Class 11 Education Unit 4 (I) Bodo Medium| गोसो बिगियान आरो सोलोंथाइ: Welcome to Bodo Tutor Website.Today,We are giving you the most important chapter wise questions answers for your exams prep.
फरा आयदानि सोंनायनि फिननाय
सोंनाय – 1. गोसो बिगियाना मोनसे जौगानाय दालाइसा बेनि रोखा गियानखौ सावरायना लिर।
फिननाय : गोसो बिगियाना मोनसे गुवार ओंथि गोनां सोदोब।बेनिखायनो गोदान गोसो बिगियानगिरिफोरा बे सोदोबखौ मोनसे बिगियाननि दालाइ आयदा होन्ना बुंदों। मानोना बेयो मेलेम आरो गोसोनि फारिखान्थि, मोनदांथि आरो आखुथाइफोरनि सोमोन्दै गुदि – खिथा आबुङै सावरायो । बेनिखायनो बेखौ गुबुन रावआव आखुथाइ बिगियान (Science of Behaviour) होननानैबो बुंनाय जायो । आखुथाइनि ओंथिया जाबाय बबेबा मोनसे थि थासारियाव दुखांहोग्रा मुवानि सायाव मानसिनि दिन्थिनाय गुबुन – गुबुन रोखोमनि फिनमावथाइ।
गोसो बिगियाना फरायसंनाय आयदानि मोनसे जौगानाय दालाइसा।बेयो गाहाइयै मानसिनि आखुथाइफोर आरो बेफोरखौ दैदेनग्राफोरनि सोमोन्दै सावरायो। बेयो मानसिफोरनि रोंगौथिफोर आरो बेजों लोब्बा थानाय बुजिमोन्नाय, गोसो जानाय आरो गोसोनि मोनदांथि बागै फरायसङो। गाहायाव गोसो बिगियाननि जौगानाय दालाइसाफोरनि बागै रायखांनाय जाबाय।
गोसो बिगियाननि दालाइसाफोर :
- सोलेरारि गोसो बिगियान (Biological Physhology ) : बेयो मानसिनि सोलेरारि आरो आखुथाइजों सोमोन्दो थानायनि बागै सावरायो।जेरै- मेलेम, बिसोम, मोदोमारि होबथा गोहो आरो फोलेरारि।
- जौगाखां गोसो बिगियान (Developmental Phycho- logy) : बेयो मानसिनि देहायारि, समाजारि आरो मानसिनि गुबुन गुबुन बैसो आरो जौगानायनि थाखोफोरनि गोसो बिगियानखौ सावरायो।
- समाजारि गोसो बिगियान (Social Phychology ) : बे गोसो बिगियाना सुबुङा माबादि समाजारि आबहावाजों गोहोम खोखलैजायो आरो उलथायै गोहोम खोख्लैयो बेखौ सावरायो। जेरै-समाजाव गावजों गाव सोमोन्दो, हेफाजाब होज्लायनाय, दैदेनगिरिखौ मानिनाय, गोरोबलायनाय गैयि, सुथालानाय, समाजारि थुलुंगा होलायनाय आरो हानजा लोगो लालायनाय।
- आबहावा गोसो बिगियान (Enviromental Psychology ) : बे गोसो बिगियाना आबहावाया सुबुंनि समाव गोहोम खोख्लैनायनि बागै फरायसो। जेरै- दुंनाय, गुबुंले जानाय आरो मिथिंगायारि अलखद बायदि बायदि।
- फाहामारि गोसो बिगियान (Clinical Psychology ) : बे आयदाया सुबुं जिउनि गुबुन गुबुन रोखोमनि गोसो – मेलेमारि जेंनाफोरनि जाहोन, फाहामथाइ आरो सिगांग्रो होबथानायनि सोमोन्दै सावरायो।
- गथ’ गोसो बिगियान (Child Psychology ) : बे गोसो बिगियानाव गथ’फोरनि आखुथाइफोरनि जौगानायनि सायाव बिथा खालामना सावरायनाय जायो। जेरै-गथ’फोरनि सान्नाय-हनाय, सोलो-गियान, आसाखालामनाय आरो गोसोनि मोनदांथिफोरनि बागै सावरायो।
- सोलोंथाइयारि गोसो बिगियान (Educational Phychology ) : सोलोंथाइयारि गोसो बिगियाना फरायसा-फरायसुलिफोरनि आखल आखु दानाय, फोसावनाय, बिसोरनि जेंना-जैसिफोरखौ बुजिनाय आरो सुस्रांनायनि सोमोन्दै फरायसो।
सोंनाय-2. गोसो बिगियाननि रोखा गियाननि माबे मोनसेखौ नों थुलुंगा होयो आरो मानो ?
