Unit I Chapter 4: Bodo MIL Class 11 Solutions| Bodo Medium| बर’फोरनि गोदोनि खेला : Welcome to the Bodo Tutor Website. In this article, we are delighted to discuss the Class 11 Bodo MIL syllabus under the Assam Higher Secondary Education Council (AHSEC). Our focus will be on addressing all questions from the section ” बर’फोरनि गोदोनि खेला in Chapter 4 of Class 11 Bodo MIL.
To assist students in mastering the Bodo MIL subject and excelling in their exams, we have made every effort to provide accurate and comprehensive answers. This resource is designed to simplify learning and enhance understanding of the subject matter for students. We encourage students to not only benefit from our resources but also share the Bodo Tutor website with their friends. Your support and feedback inspire us to continue helping students achieve academic success in Bodo studies.
Unit I Chapter 4 : Bodo MIL Class 11 Solutions
जोबोद गुसुं सोंथिनि फिननाय
1) सुबुङा खेलाफोरखौ मानो गेलेयो?
फिननाय: सुबुङा बयबो गोसोनि दुखु मेंनायखौ बावनानै गोदान दुंगानायजों गावनि हाबायाव नांफिननो थुलुंगा मोननो लोगोसे खहाब गोनां रंजानाय मोननो खेलाफोरखौ गेलेयो।
2) मानसिनि मा मा जोनोम आखुफोरा गेलेनायजों सोमोन्दो दं?
फिननाय:मानसिनि रंजालुनाय आबेग, दाथायनाय आरो गावखौ फसंथाय बेफोर जोनोम आखु फोरा गेलेनायजों सोमोन्दो दं।
3)बर’फोरा गेलेनाय खेलाखौ बेसेबां बाहागोआव राननो हागौ?
फिननाय: बर’फोरा गेलेनाय खेलाखौ मोनब्रै बाहागोआव राननो हागौ।
4)बोलोनाङै खारनाय गैयै गेलेनायनि मोनसे बिदिन्थि हो?
फिननाय:बोलो नाङै खारनाय गैयै गेलेनाया जाबाय आसिनि बिसिनि।
5)बोलो गोनां खारनाय गैयै गेलेनायनि मोनसे मुं लिर?
फिननाय:बोलो गोनां खारनाय गैयै गेलेनायनि मोनसे मुंआ जाबाय जं बुखुनाय।
6) दारिया फान्था खेलाया मा रोखोमनि गेलेनाय?
फिननाय:दारिया फान्था खेलाया खारनाय गोनां बोलो नाङै गेलेनाय।
7) हिनजावफोरनि गेजेराव गेलेनाय मोनसे खेलानि मुं लिर?
फिननाय:गर खानाय खेलाया हिनजावफोरनि गेजेराव सोलिनाय मोनसे खेला।
8) बर’फोरनि मा मा खेलाखौ सोनाब आरो साहा भारताव गोबां नुनो मोनो?
फिननाय: बर’फोरनि खेला जेरै -बाथा, दारियाफाथा, आस्रम बेफोर खेलाफोरखौ सोनाब आरो साहा भारताव गोबां नुनो मोनो।
9) महिनि महन ब्रह्मआ बर’फोरनि मा मा खेलाखौ चीन हादरनिफ्राय फैनाय होनना बुंदों?
फिननाय: बर’फोरनि गर खारनाय, गिला गेलेनाय आरो बिदोर गेलेनाय खेलाफोरखौ चीन हादरनिफ्राय फैनाय होनना बुंदों।
10)आहम हादराव माखासे खेलाफोरा मानो गोख्रों जाबोदोंमोन?
फिननाय:आह’म राजानि खेलानि फारसे अनफावरि हाबा दिन्थिबोनायनि थाखाय आह’म हादराव माखासे खेलाफोरा गोख्रों जाबोदोंमोन।
11) रंघरा बबेयाव दं?
फिननाय:रंघरा दानि शिबसागराव दं।
12) रंघराव मा मा खेलाखौ गेलेनाय जायो?
