: न’खरनि मुवा बेसाद आरो आगजुफोरा सासे गथ’नि साननाय हनायाव गोहोम खोख्लैयो।
उफेरा सोंनायनि फिननाय
सोंनाय-1. ‘Emile’ बिजाबखौ सोर सुजुदोंमोन ?
फिननाय : Rousseau (रुसु) ।
सोंनाय – 2. W.M. Ryburn नि आबुं मुडा मा ?
फिननाय : William Morton Ryburn ।
सोंनाय-3. गासैबो मुवा-बेसदाव जिउ दङ’ होन्ना सान्नाया बबे बैसोनि आखुथाइ ?
फिननाय : खुदिया बैसोनि ।
सोंनाय-4. हानजा मानिनाया बबे बैसोनि आखुथाइ ?
फिननाय : गथ’सा समनि ।
सोनाय 5. रोखोमसेयारि आथोन लोगोआ मा (Homo – Sexuality)?
फिननाय : हैवासा गथ’फोरा हौवासाफोरजों आरो हिनजावसा गथ ‘फोर हिनजावसाफोरजों लोगो जानाय।
सोंनाय-6. उलथा आथोनारि लोगो लाज्लायनाया बबे बैसोनि आखुथाइ ?
फिननाय : आलायसा बैसोनि ।
सोंनाय-7. आलायसा समा गिलु गालु बारहुंखा बायदि होनना सोर बुंदोंमोन ?
फिननाय : G. Standy Hall.
B. लांदां जायगा आबुं खालाम :
1) …….समा खुदिया सम।
फिननाय : जोनोमनिफ्राय 5 बोसोर।
2) गथ’सा समा जाबाय……।
फिननाय : 5 – 12 बोसोर ।
3) सोंथि सोंनाय (Questioning age) आ जाबाय समनि …….आखुथाइ।
फिननाय : खुदिया (0 – 5)।
4).…….समा गावखौल’ सानग्रा सम।
फिननाय : खुदिया।
5) फरायनाय सम एबा बैसो होनना……समखौ साननाय जायो।
फिननाय : गथ’सा समखौ ।
6) हानजा मानिया जाबाय……समनि आखुथाइ।
फिननाय : गथ’सा ।
7) ………आलायसा समनि मोनसे गोनांथि।
फिननाय : देहायारि गोनांथिया।
C. गेबें फिननाय सायख’ :
1) Ryburn आ मानसिनि आबुं दाथायखौ गासै मोन 10/7/6 बाहागो आव बोखावदोंमोन।
फिननाय : 6 ।
2) Earnest आ मानसिनि आबुं दाथायखौ गासै मोन 10/7/6 बाहागोआव बोखावदोंमोन।
फिननाय : 4 ।
3) आथोनारि जेंनाया गथ’सा/आलायसा/बैसो जानायफोरनि मोनसे रायखांजाथाव आखुथाइ।
फिननाय : आलायसा ।
4) आलायसा/गथ’सा/खुदिया बैसोनि गथ ‘फोरा सानिब्लिंनाय (Imagination) बुहुमाव गोजावना थायो।
फिननाय : खुदिया ।
5) फरायसालि/न’खर/समाजा जाबाय गथ’फोरनि सुबुंथि जौगानायनि साबसिन जायगा।
फिननाय : न ‘खर ।
6) गथ ‘नि I. Q. जौगानाया खुदिया/गथ’सा/आलायसा समाव जागायजेनो।
फिननाय : गथ’सा ।