फिननाय : गोसो बिगियाना जाबाय सुबुंनि आखुथाइफोरनि सोमोन्दै बिगियानारि नोजोरजों गुदि – खिथा सावरायनाय। बेयो सरासनस्त्रायै सुबुं माहारिनि सोलेरारि सोलायनायजों लोब्बा थानाय मेलेम आरो गोसोआरि गुबुन-गुबुन बिथिंफोरखौ सावरायो । गोसो बिगियाना गावनि गोबां दालाइसा आयदाफोर दं जेरै- सोलेरारि गोसो बिगियान, जौगाखां गोसो बिगियान, समाजारि गोसो बिगियान, सोलोंथाइयारि गोसो बिगियान बायदि बायदि । गोबां दालाइसा गोसो बिगियान आयदाफोरनि मादाव आं सोलोंथाइयारि गोसो बिगियान दालाइसा आयदाखौ थुलुंगा गोनां मोनसिनो।
मानोना सोलोंथाइयारि बिगियाना जाबाय मोनसे गोनांथार आरो मुंदांखा गोसो बिगियाननि दालाइ । बे गोसो बिगियानाव सोलोंथाखौ मिरु खालामना बांसिन सावरायनाय जायो । मानोना जोनोम मोनाय रावबो गथ ‘फोरा रोंखा- राखा जानानै फैखाया। बेनिखायनो साफ्रोमबो गथ ‘फोरनि फारागथिखौ नोजोर होनानै बिसोरनि गोसो गोनां बिथिं, हारोंथि आरो रोंगौथिखौ बिथा खालामना सोलोंथाइ ज ‘गायनायनि सोमोन्दै गोसो होयो।
सोलोंथाइयारि बिगियाना साफ्रोमबो सोलोंसाफोरनि मोगा-मोगि जानाय जेंना आरो बेफोरनि बोत्रांनायनि सोमोन्दैबो सावरायो । बेफोरनि अनगायैबो बेयो सुबुडारि जौगानाय फारि जेरै खुदियानिफ्राय बैसो जानाय सोलसाफोरनि आखुथाइफोरखौ नोजोर होना माबायदि साबजाथाव फराफारि दानांगौ अरो खाबजाथाव फोरों खान्थिजों फोरोंनांगौ बेफोरखौ फोरोंगिरिफोरनो गियान होयो। थिग बेबादिनो बे आयदाया मोनफ्रोमबो रोखोमनि मेलेमारि। सोलायनाय आरो जौगानाय, जायफोरा सोलोंथाइयारि आयदायाव गुबैयै। सिथाबना थायो बेफोरखौ सावरायो। बेनिखायनो सोलोंथाइयारि गोसो बिगियान दालाइ आयदानि सायाव आंहा बांसिन थुलुंगा खांनाय दं।
सोंनाय – 3. गोसो बिगियाननि नुस ‘हरनाय (Scope) खौ बिजिर?
फिननाय : गोसो बिगियाना जाबाय मोनसे सिरिबांङै साजायजानाय फरा आयदा एबा गियाननि मोनसे दालाइ जायहा गावनि आंगो नुस’हरनाय नोजोर एबा खाबुफोर दं। सरासनस्रायै बेयो मानसि माहारिनि रोंगौथि आरो आखलखौ सावरायो।
सुबुंनि रोंगौथिफोरखौ मोनथाम आखुआव बोखावनो हायो।
- बुजिमोन्नाय एबा मिथिनाय बिथिं । जायखौ Herbert आरो Hume मोनबादि गोसो बिगियानगिरिफोरा गनायना लादोंमोन। बिसोरनि बायदिब्ला बुजिमोन्नाया सिगां बेनि उनावसो खामानि मावनाय आरो गोसोआव मोन्दांनाय।
- गोसो जानाय आरो खामानि मावनाय । गोसो बिगियान Mc Dougall नि बादिब्ला गोसो जानाय एबा खामानि मावनाया सिगांग्रो उजिग्रोयो जायनि उनावसो बुजिमोन्नाय एबा मिथिनाय।
- मोन्दांनाय बिथिं। गोसोआरि मोन्दांथिया जेब्लायबो बुजिमोन्नाय एबा मिथिनायनि उनावसो फैयो।जायखौ Mc Dougall आरो बिनि सोलोंसाफोरा फोथायो।
बेफोरनि अनगायैबो आथिखालाव गोसो बिगियानगिरिफोरा मानसिनि थियारि आरो थियारि नङि गोसोफोरनि सायाव सावरायनायखौ जर होसिननायखौ नुनो मोन्दों।
सोंनाय-4. सोलोंथाइ आरो गोसो बिगियान मोननैबो सोमोन्दो दं। बाथ्राखौ सावरायना लिर?