फिननाय:रंघराव मोसौ सौवलायनाय, सिला खेबलायनाय आरो ओरैनो सोलिबोनाय दाउदै सिफायनाय, दाउला सौलायहोनाय बेफोर खेलाखौ गेलेनाय जायो।
13) गोदोनि खेलाफोरनि गुबै थांखिया मानि थाखायमोन?
फिननाय:गोदोनि खेलाफोरनि गुबै थांखिया जादोंमोन -रंजानायनि गेजेरजों गावनि जिउखौ रेदे गोनां खालामनाय आरो गाहाम देहा लाखिनाय।
14) बर’नि मा गेलेनाया सल’बाथाजों सोमोन्दो दं?
फिननाय: बर’नि गिला गेलेनाया सल’बाथाजों सोमोन्दो दं।
15) गिला गेलेनायनि थाखाय माबायदि जायगानि गोनां?
फिननाय: गिला गेलेनायनि थाखाय सिथला लामानि स्लिम जायगानि गोनां।
16) खिखर गेलेनायनि थाखाय मा बायदि जायगा नांगौ?
फिननाय:खिखर गेलेनायनि थाखाय बिफां सिंनि लान्दां जायगा नांगौ।
17) बाथ्रा दहबनि थाखाय माबायदि जायगा नांगौ?
फिननाय: बाथ्रा दहबनि थाखाय लान्दां फोथार नांगौ।
18) गोदोनि गेलेनायनि बादायलायनायफोराव बान्थानि बाथ्रा दंमोन नामा?
फिननाय:गोदोनि गेलेनायनि बादायलायनायफोराव बान्था एबा जेबो रां एबा मुनामफानि बाथ्रा गैयामोन।
19) गोदोनि बर ‘फोरनि खेलाफोरखौ दा मानो नुनो मोनलिया ?
फिननाय : जोंनि समाजा बैफोर खेलाफोरनिफ्राय दोरोदबोनायनि थाखाय दा गोदोनि बर ‘फोरनि खेलाफोरखौ नुनो मोनलिया।
20) मारसियेल आर्ट हिसाबै बर ‘फोरा माखौ गेलेनायमोन?
फिननाय : मारसियेल आर्ट हिसाबै बर ‘फोरनि जेबो मख’जाथाव गेलेनाय गैयाब्लाबो दाहाल थुंग्रि सिबनाय खेलाखौ गेलेयोमोन ।
21) खेला गोरों मानसिफोरखौ समाजनि मानसिफोरा माबायदि बाहायोमोन ?
फिननाय : खेला गोरों मानसिफोरखौ समाजनि मानसिफोरा बाखनायोमोन ।
22) “गा गा, नै साबनो सै साबनो सै” होननाय मेथाइया माबे खोलाजों सोमोन्दो गोनां ?
फिन : दावखा खेलाजों।
23) “आदि दिगा माइ जलंगा सिफि सिफि हलंगा अल’ ल” बुंनाय मेथाइया माबे खेलाजों सोमोन्दो दं ?
फिन : आदि दिगा खेलांजों।
24) “दाग दागालि दाउसा निसालि” बुंनाय मेथाइया माबे खेलाजों सोमोन्दो
गोनां ?
फिन :’दामदा गालि’ खेलाजों।
25) खारनाय गोनां बोलो नाङि खेलानि मोनसै बिदिन्थि हो।
फिन : थिया थिया आरो बादुवा राजा ।
26)बोलो गोनां खारनाय गोनां खेलानि मोनसे बिदिन्थि हो।
फिन : गिला गेलेनाय ।
गुसुं सोंथिनि फिननाय
1) बर ‘फोरनि गाव आदबजों गेलेनाय बर’ खेलाफोरनि मुंफोरखौ लिर।
फिन : बर ‘फोरनि गाव आदबजों गेलेनाय खेलाफोरा जाबाय :
आमै मै, आमोल दिमोल एबा मारिव, बिफांनि मारिव, हाखरनि मारिव, दहब, दाउया एबा दाउदै, सल गेलेनाय एबा लाउथि सल गेलेनाय, गननि जं गेलेनाय, थिया थिया (एनजुर एबा हा मोदोमनि) एवा हांखो बोनाय, बादुवा (आदुमब्रा बिलाइ जुनाय), गर गेलेनाय, गिला गेलेनाय, मोखा खेला, खिख ‘र मंगलबाथा (मोसा-मोसौ, सियाल), बाथा (उन्दै-गेदेर), औवा हानथु, आसिनि- बिसिनि, दांना खारनाय, खै गेलेनाय, हाबै दुदु, मोदोम बोखांनाय, हैगगुर (मालजुज), बोरला गावनाय, राजा, गगन फांथेनाय दारिया फाथा (रेडि), मोसौ सौलायनाय (सिनस्लि हाग्रानि), मावजि, एनजर, आदि दिगा, मोस्रोम गेलेनाय (गारि खेला) बाइदि बाइदि ।
2) बर ‘फोरनि आंगो खेलाफोरखौ मा मा बाहागोआव राननो हायो ?
फिन : बर ‘फोरनि आंगो खेलाफोरखौ मोनब्रै बाहागोआव राननो हागौ। जेरै-
(क) बोलो नाङै खारनाय गैयै : खिखर’ गेलेनाय, आसिनि-बिसिनि, आदि दिगा, मंगलबाथा ।
(ख) खारनायगोनां बोलो नाङै : थिया थिया, बादुवा राजा, खै-खै, दारियाफान्था, मावजि-एनजर, औवा हान्धु, मोखा खेला।
(ग) बोलोगोनां खारनाय गैयै : जं बुखुनाय, सल, मैसो सौलायनाय, मोस्रोम खेला, मोदोम बोखांनाय ।
(घ) बोलो गोनां आरो खारनाय गोनां : दहब, दाउदै, हाबै दुदु, हेगगुर, गिला (आसिनि बोलो) ।
3) बर ‘फोरनि मा मा खेलाया भारतनि खेलाफोरजों गोरोबो?
फिन : बर ‘फोरनि खेला जेरै-बाथा, दारियाफाथा, आस्रम बेफोर खेलाफोरखौ भारतनि खेलाफोजों गोरोबनाय नुयो ।
4) बर ‘फोरनि मा मा गेलेनाया चीना मंगलियाफोरनिफ्राय फैनाय होननानै बुंजायो ? महिनि महन ब्रह्मआ बेनि सोमोन्दै मा बुंदों ।
फिन : बर ‘नि खायसे खेलानि आदब नेमफोरखौ नायनानै बेफोर खेलाफोरखौ चीना एबा मंगलिया फोलेरनिफ्राय फैनाय होननानै बुंनो हायो। जेरै – बर ‘फोरनि गर खाननाय, गिला गेलेनाय आरो बिदोर गेलेनाय ।
महिनि महन ब्रह्मआ थांनाय 12-5-88 इं अक्टखालि क ‘कराझाराव खिख ‘र खेला ब़ादायलायनाय बेखेवनाय बिबुंसाराव बुंदोंमोनदि बर ‘फोरनि गर खारनाय, गिला गेलेनाय आरो बिदोर गेलेनाय खेलाफोरा चीन हादरनिफ्राय फैनाय ।
5) बर ‘फोरनि गोदोनि माखासे खेलाफोरखौ दा मानो नुनो मोनलिया होनना बुंदों ? बेनि गुबै जाहोनफोरा मा मा ?