फिननाय : सरासनस्रायै बुंनो थाङोब्ला सोलोंथाइ आरो गोसो बिगियान बे मोन्नैबो गावबा गाव उदा आखुथाइ थानाय आयदा। मोन्नैबो आयदाफोरा गावसोरनि थि नोजोर आरो मावबिथिंफोर दं। अब्लाबो बे मोननै आयदाफोरा गावजों गाव आंगो सोमोन्दोबो दं। गाहायाव बेसोरनि सोमोन्दोफोरखौ गुसुङै सावरायनाय जाबाय।
1.सानथौ बिगियाना सोलोंथाइनि थांखिफोर, बिथांखिफोर आरो बुंफुरलु दानायाव मदद खालामो । सोलोंथाइनि बै थांखिफोरखौ मोनफुंनायाव गोसो बिगियाना लामा दिन्थिना होयो ।
2.मोनफ्रोमबो सोलोंथाइ बिखान्थिफोरा गावबा गाव बुंफुरलु, खान्थि आरो सानस्त्रि थायो । गोसो बिगियाना सोलोंथाइ फोथाराव सोलोंथाइ सोलोंनाय, गोसोआव लाखिनाय, थुलुंगा, गियान आरो सुबुंधिनि सोमोन्दै फोरोंगिरिनो गियान होयो।
3.थाखो खथायाव फोरोंनाया सोलोंथाइनि मोनसे गुबै बाहागो। जायखौ फिथाइगोनां खालामनो फोरोंगिरिया सुबुं माहारिनि गुबुन गुबुन जौगानायनि थाखो, बैसो, बिसोरनि सोलो आरो गियानखौ गोसो बिगियाननिफ्रायसो बुथुमनो हायो।
4.थाखो खथाखौ थुलुंगाखां खालामना लाखिनाय फोरोंबिखान्थिनि एंगारहायि आखु । बे खामानिखौ मावफुंनो फोरोंगिरिया बायदि । रोखोमनि फोरोंनाय आदब आरो सोमोन्दो लाखिनायनि गोदान सोलो आरो गियानखौ गोसो बिगियानावसो मोननो हायो।
बेफोरनि अनगायैबो गोदान गोसो बिगियान बिखान्थियाव सोलोंसाफोरखौ आरो बिमा बिफाफोरखौ बोसोन आरो सुबुरुन होनायाव गोसो बिगियाना थोजासे मदद खालामो।
सोलोंथाइ फोथाराव गोसो बिगियाना सोलोंथाइयारि मावबिखान्थियाव हेफाजाब खालामनाय बायदि सोलोंथाइयाबो गोसो बिगियाननि सायाव थोजासे मदद खालामो । सोलोंथाइ गैयाब्ला गोसो बिगियाननि जौगानाय दालाइसाफोरखौ सावरायनो हाया। गोसो बिगियाननि माखासे नायबिजिरना मोन्नाय फिथाइफोरखौ बुहुमाव मिथिसार होनो सोलोंथाइया हेफाजाब खालामो। गोसो बिगियान आयदानि खाबु एबा नुस’हरनाय नोजोरखौ फुवारनायाव सोलोंथाइया हेफाजाब खालामो । लोगोसे बेयो गोसो बिगियाननि गोदान दालाइसाफोरखौ जौगानायाव हेफाजाब खालामदों। जैरै- गथ’ गोसो बिगियान, सोलोंथाइयारि गोसो बिगियान, देहायारि आरो मेलेमारि जुजिनाय गोसो बिगियान बायदि बायदि।
गोजौनि सावरायनायनिफ्राय बेयो रोखा जायो दि सोलोंथाइ आरो गोसो बिगियाना गावबा गाव उदां फरा आयदाब्लाबो गावसोरनि थांखि बिथांखिफोरखौ जाफुं होनाय आरो मोनफुंनायाव गावजोंगाव खाथि सोमोन्दो दं।
सुंद’ सोंथिनि फिननाय
सोंनाय – 1. गोसो बिगियान सोदोबा बबेनिफ्राय फैदों ?