फिन : बर ‘फोरनि गोदोनि माखासे खेलाफोरखौ दा नुनो मोनलिया। जोंनि समाजा बेफोर खेलाफोरनिफ्राय दोरोद बोनायाव दा बेफोर खेलाफोरा गोमोर लांनो
हमबाय ।
बैनि गुबै जाहोनफोरा जाबाय सोनाबारि इंराजफोरनि हारिमुवा गुबुन हारिफोरनियाव साग्लोबनाय बायदि जोंनियावबो साग्लोबबाय। मोनसे गेदेर बाथ्राया जादों बेनोदि गोदोनि खेलाफोरा सोखो मोखो नडा एबा फोसाबनाय नङा। सोनाबारि खेलाफोरनि आदब नेमफोरा गाहाम अनसाय जानाय बायदियै हाबफैनायाव आरो भारतनि गुबुन दावगानाय हारिफोरानो बेफोरखौ नाजावनायाव जोंनि समाजाबो गावनिखौ गारना बेफोरखौ नाजावनो हमबाय। बेफोर आहोननि थाखायनो बर ‘फोरनि गोदोनि माखासे खेलाफोरखौ दा नुनो मोनलिया।
6) गोदोनि बर ‘फोरनि खेलानायै खेलाफोर गेलेनाय आयदाफोरखौ माबादियै बानायनाय एबा सायख’ना लादोंमोन माखासे बिदिन्थि हो ।
फिन : गोदोनि’ बर ‘फोरनि खेलानायै खेला गेलेनायनि थावनिफोरखौ बानायनानै लायोमोन। बिदिन्थि महरै – हिनजावफोरनि बांसिन खेलाफोरा उसुंखना एबा न’ सिथलाफोरावनो जायोमोन। गिला गेलेनायनि थाखाय सिथला लामानि स्लिम जायगायानो जायो। खिख ‘रनि थाखाय बिफां सिंनि लान्दां जायगायावनो जायो । मोसौ लाउखारफोरा गावसोरनि नांगौमथे गेलेनाय थावनिखौ खालामना लायोमोन।
7) बर ‘फोरनि गाव आदबजों गेलेनाय खेलाफोरनि मा फोरमान दं?
फिन : बर ‘फोरा गावसोरनि आदबै गोबां खेलाखौनो गेलेनो लाबोदोंमोन । बेनि फोरमानखौ थांनाय थामजि-ब्रेजि बोसोरसो सिगांनि गेलेनो लाबोनाय खेलाफोरखौ नायब्लानो रोखा मोनो। बेफोर गोबां खेलाफोरनि माखासेया गुबुन हारिनि खेलाफोरनि आदबजों दालाम गोरोबनायब्लाबो बांसिनानो गावसोरनिखांमोन बेखौ नुयो ।
8) बर ‘फोरनि खेलानि गोहोमा गुबुन खाथि खाला समाजनि सायाव माबादियै गोलैहैदों होनना नों बुंनो हायो लिर ।
फिनः थाजाबनाय खाथियाव थानाय मोनसे समाजनि गोहोमा गुबुन मोनसेजों गावजों गाव गोग्लैलायो। गोखों समाज फाखनाव थानाय समाजनि गोहोमा गुरैसिन समाजनि सायाव बांसिन गोहोम खोख्लैनायखौ नुयो। बर ‘फोरा मोनसे समाव गोखोंमोन आरो गोहो बोलो हारिमुजों दावगानाय. हारिमोन बे बाथ्राखौ एरैनो सानहरनो हायोदि बर ‘फ्रा गोदो थारैनो खेला हारिमुआवबो दावगानाय हारिमोन । बर ‘फोरनि खाथिजोंनो नांजाबफाना थानाय आह’म, खासिया, नागा, गंगार बायदि समाजनि खेला आरो खेलानि आदबफोरा बर’निफ्राय बारस्लायदोंमोन होननानै सानजायो।
गोलाव सोंथिनि फिननाय
1) बर ‘फोरनि गेजेराव गिला गेलेनाय खान्थिया गोदोनिफ्रायनो दंमोन होनना लिरगिरिया मा सल ‘बाथानि दिन्थि होदों ? सुंदयै लिर।
फिन: बर ‘फोरनि गेजेराव गिला गेलेनाय गोदोनिफ्रायनो दंमोन। बे खेलाया बर’ समाजनि गेजेराव मोनसे गिदिर सामाजिक खेला एबा हारिनि खेलामोन। लिरगिरिया बेवहाय बर ‘फोरनि गेजेराव गिला गेलेनाय खान्थिया गोदोनिफ्रायनो दंमोन बेखौ दोंसे सल ‘बाथाजों दिन्थिदों। सल’आ एरै :
गोदो गोदाय गिलास्रोन मुनि सासे जोहोलाव दंमोन। बियो गिला गेलेनो रोंसोगौमोन आरो गिला गेलेनायाव बिखौ रावबो हायामोन। सानसेखालि गिला गेलेनायाव बिनि खाननाय गिलाया सातथाला हाजो बारनानै आसागि बैसागिनि सिथलायाव हि दाबाय थानाय समाव आसागिनि इसान सालिनि हि खुन्दुंखौ थबस्र’ थबस्र’ खालामहैजोबो । सोरनि गिलाया आंनि खुन्दुंखौ बस ‘फैजोबखो होननानै आसागिया गिलाखौ गावनि दौबायाव थोरोब सोना दोनो । ओजोंहाय गिलास्रोना जेरै गिला खारबोदों बेथिं था थाङे सातथाला हाजो बारलांना आसागिनि इसान सालियाव मोनहैयो । गिलास्रोना गावनि गिलाखौ मोन्दों नामा होनना सोंसेयावबों आसागिया गिलाखौ लानानैसो दैमा सेराव खारलाडो । गिलास्रोना होसोलाडो । नाथाय आसागिया दैसा सेराव मेथाइ खनै खनै रंजा बाजा बाज्ल’ बाज्ल’ मोसाबायो आरो बिजों माखासे सिख्लाफोर थांफाना मोसाहैयो ।
2. बर’ खेलानि साननाय राव आरो खन्थाइ मेथाइफोरनि बिदिन्थि हो ।
फिन : खेलाफोरनि नेमफोरा गावसोरनि मोनसे समाजनि गेजेरावनो माब्लाबा गोरोबलायै नुनो मोनो। नाथाय अब्लाबो बेफोर खेलाफोरनि गुबै आदबफोरा एखे । माबेबा माबेबा खेलाफोराव साननायनि राव, खन्थाइफोरा गोबांनियानो बारा थाफाद नंलाया। बेनि अनगायैबो माबेबा खेलाफोरजों थानाय सल’ बाथाफोराबो खायसेया गोरोबो आरो खायसेया गोरोबलाया। खेलाफोरनि साननाय राव, खन्थाइ सल ‘बाथाफोरा बे समाजनि सिडाव हाबना थानाय समाज जिउनि गेदेर गोहोम बेरखांनाय बुंजायो ।
गाहायाव माखासे गेलेनायनि साननाय राव खन्थाइ मेथाइफोरखौ दिन्थिनाय जाबाय-
(क) बाथा खेलायाव गर साननाय : (1) “एले थेले सावले जामखा बेल बाथा”, (2) “कदम तले सुखुर सायरे दिया फुल।”
(ख) गर गेलेनाय (मेथाइ): “सोबनास सोबनास सोबनास फाथिजां। हालिव- हालिवदों बान्दायदों। ज-जदै खैजोमा बिदै।” उबसा-उबसा थेब गोसा।”
(ग) आसिनि बिसिनि : (1) आसिनि बिसिनि दुब दुब रासिनि, नावबारि, सिलाबारि, गगनदे गगनदे राजानि लाउथि थालांबाय हाल सुसुंनि खाल ग’। (2) आसौ बिसौ गोमबिरि बिसि सालदांमादां आव जादां नावबारि सिलाबारि अजानि लाउथि थालांबाय सिरि साराय ग’ ।
(घ) आमोल दिमोल : आमोल दिमोल गरायमोल दावसा गोथै माहाजोन
गगेरेखाथा गलदुम |
(ङ) दाउखा खेला : गा गा, नै साबनो सै साबनोसै।
(च) आदि दिग : आदि दिग माइबलंगा सिफि सिफि हलंग आल’ ल’।
(छ) खेरखामुथि : खेरखामुथि खेरखानि दुमनि बायदि दुमनि साखथि बाहाय
ग’।
(ज) दागदा गालि : दाग दागालि दाउसा निसालि ।
3) बर’फोरनि गेलेनाया आह ‘मफोरनि समाजाव गोग्लै हैदों होनना मा मा फोरमान होनो हायो?