फिननाय : गोसो बिगियान सोदोबा मोननै ग्रिक सोदोबनिफ्राय फैनाय, बेफोर- ‘Psyche’ आरो ‘Logos; । Psyche नि ओंथिया जाबाय जिउमा एबा Soul आरो Logos नि ओंथिया जाबाय सावरायनाय, देहेन खालामनाय आरो बिगियान। गुबुन रावआव गोसो बिगियाना जाबाय मानसिनि जिउमानि सोमोन्दै सावरायनाय, देहेन खालामनाय एबा बिगियान।
सोंनाय – 2. गोसो बिगियानखौ मानो बिगियान आखल-आखु बुङो?
फिननाय: गोसो बिगियानखौ आखल-आखुनि बिगियान होनना बुंनाय जायो । आखुथाइ बुङोब्ला बेखौनो फोरमायो बबेबा मोनसे थि थासारियाव सुबुडा फिननाय एबा फिनजाथाइ खालामनाय । बेयो देहायारि, मोदोमारि दोरोदनाय, मेलेमारि, गियान आरो आबेगारि मावबिथिंफोरखौ फोरमायो।
बेफोरनि अनगायैबो गोसो बिगियाना सुबुंनि थियारि आरो थियारि नङि गोसोनि आखुथाइफोरनि सोमोन्दै गुदि खिथा सावरायो। बेनिखायनो गोसो बिगियानखौ आखल आखुनि बिगियान होनना बुंनाय जायो।
सोंनाय-3. गोसो बिगियाननि नुहरसनाय नोजोरा जोबोद गुवार। बाथ्राखौ सावराय।
फिननाय: गोसो बिगियाना जाबाय गावनो उदाङै फरायसंजानाय गियाननि दालाइ जायहा गावनि आंगो नुहरसनाय नोजोर दं। बेनि नुहरसनाय नोजोरा जोबोद गुवार आरो गोथौ । सरासनस्रायै बेयो मानसिनि रोंगौथि आरो आखुथाइफोरनि सोमोन्दै गुवारै सावरायो। मानसिनि गुबुन गुबुन बिथाथियाव फिनजाथाइ खालामनाय जाहोनफोरखौ गोसो बिगियाना दिन्थिना होयो।
सुबुंनि मोनफ्रोमबो रोंगौथिफोरनि मावबिथिंखौ गाहाइयै मोनथाम बाहागोआव बोखावनाय जादों। बेफोर जाबाय-बुजिनाय एबा मिथिनाय, खामानि मावनाय आरो मोनदांनाय । बेफोरनि अनगायैबो गोसो बिगियाना मानसिनि थियारि आरो थियारि नङि गोसोआरि जेंना-जेंसि आरो बेफोरखौ सुस्रांनायनि लामाफोरखौ संदानना दिन्थियो । बेनिखायनो जों बुंनो हायोदि गोसो बिगियाननि नुहरस ‘नाय नोजोरा जोबोद गुवार आरो गोथौ।
सोंनाय-4. गोसो बिगियाननि मोननै दालाइसानि मुं लिर आरो बेफोरखौ सावराय।
फिननाय: गोसो बिगियाना गावनो उदां फरायसंजानाय मोनसे फरा आयदा । बेहा गोबां दालाइसाफोर दं, बेफोरनि मादाव गाहायाव मोननै दालाइसाफोरखौ मख ‘नाय जाबाय।
क) सोलोंथाइयारि गोसो बिगियान आरो
ख) जौगाखां गोसो बिगियान।
क) सोलोंथाइयारि गोसो बिगियान : सोलोंथाइयारि गोसो बिगियाना जाबाय मोनसे गोनांथार आरो मुंदांखा गोसो बिगियाननि दालाइसा।
सोलोंसाया जाबाय बे आयदानि मिरु बाहागो। सोलोंथाइया जेब्लाबो गथ’फोरनि आखु फोसाबनाय एबा सोलायनायाव नोजोर होयो । सोलोंथाइयारि गोसो बिगियाना सोलोंसाफोरनि जेंना आरो बेफोरनि सुखांनायनि लामाफोरखौबो दिन्थिना होयो । फिथाइगोनां सोलोंथाइयारि आबहावा दानायाव बे आयदाया थोजासे हेफाजाब खालामो।
ख) जौगाखां गोसो बिगियान : बे गोसो बिगियाना सासे सुबुंनि बिमानि गोरबोनिफ्राय जोनोम जानाय आरो थैनायसिम मोन्नाय गुबुन-गुबुन थाखोनि जौगानाय आरो बैसोफोरनि सोमोन्दै गुबैयै सावरायो । जौगाथाइ गोसो बिगियाना मानसिनि देरनाय लावनाय, सामजारि गुस्लायनाय आरो गोसो बिगिनारि सोलायनायनि सोमोन्दै गुवारै सावरायो।
नंगौ एबा नङा लिर
1)गोसो बिगियाना मोनसे दाजाबथा बिगियान।
फिन्नाय : नंगौ ।
2) गोसो बिगियाना सोलोंथाइनि थांखिखौ दिहुनो।
फिननाय : नङा।
3) गोसो बिगियानखौ बिगियाननि आखल-आखु बुंनाय जायो?