फिन : आह’म मुगायाव आह’म राजाफोरा खेलानि फारसे अनफावरि हाबा दिन्थिबोदोंमोन। बेनि थाखायनो आह’म हाद’राव माखासे खेलाफोरा गोखों जाबोदोंमोन। आह’म राजाफोरा दानि शिबसागरनि रंघराव माखासे खेलाफोरनि बादायलायनाय होयोमोन जेरै
मोसौ सौलायनाय, सिला खेबलायनाय आरो ओरैनो सोलिबोनाय दाउदै सिफायनाय, दाउज्ला सौलायहोनाय बाइदि बाइदि। बेफोर खेलाफोरखौ बर ‘फोरा रोंखागौमोन। आह ‘म मुगानि आसामाव गेलेनाय बेफोर खेलाफोरा बर ‘फोरनिमोन खोमा होनना गोबाडानो सानो । बेनि अनगायैबो आसामाव बर ‘फोरजों लोगोसे थानाय गुबुन समाजनि गेलेनायफोरनि खायसे आदबजों दालाम गोरोबनाय नुनो मोनो। बेनिफ्रायनो मोनथियोदि बर’ थागिरि सुबुंनि खायसे गेलेनाय आदबफोरा थारैनो बैफोरनि समाजाव बारस्लाय हैदों। खमब्लायनाय, बोरला गावनाय खेलाफोरखौ बर ‘फोरा आगोलनिफ्रायनो गेलेखायोमोन। साफ्रोमबो बर ‘आनो बोरला गावनो रोंगौ आरो खमज्लायनायाव गोरामोन । थालिर बिफाडाव बोरला थिर हाबहोनाय, थिरजों फिथाइ फोनांनाय, दाहाल थुंग्रि सिबनायफोरखौ बर ‘फोरा आगोलनिफ्रायनो गेलेखायोमोन। बे हिसाबै आह ‘मफोरनि समाजाव बेफोर खेलानि गोहोमफोरा गोग्लैहैदोंमोन होनना बुंजायो ।
4) सोदोबथि लिर :
आदबै, आबेग, मारिव, मारसियेल आर्ट, रेदे गोनां, फाखनाव, खहाबगोनां, गोहोम, उनदिन्थि, थफात, बादि, अनसायजानाय, दम, दहब, जनजीबन, दैबानाय, जोनोम आखु, मैखोम, रोंसारनाय, सोखो मोखो ।
फिन :
| सोदोब | ओंथि |
|---|---|
| आदबै | खायदायै |
| आबेग | खान्थियै |
| मारिव | गोसोआव नांनायदैनि खेला |
| मारसियेल आर्ट जैरै – केरेट, कुंफु। | दावहानि बादि गेलेनाय |
| रेदे गोनां | उन्दै नाथाय गोरा, फिसायैनो गोरा |
| फाखनाव | गिदिंखनना थानाय |
| खहाबगोनां | खुसि मोननाय, थावनाय मोननाय |
| गोहोम | साग्लोबसारनाय |
| उनदिन्थि | दिन्थि महरै |
| थफात | फाराग |
| बादि | बादायलायनाय |
| अनसायजानाय | नाजाव जानाय |
| दम | हां |
| दहब | सिनि थ’फ्ला जुनानै खुबैहरना गेलेनाय |
| जनजिबन | मानसि जिउ |
| दैबोनाय | लाबोनाय, सालायबोनाय |
| जोनोम आखु | जोनोमावनो जोनोम आखु |
| मैखोम | देरसिन लावसिन |
| रोंसारनाय | गियान |
| सोखो मोखो | रंगिना संगिना, गोजों, जोंब्लाउनाय |