फिननाय : नंगौ।
4)गथ’ गोसो बिगियाना बोराइ बैसोनि आखल-आखुखौ सावरायो।
फिननाय नङा।
5) नायसोमसालि (Laboratory) माखान्थिया गोसो बिगियाननि सावरायनायाव गोनांथि गैया।
फिननाय : नंगौ ।
6) गोसो बिगियाना मोनसे ओंथि, बेयो सोलोंथाइनि जोबथा नङा।
फिननाय : नंगौ ।
7) गोसो बिगियान आरो सोलोंथाइ मोन्नैआ गोरोबथा थांखि बिथांखि दङ।
फिननाय : नङा ।
8) गोसो बिगियाना सोलोंथाइनि बुंफुरलुखौ दिहुनो।
फिननाय : नंगौ।
9) सोलोंथाइ आरो गोसो बिगियान मोननैबो फारागथि गोनां ।
फिननाय : नङा।
10) गोसो बिगियाना थियारि मेलेमनि बिथिखौल’ ( aspect ) सावरायो।
फिननाय : नङा।
11) गोसो बिगियाना थाखो खथानि आबहावाजों सोमोन्दो गैया।
फिननाय : नङा ।
12) गोसो बिगियाना फाग्ला आखलखौ बिजिरा।
फिननाय : नङा ।
13) गोसो बिगियाननि नुस ‘हरनाया गुसेब।
फिननाय नङा।
गाहायनि बाथ्राफोरखौ गोरोबहो
फिननाय :
| i) गोसो बिगियाना हेफाजाब खालामो | फरायसाफोरखौ बोसोन होनाय। |
| ii) सोलोंथाइयारि गोसो बिगियाना | बाहायथाइ गोसो बिगियाननि। |
| iii)सोखाथाइयारि गोसो बिगियाना हेफाजाब खालामो | गोसोनि बेले-बेजे दाथायखौबुजिनो। |
| iv) जिडाइनजौ जौथाइयाव गोसो बिगियाना बुंथिजादोंमोन | गोसोनि सावरायनाय होनना। |
| v)सुबुंनि रोंगौथिया | गावआरि आखुथाइनि। |
उफेरा सोंनायनि फिननाय
A. 1. गोसो बिगियान सोदोबा बबे मोननै ग्रिक सोदोबनिफ्राय
सोमजिदोंमोन ?
फिननाय : ‘Psyche’ आरो ‘Logos’ ।
B. लांदां जायगा आबुं खालाम
सोंनाय – 1. सेथियाव गोसो बिगियानखौ……….होनना सानना लादोंमोन।
फिननाय : जिउमानि बिगियान (Science of Soul or Atma)।
सोंनाय – 2. आथिखालाव गोसो बिगियानखौ………. बिगियान होनना सानना लानाय जायो।
फिननाय : आखल आखुनि।
सोंनाय-3. गोदान गोसो बिगियाना………….मिरु।
फिननाय : गथ’।
सोंनाय-4. सोलोंथाइ आरो गोसो बिगियाना गावजों गाव………..नङा नाथाय…………..।
फिननाय : हेंथा, सुफुंलायग्रा।
Please answer sir .